| Library / Tipiṭaka / તિપિટક • Tipiṭaka / ધમ્મસઙ્ગણિ-અટ્ઠકથા • Dhammasaṅgaṇi-aṭṭhakathā |
અકુસલવિપાકકથા
Akusalavipākakathā
૫૫૬. ઇતો પરાનિ અકુસલવિપાકાનિ – પઞ્ચ ચક્ખુસોતઘાનજિવ્હાકાયવિઞ્ઞાણાનિ, એકા મનોધાતુ, એકા મનોવિઞ્ઞાણધાતૂતિ ઇમાનિ સત્ત ચિત્તાનિ – પાળિતો ચ અત્થતો ચ હેટ્ઠા વુત્તેહિ તાદિસેહેવ કુસલવિપાકચિત્તેહિ સદિસાનિ.
556. Ito parāni akusalavipākāni – pañca cakkhusotaghānajivhākāyaviññāṇāni, ekā manodhātu, ekā manoviññāṇadhātūti imāni satta cittāni – pāḷito ca atthato ca heṭṭhā vuttehi tādiseheva kusalavipākacittehi sadisāni.
કેવલઞ્હિ તાનિ કુસલકમ્મપચ્ચયાનિ ઇમાનિ અકુસલકમ્મપચ્ચયાનિ. તાનિ ચ ઇટ્ઠઇટ્ઠમજ્ઝત્તેસુ આરમ્મણેસુ વત્તન્તિ, ઇમાનિ અનિટ્ઠઅનિટ્ઠમજ્ઝત્તેસુ. તત્થ ચ સુખસહગતં કાયવિઞ્ઞાણં, ઇધ દુક્ખસહગતં . તત્થ ચ ઉપેક્ખાસહગતા મનોવિઞ્ઞાણધાતુ મનુસ્સેસુ જચ્ચન્ધાદીનં પટિસન્ધિં આદિં કત્વા પઞ્ચસુ ઠાનેસુ વિપચ્ચતિ. ઇધ પન એકાદસવિધેનાપિ અકુસલચિત્તેન કમ્મે આયૂહિતે કમ્મકમ્મનિમિત્તગતિનિમિત્તેસુ અઞ્ઞતરં આરમ્મણં કત્વા ચતૂસુ અપાયેસુ પટિસન્ધિ હુત્વા વિપચ્ચતિ; દુતિયવારતો પટ્ઠાય યાવતાયુકં ભવઙ્ગં હુત્વા, અનિટ્ઠઅનિટ્ઠમજ્ઝત્તારમ્મણાય પઞ્ચવિઞ્ઞાણવીથિયા સન્તીરણં હુત્વા, બલવારમ્મણે છસુ દ્વારેસુ તદારમ્મણં હુત્વા, મરણકાલે ચુતિ હુત્વાતિ, એવં પઞ્ચસુ એવ ઠાનેસુ વિપચ્ચતીતિ.
Kevalañhi tāni kusalakammapaccayāni imāni akusalakammapaccayāni. Tāni ca iṭṭhaiṭṭhamajjhattesu ārammaṇesu vattanti, imāni aniṭṭhaaniṭṭhamajjhattesu. Tattha ca sukhasahagataṃ kāyaviññāṇaṃ, idha dukkhasahagataṃ . Tattha ca upekkhāsahagatā manoviññāṇadhātu manussesu jaccandhādīnaṃ paṭisandhiṃ ādiṃ katvā pañcasu ṭhānesu vipaccati. Idha pana ekādasavidhenāpi akusalacittena kamme āyūhite kammakammanimittagatinimittesu aññataraṃ ārammaṇaṃ katvā catūsu apāyesu paṭisandhi hutvā vipaccati; dutiyavārato paṭṭhāya yāvatāyukaṃ bhavaṅgaṃ hutvā, aniṭṭhaaniṭṭhamajjhattārammaṇāya pañcaviññāṇavīthiyā santīraṇaṃ hutvā, balavārammaṇe chasu dvāresu tadārammaṇaṃ hutvā, maraṇakāle cuti hutvāti, evaṃ pañcasu eva ṭhānesu vipaccatīti.
અકુસલવિપાકકથા નિટ્ઠિતા.
Akusalavipākakathā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધમ્મસઙ્ગણીપાળિ • Dhammasaṅgaṇīpāḷi / અકુસલવિપાકઅબ્યાકતં • Akusalavipākaabyākataṃ
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / ધમ્મસઙ્ગણી-મૂલટીકા • Dhammasaṅgaṇī-mūlaṭīkā / અકુસલવિપાકકથાવણ્ણના • Akusalavipākakathāvaṇṇanā
