| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. агусалараасисуд̇д̇ам̣
5. Akusalarāsisuttaṃ
371. саавад̇т̇инид̣̇аанам̣ . д̇ад̇ра ко бхаг̇аваа зд̇ад̣̇авожа – ‘‘‘агусалараасий’д̇и, бхигкавз, вад̣̇амаано бан̃жа нийваран̣з саммаа вад̣̇амаано вад̣̇зяяа. гзвало хааяам̣, бхигкавз, агусаларааси, яад̣̇ид̣̇ам̣ – бан̃жа нийваран̣аа. гад̇амз бан̃жа? гаамажчанд̣̇анийваран̣ам̣ , б̣яаабаад̣̇анийваран̣ам̣, т̇инамид̣̇д̇ханийваран̣ам̣, уд̣̇д̇хажжагуггужжанийваран̣ам̣, вижигижчаанийваран̣ам̣. ‘агусалараасий’д̇и, бхигкавз, вад̣̇амаано имз бан̃жа нийваран̣з саммаа вад̣̇амаано вад̣̇зяяа. гзвало хааяам̣, бхигкавз, агусаларааси, яад̣̇ид̣̇ам̣ – бан̃жа нийваран̣аа.
371. Sāvatthinidānaṃ . Tatra kho bhagavā etadavoca – ‘‘‘akusalarāsī’ti, bhikkhave, vadamāno pañca nīvaraṇe sammā vadamāno vadeyya. Kevalo hāyaṃ, bhikkhave, akusalarāsi, yadidaṃ – pañca nīvaraṇā. Katame pañca? Kāmacchandanīvaraṇaṃ , byāpādanīvaraṇaṃ, thinamiddhanīvaraṇaṃ, uddhaccakukkuccanīvaraṇaṃ, vicikicchānīvaraṇaṃ. ‘Akusalarāsī’ti, bhikkhave, vadamāno ime pañca nīvaraṇe sammā vadamāno vadeyya. Kevalo hāyaṃ, bhikkhave, akusalarāsi, yadidaṃ – pañca nīvaraṇā.
‘‘‘гусалараасий’д̇и, бхигкавз, вад̣̇амаано жад̇д̇ааро сад̇ибадтаанз саммаа вад̣̇амаано вад̣̇зяяа. гзвало хааяам̣, бхигкавз, гусаларааси, яад̣̇ид̣̇ам̣ – жад̇д̇ааро сад̇ибадтаанаа. гад̇амз жад̇д̇ааро? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ . ‘гусалараасий’д̇и, бхигкавз, вад̣̇амаано имз жад̇д̇ааро сад̇ибадтаанз саммаа вад̣̇амаано вад̣̇зяяа. гзвало хааяам̣, бхигкавз, гусаларааси, яад̣̇ид̣̇ам̣ – жад̇д̇ааро сад̇ибадтаанаа’’д̇и. бан̃жамам̣.
‘‘‘Kusalarāsī’ti, bhikkhave, vadamāno cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ . ‘Kusalarāsī’ti, bhikkhave, vadamāno ime cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā’’ti. Pañcamaṃ.
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. агусалараасисуд̇д̇аван̣н̣анаа • 5. Akusalarāsisuttavaṇṇanā
