| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. алаг̇ад̣̇д̣̇уубамасуд̇д̇ам̣
2. Alagaddūpamasuttaṃ
234. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна аридтасса наама бхигкуно г̇ад̣̇д̇хаб̣аад̇хибуб̣б̣асса 1 зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’д̇и. ассосум̣ ко самб̣ахулаа бхигкуу – ‘‘аридтасса гира наама бхигкуно г̇ад̣̇д̇хаб̣аад̇хибуб̣б̣асса зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и. ат̇а ко д̇з бхигкуу язна аридто бхигку г̇ад̣̇д̇хаб̣аад̇хибуб̣б̣о д̇знубасан̇гамим̣су; убасан̇гамид̇ваа аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇ад̣̇авожум̣ – ‘‘сажжам̣ гира д̇з, аавусо аридта, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и. ‘‘звам̣б̣яаако 2 ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’д̇и.
234. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena ariṭṭhassa nāma bhikkhuno gaddhabādhipubbassa 3 evarūpaṃ pāpakaṃ diṭṭhigataṃ uppannaṃ hoti – ‘‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’ti. Assosuṃ kho sambahulā bhikkhū – ‘‘ariṭṭhassa kira nāma bhikkhuno gaddhabādhipubbassa evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti. Atha kho te bhikkhū yena ariṭṭho bhikkhu gaddhabādhipubbo tenupasaṅkamiṃsu; upasaṅkamitvā ariṭṭhaṃ bhikkhuṃ gaddhabādhipubbaṃ etadavocuṃ – ‘‘saccaṃ kira te, āvuso ariṭṭha, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti. ‘‘Evaṃbyākho 4 ahaṃ, āvuso, bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’ti.
ат̇а ко д̇зби бхигкуу аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇асмаа баабагаа д̣̇идтиг̇ад̇аа вивзжзд̇угаамаа самануяун̃ж̇анд̇и самануг̇ааханд̇и 5 саманубхаасанд̇и – ‘‘маа хзвам̣, аавусо аридта, аважа, маа бхаг̇аванд̇ам̣ аб̣бхаажигки; на хи саад̇ху бхаг̇авад̇о аб̣бхагкаанам̣ 6, на хи бхаг̇аваа звам̣ вад̣̇зяяа. анзгабарияааязнаавусо аридта, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа, алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа,аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа бхаг̇авад̇аа…бз… мам̣сабзсуубамаа гаамаа вуд̇д̇аа бхаг̇авад̇аа… д̇ин̣уггуубамаа гаамаа вуд̇д̇аа бхаг̇авад̇аа… ан̇г̇аарагаасуубамаа гаамаа вуд̇д̇аа бхаг̇авад̇аа… субинагуубамаа гаамаа вуд̇д̇аа бхаг̇авад̇аа… яаажид̇агуубамаа гаамаа вуд̇д̇аа бхаг̇авад̇аа… ругкапалуубамаа гаамаа вуд̇д̇аа бхаг̇авад̇аа… асисуунуубамаа гаамаа вуд̇д̇аа бхаг̇авад̇аа… сад̇д̇исуулуубамаа гаамаа вуд̇д̇аа бхаг̇авад̇аа… саббасируубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’’д̇и. звамби ко аридто бхигку г̇ад̣̇д̇хаб̣аад̇хибуб̣б̣о д̇зхи бхигкуухи самануяун̃ж̇ияамаано самануг̇аахияамаано 7 саманубхаасияамаано д̇ад̣̇зва 8 баабагам̣ д̣̇идтиг̇ад̇ам̣ т̇аамасаа бараамаасаа абхинивисса вохарад̇и – ‘‘звам̣б̣яаако ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’д̇и.
Atha kho tepi bhikkhū ariṭṭhaṃ bhikkhuṃ gaddhabādhipubbaṃ etasmā pāpakā diṭṭhigatā vivecetukāmā samanuyuñjanti samanugāhanti 9 samanubhāsanti – ‘‘mā hevaṃ, āvuso ariṭṭha, avaca, mā bhagavantaṃ abbhācikkhi; na hi sādhu bhagavato abbhakkhānaṃ 10, na hi bhagavā evaṃ vadeyya. Anekapariyāyenāvuso ariṭṭha, antarāyikā dhammā antarāyikā vuttā bhagavatā, alañca pana te paṭisevato antarāyāya. Appassādā kāmā vuttā bhagavatā bahudukkhā bahupāyāsā,ādīnavo ettha bhiyyo. Aṭṭhikaṅkalūpamā kāmā vuttā bhagavatā…pe… maṃsapesūpamā kāmā vuttā bhagavatā… tiṇukkūpamā kāmā vuttā bhagavatā… aṅgārakāsūpamā kāmā vuttā bhagavatā… supinakūpamā kāmā vuttā bhagavatā… yācitakūpamā kāmā vuttā bhagavatā… rukkhaphalūpamā kāmā vuttā bhagavatā… asisūnūpamā kāmā vuttā bhagavatā… sattisūlūpamā kāmā vuttā bhagavatā… sappasirūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’’ti. Evampi kho ariṭṭho bhikkhu gaddhabādhipubbo tehi bhikkhūhi samanuyuñjiyamāno samanugāhiyamāno 11 samanubhāsiyamāno tadeva 12 pāpakaṃ diṭṭhigataṃ thāmasā parāmāsā abhinivissa voharati – ‘‘evaṃbyākho ahaṃ, āvuso, bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’ti.
235. яад̇о ко д̇з бхигкуу наасагким̣су аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇асмаа баабагаа д̣̇идтиг̇ад̇аа вивзжзд̇ум̣, ат̇а ко д̇з бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘аридтасса наама, бханд̇з, бхигкуно г̇ад̣̇д̇хаб̣аад̇хибуб̣б̣асса зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’д̇и. ассумха ко маяам̣, бханд̇з – ‘аридтасса гира наама бхигкуно г̇ад̣̇д̇хаб̣аад̇хибуб̣б̣асса зваруубам̣ баабагам̣ д̣̇идтиг̇ад̇ам̣ уббаннам̣ – д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’д̇и. ат̇а ко маяам̣, бханд̇з, язна аридто бхигку г̇ад̣̇д̇хаб̣аад̇хибуб̣б̣о д̇знубасан̇гамимха; убасан̇гамид̇ваа аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇ад̣̇авожумха – ‘сажжам̣ гира д̇з, аавусо аридта, зваруубам̣ баабагам̣ д̣̇идтиг̇ад̇ам̣ уббаннам̣ – д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’д̇и?
235. Yato kho te bhikkhū nāsakkhiṃsu ariṭṭhaṃ bhikkhuṃ gaddhabādhipubbaṃ etasmā pāpakā diṭṭhigatā vivecetuṃ, atha kho te bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘ariṭṭhassa nāma, bhante, bhikkhuno gaddhabādhipubbassa evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’ti. Assumha kho mayaṃ, bhante – ‘ariṭṭhassa kira nāma bhikkhuno gaddhabādhipubbassa evarūpaṃ pāpakaṃ diṭṭhigataṃ uppannaṃ – tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’ti. Atha kho mayaṃ, bhante, yena ariṭṭho bhikkhu gaddhabādhipubbo tenupasaṅkamimha; upasaṅkamitvā ariṭṭhaṃ bhikkhuṃ gaddhabādhipubbaṃ etadavocumha – ‘saccaṃ kira te, āvuso ariṭṭha, evarūpaṃ pāpakaṃ diṭṭhigataṃ uppannaṃ – tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’ti?
‘‘звам̣ вуд̇д̇з, бханд̇з, аридто бхигку г̇ад̣̇д̇хаб̣аад̇хибуб̣б̣о амхз зд̇ад̣̇авожа – ‘звам̣б̣яаако ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’д̇и. ат̇а ко маяам̣, бханд̇з, аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇асмаа баабагаа д̣̇идтиг̇ад̇аа вивзжзд̇угаамаа самануяун̃ж̇имха самануг̇аахимха саманубхаасимха – ‘маа хзвам̣, аавусо аридта, аважа, маа бхаг̇аванд̇ам̣ аб̣бхаажигки; на хи саад̇ху бхаг̇авад̇о аб̣бхагкаанам̣ , на хи бхаг̇аваа звам̣ вад̣̇зяяа. анзгабарияааязнаавусо аридта, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа, алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа бхаг̇авад̇аа…бз… саббасируубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’д̇и. звамби ко, бханд̇з, аридто бхигку г̇ад̣̇д̇хаб̣аад̇хибуб̣б̣о амхзхи самануяун̃ж̇ияамаано самануг̇аахияамаано саманубхаасияамаано д̇ад̣̇зва баабагам̣ д̣̇идтиг̇ад̇ам̣ т̇аамасаа бараамаасаа абхинивисса вохарад̇и – ‘звам̣б̣яаако ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’д̇и. яад̇о ко маяам̣, бханд̇з, наасагкимха аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇асмаа баабагаа д̣̇идтиг̇ад̇аа вивзжзд̇ум̣, ат̇а маяам̣ зд̇амад̇т̇ам̣ бхаг̇авад̇о аарожзмаа’’д̇и.
‘‘Evaṃ vutte, bhante, ariṭṭho bhikkhu gaddhabādhipubbo amhe etadavoca – ‘evaṃbyākho ahaṃ, āvuso, bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’ti. Atha kho mayaṃ, bhante, ariṭṭhaṃ bhikkhuṃ gaddhabādhipubbaṃ etasmā pāpakā diṭṭhigatā vivecetukāmā samanuyuñjimha samanugāhimha samanubhāsimha – ‘mā hevaṃ, āvuso ariṭṭha, avaca, mā bhagavantaṃ abbhācikkhi; na hi sādhu bhagavato abbhakkhānaṃ , na hi bhagavā evaṃ vadeyya. Anekapariyāyenāvuso ariṭṭha, antarāyikā dhammā antarāyikā vuttā bhagavatā, alañca pana te paṭisevato antarāyāya. Appassādā kāmā vuttā bhagavatā bahudukkhā bahupāyāsā, ādīnavo ettha bhiyyo. Aṭṭhikaṅkalūpamā kāmā vuttā bhagavatā…pe… sappasirūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti. Evampi kho, bhante, ariṭṭho bhikkhu gaddhabādhipubbo amhehi samanuyuñjiyamāno samanugāhiyamāno samanubhāsiyamāno tadeva pāpakaṃ diṭṭhigataṃ thāmasā parāmāsā abhinivissa voharati – ‘evaṃbyākho ahaṃ, āvuso, bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’ti. Yato kho mayaṃ, bhante, nāsakkhimha ariṭṭhaṃ bhikkhuṃ gaddhabādhipubbaṃ etasmā pāpakā diṭṭhigatā vivecetuṃ, atha mayaṃ etamatthaṃ bhagavato ārocemā’’ti.
236. ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ ааманд̇зхи – ‘сад̇т̇аа д̇ам̣, аавусо аридта, ааманд̇зд̇ий’’’д̇и. ‘‘звам̣ , бханд̇з’’д̇и ко со бхигку бхаг̇авад̇о бадиссуд̇ваа, язна аридто бхигку г̇ад̣̇д̇хаб̣аад̇хибуб̣б̣о д̇знубасан̇гами; убасан̇гамид̇ваа аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇ад̣̇авожа – ‘‘сад̇т̇аа д̇ам̣, аавусо аридта, ааманд̇зд̇ий’’д̇и. ‘‘звамаавусо’’д̇и ко аридто бхигку г̇ад̣̇д̇хаб̣аад̇хибуб̣б̣о д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ бхаг̇аваа зд̇ад̣̇авожа – ‘‘сажжам̣ гира д̇з, аридта, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и?
236. Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena ariṭṭhaṃ bhikkhuṃ gaddhabādhipubbaṃ āmantehi – ‘satthā taṃ, āvuso ariṭṭha, āmantetī’’’ti. ‘‘Evaṃ , bhante’’ti kho so bhikkhu bhagavato paṭissutvā, yena ariṭṭho bhikkhu gaddhabādhipubbo tenupasaṅkami; upasaṅkamitvā ariṭṭhaṃ bhikkhuṃ gaddhabādhipubbaṃ etadavoca – ‘‘satthā taṃ, āvuso ariṭṭha, āmantetī’’ti. ‘‘Evamāvuso’’ti kho ariṭṭho bhikkhu gaddhabādhipubbo tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho ariṭṭhaṃ bhikkhuṃ gaddhabādhipubbaṃ bhagavā etadavoca – ‘‘saccaṃ kira te, ariṭṭha, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti?
‘‘звам̣б̣яаако ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами – ‘яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и. ‘‘гасса ко наама д̇вам̣, могхабуриса, маяаа звам̣ д̇хаммам̣ д̣̇зсид̇ам̣ ааж̇аанааси? нану маяаа, могхабуриса, анзгабарияааязна анд̇арааяигаа д̇хаммаа анд̇арааяигаа вуд̇д̇аа? алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа маяаа, б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа маяаа… мам̣сабзсуубамаа гаамаа вуд̇д̇аа маяаа… д̇ин̣уггуубамаа гаамаа вуд̇д̇аа маяаа… ан̇г̇аарагаасуубамаа гаамаа вуд̇д̇аа маяаа… субинагуубамаа гаамаа вуд̇д̇аа маяаа… яаажид̇агуубамаа гаамаа вуд̇д̇аа маяаа… ругкапалуубамаа гаамаа вуд̇д̇аа маяаа… асисуунуубамаа гаамаа вуд̇д̇аа маяаа… сад̇д̇исуулуубамаа гаамаа вуд̇д̇аа маяаа… саббасируубамаа гаамаа вуд̇д̇аа маяаа, б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. ат̇а жа бана д̇вам̣, могхабуриса, ад̇д̇анаа д̣̇уг̇г̇ахид̇зна амхз жзва аб̣бхаажигкаси, ад̇д̇аанан̃жа канаси, б̣ахун̃жа абун̃н̃ам̣ басаваси. д̇ан̃хи д̇з, могхабуриса, бхависсад̇и д̣̇ийгхарад̇д̇ам̣ ахид̇ааяа д̣̇угкааяаа’’д̇и.
‘‘Evaṃbyākho ahaṃ, bhante, bhagavatā dhammaṃ desitaṃ ājānāmi – ‘yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti. ‘‘Kassa kho nāma tvaṃ, moghapurisa, mayā evaṃ dhammaṃ desitaṃ ājānāsi? Nanu mayā, moghapurisa, anekapariyāyena antarāyikā dhammā antarāyikā vuttā? Alañca pana te paṭisevato antarāyāya. Appassādā kāmā vuttā mayā, bahudukkhā bahupāyāsā, ādīnavo ettha bhiyyo. Aṭṭhikaṅkalūpamā kāmā vuttā mayā… maṃsapesūpamā kāmā vuttā mayā… tiṇukkūpamā kāmā vuttā mayā… aṅgārakāsūpamā kāmā vuttā mayā… supinakūpamā kāmā vuttā mayā… yācitakūpamā kāmā vuttā mayā… rukkhaphalūpamā kāmā vuttā mayā… asisūnūpamā kāmā vuttā mayā… sattisūlūpamā kāmā vuttā mayā… sappasirūpamā kāmā vuttā mayā, bahudukkhā bahupāyāsā, ādīnavo ettha bhiyyo. Atha ca pana tvaṃ, moghapurisa, attanā duggahitena amhe ceva abbhācikkhasi, attānañca khanasi, bahuñca apuññaṃ pasavasi. Tañhi te, moghapurisa, bhavissati dīgharattaṃ ahitāya dukkhāyā’’ti.
ат̇а ко бхаг̇аваа бхигкуу ааманд̇зси – ‘‘д̇ам̣ гим̣ ман̃н̃ат̇а, бхигкавз, аби нааяам̣ аридто бхигку г̇ад̣̇д̇хаб̣аад̇хибуб̣б̣о усмийгад̇оби имасмим̣ д̇хаммавинаяз’’д̇и? ‘‘гин̃хи 13 сияаа, бханд̇з; но хзд̇ам̣, бханд̇з’’д̇и. звам̣ вуд̇д̇з, аридто бхигку г̇ад̣̇д̇хаб̣аад̇хибуб̣б̣о д̇ун̣хийбхууд̇о ман̇губхууд̇о бад̇д̇агканд̇хо ад̇хомуко баж̇жхааяанд̇о аббадибхаано нисийд̣̇и. ат̇а ко бхаг̇аваа аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ д̇ун̣хийбхууд̇ам̣ ман̇губхууд̇ам̣ бад̇д̇агканд̇хам̣ ад̇хомукам̣ баж̇жхааяанд̇ам̣ аббадибхаанам̣ вид̣̇ид̇ваа аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇ад̣̇авожа – ‘‘бан̃н̃ааяиссаси ко д̇вам̣, могхабуриса, зд̇зна сагзна баабагзна д̣̇идтиг̇ад̇зна. ид̇хаахам̣ бхигкуу бадибужчиссаамий’’д̇и.
Atha kho bhagavā bhikkhū āmantesi – ‘‘taṃ kiṃ maññatha, bhikkhave, api nāyaṃ ariṭṭho bhikkhu gaddhabādhipubbo usmīkatopi imasmiṃ dhammavinaye’’ti? ‘‘Kiñhi 14 siyā, bhante; no hetaṃ, bhante’’ti. Evaṃ vutte, ariṭṭho bhikkhu gaddhabādhipubbo tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi. Atha kho bhagavā ariṭṭhaṃ bhikkhuṃ gaddhabādhipubbaṃ tuṇhībhūtaṃ maṅkubhūtaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā ariṭṭhaṃ bhikkhuṃ gaddhabādhipubbaṃ etadavoca – ‘‘paññāyissasi kho tvaṃ, moghapurisa, etena sakena pāpakena diṭṭhigatena. Idhāhaṃ bhikkhū paṭipucchissāmī’’ti.
237. ат̇а ко бхаг̇аваа бхигкуу ааманд̇зси – ‘‘д̇умхзби мз, бхигкавз , звам̣ д̇хаммам̣ д̣̇зсид̇ам̣ ааж̇аанаат̇а яат̇ааяам̣ аридто бхигку г̇ад̣̇д̇хаб̣аад̇хибуб̣б̣о ад̇д̇анаа д̣̇уг̇г̇ахид̇зна амхз жзва аб̣бхаажигкад̇и, ад̇д̇аанан̃жа канад̇и, б̣ахун̃жа абун̃н̃ам̣ басавад̇ий’’д̇и? ‘‘но хзд̇ам̣, бханд̇з. анзгабарияааязна хи но, бханд̇з, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа; алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа бхаг̇авад̇аа…бз… саббасируубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа , аад̣̇ийнаво зд̇т̇а бхияяо’’д̇и. ‘‘саад̇ху саад̇ху, бхигкавз, саад̇ху, ко мз д̇умхз, бхигкавз, звам̣ д̇хаммам̣ д̣̇зсид̇ам̣ ааж̇аанаат̇а. анзгабарияааязна хи ко, бхигкавз, анд̇арааяигаа д̇хаммаа вуд̇д̇аа маяаа, алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа маяаа , б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа маяаа…бз… саббасируубамаа гаамаа вуд̇д̇аа маяаа, б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. ат̇а жа банааяам̣ аридто бхигку г̇ад̣̇д̇хаб̣аад̇хибуб̣б̣о ад̇д̇анаа д̣̇уг̇г̇ахид̇зна амхз жзва аб̣бхаажигкад̇и, ад̇д̇аанан̃жа канад̇и, б̣ахун̃жа абун̃н̃ам̣ басавад̇и. д̇ан̃хи д̇асса могхабурисасса бхависсад̇и д̣̇ийгхарад̇д̇ам̣ ахид̇ааяа д̣̇угкааяа. со вад̇а, бхигкавз, ан̃н̃ад̇рзва гаамзхи ан̃н̃ад̇ра гаамасан̃н̃ааяа ан̃н̃ад̇ра гаамавид̇аггзхи гаамз бадисзвиссад̇ийд̇и – нзд̇ам̣ таанам̣ виж̇ж̇ад̇и’’.
237. Atha kho bhagavā bhikkhū āmantesi – ‘‘tumhepi me, bhikkhave , evaṃ dhammaṃ desitaṃ ājānātha yathāyaṃ ariṭṭho bhikkhu gaddhabādhipubbo attanā duggahitena amhe ceva abbhācikkhati, attānañca khanati, bahuñca apuññaṃ pasavatī’’ti? ‘‘No hetaṃ, bhante. Anekapariyāyena hi no, bhante, antarāyikā dhammā antarāyikā vuttā bhagavatā; alañca pana te paṭisevato antarāyāya. Appassādā kāmā vuttā bhagavatā bahudukkhā bahupāyāsā, ādīnavo ettha bhiyyo. Aṭṭhikaṅkalūpamā kāmā vuttā bhagavatā…pe… sappasirūpamā kāmā vuttā bhagavatā bahudukkhā bahupāyāsā , ādīnavo ettha bhiyyo’’ti. ‘‘Sādhu sādhu, bhikkhave, sādhu, kho me tumhe, bhikkhave, evaṃ dhammaṃ desitaṃ ājānātha. Anekapariyāyena hi kho, bhikkhave, antarāyikā dhammā vuttā mayā, alañca pana te paṭisevato antarāyāya. Appassādā kāmā vuttā mayā , bahudukkhā bahupāyāsā, ādīnavo ettha bhiyyo. Aṭṭhikaṅkalūpamā kāmā vuttā mayā…pe… sappasirūpamā kāmā vuttā mayā, bahudukkhā bahupāyāsā, ādīnavo ettha bhiyyo. Atha ca panāyaṃ ariṭṭho bhikkhu gaddhabādhipubbo attanā duggahitena amhe ceva abbhācikkhati, attānañca khanati, bahuñca apuññaṃ pasavati. Tañhi tassa moghapurisassa bhavissati dīgharattaṃ ahitāya dukkhāya. So vata, bhikkhave, aññatreva kāmehi aññatra kāmasaññāya aññatra kāmavitakkehi kāme paṭisevissatīti – netaṃ ṭhānaṃ vijjati’’.
238. ‘‘ид̇ха, бхигкавз, згажжз могхабурисаа д̇хаммам̣ барияаабун̣анд̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇з д̇ам̣ д̇хаммам̣ барияаабун̣ид̇ваа д̇зсам̣ д̇хаммаанам̣ бан̃н̃ааяа ад̇т̇ам̣ на убабаригканд̇и. д̇зсам̣ д̇з д̇хаммаа бан̃н̃ааяа ад̇т̇ам̣ анубабаригкад̇ам̣ на ниж̇жхаанам̣ каманд̇и. д̇з убаарамбхаанисам̣саа жзва д̇хаммам̣ барияаабун̣анд̇и ид̇иваад̣̇аббамогкаанисам̣саа жа. яасса жад̇т̇ааяа д̇хаммам̣ барияаабун̣анд̇и д̇ан̃жасса ад̇т̇ам̣ наанубхонд̇и. д̇зсам̣ д̇з д̇хаммаа д̣̇уг̇г̇ахид̇аа д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇уг̇г̇ахид̇ад̇д̇аа, бхигкавз, д̇хаммаанам̣.
238. ‘‘Idha, bhikkhave, ekacce moghapurisā dhammaṃ pariyāpuṇanti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Te taṃ dhammaṃ pariyāpuṇitvā tesaṃ dhammānaṃ paññāya atthaṃ na upaparikkhanti. Tesaṃ te dhammā paññāya atthaṃ anupaparikkhataṃ na nijjhānaṃ khamanti. Te upārambhānisaṃsā ceva dhammaṃ pariyāpuṇanti itivādappamokkhānisaṃsā ca. Yassa catthāya dhammaṃ pariyāpuṇanti tañcassa atthaṃ nānubhonti. Tesaṃ te dhammā duggahitā dīgharattaṃ ahitāya dukkhāya saṃvattanti. Taṃ kissa hetu? Duggahitattā, bhikkhave, dhammānaṃ.
‘‘сзяяат̇ааби, бхигкавз, бурисо алаг̇ад̣̇д̣̇ад̇т̇иго алаг̇ад̣̇д̣̇аг̇авзсий алаг̇ад̣̇д̣̇абариязсанам̣ жарамаано. со бассзяяа маханд̇ам̣ алаг̇ад̣̇д̣̇ам̣. д̇амзнам̣ бхог̇з ваа нан̇г̇удтз ваа г̇ан̣хзяяа. д̇асса со алаг̇ад̣̇д̣̇о бадибаривад̇д̇ид̇ваа 15 хад̇т̇з ваа б̣аахааяа ваа ан̃н̃ад̇арасмим̣ ваа ан̇г̇абажжан̇г̇з д̣ам̣сзяяа 16. со д̇ад̇онид̣̇аанам̣ маран̣ам̣ ваа ниг̇ажчзяяа маран̣амад̇д̇ам̣ ваа д̣̇угкам̣. д̇ам̣ гисса хзд̇у? д̣̇уг̇г̇ахид̇ад̇д̇аа, бхигкавз, алаг̇ад̣̇д̣̇асса. звамзва ко, бхигкавз, ид̇хзгажжз могхабурисаа д̇хаммам̣ барияаабун̣анд̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇з д̇ам̣ д̇хаммам̣ барияаабун̣ид̇ваа д̇зсам̣ д̇хаммаанам̣ бан̃н̃ааяа ад̇т̇ам̣ на убабаригканд̇и. д̇зсам̣ д̇з д̇хаммаа бан̃н̃ааяа ад̇т̇ам̣ анубабаригкад̇ам̣ на ниж̇жхаанам̣ каманд̇и. д̇з убаарамбхаанисам̣саа жзва д̇хаммам̣ барияаабун̣анд̇и ид̇иваад̣̇аббамогкаанисам̣саа жа. яасса жад̇т̇ааяа д̇хаммам̣ барияаабун̣анд̇и д̇ан̃жасса ад̇т̇ам̣ наанубхонд̇и. д̇зсам̣ д̇з д̇хаммаа д̣̇уг̇г̇ахид̇аа д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇уг̇г̇ахид̇ад̇д̇аа бхигкавз д̇хаммаанам̣.
‘‘Seyyathāpi, bhikkhave, puriso alagaddatthiko alagaddagavesī alagaddapariyesanaṃ caramāno. So passeyya mahantaṃ alagaddaṃ. Tamenaṃ bhoge vā naṅguṭṭhe vā gaṇheyya. Tassa so alagaddo paṭiparivattitvā 17 hatthe vā bāhāya vā aññatarasmiṃ vā aṅgapaccaṅge ḍaṃseyya 18. So tatonidānaṃ maraṇaṃ vā nigaccheyya maraṇamattaṃ vā dukkhaṃ. Taṃ kissa hetu? Duggahitattā, bhikkhave, alagaddassa. Evameva kho, bhikkhave, idhekacce moghapurisā dhammaṃ pariyāpuṇanti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Te taṃ dhammaṃ pariyāpuṇitvā tesaṃ dhammānaṃ paññāya atthaṃ na upaparikkhanti. Tesaṃ te dhammā paññāya atthaṃ anupaparikkhataṃ na nijjhānaṃ khamanti. Te upārambhānisaṃsā ceva dhammaṃ pariyāpuṇanti itivādappamokkhānisaṃsā ca. Yassa catthāya dhammaṃ pariyāpuṇanti tañcassa atthaṃ nānubhonti. Tesaṃ te dhammā duggahitā dīgharattaṃ ahitāya dukkhāya saṃvattanti. Taṃ kissa hetu? Duggahitattā bhikkhave dhammānaṃ.
239. ‘‘ид̇ха бана, бхигкавз, згажжз гулабуд̇д̇аа д̇хаммам̣ барияаабун̣анд̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇з д̇ам̣ д̇хаммам̣ барияаабун̣ид̇ваа д̇зсам̣ д̇хаммаанам̣ бан̃н̃ааяа ад̇т̇ам̣ убабаригканд̇и. д̇зсам̣ д̇з д̇хаммаа бан̃н̃ааяа ад̇т̇ам̣ убабаригкад̇ам̣ ниж̇жхаанам̣ каманд̇и. д̇з на жзва убаарамбхаанисам̣саа д̇хаммам̣ барияаабун̣анд̇и на ид̇иваад̣̇аббамогкаанисам̣саа жа 19. яасса жад̇т̇ааяа д̇хаммам̣ барияаабун̣анд̇и д̇ан̃жасса ад̇т̇ам̣ анубхонд̇и. д̇зсам̣ д̇з д̇хаммаа суг̇г̇ахид̇аа д̣̇ийгхарад̇д̇ам̣ хид̇ааяа сукааяа сам̣вад̇д̇анд̇и. д̇ам̣ гисса хзд̇у? суг̇г̇ахид̇ад̇д̇аа бхигкавз д̇хаммаанам̣.
239. ‘‘Idha pana, bhikkhave, ekacce kulaputtā dhammaṃ pariyāpuṇanti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Te taṃ dhammaṃ pariyāpuṇitvā tesaṃ dhammānaṃ paññāya atthaṃ upaparikkhanti. Tesaṃ te dhammā paññāya atthaṃ upaparikkhataṃ nijjhānaṃ khamanti. Te na ceva upārambhānisaṃsā dhammaṃ pariyāpuṇanti na itivādappamokkhānisaṃsā ca 20. Yassa catthāya dhammaṃ pariyāpuṇanti tañcassa atthaṃ anubhonti. Tesaṃ te dhammā suggahitā dīgharattaṃ hitāya sukhāya saṃvattanti. Taṃ kissa hetu? Suggahitattā bhikkhave dhammānaṃ.
‘‘сзяяат̇ааби, бхигкавз, бурисо алаг̇ад̣̇д̣̇ад̇т̇иго алаг̇ад̣̇д̣̇аг̇авзсий алаг̇ад̣̇д̣̇абариязсанам̣ жарамаано. со бассзяяа маханд̇ам̣ алаг̇ад̣̇д̣̇ам̣. д̇амзнам̣ аж̇абад̣̇зна д̣̇ан̣д̣зна суниг̇г̇ахид̇ам̣ ниг̇г̇ан̣хзяяа. аж̇абад̣̇зна д̣̇ан̣д̣зна суниг̇г̇ахид̇ам̣ ниг̇г̇ахид̇ваа, г̇ийвааяа суг̇г̇ахид̇ам̣ г̇ан̣хзяяа. гин̃жааби со, бхигкавз , алаг̇ад̣̇д̣̇о д̇асса бурисасса хад̇т̇ам̣ ваа б̣аахам̣ ваа ан̃н̃ад̇арам̣ ваа ан̇г̇абажжан̇г̇ам̣ бхог̇зхи баливзтзяяа, ат̇а ко со нзва д̇ад̇онид̣̇аанам̣ маран̣ам̣ ваа ниг̇ажчзяяа маран̣амад̇д̇ам̣ ваа д̣̇угкам̣. д̇ам̣ гисса хзд̇у? суг̇г̇ахид̇ад̇д̇аа, бхигкавз, алаг̇ад̣̇д̣̇асса. звамзва ко, бхигкавз, ид̇хзгажжз гулабуд̇д̇аа д̇хаммам̣ барияаабун̣анд̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇з д̇ам̣ д̇хаммам̣ барияаабун̣ид̇ваа д̇зсам̣ д̇хаммаанам̣ бан̃н̃ааяа ад̇т̇ам̣ убабаригканд̇и. д̇зсам̣ д̇з д̇хаммаа бан̃н̃ааяа ад̇т̇ам̣ убабаригкад̇ам̣ ниж̇жхаанам̣ каманд̇и. д̇з на жзва убаарамбхаанисам̣саа д̇хаммам̣ барияаабун̣анд̇и, на ид̇иваад̣̇аббамогкаанисам̣саа жа. яасса жад̇т̇ааяа д̇хаммам̣ барияаабун̣анд̇и, д̇ан̃жасса ад̇т̇ам̣ анубхонд̇и. д̇зсам̣ д̇з д̇хаммаа суг̇г̇ахид̇аа д̣̇ийгхарад̇д̇ам̣ ад̇т̇ааяа хид̇ааяа сукааяа сам̣вад̇д̇анд̇и. д̇ам̣ гисса хзд̇у? суг̇г̇ахид̇ад̇д̇аа, бхигкавз, д̇хаммаанам̣. д̇асмаад̇иха, бхигкавз, яасса мз бхаасид̇асса ад̇т̇ам̣ ааж̇аанзяяаат̇а, д̇ат̇аа нам̣ д̇хаарзяяаат̇а. яасса жа бана мз бхаасид̇асса ад̇т̇ам̣ на ааж̇аанзяяаат̇а, ахам̣ во д̇ад̇т̇а бадибужчид̇аб̣б̣о, яз ваа банаассу вияад̇д̇аа бхигкуу.
‘‘Seyyathāpi, bhikkhave, puriso alagaddatthiko alagaddagavesī alagaddapariyesanaṃ caramāno. So passeyya mahantaṃ alagaddaṃ. Tamenaṃ ajapadena daṇḍena suniggahitaṃ niggaṇheyya. Ajapadena daṇḍena suniggahitaṃ niggahitvā, gīvāya suggahitaṃ gaṇheyya. Kiñcāpi so, bhikkhave , alagaddo tassa purisassa hatthaṃ vā bāhaṃ vā aññataraṃ vā aṅgapaccaṅgaṃ bhogehi paliveṭheyya, atha kho so neva tatonidānaṃ maraṇaṃ vā nigaccheyya maraṇamattaṃ vā dukkhaṃ. Taṃ kissa hetu? Suggahitattā, bhikkhave, alagaddassa. Evameva kho, bhikkhave, idhekacce kulaputtā dhammaṃ pariyāpuṇanti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Te taṃ dhammaṃ pariyāpuṇitvā tesaṃ dhammānaṃ paññāya atthaṃ upaparikkhanti. Tesaṃ te dhammā paññāya atthaṃ upaparikkhataṃ nijjhānaṃ khamanti. Te na ceva upārambhānisaṃsā dhammaṃ pariyāpuṇanti, na itivādappamokkhānisaṃsā ca. Yassa catthāya dhammaṃ pariyāpuṇanti, tañcassa atthaṃ anubhonti. Tesaṃ te dhammā suggahitā dīgharattaṃ atthāya hitāya sukhāya saṃvattanti. Taṃ kissa hetu? Suggahitattā, bhikkhave, dhammānaṃ. Tasmātiha, bhikkhave, yassa me bhāsitassa atthaṃ ājāneyyātha, tathā naṃ dhāreyyātha. Yassa ca pana me bhāsitassa atthaṃ na ājāneyyātha, ahaṃ vo tattha paṭipucchitabbo, ye vā panāssu viyattā bhikkhū.
240. ‘‘гуллуубамам̣ во, бхигкавз, д̇хаммам̣ д̣̇зсзссаами нид̇т̇аран̣ад̇т̇ааяа, но г̇ахан̣ад̇т̇ааяа. д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘сзяяат̇ааби , бхигкавз, бурисо ад̣̇д̇хаанамаг̇г̇аббадибанно. со бассзяяа маханд̇ам̣ уд̣̇аган̣н̣авам̣, оримам̣ д̇ийрам̣ саасан̇гам̣ саббадибхаяам̣, бааримам̣ д̇ийрам̣ кзмам̣ аббадибхаяам̣; на жасса нааваа санд̇ааран̣ий уд̇д̇арасзд̇у ваа абаараа баарам̣ г̇аманааяа. д̇асса звамасса – ‘аяам̣ ко махаауд̣̇аган̣н̣аво, оримам̣ д̇ийрам̣ саасан̇гам̣ саббадибхаяам̣, бааримам̣ д̇ийрам̣ кзмам̣ аббадибхаяам̣; над̇т̇и жа нааваа санд̇ааран̣ий уд̇д̇арасзд̇у ваа абаараа баарам̣ г̇аманааяа. яам̣нуунаахам̣ д̇ин̣агадтасаакаабалаасам̣ сам̣гад̣дхид̇ваа, гуллам̣ б̣анд̇хид̇ваа, д̇ам̣ гуллам̣ ниссааяа хад̇т̇зхи жа баад̣̇зхи жа вааяамамаано сод̇т̇инаа баарам̣ уд̇д̇арзяяа’нд̇и. ат̇а ко со, бхигкавз, бурисо д̇ин̣агадтасаакаабалаасам̣ сам̣гад̣дхид̇ваа, гуллам̣ б̣анд̇хид̇ваа д̇ам̣ гуллам̣ ниссааяа хад̇т̇зхи жа баад̣̇зхи жа вааяамамаано сод̇т̇инаа баарам̣ уд̇д̇арзяяа. д̇асса бурисасса уд̇д̇ин̣н̣асса 21 бааран̇г̇ад̇асса звамасса – ‘б̣ахугааро ко мз аяам̣ гулло; имаахам̣ гуллам̣ ниссааяа хад̇т̇зхи жа баад̣̇зхи жа вааяамамаано сод̇т̇инаа баарам̣ уд̇д̇ин̣н̣о. яам̣нуунаахам̣ имам̣ гуллам̣ сийсз ваа ааробзд̇ваа канд̇хз ваа ужжаарзд̇ваа 22 язна гаамам̣ баггамзяяа’нд̇и. д̇ам̣ гим̣ ман̃н̃ат̇а, бхигкавз, аби ну со бурисо звам̣гаарий д̇асмим̣ гуллз гижжагаарий ассаа’’д̇и? ‘‘но хзд̇ам̣, бханд̇з’’. ‘‘гат̇ам̣гаарий жа со, бхигкавз, бурисо д̇асмим̣ гуллз гижжагаарий асса? ид̇ха, бхигкавз, д̇асса бурисасса уд̇д̇ин̣н̣асса бааран̇г̇ад̇асса звамасса – ‘б̣ахугааро ко мз аяам̣ гулло; имаахам̣ гуллам̣ ниссааяа хад̇т̇зхи жа баад̣̇зхи жа вааяамамаано сод̇т̇инаа баарам̣ уд̇д̇ин̣н̣о. яам̣нуунаахам̣ имам̣ гуллам̣ т̇алз ваа уссаад̣̇зд̇ваа 23 уд̣̇агз ваа обилаабзд̇ваа язна гаамам̣ баггамзяяа’нд̇и. звам̣гаарий ко со, бхигкавз, бурисо д̇асмим̣ гуллз гижжагаарий асса. звамзва ко, бхигкавз, гуллуубамо маяаа д̇хаммо д̣̇зсид̇о нид̇т̇аран̣ад̇т̇ааяа, но г̇ахан̣ад̇т̇ааяа. гуллуубамам̣ во, бхигкавз, д̇хаммам̣ д̣̇зсид̇ам̣, ааж̇аананд̇зхи д̇хаммааби во бахаад̇аб̣б̣аа баг̇зва ад̇хаммаа.
240. ‘‘Kullūpamaṃ vo, bhikkhave, dhammaṃ desessāmi nittharaṇatthāya, no gahaṇatthāya. Taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca – ‘‘seyyathāpi , bhikkhave, puriso addhānamaggappaṭipanno. So passeyya mahantaṃ udakaṇṇavaṃ, orimaṃ tīraṃ sāsaṅkaṃ sappaṭibhayaṃ, pārimaṃ tīraṃ khemaṃ appaṭibhayaṃ; na cassa nāvā santāraṇī uttarasetu vā apārā pāraṃ gamanāya. Tassa evamassa – ‘ayaṃ kho mahāudakaṇṇavo, orimaṃ tīraṃ sāsaṅkaṃ sappaṭibhayaṃ, pārimaṃ tīraṃ khemaṃ appaṭibhayaṃ; natthi ca nāvā santāraṇī uttarasetu vā apārā pāraṃ gamanāya. Yaṃnūnāhaṃ tiṇakaṭṭhasākhāpalāsaṃ saṃkaḍḍhitvā, kullaṃ bandhitvā, taṃ kullaṃ nissāya hatthehi ca pādehi ca vāyamamāno sotthinā pāraṃ uttareyya’nti. Atha kho so, bhikkhave, puriso tiṇakaṭṭhasākhāpalāsaṃ saṃkaḍḍhitvā, kullaṃ bandhitvā taṃ kullaṃ nissāya hatthehi ca pādehi ca vāyamamāno sotthinā pāraṃ uttareyya. Tassa purisassa uttiṇṇassa 24 pāraṅgatassa evamassa – ‘bahukāro kho me ayaṃ kullo; imāhaṃ kullaṃ nissāya hatthehi ca pādehi ca vāyamamāno sotthinā pāraṃ uttiṇṇo. Yaṃnūnāhaṃ imaṃ kullaṃ sīse vā āropetvā khandhe vā uccāretvā 25 yena kāmaṃ pakkameyya’nti. Taṃ kiṃ maññatha, bhikkhave, api nu so puriso evaṃkārī tasmiṃ kulle kiccakārī assā’’ti? ‘‘No hetaṃ, bhante’’. ‘‘Kathaṃkārī ca so, bhikkhave, puriso tasmiṃ kulle kiccakārī assa? Idha, bhikkhave, tassa purisassa uttiṇṇassa pāraṅgatassa evamassa – ‘bahukāro kho me ayaṃ kullo; imāhaṃ kullaṃ nissāya hatthehi ca pādehi ca vāyamamāno sotthinā pāraṃ uttiṇṇo. Yaṃnūnāhaṃ imaṃ kullaṃ thale vā ussādetvā 26 udake vā opilāpetvā yena kāmaṃ pakkameyya’nti. Evaṃkārī kho so, bhikkhave, puriso tasmiṃ kulle kiccakārī assa. Evameva kho, bhikkhave, kullūpamo mayā dhammo desito nittharaṇatthāya, no gahaṇatthāya. Kullūpamaṃ vo, bhikkhave, dhammaṃ desitaṃ, ājānantehi dhammāpi vo pahātabbā pageva adhammā.
241. ‘‘чаяимаани, бхигкавз, д̣̇идтидтаанаани. гад̇амаани ча? ид̇ха, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о, руубам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; взд̣̇анам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; сан̃н̃ам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; сан̇каарз ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; яамби д̇ам̣ д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣, анувижарид̇ам̣ манасаа д̇амби ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; яамби д̇ам̣ д̣̇идтидтаанам̣ – со лого со ад̇д̇аа, со бзжжа бхависсаами нижжо д̇хуво сассад̇о авибарин̣аамад̇хаммо , сассад̇исамам̣ д̇ат̇зва тассаамийд̇и – д̇амби ‘зд̇ам̣ мама, зсохамасми, зсо мз ад̇д̇аа’д̇и саманубассад̇и. суд̇аваа жа ко, бхигкавз, арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о, саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о, руубам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и; взд̣̇анам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и; сан̃н̃ам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и; сан̇каарз ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и; яамби д̇ам̣ д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣, анувижарид̇ам̣ манасаа, д̇амби ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и; яамби д̇ам̣ д̣̇идтидтаанам̣ – со лого со ад̇д̇аа, со бзжжа бхависсаами нижжо д̇хуво сассад̇о авибарин̣аамад̇хаммо, сассад̇исамам̣ д̇ат̇зва тассаамийд̇и – д̇амби ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. со звам̣ саманубассанд̇о асад̇и на барид̇ассад̇ий’’д̇и.
241. ‘‘Chayimāni, bhikkhave, diṭṭhiṭṭhānāni. Katamāni cha? Idha, bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto, rūpaṃ ‘etaṃ mama, esohamasmi, eso me attā’ti samanupassati; vedanaṃ ‘etaṃ mama, esohamasmi, eso me attā’ti samanupassati; saññaṃ ‘etaṃ mama, esohamasmi, eso me attā’ti samanupassati; saṅkhāre ‘etaṃ mama, esohamasmi, eso me attā’ti samanupassati; yampi taṃ diṭṭhaṃ sutaṃ mutaṃ viññātaṃ pattaṃ pariyesitaṃ, anuvicaritaṃ manasā tampi ‘etaṃ mama, esohamasmi, eso me attā’ti samanupassati; yampi taṃ diṭṭhiṭṭhānaṃ – so loko so attā, so pecca bhavissāmi nicco dhuvo sassato avipariṇāmadhammo , sassatisamaṃ tatheva ṭhassāmīti – tampi ‘etaṃ mama, esohamasmi, eso me attā’ti samanupassati. Sutavā ca kho, bhikkhave, ariyasāvako ariyānaṃ dassāvī ariyadhammassa kovido ariyadhamme suvinīto, sappurisānaṃ dassāvī sappurisadhammassa kovido sappurisadhamme suvinīto, rūpaṃ ‘netaṃ mama, nesohamasmi, na meso attā’ti samanupassati; vedanaṃ ‘netaṃ mama, nesohamasmi, na meso attā’ti samanupassati; saññaṃ ‘netaṃ mama, nesohamasmi, na meso attā’ti samanupassati; saṅkhāre ‘netaṃ mama, nesohamasmi, na meso attā’ti samanupassati; yampi taṃ diṭṭhaṃ sutaṃ mutaṃ viññātaṃ pattaṃ pariyesitaṃ, anuvicaritaṃ manasā, tampi ‘netaṃ mama, nesohamasmi, na meso attā’ti samanupassati; yampi taṃ diṭṭhiṭṭhānaṃ – so loko so attā, so pecca bhavissāmi nicco dhuvo sassato avipariṇāmadhammo, sassatisamaṃ tatheva ṭhassāmīti – tampi ‘netaṃ mama, nesohamasmi, na meso attā’ti samanupassati. So evaṃ samanupassanto asati na paritassatī’’ti.
242. звам̣ вуд̇д̇з, ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘сияаа ну ко, бханд̇з, б̣ахид̣̇д̇хаа асад̇и барид̇ассанаа’’д̇и? ‘‘сияаа, бхигкуу’’д̇и – бхаг̇аваа авожа. ‘‘ид̇ха бхигку згажжасса звам̣ ход̇и – ‘аху вад̇а мз, д̇ам̣ вад̇а мз над̇т̇и; сияаа вад̇а мз, д̇ам̣ вад̇аахам̣ на лабхаамий’д̇и. со сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и саммохам̣ аабаж̇ж̇ад̇и. звам̣ ко, бхигку, б̣ахид̣̇д̇хаа асад̇и барид̇ассанаа ход̇ий’’д̇и.
242. Evaṃ vutte, aññataro bhikkhu bhagavantaṃ etadavoca – ‘‘siyā nu kho, bhante, bahiddhā asati paritassanā’’ti? ‘‘Siyā, bhikkhū’’ti – bhagavā avoca. ‘‘Idha bhikkhu ekaccassa evaṃ hoti – ‘ahu vata me, taṃ vata me natthi; siyā vata me, taṃ vatāhaṃ na labhāmī’ti. So socati kilamati paridevati urattāḷiṃ kandati sammohaṃ āpajjati. Evaṃ kho, bhikkhu, bahiddhā asati paritassanā hotī’’ti.
‘‘сияаа бана, бханд̇з, б̣ахид̣̇д̇хаа асад̇и абарид̇ассанаа’’д̇и? ‘‘сияаа, бхигкуу’’д̇и – бхаг̇аваа авожа. ‘‘ид̇ха бхигку згажжасса на звам̣ ход̇и – ‘аху вад̇а мз, д̇ам̣ вад̇а мз над̇т̇и; сияаа вад̇а мз, д̇ам̣ вад̇аахам̣ на лабхаамий’д̇и. со на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇и. звам̣ ко, бхигку, б̣ахид̣̇д̇хаа асад̇и абарид̇ассанаа ход̇ий’’д̇и.
‘‘Siyā pana, bhante, bahiddhā asati aparitassanā’’ti? ‘‘Siyā, bhikkhū’’ti – bhagavā avoca. ‘‘Idha bhikkhu ekaccassa na evaṃ hoti – ‘ahu vata me, taṃ vata me natthi; siyā vata me, taṃ vatāhaṃ na labhāmī’ti. So na socati na kilamati na paridevati na urattāḷiṃ kandati na sammohaṃ āpajjati. Evaṃ kho, bhikkhu, bahiddhā asati aparitassanā hotī’’ti.
‘‘сияаа ну ко, бханд̇з, аж̇жхад̇д̇ам̣ асад̇и барид̇ассанаа’’д̇и? ‘‘сияаа, бхигкуу’’д̇и – бхаг̇аваа авожа. ‘‘ид̇ха, бхигку, згажжасса звам̣ д̣̇идти ход̇и – ‘со лого со ад̇д̇аа, со бзжжа бхависсаами нижжо д̇хуво сассад̇о авибарин̣аамад̇хаммо, сассад̇исамам̣ д̇ат̇зва тассаамий’д̇и. со сун̣аад̇и д̇ат̇ааг̇ад̇асса ваа д̇ат̇ааг̇ад̇асаавагасса ваа саб̣б̣зсам̣ д̣̇идтидтаанаад̇хидтаанабарияудтаанаабхинивзсаанусаяаанам̣ самуг̇гхаад̇ааяа саб̣б̣асан̇каарасамат̇ааяа саб̣б̣уубад̇хибадиниссаг̇г̇ааяа д̇ан̣хаагкаяааяа вирааг̇ааяа нирод̇хааяа ниб̣б̣аанааяа д̇хаммам̣ д̣̇зсзнд̇асса. д̇асса звам̣ ход̇и – ‘ужчиж̇ж̇иссаами наамассу, винассиссаами наамассу, нассу наама бхависсаамий’д̇и. со сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и саммохам̣ аабаж̇ж̇ад̇и. звам̣ ко, бхигку, аж̇жхад̇д̇ам̣ асад̇и барид̇ассанаа ход̇ий’’д̇и.
‘‘Siyā nu kho, bhante, ajjhattaṃ asati paritassanā’’ti? ‘‘Siyā, bhikkhū’’ti – bhagavā avoca. ‘‘Idha, bhikkhu, ekaccassa evaṃ diṭṭhi hoti – ‘so loko so attā, so pecca bhavissāmi nicco dhuvo sassato avipariṇāmadhammo, sassatisamaṃ tatheva ṭhassāmī’ti. So suṇāti tathāgatassa vā tathāgatasāvakassa vā sabbesaṃ diṭṭhiṭṭhānādhiṭṭhānapariyuṭṭhānābhinivesānusayānaṃ samugghātāya sabbasaṅkhārasamathāya sabbūpadhipaṭinissaggāya taṇhākkhayāya virāgāya nirodhāya nibbānāya dhammaṃ desentassa. Tassa evaṃ hoti – ‘ucchijjissāmi nāmassu, vinassissāmi nāmassu, nassu nāma bhavissāmī’ti. So socati kilamati paridevati urattāḷiṃ kandati sammohaṃ āpajjati. Evaṃ kho, bhikkhu, ajjhattaṃ asati paritassanā hotī’’ti.
‘‘сияаа бана, бханд̇з, аж̇жхад̇д̇ам̣ асад̇и абарид̇ассанаа’’д̇и? ‘‘сияаа, бхигкуу’’д̇и бхаг̇аваа авожа. ‘‘ид̇ха, бхигку, згажжасса на звам̣ д̣̇идти ход̇и – ‘со лого со ад̇д̇аа, со бзжжа бхависсаами нижжо д̇хуво сассад̇о авибарин̣аамад̇хаммо, сассад̇исамам̣ д̇ат̇зва тассаамий’д̇и. со сун̣аад̇и д̇ат̇ааг̇ад̇асса ваа д̇ат̇ааг̇ад̇асаавагасса ваа саб̣б̣зсам̣ д̣̇идтидтаанаад̇хидтаанабарияудтаанаабхинивзсаанусаяаанам̣ самуг̇гхаад̇ааяа саб̣б̣асан̇каарасамат̇ааяа саб̣б̣уубад̇хибадиниссаг̇г̇ааяа д̇ан̣хаагкаяааяа вирааг̇ааяа нирод̇хааяа ниб̣б̣аанааяа д̇хаммам̣ д̣̇зсзнд̇асса. д̇асса на звам̣ ход̇и – ‘ужчиж̇ж̇иссаами наамассу, винассиссаами наамассу, нассу наама бхависсаамий’д̇и. со на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇и. звам̣ ко, бхигку, аж̇жхад̇д̇ам̣ асад̇и абарид̇ассанаа ход̇и’’.
‘‘Siyā pana, bhante, ajjhattaṃ asati aparitassanā’’ti? ‘‘Siyā, bhikkhū’’ti bhagavā avoca. ‘‘Idha, bhikkhu, ekaccassa na evaṃ diṭṭhi hoti – ‘so loko so attā, so pecca bhavissāmi nicco dhuvo sassato avipariṇāmadhammo, sassatisamaṃ tatheva ṭhassāmī’ti. So suṇāti tathāgatassa vā tathāgatasāvakassa vā sabbesaṃ diṭṭhiṭṭhānādhiṭṭhānapariyuṭṭhānābhinivesānusayānaṃ samugghātāya sabbasaṅkhārasamathāya sabbūpadhipaṭinissaggāya taṇhākkhayāya virāgāya nirodhāya nibbānāya dhammaṃ desentassa. Tassa na evaṃ hoti – ‘ucchijjissāmi nāmassu, vinassissāmi nāmassu, nassu nāma bhavissāmī’ti. So na socati na kilamati na paridevati na urattāḷiṃ kandati na sammohaṃ āpajjati. Evaṃ kho, bhikkhu, ajjhattaṃ asati aparitassanā hoti’’.
243. ‘‘д̇ам̣ 27, бхигкавз, бариг̇г̇ахам̣ бариг̇г̇ан̣хзяяаат̇а, яваасса 28 бариг̇г̇ахо нижжо д̇хуво сассад̇о авибарин̣аамад̇хаммо, сассад̇исамам̣ д̇ат̇зва д̇идтзяяа. бассат̇а но д̇умхз, бхигкавз, д̇ам̣ бариг̇г̇ахам̣ яваасса бариг̇г̇ахо нижжо д̇хуво сассад̇о авибарин̣аамад̇хаммо, сассад̇исамам̣ д̇ат̇зва д̇идтзяяаа’’д̇и? ‘‘но хзд̇ам̣, бханд̇з’’. ‘‘саад̇ху, бхигкавз. ахамби ко д̇ам̣, бхигкавз, бариг̇г̇ахам̣ на саманубассаами яваасса бариг̇г̇ахо нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва д̇идтзяяа.
243. ‘‘Taṃ 29, bhikkhave, pariggahaṃ pariggaṇheyyātha, yvāssa 30 pariggaho nicco dhuvo sassato avipariṇāmadhammo, sassatisamaṃ tatheva tiṭṭheyya. Passatha no tumhe, bhikkhave, taṃ pariggahaṃ yvāssa pariggaho nicco dhuvo sassato avipariṇāmadhammo, sassatisamaṃ tatheva tiṭṭheyyā’’ti? ‘‘No hetaṃ, bhante’’. ‘‘Sādhu, bhikkhave. Ahampi kho taṃ, bhikkhave, pariggahaṃ na samanupassāmi yvāssa pariggaho nicco dhuvo sassato avipariṇāmadhammo sassatisamaṃ tatheva tiṭṭheyya.
‘‘д̇ам̣, бхигкавз, ад̇д̇аваад̣̇убаад̣̇аанам̣ убаад̣̇иязт̇а, яам̣са 31 ад̇д̇аваад̣̇убаад̣̇аанам̣ убаад̣̇ияад̇о на уббаж̇ж̇зяяум̣ согабарид̣̇звад̣̇угкад̣̇оманассубааяаасаа. бассат̇а но д̇умхз, бхигкавз, д̇ам̣ ад̇д̇аваад̣̇убаад̣̇аанам̣ яам̣са ад̇д̇аваад̣̇убаад̣̇аанам̣ убаад̣̇ияад̇о на уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘но хзд̇ам̣, бханд̇з’’. ‘‘саад̇ху, бхигкавз. ахамби ко д̇ам̣, бхигкавз, ад̇д̇аваад̣̇убаад̣̇аанам̣ на саманубассаами яам̣са ад̇д̇аваад̣̇убаад̣̇аанам̣ убаад̣̇ияад̇о на уббаж̇ж̇зяяум̣ согабарид̣̇звад̣̇угкад̣̇оманассубааяаасаа.
‘‘Taṃ, bhikkhave, attavādupādānaṃ upādiyetha, yaṃsa 32 attavādupādānaṃ upādiyato na uppajjeyyuṃ sokaparidevadukkhadomanassupāyāsā. Passatha no tumhe, bhikkhave, taṃ attavādupādānaṃ yaṃsa attavādupādānaṃ upādiyato na uppajjeyyuṃ sokaparidevadukkhadomanassupāyāsā’’ti? ‘‘No hetaṃ, bhante’’. ‘‘Sādhu, bhikkhave. Ahampi kho taṃ, bhikkhave, attavādupādānaṃ na samanupassāmi yaṃsa attavādupādānaṃ upādiyato na uppajjeyyuṃ sokaparidevadukkhadomanassupāyāsā.
‘‘д̇ам̣, бхигкавз, д̣̇идтиниссаяам̣ ниссаязт̇а яам̣са д̣̇идтиниссаяам̣ ниссаяад̇о на уббаж̇ж̇зяяум̣ согабарид̣̇звад̣̇угкад̣̇оманассубааяаасаа. бассат̇а но д̇умхз, бхигкавз, д̇ам̣ д̣̇идтиниссаяам̣ яам̣са д̣̇идтиниссаяам̣ ниссаяад̇о на уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘но хзд̇ам̣, бханд̇з’’. ‘‘саад̇ху, бхигкавз. ахамби ко д̇ам̣, бхигкавз, д̣̇идтиниссаяам̣ на саманубассаами яам̣са д̣̇идтиниссаяам̣ ниссаяад̇о на уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’.
‘‘Taṃ, bhikkhave, diṭṭhinissayaṃ nissayetha yaṃsa diṭṭhinissayaṃ nissayato na uppajjeyyuṃ sokaparidevadukkhadomanassupāyāsā. Passatha no tumhe, bhikkhave, taṃ diṭṭhinissayaṃ yaṃsa diṭṭhinissayaṃ nissayato na uppajjeyyuṃ sokaparidevadukkhadomanassupāyāsā’’ti? ‘‘No hetaṃ, bhante’’. ‘‘Sādhu, bhikkhave. Ahampi kho taṃ, bhikkhave, diṭṭhinissayaṃ na samanupassāmi yaṃsa diṭṭhinissayaṃ nissayato na uppajjeyyuṃ sokaparidevadukkhadomanassupāyāsā’’.
244. ‘‘ад̇д̇ани ваа, бхигкавз, сад̇и ад̇д̇анияам̣ мз д̇и ассаа’’д̇и?
244. ‘‘Attani vā, bhikkhave, sati attaniyaṃ me ti assā’’ti?
‘‘звам̣, бханд̇з’’.
‘‘Evaṃ, bhante’’.
‘‘ад̇д̇анияз ваа, бхигкавз, сад̇и ад̇д̇аа мз д̇и ассаа’’д̇и? ‘‘звам̣, бханд̇з’’.
‘‘Attaniye vā, bhikkhave, sati attā me ti assā’’ti? ‘‘Evaṃ, bhante’’.
‘‘ад̇д̇ани жа, бхигкавз, ад̇д̇анияз жа сажжад̇о т̇зд̇ад̇о анубалаб̣бхамаанз, яамби д̇ам̣ д̣̇идтидтаанам̣ – ‘со лого со ад̇д̇аа, со бзжжа бхависсаами нижжо д̇хуво сассад̇о авибарин̣аамад̇хаммо, сассад̇исамам̣ д̇ат̇зва тассаамий’д̇и – нанааяам̣ 33, бхигкавз, гзвало барибууро б̣аалад̇хаммо’’’д̇и?
‘‘Attani ca, bhikkhave, attaniye ca saccato thetato anupalabbhamāne, yampi taṃ diṭṭhiṭṭhānaṃ – ‘so loko so attā, so pecca bhavissāmi nicco dhuvo sassato avipariṇāmadhammo, sassatisamaṃ tatheva ṭhassāmī’ti – nanāyaṃ 34, bhikkhave, kevalo paripūro bāladhammo’’’ti?
‘‘гин̃хи но сияаа, бханд̇з, гзвало хи, бханд̇з, барибууро 35 б̣аалад̇хаммо’’д̇и.
‘‘Kiñhi no siyā, bhante, kevalo hi, bhante, paripūro 36 bāladhammo’’ti.
‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и?
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti?
‘‘анижжам̣, бханд̇з’’ .
‘‘Aniccaṃ, bhante’’ .
‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и?
‘‘Yaṃ panāniccaṃ, dukkhaṃ vā taṃ sukhaṃ vā’’ti?
‘‘д̣̇угкам̣, бханд̇з’’.
‘‘Dukkhaṃ, bhante’’.
‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – зд̇ам̣ мама, зсохамасми, зсо мз ад̇д̇аа’’д̇и?
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – etaṃ mama, esohamasmi, eso me attā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘д̇ам̣ гим̣ ман̃н̃ат̇а, бхигкавз, взд̣̇анаа…бз… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и?
‘‘Taṃ kiṃ maññatha, bhikkhave, vedanā…pe… saññā… saṅkhārā… viññāṇaṃ niccaṃ vā aniccaṃ vā’’ti?
‘‘анижжам̣, бханд̇з’’.
‘‘Aniccaṃ, bhante’’.
‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и?
‘‘Yaṃ panāniccaṃ, dukkhaṃ vā taṃ sukhaṃ vā’’ti?
‘‘д̣̇угкам̣, бханд̇з’’.
‘‘Dukkhaṃ, bhante’’.
‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – зд̇ам̣ мама, зсохамасми, зсо мз ад̇д̇аа’’д̇и?
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – etaṃ mama, esohamasmi, eso me attā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘д̇асмаад̇иха, бхигкавз, яам̣ гин̃жи руубам̣ ад̇ийд̇аанааг̇ад̇абажжуббаннам̣, аж̇жхад̇д̇ам̣ ваа б̣ахид̣̇д̇хаа ваа , ол̣ааригам̣ ваа сукумам̣ ваа, хийнам̣ ваа бан̣ийд̇ам̣ ваа, яам̣ д̣̇уурз санд̇игз ваа, саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи взд̣̇анаа…бз… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣, аж̇жхад̇д̇ам̣ ваа б̣ахид̣̇д̇хаа ваа, ол̣ааригам̣ ваа сукумам̣ ваа, хийнам̣ ваа бан̣ийд̇ам̣ ваа, яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣’’.
‘‘Tasmātiha, bhikkhave, yaṃ kiñci rūpaṃ atītānāgatapaccuppannaṃ, ajjhattaṃ vā bahiddhā vā , oḷārikaṃ vā sukhumaṃ vā, hīnaṃ vā paṇītaṃ vā, yaṃ dūre santike vā, sabbaṃ rūpaṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Yā kāci vedanā…pe… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ, ajjhattaṃ vā bahiddhā vā, oḷārikaṃ vā sukhumaṃ vā, hīnaṃ vā paṇītaṃ vā, yaṃ dūre santike vā, sabbaṃ viññāṇaṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ’’.
245. ‘‘звам̣ бассам̣, бхигкавз, суд̇аваа арияасааваго руубасмим̣ ниб̣б̣инд̣̇ад̇и, взд̣̇анааяа ниб̣б̣инд̣̇ад̇и, сан̃н̃ааяа ниб̣б̣инд̣̇ад̇и, сан̇каарзсу ниб̣б̣инд̣̇ад̇и, вин̃н̃аан̣асмим̣ ниб̣б̣инд̣̇ад̇и, ниб̣б̣ид̣̇аа вираж̇ж̇ад̇и 37, вирааг̇аа вимужжад̇и , вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. аяам̣ вужжад̇и, бхигкавз, бхигку угкид̇д̇абалигхо ид̇иби, сам̣гин̣н̣абаригко ид̇иби, аб̣б̣уул̣хзсиго ид̇иби, нираг̇г̇ал̣о ид̇иби, арияо баннад̣̇д̇хаж̇о баннабхааро висам̣яуд̇д̇о ид̇иби.
245. ‘‘Evaṃ passaṃ, bhikkhave, sutavā ariyasāvako rūpasmiṃ nibbindati, vedanāya nibbindati, saññāya nibbindati, saṅkhāresu nibbindati, viññāṇasmiṃ nibbindati, nibbidā virajjati 38, virāgā vimuccati , vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ayaṃ vuccati, bhikkhave, bhikkhu ukkhittapaligho itipi, saṃkiṇṇaparikkho itipi, abbūḷhesiko itipi, niraggaḷo itipi, ariyo pannaddhajo pannabhāro visaṃyutto itipi.
‘‘гат̇ан̃жа, бхигкавз, бхигку угкид̇д̇абалигхо ход̇и? ид̇ха, бхигкавз, бхигкуно авиж̇ж̇аа бахийнаа ход̇и, ужчиннамуулаа д̇аалаавад̇т̇угад̇аа анабхаавам̣гад̇аа, ааяад̇им̣ ануббаад̣̇ад̇хаммаа. звам̣ ко, бхигкавз, бхигку угкид̇д̇абалигхо ход̇и.
‘‘Kathañca, bhikkhave, bhikkhu ukkhittapaligho hoti? Idha, bhikkhave, bhikkhuno avijjā pahīnā hoti, ucchinnamūlā tālāvatthukatā anabhāvaṃkatā, āyatiṃ anuppādadhammā. Evaṃ kho, bhikkhave, bhikkhu ukkhittapaligho hoti.
‘‘гат̇ан̃жа, бхигкавз, бхигку сам̣гин̣н̣абаригко ход̇и? ид̇ха, бхигкавз, бхигкуно боноб̣бхавиго ж̇аад̇исам̣сааро бахийно ход̇и, ужчиннамууло д̇аалаавад̇т̇угад̇о анабхаавам̣гад̇о, ааяад̇им̣ ануббаад̣̇ад̇хаммо. звам̣ ко, бхигкавз, бхигку сам̣гин̣н̣абаригко ход̇и.
‘‘Kathañca, bhikkhave, bhikkhu saṃkiṇṇaparikkho hoti? Idha, bhikkhave, bhikkhuno ponobbhaviko jātisaṃsāro pahīno hoti, ucchinnamūlo tālāvatthukato anabhāvaṃkato, āyatiṃ anuppādadhammo. Evaṃ kho, bhikkhave, bhikkhu saṃkiṇṇaparikkho hoti.
‘‘гат̇ан̃жа, бхигкавз, бхигку аб̣б̣уул̣хзсиго ход̇и? ид̇ха, бхигкавз, бхигкуно д̇ан̣хаа бахийнаа ход̇и, ужчиннамуулаа д̇аалаавад̇т̇угад̇аа анабхаавам̣гад̇аа, ааяад̇им̣ ануббаад̣̇ад̇хаммаа. звам̣ ко, бхигкавз, бхигку аб̣б̣уул̣хзсиго ход̇и.
‘‘Kathañca, bhikkhave, bhikkhu abbūḷhesiko hoti? Idha, bhikkhave, bhikkhuno taṇhā pahīnā hoti, ucchinnamūlā tālāvatthukatā anabhāvaṃkatā, āyatiṃ anuppādadhammā. Evaṃ kho, bhikkhave, bhikkhu abbūḷhesiko hoti.
‘‘гат̇ан̃жа, бхигкавз, бхигку нираг̇г̇ал̣о ход̇и? ид̇ха, бхигкавз, бхигкуно бан̃жа орамбхааг̇ияаани сам̣яож̇анаани бахийнаани хонд̇и, ужчиннамуулаани д̇аалаавад̇т̇угад̇аани анабхаавам̣гад̇аани, ааяад̇им̣ ануббаад̣̇ад̇хаммаани . звам̣ ко, бхигкавз, бхигку нираг̇г̇ал̣о ход̇и.
‘‘Kathañca, bhikkhave, bhikkhu niraggaḷo hoti? Idha, bhikkhave, bhikkhuno pañca orambhāgiyāni saṃyojanāni pahīnāni honti, ucchinnamūlāni tālāvatthukatāni anabhāvaṃkatāni, āyatiṃ anuppādadhammāni . Evaṃ kho, bhikkhave, bhikkhu niraggaḷo hoti.
‘‘гат̇ан̃жа, бхигкавз, бхигку арияо баннад̣̇д̇хаж̇о баннабхааро висам̣яуд̇д̇о ход̇и? ид̇ха, бхигкавз, бхигкуно асмимаано бахийно ход̇и, ужчиннамууло д̇аалаавад̇т̇угад̇о анабхаавам̣гад̇о , ааяад̇им̣ ануббаад̣̇ад̇хаммо . звам̣ ко, бхигкавз, бхигку арияо баннад̣̇д̇хаж̇о баннабхааро висам̣яуд̇д̇о ход̇и.
‘‘Kathañca, bhikkhave, bhikkhu ariyo pannaddhajo pannabhāro visaṃyutto hoti? Idha, bhikkhave, bhikkhuno asmimāno pahīno hoti, ucchinnamūlo tālāvatthukato anabhāvaṃkato , āyatiṃ anuppādadhammo . Evaṃ kho, bhikkhave, bhikkhu ariyo pannaddhajo pannabhāro visaṃyutto hoti.
246. ‘‘звам̣ вимуд̇д̇ажид̇д̇ам̣ ко, бхигкавз, бхигкум̣ саинд̣̇аа д̣̇зваа саб̣рахмагаа сабаж̇аабад̇игаа анвзсам̣ наад̇хиг̇ажчанд̇и – ‘ид̣̇ам̣ ниссид̇ам̣ д̇ат̇ааг̇ад̇асса вин̃н̃аан̣а’нд̇и. д̇ам̣ гисса хзд̇у? д̣̇идтзваахам̣, бхигкавз, д̇хаммз д̇ат̇ааг̇ад̇ам̣ ананувиж̇ж̇од̇и вад̣̇аами. звам̣ваад̣̇им̣ ко мам̣, бхигкавз, звамагкааяим̣ згз саман̣аб̣раахман̣аа асад̇аа д̇ужчаа мусаа абхууд̇зна аб̣бхаажигканд̇и – ‘взнаяиго саман̣о г̇од̇амо, сад̇о сад̇д̇асса ужчзд̣̇ам̣ винаасам̣ вибхавам̣ бан̃н̃аабзд̇ий’д̇и. яат̇аа жаахам̣ на, бхигкавз 39, яат̇аа жаахам̣ на вад̣̇аами, д̇ат̇аа мам̣ д̇з бхонд̇о саман̣аб̣раахман̣аа асад̇аа д̇ужчаа мусаа абхууд̇зна аб̣бхаажигканд̇и – ‘взнаяиго саман̣о г̇од̇амо, сад̇о сад̇д̇асса ужчзд̣̇ам̣ винаасам̣ вибхавам̣ бан̃н̃аабзд̇ий’д̇и. буб̣б̣з жаахам̣ бхигкавз, зд̇арахи жа д̣̇угкан̃жзва бан̃н̃аабзми, д̣̇угкасса жа нирод̇хам̣. д̇ад̇ра жз, бхигкавз, барз д̇ат̇ааг̇ад̇ам̣ аггосанд̇и барибхаасанд̇и росзнд̇и вихзсзнд̇и, д̇ад̇ра, бхигкавз, д̇ат̇ааг̇ад̇асса на ход̇и аагхаад̇о на аббажжаяо на жзд̇асо анабхирад̣̇д̇хи.
246. ‘‘Evaṃ vimuttacittaṃ kho, bhikkhave, bhikkhuṃ saindā devā sabrahmakā sapajāpatikā anvesaṃ nādhigacchanti – ‘idaṃ nissitaṃ tathāgatassa viññāṇa’nti. Taṃ kissa hetu? Diṭṭhevāhaṃ, bhikkhave, dhamme tathāgataṃ ananuvijjoti vadāmi. Evaṃvādiṃ kho maṃ, bhikkhave, evamakkhāyiṃ eke samaṇabrāhmaṇā asatā tucchā musā abhūtena abbhācikkhanti – ‘venayiko samaṇo gotamo, sato sattassa ucchedaṃ vināsaṃ vibhavaṃ paññāpetī’ti. Yathā cāhaṃ na, bhikkhave 40, yathā cāhaṃ na vadāmi, tathā maṃ te bhonto samaṇabrāhmaṇā asatā tucchā musā abhūtena abbhācikkhanti – ‘venayiko samaṇo gotamo, sato sattassa ucchedaṃ vināsaṃ vibhavaṃ paññāpetī’ti. Pubbe cāhaṃ bhikkhave, etarahi ca dukkhañceva paññāpemi, dukkhassa ca nirodhaṃ. Tatra ce, bhikkhave, pare tathāgataṃ akkosanti paribhāsanti rosenti vihesenti, tatra, bhikkhave, tathāgatassa na hoti āghāto na appaccayo na cetaso anabhiraddhi.
‘‘д̇ад̇ра жз, бхигкавз, барз д̇ат̇ааг̇ад̇ам̣ саггаронд̇и г̇арум̣ гаронд̇и маанзнд̇и бууж̇знд̇и, д̇ад̇ра, бхигкавз, д̇ат̇ааг̇ад̇асса на ход̇и аананд̣̇о на соманассам̣ на жзд̇асо уббилаавид̇ад̇д̇ам̣. д̇ад̇ра жз, бхигкавз , барз ваа д̇ат̇ааг̇ад̇ам̣ саггаронд̇и г̇арум̣ гаронд̇и маанзнд̇и бууж̇знд̇и, д̇ад̇ра, бхигкавз, д̇ат̇ааг̇ад̇асса звам̣ ход̇и – ‘яам̣ ко ид̣̇ам̣ буб̣б̣з барин̃н̃аад̇ам̣ д̇ад̇т̇а мз зваруубаа гаараа 41 гарийяанд̇ий’д̇и. д̇асмаад̇иха, бхигкавз, д̇умхз жзби барз аггосзяяум̣ барибхаасзяяум̣ росзяяум̣ вихзсзяяум̣, д̇ад̇ра д̇умхз хи на аагхаад̇о на аббажжаяо на жзд̇асо анабхирад̣̇д̇хи гаран̣ийяаа. д̇асмаад̇иха, бхигкавз, д̇умхз жзби барз саггарзяяум̣ г̇арум̣ гарзяяум̣ маанзяяум̣ бууж̇зяяум̣, д̇ад̇ра д̇умхзхи на аананд̣̇о на соманассам̣ на жзд̇асо уббилаавид̇ад̇д̇ам̣ гаран̣ийяам̣. д̇асмаад̇иха, бхигкавз, д̇умхз жзби барз саггарзяяум̣ г̇арум̣ гарзяяум̣ маанзяяум̣ бууж̇зяяум̣, д̇ад̇ра д̇умхаагам̣ звамасса – ‘яам̣ ко ид̣̇ам̣ буб̣б̣з барин̃н̃аад̇ам̣, д̇ад̇т̇а мз 42 зваруубаа гаараа гарийяанд̇ий’д̇и.
‘‘Tatra ce, bhikkhave, pare tathāgataṃ sakkaronti garuṃ karonti mānenti pūjenti, tatra, bhikkhave, tathāgatassa na hoti ānando na somanassaṃ na cetaso uppilāvitattaṃ. Tatra ce, bhikkhave , pare vā tathāgataṃ sakkaronti garuṃ karonti mānenti pūjenti, tatra, bhikkhave, tathāgatassa evaṃ hoti – ‘yaṃ kho idaṃ pubbe pariññātaṃ tattha me evarūpā kārā 43 karīyantī’ti. Tasmātiha, bhikkhave, tumhe cepi pare akkoseyyuṃ paribhāseyyuṃ roseyyuṃ viheseyyuṃ, tatra tumhe hi na āghāto na appaccayo na cetaso anabhiraddhi karaṇīyā. Tasmātiha, bhikkhave, tumhe cepi pare sakkareyyuṃ garuṃ kareyyuṃ māneyyuṃ pūjeyyuṃ, tatra tumhehi na ānando na somanassaṃ na cetaso uppilāvitattaṃ karaṇīyaṃ. Tasmātiha, bhikkhave, tumhe cepi pare sakkareyyuṃ garuṃ kareyyuṃ māneyyuṃ pūjeyyuṃ, tatra tumhākaṃ evamassa – ‘yaṃ kho idaṃ pubbe pariññātaṃ, tattha me 44 evarūpā kārā karīyantī’ti.
247. ‘‘д̇асмаад̇иха, бхигкавз, яам̣ на д̇умхаагам̣ д̇ам̣ баж̇ахат̇а; д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. гин̃жа, бхигкавз, на д̇умхаагам̣? руубам̣, бхигкавз, на д̇умхаагам̣, д̇ам̣ баж̇ахат̇а; д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. взд̣̇анаа, бхигкавз, на д̇умхаагам̣, д̇ам̣ баж̇ахат̇а; саа во бахийнаа д̣̇ийгхарад̇д̇ам̣ хид̇ааяа сукааяа бхависсад̇и. сан̃н̃аа, бхигкавз, на д̇умхаагам̣, д̇ам̣ баж̇ахат̇а; саа во бахийнаа д̣̇ийгхарад̇д̇ам̣ хид̇ааяа сукааяа бхависсад̇и. сан̇каараа, бхигкавз, на д̇умхаагам̣, д̇з баж̇ахат̇а; д̇з во бахийнаа д̣̇ийгхарад̇д̇ам̣ хид̇ааяа сукааяа бхависсанд̇и. вин̃н̃аан̣ам̣, бхигкавз, на д̇умхаагам̣, д̇ам̣ баж̇ахат̇а; д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. д̇ам̣ гим̣ ман̃н̃ат̇а, бхигкавз, яам̣ имасмим̣ ж̇зд̇аванз д̇ин̣агадтасаакаабалаасам̣, д̇ам̣ ж̇ано харзяяа ваа д̣̇ахзяяа ваа яат̇аабажжаяам̣ ваа гарзяяа. аби ну д̇умхаагам̣ звамасса – ‘амхз ж̇ано харад̇и ваа д̣̇ахад̇и ваа яат̇аабажжаяам̣ ваа гарод̇ий’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘на хи но зд̇ам̣, бханд̇з, ад̇д̇аа ваа ад̇д̇анияам̣ ваа’’д̇и. ‘‘звамзва ко, бхигкавз, яам̣ на д̇умхаагам̣ д̇ам̣ баж̇ахат̇а; д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. гин̃жа, бхигкавз, на д̇умхаагам̣? руубам̣, бхигкавз, на д̇умхаагам̣, д̇ам̣ баж̇ахат̇а; д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. взд̣̇анаа, бхигкавз…бз… сан̃н̃аа, бхигкавз… сан̇каараа, бхигкавз…бз… вин̃н̃аан̣ам̣, бхигкавз, на д̇умхаагам̣, д̇ам̣ баж̇ахат̇а; д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и.
247. ‘‘Tasmātiha, bhikkhave, yaṃ na tumhākaṃ taṃ pajahatha; taṃ vo pahīnaṃ dīgharattaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissati. Vedanā, bhikkhave, na tumhākaṃ, taṃ pajahatha; sā vo pahīnā dīgharattaṃ hitāya sukhāya bhavissati. Saññā, bhikkhave, na tumhākaṃ, taṃ pajahatha; sā vo pahīnā dīgharattaṃ hitāya sukhāya bhavissati. Saṅkhārā, bhikkhave, na tumhākaṃ, te pajahatha; te vo pahīnā dīgharattaṃ hitāya sukhāya bhavissanti. Viññāṇaṃ, bhikkhave, na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissati. Taṃ kiṃ maññatha, bhikkhave, yaṃ imasmiṃ jetavane tiṇakaṭṭhasākhāpalāsaṃ, taṃ jano hareyya vā daheyya vā yathāpaccayaṃ vā kareyya. Api nu tumhākaṃ evamassa – ‘amhe jano harati vā dahati vā yathāpaccayaṃ vā karotī’ti? ‘‘No hetaṃ, bhante’’. ‘‘Taṃ kissa hetu’’? ‘‘Na hi no etaṃ, bhante, attā vā attaniyaṃ vā’’ti. ‘‘Evameva kho, bhikkhave, yaṃ na tumhākaṃ taṃ pajahatha; taṃ vo pahīnaṃ dīgharattaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissati. Vedanā, bhikkhave…pe… saññā, bhikkhave… saṅkhārā, bhikkhave…pe… viññāṇaṃ, bhikkhave, na tumhākaṃ, taṃ pajahatha; taṃ vo pahīnaṃ dīgharattaṃ hitāya sukhāya bhavissati.
248. ‘‘звам̣ сваагкаад̇о, бхигкавз, маяаа д̇хаммо уд̇д̇аано вивадо багаасид̇о чиннабилод̇иго. звам̣ сваагкаад̇з, бхигкавз, маяаа д̇хаммз уд̇д̇аанз вивадз багаасид̇з чиннабилод̇игз яз д̇з бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа, ваддам̣ д̇зсам̣ над̇т̇и бан̃н̃аабанааяа. звам̣ сваагкаад̇о, бхигкавз, маяаа д̇хаммо уд̇д̇аано вивадо багаасид̇о чиннабилод̇иго. звам̣ сваагкаад̇з, бхигкавз, маяаа д̇хаммз уд̇д̇аанз вивадз багаасид̇з чиннабилод̇игз язсам̣ бхигкуунам̣ бан̃жорамбхааг̇ияаани сам̣яож̇анаани бахийнаани, саб̣б̣з д̇з обабаад̇игаа, д̇ад̇т̇а бариниб̣б̣ааяино, анаавад̇д̇ид̇хаммаа д̇асмаа логаа. звам̣ сваагкаад̇о, бхигкавз, маяаа д̇хаммо уд̇д̇аано вивадо багаасид̇о чиннабилод̇иго. звам̣ сваагкаад̇з, бхигкавз, маяаа д̇хаммз уд̇д̇аанз вивадз багаасид̇з чиннабилод̇игз язсам̣ бхигкуунам̣ д̇ийн̣и сам̣яож̇анаани бахийнаани, рааг̇ад̣̇осамохаа д̇анубхууд̇аа, саб̣б̣з д̇з сагад̣̇ааг̇аамино, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссанд̇и. звам̣ сваагкаад̇о, бхигкавз, маяаа д̇хаммо уд̇д̇аано вивадо багаасид̇о чиннабилод̇иго. звам̣ сваагкаад̇з, бхигкавз, маяаа д̇хаммз уд̇д̇аанз вивадз багаасид̇з чиннабилод̇игз язсам̣ бхигкуунам̣ д̇ийн̣и сам̣яож̇анаани бахийнаани, саб̣б̣з д̇з сод̇аабаннаа, авинибаад̇ад̇хаммаа , нияад̇аа самб̣од̇хибарааяанаа. звам̣ сваагкаад̇о, бхигкавз, маяаа д̇хаммо уд̇д̇аано вивадо багаасид̇о чиннабилод̇иго. звам̣ сваагкаад̇з, бхигкавз, маяаа д̇хаммз уд̇д̇аанз вивадз багаасид̇з чиннабилод̇игз яз д̇з бхигкуу д̇хаммаанусаарино сад̣̇д̇хаанусаарино саб̣б̣з д̇з самб̣од̇хибарааяанаа. звам̣ сваагкаад̇о, бхигкавз, маяаа д̇хаммо уд̇д̇аано вивадо багаасид̇о чиннабилод̇иго. звам̣ сваагкаад̇з, бхигкавз, маяаа д̇хаммз уд̇д̇аанз вивадз багаасид̇з чиннабилод̇игз язсам̣ маяи сад̣̇д̇хаамад̇д̇ам̣ бзмамад̇д̇ам̣ саб̣б̣з д̇з саг̇г̇абарааяанаа’’д̇и.
248. ‘‘Evaṃ svākkhāto, bhikkhave, mayā dhammo uttāno vivaṭo pakāsito chinnapilotiko. Evaṃ svākkhāte, bhikkhave, mayā dhamme uttāne vivaṭe pakāsite chinnapilotike ye te bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, vaṭṭaṃ tesaṃ natthi paññāpanāya. Evaṃ svākkhāto, bhikkhave, mayā dhammo uttāno vivaṭo pakāsito chinnapilotiko. Evaṃ svākkhāte, bhikkhave, mayā dhamme uttāne vivaṭe pakāsite chinnapilotike yesaṃ bhikkhūnaṃ pañcorambhāgiyāni saṃyojanāni pahīnāni, sabbe te opapātikā, tattha parinibbāyino, anāvattidhammā tasmā lokā. Evaṃ svākkhāto, bhikkhave, mayā dhammo uttāno vivaṭo pakāsito chinnapilotiko. Evaṃ svākkhāte, bhikkhave, mayā dhamme uttāne vivaṭe pakāsite chinnapilotike yesaṃ bhikkhūnaṃ tīṇi saṃyojanāni pahīnāni, rāgadosamohā tanubhūtā, sabbe te sakadāgāmino, sakideva imaṃ lokaṃ āgantvā dukkhassantaṃ karissanti. Evaṃ svākkhāto, bhikkhave, mayā dhammo uttāno vivaṭo pakāsito chinnapilotiko. Evaṃ svākkhāte, bhikkhave, mayā dhamme uttāne vivaṭe pakāsite chinnapilotike yesaṃ bhikkhūnaṃ tīṇi saṃyojanāni pahīnāni, sabbe te sotāpannā, avinipātadhammā , niyatā sambodhiparāyanā. Evaṃ svākkhāto, bhikkhave, mayā dhammo uttāno vivaṭo pakāsito chinnapilotiko. Evaṃ svākkhāte, bhikkhave, mayā dhamme uttāne vivaṭe pakāsite chinnapilotike ye te bhikkhū dhammānusārino saddhānusārino sabbe te sambodhiparāyanā. Evaṃ svākkhāto, bhikkhave, mayā dhammo uttāno vivaṭo pakāsito chinnapilotiko. Evaṃ svākkhāte, bhikkhave, mayā dhamme uttāne vivaṭe pakāsite chinnapilotike yesaṃ mayi saddhāmattaṃ pemamattaṃ sabbe te saggaparāyanā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
алаг̇ад̣̇д̣̇уубамасуд̇д̇ам̣ нидтид̇ам̣ д̣̇уд̇ияам̣.
Alagaddūpamasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. алаг̇ад̣̇д̣̇уубамасуд̇д̇аван̣н̣анаа • 2. Alagaddūpamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. алаг̇ад̣̇д̣̇уубамасуд̇д̇аван̣н̣анаа • 2. Alagaddūpamasuttavaṇṇanā
