| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. அலப்³ப⁴னீயடா²னஸுத்தவண்ணனா
8. Alabbhanīyaṭhānasuttavaṇṇanā
48. அட்ட²மே அலப்³ப⁴னீயானீதி அலத்³த⁴ப்³பா³னி, ந ஸக்கா லபி⁴துங். டா²னானீதி காரணானி. ஜராத⁴ம்மங் மா ஜீரீதி யங் மய்ஹங் ஜராஸபா⁴வங், தங் மா ஜீரது. ஸேஸபதே³ஸுபி ஏஸேவ நயோ. நச்சா²தெ³ய்யாதி ந ருச்செய்ய. அப்³பு³ஹீதி நீஹரி.
48. Aṭṭhame alabbhanīyānīti aladdhabbāni, na sakkā labhituṃ. Ṭhānānīti kāraṇāni. Jarādhammaṃ mā jīrīti yaṃ mayhaṃ jarāsabhāvaṃ, taṃ mā jīratu. Sesapadesupi eseva nayo. Nacchādeyyāti na rucceyya. Abbuhīti nīhari.
யதோதி யஸ்மிங் காலே. ஆபதா³ஸூதி உபத்³த³வேஸு. ந வேத⁴தீதி ந கம்பதி நானுஸோசதி. அத்த²வினிச்ச²யஞ்ஞூதி காரணத்த²வினிச்ச²யே குஸலோ. புராணந்தி நிப்³பி³காரதாய போராணகமேவ. ஜப்பேனாதி வண்ணப⁴ணனேன. மந்தேனாதி மஹானுபா⁴வமந்தபரிவத்தனேன. ஸுபா⁴ஸிதேனாதி ஸுபா⁴ஸிதகத²னேன. அனுப்பதா³னேனாதி ஸதஸ்ஸ வா ஸஹஸ்ஸஸ்ஸ வா தா³னேன. பவேணியா வாதி குலவங்ஸேன வா, ‘‘இத³ங் அம்ஹாகங் பவேணியா ஆசிண்ணங், இத³ங் அனாசிண்ண’’ந்தி ஏவங் பவேணிகத²னேனாதி அத்தோ². யதா² யதா² யத்த² லபே⁴த² அத்த²ந்தி ஏதேஸு ஜப்பாதீ³ஸு யேன யேன யத்த² யத்த² டா²னே ஜராத⁴ம்மாதீ³னங் அஜீரணதாதி³அத்த²ங் லபெ⁴ய்ய. ததா² ததா² தத்த² பரக்கமெய்யாதி தேன தேன தஸ்மிங் தஸ்மிங் டா²னே பரக்கமங் கரெய்ய. கம்மங் த³ள்ஹந்தி வட்டகா³மிகம்மங் மயா தி²ரங் கத்வா ஆயூஹிதங், ஸ்வாஹங் இதா³னி கிந்தி கரோமீதி ஏவங் பச்சவெக்கி²த்வா அதி⁴வாஸெய்யாதி.
Yatoti yasmiṃ kāle. Āpadāsūti upaddavesu. Na vedhatīti na kampati nānusocati. Atthavinicchayaññūti kāraṇatthavinicchaye kusalo. Purāṇanti nibbikāratāya porāṇakameva. Jappenāti vaṇṇabhaṇanena. Mantenāti mahānubhāvamantaparivattanena. Subhāsitenāti subhāsitakathanena. Anuppadānenāti satassa vā sahassassa vā dānena. Paveṇiyāvāti kulavaṃsena vā, ‘‘idaṃ amhākaṃ paveṇiyā āciṇṇaṃ, idaṃ anāciṇṇa’’nti evaṃ paveṇikathanenāti attho. Yathā yathā yattha labhetha atthanti etesu jappādīsu yena yena yattha yattha ṭhāne jarādhammādīnaṃ ajīraṇatādiatthaṃ labheyya. Tathā tathā tattha parakkameyyāti tena tena tasmiṃ tasmiṃ ṭhāne parakkamaṃ kareyya. Kammaṃ daḷhanti vaṭṭagāmikammaṃ mayā thiraṃ katvā āyūhitaṃ, svāhaṃ idāni kinti karomīti evaṃ paccavekkhitvā adhivāseyyāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. அலப்³ப⁴னீயடா²னஸுத்தங் • 8. Alabbhanīyaṭhānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-8. த⁴னஸுத்தாதி³வண்ணனா • 7-8. Dhanasuttādivaṇṇanā
