Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā)

    2. алаг̇ад̣̇д̣̇уубамасуд̇д̇аван̣н̣анаа

    2. Alagaddūpamasuttavaṇṇanā

    234. б̣аад̇хаяим̣сууд̇и (саарад̇т̇а. дий. баажид̇д̇ияа 3.417) ханим̣су. д̇ам̣д̇ам̣самбад̇д̇ияаа виб̣анд̇ханавасзна сад̇д̇асанд̇аанасса анд̇арз взмаж̇жхз зд̇и ааг̇ажчад̇ийд̇и анд̇арааяо, д̣̇идтад̇хаммигаад̣̇ианад̇т̇о, анад̇иггаманадтзна д̇асмим̣ анд̇арааяз нияуд̇д̇аа, анд̇арааяам̣ ваа палам̣ араханд̇и, анд̇арааяасса ваа гаран̣асийлаад̇и анд̇арааяигаа. д̇знааха ‘‘анд̇арааяам̣ гаронд̇ийд̇и анд̇арааяигаа’’д̇и. аананд̇арияад̇хаммаад̇и аананд̇арияасабхааважзд̇анаад̇хаммаа. д̇ад̇рааяам̣ важанад̇т̇о – жуд̇иананд̇арапалам̣ ананд̇арам̣ наама, д̇асмим̣ ананд̇арз нияуд̇д̇аа, д̇анниб̣б̣ад̇д̇анзна ананд̇арагаран̣асийлаа, ананд̇арабаяож̇анаад̇и ваа аананд̇аригаа, д̇з зва аананд̇арияаад̇и вуд̇д̇аа. гаммаани зва анд̇арааяигаад̇и гамманд̇арааяигаа. могкассзва анд̇арааяам̣ гарод̇и, на саг̇г̇асса мижчаажааралагкан̣аабхаавад̇о. на хи бхигкунияаа д̇хаммарагкид̇абхааво ад̇т̇и. баагад̇игабхигкунийвасзна жзд̇ам̣ вуд̇д̇ам̣, арияааяа бана бавад̇д̇ам̣ абааяасам̣вад̇д̇анияамзва. нанд̣̇амаан̣аваго жзд̇т̇а нид̣̇ассанам̣. убхиннам̣ самаанажчанд̣̇ад̇аавасзна ваа асаг̇г̇анд̇арааяигад̇аа, могканд̇арааяигад̇аа бана могкад̇т̇абадибад̇д̇ияаа вид̣̇уусанад̇о, абхибхавид̇ваа бана бавад̇д̇ияам̣ саг̇г̇анд̇арааяигад̇ааби на саггаа ниваарзд̇унд̇и. ахзд̇угад̣̇идтиагирияад̣̇идтинад̇т̇игад̣̇идтияова нияад̇абхаавам̣ бад̇д̇аа нияад̇амижчаад̣̇идтид̇хаммаа. бадисанд̇хид̇хаммаад̇и бадисанд̇хижид̇д̇уббаад̣̇амааха. бан̣д̣агаад̣̇иг̇г̇ахан̣ан̃жзд̇т̇а нид̣̇ассанамад̇д̇ам̣ саб̣б̣ааяаби ахзд̇угабадисанд̇хияаа вибааганд̇арааяигабхаавад̇о. яаа хи арияз убавад̣̇ад̇и, саа жзд̇анаа арияуубаваад̣̇ад̇хаммаа. д̇ад̇о баранд̇и камаабанад̇о убари. яам̣ банзд̇т̇а вад̇д̇аб̣б̣ам̣, д̇ам̣ махаасийханаад̣̇асса лийнад̇т̇абагаасанз вуд̇д̇амзва. яаава бхигкубхаавам̣ бадиж̇аанаад̇и баарааж̇игам̣ аабанно. на вудтаад̇и сзсам̣ г̇аругаабад̇д̇им̣. на д̣̇зсзд̇и лахугаабад̇д̇им̣.

    234.Bādhayiṃsūti (sārattha. ṭī. pācittiya 3.417) haniṃsu. Taṃtaṃsampattiyā vibandhanavasena sattasantānassa antare vemajjhe eti āgacchatīti antarāyo, diṭṭhadhammikādianattho, anatikkamanaṭṭhena tasmiṃ antarāye niyuttā, antarāyaṃ vā phalaṃ arahanti, antarāyassa vā karaṇasīlāti antarāyikā. Tenāha ‘‘antarāyaṃ karontīti antarāyikā’’ti. Ānantariyadhammāti ānantariyasabhāvacetanādhammā. Tatrāyaṃ vacanattho – cutianantaraphalaṃ anantaraṃ nāma, tasmiṃ anantare niyuttā, tannibbattanena anantarakaraṇasīlā, anantarapayojanāti vā ānantarikā, te eva ānantariyāti vuttā. Kammāni eva antarāyikāti kammantarāyikā. Mokkhasseva antarāyaṃ karoti, na saggassa micchācāralakkhaṇābhāvato. Na hi bhikkhuniyā dhammarakkhitabhāvo atthi. Pākatikabhikkhunīvasena cetaṃ vuttaṃ, ariyāya pana pavattaṃ apāyasaṃvattaniyameva. Nandamāṇavako cettha nidassanaṃ. Ubhinnaṃ samānacchandatāvasena vā asaggantarāyikatā, mokkhantarāyikatā pana mokkhatthapaṭipattiyā vidūsanato, abhibhavitvā pana pavattiyaṃ saggantarāyikatāpi na sakkā nivāretunti. Ahetukadiṭṭhiakiriyadiṭṭhinatthikadiṭṭhiyova niyatabhāvaṃ pattā niyatamicchādiṭṭhidhammā. Paṭisandhidhammāti paṭisandhicittuppādamāha. Paṇḍakādiggahaṇañcettha nidassanamattaṃ sabbāyapi ahetukapaṭisandhiyā vipākantarāyikabhāvato. Yā hi ariye upavadati, sā cetanā ariyūpavādadhammā. Tato paranti khamāpanato upari. Yaṃ panettha vattabbaṃ, taṃ mahāsīhanādassa līnatthapakāsane vuttameva. Yāva bhikkhubhāvaṃ paṭijānāti pārājikaṃ āpanno. Na vuṭṭhāti sesaṃ garukāpattiṃ. Na deseti lahukāpattiṃ.

    аяам̣ бхигку аридто. расзна расам̣ сам̣санд̣̇ид̇ваад̇и анаваж̇ж̇зна бажжаяабарибхун̃ж̇анарасзна сааваж̇ж̇ам̣ гаамаг̇ун̣абарибхог̇арасам̣ самаанзд̇ваа. убанзнд̇о вияаад̇и б̣анд̇ханам̣ убанзнд̇о вияа. ‘‘гхадзнд̇о вияаа’’д̇иби баато. убасам̣харанд̇о вияаад̇и сад̣̇исад̇ам̣ убасам̣харанд̇о вияа зганд̇асааваж̇ж̇з анаваж̇ж̇абхаавабагкзбзна. баабаганд̇и лаамагадтзна д̣̇уг̇г̇ад̇исамбаабанадтзна жа баабагам̣. сзд̇угаран̣авасзна махаасамуд̣̇д̣̇ам̣ б̣анд̇ханд̇зна вияа. саб̣б̣ан̃н̃уд̇ан̃н̃аан̣зна ‘‘сааваж̇ж̇а’’нд̇и д̣̇идтам̣ ‘‘анаваж̇ж̇а’’нд̇и г̇ахан̣зна д̇зна бадивируж̇жханд̇о. зганд̇ад̇о ананд̇арааяиганд̇и г̇ахан̣зна взсаараж̇ж̇ан̃аан̣ам̣ бадиб̣ааханд̇о. гаамаган̣дагзхи арияамаг̇г̇асаммаабадибад̇д̇и на убаггилиссад̇ийд̇и вад̣̇анд̇о ‘‘арияамаг̇г̇з каан̣уган̣дагаад̣̇ийни багкибанд̇о’’д̇и вуд̇д̇о. батамабаарааж̇игасигкаабад̣̇асан̇каад̇з, ‘‘аб̣рахмажарияам̣ бахааяаа’’д̇и (д̣̇ий. ни. 1.8, 194) аад̣̇ид̣̇зсанаасан̇каад̇з жа аан̣аажаггз.

    Ayaṃ bhikkhu ariṭṭho. Rasena rasaṃ saṃsanditvāti anavajjena paccayaparibhuñjanarasena sāvajjaṃ kāmaguṇaparibhogarasaṃ samānetvā. Upanento viyāti bandhanaṃ upanento viya. ‘‘Ghaṭento viyā’’tipi pāṭho. Upasaṃharanto viyāti sadisataṃ upasaṃharanto viya ekantasāvajje anavajjabhāvapakkhepena. Pāpakanti lāmakaṭṭhena duggatisampāpanaṭṭhena ca pāpakaṃ. Setukaraṇavasena mahāsamuddaṃ bandhantena viya. Sabbaññutaññāṇena ‘‘sāvajja’’nti diṭṭhaṃ ‘‘anavajja’’nti gahaṇena tena paṭivirujjhanto. Ekantato anantarāyikanti gahaṇena vesārajjañāṇaṃ paṭibāhanto. Kāmakaṇṭakehi ariyamaggasammāpaṭipatti na upakkilissatīti vadanto ‘‘ariyamagge khāṇukaṇṭakādīnipakkhipanto’’ti vutto. Paṭhamapārājikasikkhāpadasaṅkhāte, ‘‘abrahmacariyaṃ pahāyā’’ti (dī. ni. 1.8, 194) ādidesanāsaṅkhāte ca āṇācakke.

    бужчамаанаа самануяун̃ж̇анд̇и наама. бужчаа хи ануяог̇од̇и. д̇знаад̇хиг̇ад̇ааяа лад̣̇д̇хияаа ануваж̇ж̇анад̇т̇ам̣ бажжанубхаасанзна буна бадиж̇аанаабанам̣ бад̇идтаабанам̣, д̇ам̣ банасса аад̣̇ааяа самаад̣̇аабанам̣ вияа ход̇ийд̇и ааха ‘‘самануг̇ааханд̇и наамаа’’д̇и. д̇ассаа бана лад̣̇д̇хияаа ануяун̃ж̇ид̇ааяа вужжамаанамби гааран̣ам̣ гааран̣абад̇ируубагамзваад̇и д̇асса бужчанам̣ саманубхаасанам̣. ануд̣̇аханадтзна анубааяабадибад̇д̇ияаа самбад̇и ааяад̇ин̃жа ануд̣̇аханадтзна. махаабхид̇аабанадтзна анавадтид̇асабхаавад̇ааяа. ид̇д̇арабажжубадтаанадтзна мухуд̇д̇араман̣ийяад̇ааяа. д̇аавагаалигадтзна барзхи абхибхаванийяад̇ааяа. саб̣б̣ан̇г̇абажжан̇г̇абалибхан̃ж̇анадтзна чзд̣̇анабхзд̣̇анаад̣̇иад̇хигаран̣абхаавзна. уг̇гхаадасад̣̇исад̇ааяа ад̇хигудданадтзна. аван̣з ван̣ам̣ уббаад̣̇зд̇ваа анд̇о анубависанасабхаавад̇ааяа винивиж̇жханадтзна. д̣̇идтад̇хаммигасамбарааяигаанад̇т̇анимид̇д̇ад̇ааяа саасан̇гасаббадибхаяадтзна. д̣̇идтит̇аамзнаад̇и д̇ассаа д̣̇идтияаа т̇аамаг̇ад̇абхаавзна. д̣̇идтибараамаасзнаад̇и д̣̇идтисан̇каад̇абараамасанзна. д̣̇идтиязва хи д̇хаммасабхаавам̣ ад̇иггамид̇ваа барад̇о аамасанзна бараамаасо. абхинивиссаад̇и д̇ан̣хаабхинивзсабуб̣б̣ан̇г̇амзна д̣̇идтаабхинивзсзна ‘‘ид̣̇амзвзд̇т̇а д̇ат̇а’’нд̇и абхинивисид̇ваа. яасмаа хи абхинивзсанам̣ д̇ад̇т̇а абхинивидтам̣ наама ход̇и.д̇асмаа ааха ‘‘ад̇хидтахид̇ваа’’д̇и.

    Pucchamānā samanuyuñjanti nāma. Pucchā hi anuyogoti. Tenādhigatāya laddhiyā anuvajjanatthaṃ paccanubhāsanena puna paṭijānāpanaṃ patiṭṭhāpanaṃ, taṃ panassa ādāya samādāpanaṃ viya hotīti āha ‘‘samanugāhanti nāmā’’ti. Tassā pana laddhiyā anuyuñjitāya vuccamānampi kāraṇaṃ kāraṇapatirūpakamevāti tassa pucchanaṃ samanubhāsanaṃ. Anudahanaṭṭhena anupāyapaṭipattiyā sampati āyatiñca anudahanaṭṭhena. Mahābhitāpanaṭṭhena anavaṭṭhitasabhāvatāya. Ittarapaccupaṭṭhānaṭṭhena muhuttaramaṇīyatāya. Tāvakālikaṭṭhena parehi abhibhavanīyatāya. Sabbaṅgapaccaṅgapalibhañjanaṭṭhena chedanabhedanādiadhikaraṇabhāvena. Ugghāṭasadisatāya adhikuṭṭanaṭṭhena. Avaṇe vaṇaṃ uppādetvā anto anupavisanasabhāvatāya vinivijjhanaṭṭhena. Diṭṭhadhammikasamparāyikaanatthanimittatāya sāsaṅkasappaṭibhayaṭṭhena.Diṭṭhithāmenāti tassā diṭṭhiyā thāmagatabhāvena. Diṭṭhiparāmāsenāti diṭṭhisaṅkhātaparāmasanena. Diṭṭhiyeva hi dhammasabhāvaṃ atikkamitvā parato āmasanena parāmāso. Abhinivissāti taṇhābhinivesapubbaṅgamena diṭṭhābhinivesena ‘‘idamevettha tatha’’nti abhinivisitvā. Yasmā hi abhinivesanaṃ tattha abhiniviṭṭhaṃ nāma hoti.Tasmā āha ‘‘adhiṭṭhahitvā’’ti.

    235. над̇т̇ийд̇и вад̇д̇угаамобийд̇и ад̇д̇ано лад̣̇д̇хим̣ ниг̇ухзд̇угаамад̇ааяа аваж̇аанид̇угаамоби. самбадижчад̇и бадиж̇аанаад̇и. д̣̇вз гат̇аад̇и висам̣ваад̣̇анагат̇ам̣ санд̇хааяа вад̣̇ад̇и. абхууд̇агат̇аа хи буб̣б̣з бавад̇д̇аа бхууд̇агат̇ааяа васзна д̣̇вз гат̇аад̇и вужжад̇и.

    235.Natthīti vattukāmopīti attano laddhiṃ niguhetukāmatāya avajānitukāmopi. Sampaṭicchati paṭijānāti. Dve kathāti visaṃvādanakathaṃ sandhāya vadati. Abhūtakathā hi pubbe pavattā bhūtakathāya vasena dve kathāti vuccati.

    236. гасса ко наамаад̇и иминаа сад̇т̇аа ‘‘на мама д̇уяхам̣ д̇аад̣̇исасса ад̇т̇ааяа д̇хаммад̣̇зсанаа наама бхууд̇абуб̣б̣аа’’д̇и д̣̇ассзд̇и. д̇знааха ‘‘кад̇д̇ияасса ваа’’д̇иаад̣̇и.

    236.Kassa kho nāmāti iminā satthā ‘‘na mama tuyhaṃ tādisassa atthāya dhammadesanā nāma bhūtapubbā’’ti dasseti. Tenāha ‘‘khattiyassa vā’’tiādi.

    н̃аан̣амаяаа усмаа зд̇асса ад̇т̇ийд̇и усмий, д̇ат̇ааруубзхи бажжаязхи анусмийгад̇о д̇асмим̣ ад̇д̇абхаавз бадивзд̇хаг̇аб̣бхоаби усмийгад̇од̇и вигад̇абхаавад̇о бан̃н̃ааб̣ийж̇амасса имасмим̣ д̇хаммавинаяз аби ну ад̇т̇ийд̇и бхаг̇аваа бхигкуу бужчад̇и. д̇з бадигкибанд̇аа вад̣̇анд̇и таанаг̇ад̇зна д̣̇ужжарид̇зна н̃аан̣убахад̇абхаавам̣ самбассанд̇аа. нид̇д̇зж̇абхууд̇од̇и нид̇д̇зж̇ам̣ бхууд̇о д̇зж̇охааниббад̇д̇о. д̇ад̇о зва бхигкуунамби саммукаа ологзд̇ум̣ асамад̇т̇ад̇ааяа бад̇д̇агканд̇хо ад̇хомуко. сахад̇хаммигам̣ гин̃жи вад̇д̇ум̣ ависаханад̇о аббадибхаано. самбад̇д̇уубаг̇анд̇и самбад̇д̇иаавахам̣. бадиббассамбхзнд̇од̇и бадисзд̇хзнд̇о.

    Ñāṇamayā usmā etassa atthīti usmī, tathārūpehi paccayehi anusmīkato tasmiṃ attabhāve paṭivedhagabbhoapi usmīkatoti vikatabhāvato paññābījamassa imasmiṃ dhammavinaye api nu atthīti bhagavā bhikkhū pucchati. Te paṭikkhipantā vadanti ṭhānagatena duccaritena ñāṇupahatabhāvaṃ sampassantā. Nittejabhūtoti nittejaṃ bhūto tejohānippatto. Tato eva bhikkhūnampi sammukhā oloketuṃ asamatthatāya pattakkhandho adhomukho. Sahadhammikaṃ kiñci vattuṃ avisahanato appaṭibhāno. Sampattūpaganti sampattiāvahaṃ. Paṭippassambhentoti paṭisedhento.

    237. анд̇арааяагаралад̣̇д̇хияаа сабхаававибхааванзна барисам̣ сод̇хзд̇и. ниссаарзд̇и нийхарад̇и ависуд̣̇д̇хад̣̇идтид̇ааяа. гассажи б̣уд̣̇д̇хаанубхаавам̣ аж̇аананд̇асса. д̇асса хи звам̣ бхавзяяа ‘‘сахасаа гат̇ид̇а’’нд̇и. на хи гад̣̇аажи б̣уд̣̇д̇хаанам̣ сахасаа гирияаа наама ад̇т̇и. ассаад̇и ‘‘гассажий’’д̇и вуд̇д̇абхигкусса. суд̇вааби д̇ун̣хийбхаавам̣ аабаж̇ж̇зяяаад̇и ат̇ааби сияаад̇и самб̣анд̇хо. д̇ам̣ саб̣б̣анд̇и ‘‘сажз хий’’д̇иаад̣̇инаа вуд̇д̇ам̣ саб̣б̣ам̣ баригаббанам̣. на гариссанд̇ийд̇и барисааяа лад̣̇д̇хим̣ сод̇хзд̇ийд̇и самб̣анд̇хо. лад̣̇д̇хим̣ багаасзнд̇од̇и махаасааваж̇ж̇ад̇аавасзна багаасзнд̇о. сан̃н̃аавид̇аггзхийд̇и субханимид̇д̇аануб̣яан̃ж̇анаг̇г̇аахаад̣̇ивасзна бавад̇д̇зхи сан̃н̃аавид̇аггзхи. д̇знааха ‘‘гилзсагаамасамбаяуд̇д̇зхий’’д̇и. мзт̇унасамаажааранд̇и ид̣̇ам̣ ад̇хигааравасзна вуд̇д̇ам̣. д̇ад̣̇ан̃н̃амби бана – ‘‘абижа ко маад̇уг̇аамасса ужчаад̣̇анам̣ баримад̣̇д̣̇анам̣ нахаабанам̣ самб̣ааханам̣ саад̣̇ияад̇ий’’д̇иаад̣̇инаа (а. ни. 7.50) ааг̇ад̇ам̣ висабхааг̇авад̇т̇увисаяам̣ аамисабарибхог̇ам̣. ‘‘ан̃н̃ад̇рзва гаамзхи ан̃н̃ад̇ра гаамасан̃н̃аахи ан̃н̃ад̇ра гаамавид̇аггзхи самаажариссад̇ий’’д̇и нзд̇ам̣ таанам̣ виж̇ж̇ад̇и.

    237. Antarāyakaraladdhiyā sabhāvavibhāvanena parisaṃ sodheti. Nissāreti nīharati avisuddhadiṭṭhitāya. Kassaci buddhānubhāvaṃ ajānantassa. Tassa hi evaṃ bhaveyya ‘‘sahasā kathita’’nti. Na hi kadāci buddhānaṃ sahasā kiriyā nāma atthi. Assāti ‘‘kassacī’’ti vuttabhikkhussa. Sutvāpituṇhībhāvaṃ āpajjeyyāti athāpi siyāti sambandho. Taṃ sabbanti ‘‘sace hī’’tiādinā vuttaṃ sabbaṃ parikappanaṃ. Na karissantīti parisāya laddhiṃ sodhetīti sambandho. Laddhiṃ pakāsentoti mahāsāvajjatāvasena pakāsento. Saññāvitakkehīti subhanimittānubyañjanaggāhādivasena pavattehi saññāvitakkehi. Tenāha ‘‘kilesakāmasampayuttehī’’ti. Methunasamācāranti idaṃ adhikāravasena vuttaṃ. Tadaññampi pana – ‘‘apica kho mātugāmassa ucchādanaṃ parimaddanaṃ nahāpanaṃ sambāhanaṃ sādiyatī’’tiādinā (a. ni. 7.50) āgataṃ visabhāgavatthuvisayaṃ āmisaparibhogaṃ. ‘‘Aññatreva kāmehi aññatra kāmasaññāhi aññatra kāmavitakkehi samācarissatī’’ti netaṃ ṭhānaṃ vijjati.

    238. яонисо бажжавзгкан̣зна над̇т̇и зд̇т̇а чанд̣̇арааг̇од̇и нижчанд̣̇арааг̇о, д̇ам̣ нижчанд̣̇арааг̇ам̣. гад̣̇аажи убосат̇игабхаавзна самаад̣̇иннасийлааби хонд̇и гад̣̇аажи нод̇и аниб̣ад̣̇д̇хасийлаанам̣ г̇ахадтаанам̣. сийласамаад̣̇аанабхаавад̇о анд̇арааяагарам̣. вад̇т̇угаамаанам̣ сажчанд̣̇арааг̇абарибхог̇ан̃жа. абажжавзгкан̣зна бхигкуунам̣ ааваран̣агарам̣. бажжаяаанам̣ сажчанд̣̇арааг̇абарибхог̇ан̃жа. аяам̣ аридто д̣̇уг̇г̇ахид̇ааяа барияад̇д̇ияаа васзна амхз жзва аб̣бхаажигкад̇и, ад̇д̇аанан̃жа канад̇и, б̣ахун̃жа абун̃н̃ам̣ басавад̇ийд̇и звам̣ сан̃н̃аа маа хонд̇ууд̇и д̣̇уг̇г̇ахид̇ааяа барияад̇д̇ияаа д̣̇осам̣ д̣̇ассзнд̇о ааха. уг̇г̇ан̣ханд̇ийд̇и саж̇жхааяанд̇и жзва ваажуг̇г̇ад̇ам̣ гаронд̇аа д̇хаарзнд̇и жаад̇и ад̇т̇о.

    238. Yoniso paccavekkhaṇena natthi ettha chandarāgoti nicchandarāgo, taṃ nicchandarāgaṃ. Kadāci uposathikabhāvena samādinnasīlāpi honti kadāci noti anibaddhasīlānaṃ gahaṭṭhānaṃ. Sīlasamādānabhāvato antarāyakaraṃ. Vatthukāmānaṃ sacchandarāgaparibhogañca. Apaccavekkhaṇena bhikkhūnaṃ āvaraṇakaraṃ. Paccayānaṃ sacchandarāgaparibhogañca. Ayaṃ ariṭṭho duggahitāya pariyattiyā vasena amhe ceva abbhācikkhati, attānañca khanati, bahuñca apuññaṃ pasavatīti evaṃ saññā mā hontūti duggahitāya pariyattiyā dosaṃ dassento āha. Uggaṇhantīti sajjhāyanti ceva vācuggataṃ karontā dhārenti cāti attho.

    суд̇д̇анд̇иаад̣̇инаа наваббабхзд̣̇амби барияад̇д̇ид̇хаммам̣ барияаад̣̇ияад̇и. гат̇ам̣ суд̇д̇ам̣ наваббабхзд̣̇ам̣? саг̇аат̇аган̃хи суд̇д̇ам̣ г̇зяяам̣, ниг̇г̇аат̇агам̣ суд̇д̇ам̣ взяяаагаран̣ам̣, д̇ад̣̇убхаяавинимуд̇д̇ан̃жа суд̇д̇ам̣ уд̣̇аанаад̣̇ивисзсасан̃н̃аавирахид̇ам̣ над̇т̇и, яам̣ суд̇д̇ан̇г̇ам̣ сияаа, ман̇г̇аласуд̇д̇аад̣̇ийнан̃жа суд̇д̇ан̇г̇асан̇г̇ахо на сияаа г̇аат̇аабхаавад̇о д̇хаммабад̣̇аад̣̇ийнам̣ вияа, г̇зяяан̇г̇асан̇г̇ахо ваа сияаа саг̇аат̇агад̇д̇аа саг̇аат̇ааваг̇г̇асса вияа, д̇ат̇аа убхад̇овибхан̇г̇аад̣̇ийсу саг̇аат̇агаббад̣̇зсаананд̇и? вужжад̇з –

    Suttantiādinā navappabhedampi pariyattidhammaṃ pariyādiyati. Kathaṃ suttaṃ navappabhedaṃ? Sagāthakañhi suttaṃ geyyaṃ, niggāthakaṃ suttaṃ veyyākaraṇaṃ, tadubhayavinimuttañca suttaṃ udānādivisesasaññāvirahitaṃ natthi, yaṃ suttaṅgaṃ siyā, maṅgalasuttādīnañca suttaṅgasaṅgaho na siyā gāthābhāvato dhammapadādīnaṃ viya, geyyaṅgasaṅgaho vā siyā sagāthakattā sagāthāvaggassa viya, tathā ubhatovibhaṅgādīsu sagāthakappadesānanti? Vuccate –

    суд̇д̇анд̇и сааман̃н̃авид̇хи, висзсавид̇хаяо барз;

    Suttanti sāmaññavidhi, visesavidhayo pare;

    санимид̇д̇аа нируул̣хад̇д̇аа, сахад̇аан̃н̃зна нан̃н̃ад̇о. (д̣̇ий. ни. дий. 1.нид̣̇аанагат̇ааван̣н̣анаа; а. ни. дий. 2.4.6; саарад̇т̇а. дий. 1.б̣аахиранид̣̇аанагат̇аа);

    Sanimittā nirūḷhattā, sahatāññena naññato. (dī. ni. ṭī. 1.nidānakathāvaṇṇanā; a. ni. ṭī. 2.4.6; sārattha. ṭī. 1.bāhiranidānakathā);

    саб̣б̣ассаби хи б̣уд̣̇д̇хаважанасса суд̇д̇анд̇и аяам̣ сааман̃н̃авид̇хи. д̇знзвааха ааяасмаа махаагажжаано нзд̇д̇ияам̣ (нзд̇д̇и. 1.сан̇г̇ахаваара) ‘‘нававид̇хасуд̇д̇анд̇абарияздтий’’д̇и. ‘‘зд̇д̇агам̣ д̇асса бхаг̇авад̇о суд̇д̇ааг̇ад̇ам̣ суд̇д̇абарияаабаннам̣ (баажи. 655, 1242), сагаваад̣̇з бан̃жа суд̇д̇асад̇ааний’’д̇и (д̇ха. са. адта. нид̣̇аанагат̇аа; гат̇аа. адта. нид̣̇аанагат̇аа) звамаад̣̇и жа зд̇асса ад̇т̇асса саад̇хагам̣. д̇ад̣̇згад̣̇зсзсу бана г̇зяяаад̣̇аяо висзсавид̇хаяо д̇зна д̇зна нимид̇д̇зна бад̇идтид̇аа. д̇ат̇аа хи г̇зяяасса саг̇аат̇агад̇д̇ам̣ д̇аб̣бхааванимид̇д̇ам̣. логзби хи сасилогам̣ саг̇аат̇агам̣ ваа жун̣н̣ияаг̇ант̇ам̣ ‘‘г̇зяяа’’нд̇и вад̣̇анд̇и. г̇аат̇аавирахз бана сад̇и бужчам̣ гад̇ваа виссаж̇ж̇анабхааво взяяаагаран̣асса д̇аб̣бхааванимид̇д̇ам̣. бужчаависсаж̇ж̇анан̃хи ‘‘б̣яаагаран̣а’’нд̇и вужжад̇и, б̣яаагаран̣амзва взяяаагаран̣ам̣.

    Sabbassapi hi buddhavacanassa suttanti ayaṃ sāmaññavidhi. Tenevāha āyasmā mahākaccāno nettiyaṃ (netti. 1.saṅgahavāra) ‘‘navavidhasuttantapariyeṭṭhī’’ti. ‘‘Ettakaṃ tassa bhagavato suttāgataṃ suttapariyāpannaṃ (pāci. 655, 1242), sakavāde pañca suttasatānī’’ti (dha. sa. aṭṭha. nidānakathā; kathā. aṭṭha. nidānakathā) evamādi ca etassa atthassa sādhakaṃ. Tadekadesesu pana geyyādayo visesavidhayo tena tena nimittena patiṭṭhitā. Tathā hi geyyassa sagāthakattaṃ tabbhāvanimittaṃ. Lokepi hi sasilokaṃ sagāthakaṃ vā cuṇṇiyaganthaṃ ‘‘geyya’’nti vadanti. Gāthāvirahe pana sati pucchaṃ katvā vissajjanabhāvo veyyākaraṇassa tabbhāvanimittaṃ. Pucchāvissajjanañhi ‘‘byākaraṇa’’nti vuccati, byākaraṇameva veyyākaraṇaṃ.

    звам̣ санд̇з саг̇аат̇агаад̣̇ийнамби бужчам̣ гад̇ваа виссаж̇ж̇анавасзна бавад̇д̇аанам̣ взяяаагаран̣абхааво аабаж̇ж̇ад̇ийд̇и? наабаж̇ж̇ад̇и г̇зяяаад̣̇исан̃н̃аанам̣ аногаасабхаавад̇о, ‘‘г̇аат̇аавирахз сад̇ий’’д̇и висзсид̇ад̇д̇аа жа. д̇ат̇аа хи д̇хаммабад̣̇аад̣̇ийсу гзвалам̣ г̇аат̇ааб̣анд̇хзсу, саг̇аат̇агад̇д̇зби соманассан̃аан̣амаяигаг̇аат̇ааяуд̇д̇зсу, ‘‘вуд̇д̇ан̃хзд̇а’’нд̇и (ид̇иву. 1) аад̣̇иважанасамб̣анд̇хзсу, аб̣бхуд̇ад̇хаммабадисам̣яуд̇д̇зсу жа суд̇д̇ависзсзсу яат̇ааггамам̣ г̇аат̇аа-уд̣̇аана-ид̇ивуд̇д̇ага-аб̣бхуд̇ад̇хамма-сан̃н̃аа бад̇идтид̇аа, д̇ат̇аа сад̇иби г̇аат̇ааб̣анд̇хабхаавз бхаг̇авад̇о ад̇ийд̇аасу ж̇аад̇ийсу жарияаанубхааваббагаасагзсу ж̇аад̇агасан̃н̃аа, сад̇иби бан̃хависсаж̇ж̇анабхаавз саг̇аат̇агад̇д̇з жа гзсужи суд̇д̇анд̇зсу взд̣̇асса лабхаабанад̇о взд̣̇алласан̃н̃аа бад̇идтид̇аад̇и звам̣ д̇зна д̇зна саг̇аат̇агад̇д̇аад̣̇инаа нимид̇д̇зна д̇зсу д̇зсу суд̇д̇ависзсзсу г̇зяяаад̣̇исан̃н̃аа бад̇идтид̇аад̇и висзсавид̇хаяо суд̇д̇ан̇г̇ад̇о барз г̇зяяаад̣̇аяо. яам̣ банзд̇т̇а г̇зяяан̇г̇аад̣̇инимид̇д̇арахид̇ам̣, д̇ам̣ суд̇д̇ан̇г̇ам̣ висзсасан̃н̃аабарихаарзна сааман̃н̃асан̃н̃ааяа бавад̇д̇анад̇од̇и. нану жа саг̇аат̇агам̣ суд̇д̇ам̣ г̇зяяам̣, ниг̇г̇аат̇агам̣ суд̇д̇ам̣ взяяаагаран̣анд̇и суд̇д̇ан̇г̇ам̣ на самбхавад̇ийд̇и жод̣̇анаа д̇ад̣̇авад̇т̇аа зваад̇и? на д̇ад̣̇авад̇т̇аа сод̇хид̇ад̇д̇аа. сод̇хид̇ан̃хи буб̣б̣з ‘‘г̇аат̇аавирахз сад̇и бужчаависсаж̇ж̇анабхааво взяяаагаран̣асса д̇аб̣бхааванимид̇д̇а’’нд̇и.

    Evaṃ sante sagāthakādīnampi pucchaṃ katvā vissajjanavasena pavattānaṃ veyyākaraṇabhāvo āpajjatīti? Nāpajjati geyyādisaññānaṃ anokāsabhāvato, ‘‘gāthāvirahe satī’’ti visesitattā ca. Tathā hi dhammapadādīsu kevalaṃ gāthābandhesu, sagāthakattepi somanassañāṇamayikagāthāyuttesu, ‘‘vuttañheta’’nti (itivu. 1) ādivacanasambandhesu, abbhutadhammapaṭisaṃyuttesu ca suttavisesesu yathākkamaṃ gāthā-udāna-itivuttaka-abbhutadhamma-saññā patiṭṭhitā, tathā satipi gāthābandhabhāve bhagavato atītāsu jātīsu cariyānubhāvappakāsakesu jātakasaññā, satipi pañhavissajjanabhāve sagāthakatte ca kesuci suttantesu vedassa labhāpanato vedallasaññā patiṭṭhitāti evaṃ tena tena sagāthakattādinā nimittena tesu tesu suttavisesesu geyyādisaññā patiṭṭhitāti visesavidhayo suttaṅgato pare geyyādayo. Yaṃ panettha geyyaṅgādinimittarahitaṃ, taṃ suttaṅgaṃ visesasaññāparihārena sāmaññasaññāya pavattanatoti. Nanu ca sagāthakaṃ suttaṃ geyyaṃ, niggāthakaṃ suttaṃ veyyākaraṇanti suttaṅgaṃ na sambhavatīti codanā tadavatthā evāti? Na tadavatthā sodhitattā. Sodhitañhi pubbe ‘‘gāthāvirahe sati pucchāvissajjanabhāvo veyyākaraṇassa tabbhāvanimitta’’nti.

    яан̃жа вуд̇д̇ам̣ ‘‘г̇аат̇аабхаавад̇о ман̇г̇аласуд̇д̇аад̣̇ийнам̣ суд̇д̇ан̇г̇асан̇г̇ахо на сияаа’’д̇и (ку. баа. 5.1; су. ни. 261), д̇ам̣ на, нирул̣хад̇д̇аа. нирул̣хо хи ман̇г̇аласуд̇д̇аад̣̇ийнам̣ суд̇д̇абхааво. на хи д̇аани д̇хаммабад̣̇аб̣уд̣̇д̇хавам̣саад̣̇аяо вияа г̇аат̇аабхаавзна бан̃н̃аад̇аани, гинд̇у суд̇д̇абхаавзнзва. д̇знзва хи адтагат̇ааяам̣ ‘‘суд̇д̇анаамага’’нд̇и наамаг̇г̇ахан̣ам̣ гад̇ам̣. яам̣ бана вуд̇д̇ам̣ ‘‘саг̇аат̇агад̇д̇аа г̇зяяан̇г̇асан̇г̇ахо сияаа’’д̇и , д̇ад̣̇аби над̇т̇и, яасмаа сахад̇аан̃н̃зна. саха г̇аат̇аахийд̇и хи саг̇аат̇агам̣, сахабхааво жа наама ад̇т̇ад̇о ан̃н̃зна ход̇и, на жа ман̇г̇аласуд̇д̇аад̣̇ийсу г̇аат̇аавинимуд̇д̇о гожи суд̇д̇абад̣̇зсо ад̇т̇и, яо ‘‘саха г̇аат̇аахий’’д̇и вужжзяяа, на жа самуд̣̇ааяо наама гожи ад̇т̇и. яад̣̇аби вуд̇д̇ам̣ ‘‘убхад̇овибхан̇г̇аад̣̇ийсу саг̇аат̇агаббад̣̇зсаанам̣ г̇зяяан̇г̇асан̇г̇ахо сияаа’’д̇и, д̇ад̣̇аби на ан̃н̃ад̇о. ан̃н̃аа зва хи д̇аа г̇аат̇аа ж̇аад̇агаад̣̇ибарияаабаннад̇д̇аа, ад̇о на д̇аахи убхад̇овибхан̇г̇аад̣̇ийнам̣ г̇зяяан̇г̇абхаавод̇и. звам̣ суд̇д̇аад̣̇ийнам̣ ан̇г̇аанам̣ ан̃н̃аман̃н̃асан̇гараабхааво взд̣̇ид̇аб̣б̣о.

    Yañca vuttaṃ ‘‘gāthābhāvato maṅgalasuttādīnaṃ suttaṅgasaṅgaho na siyā’’ti (khu. pā. 5.1; su. ni. 261), taṃ na, niruḷhattā. Niruḷho hi maṅgalasuttādīnaṃ suttabhāvo. Na hi tāni dhammapadabuddhavaṃsādayo viya gāthābhāvena paññātāni, kintu suttabhāveneva. Teneva hi aṭṭhakathāyaṃ ‘‘suttanāmaka’’nti nāmaggahaṇaṃ kataṃ. Yaṃ pana vuttaṃ ‘‘sagāthakattā geyyaṅgasaṅgaho siyā’’ti , tadapi natthi, yasmā sahatāññena. Saha gāthāhīti hi sagāthakaṃ, sahabhāvo ca nāma atthato aññena hoti, na ca maṅgalasuttādīsu gāthāvinimutto koci suttapadeso atthi, yo ‘‘saha gāthāhī’’ti vucceyya, na ca samudāyo nāma koci atthi. Yadapi vuttaṃ ‘‘ubhatovibhaṅgādīsu sagāthakappadesānaṃ geyyaṅgasaṅgaho siyā’’ti, tadapi na aññato. Aññā eva hi tā gāthā jātakādipariyāpannattā, ato na tāhi ubhatovibhaṅgādīnaṃ geyyaṅgabhāvoti. Evaṃ suttādīnaṃ aṅgānaṃ aññamaññasaṅkarābhāvo veditabbo.

    ад̇т̇ад̇т̇анд̇и ад̇т̇абхууд̇ам̣ яат̇аабхууд̇ам̣ ад̇т̇ам̣. анад̇т̇амби гзжи вибаллаасавасзна ‘‘ад̇т̇о’’д̇и г̇ан̣ханд̇ийд̇и ‘‘ад̇т̇ад̇т̇а’’нд̇и висзсзд̇ваа вуд̇д̇ам̣. гааран̣ад̇т̇анд̇и гааран̣абхууд̇ам̣ ад̇т̇ам̣, сийлам̣ самаад̇хисса гааран̣ам̣, самаад̇хи вибассанааяаад̇и звам̣ д̇асса д̇асса гааран̣абхууд̇ам̣ ад̇т̇ам̣. д̇знааха ‘‘имасмим̣ таанз сийла’’нд̇иаад̣̇и. д̇знзд̇ам̣ д̣̇ассзд̇и – имасмим̣ таанз сийлам̣ гат̇ид̇ам̣, д̇ан̃жа яаавад̣̇зва самаад̇хад̇т̇ам̣, самаад̇хи вибассанад̇т̇о, вибассанаа маг̇г̇ад̇т̇аа, маг̇г̇о палад̇т̇о, ваддам̣ гат̇ид̇ам̣ яаавад̣̇зва виваддаад̇хиг̇амад̇т̇анд̇и ж̇аанид̇ум̣ на саггонд̇ийд̇и. звам̣ баал̣ияам̣ ‘‘ад̇т̇а’’нд̇и иминаа бхаасид̇ад̇т̇абаяож̇анад̇т̇аанам̣ г̇ахид̇ад̇аа взд̣̇ид̇аб̣б̣аа. на бариг̇г̇ан̣ханд̇ийд̇и на вижаарзнд̇и, ниж̇жхаанабан̃н̃аагкамаа на хонд̇и, ниж̇жхааяид̇ваа бан̃н̃ааяа рожзд̇ваа г̇ахзд̇аб̣б̣аа на хонд̇ийд̇и ад̇хиббааяо. ид̇и звам̣ зд̇ааяа барияад̇д̇ияаа ваад̣̇аббамогкаанисам̣саа ад̇д̇ано убари барзхи ааробид̇аваад̣̇асса ниг̇г̇ахасса могкабаяож̇анаа худ̇ваа д̇хаммам̣ барияаабун̣анд̇и. ваад̣̇аббамогко ваа нинд̣̇аабамогко. яасса жаад̇и яасса жа сийлаад̣̇ибууран̣зна бад̇д̇аб̣б̣асса, маг̇г̇асса ваа д̇ад̣̇ад̇хиг̇амзна бад̇д̇аб̣б̣асса, паласса ваа д̇ад̣̇ад̇хиг̇амзна бад̇д̇аб̣б̣асса, анубаад̣̇аавимогкасса ваа ад̇т̇ааяа. д̇хаммам̣ барияаабун̣анд̇и, н̃ааязна барияаабун̣анд̇ийд̇и ад̇хиббааяо. наанубхонд̇и на винд̣̇анд̇и. д̇зсам̣ д̇з д̇хаммаа д̣̇уг̇г̇ахид̇аа убаарамбхамаанад̣̇аббамагкабал̣аасаад̣̇ихзд̇убхаавзна д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇анд̇и.

    Atthatthanti atthabhūtaṃ yathābhūtaṃ atthaṃ. Anatthampi keci vipallāsavasena ‘‘attho’’ti gaṇhantīti ‘‘atthattha’’nti visesetvā vuttaṃ. Kāraṇatthanti kāraṇabhūtaṃ atthaṃ, sīlaṃ samādhissa kāraṇaṃ, samādhi vipassanāyāti evaṃ tassa tassa kāraṇabhūtaṃ atthaṃ. Tenāha ‘‘imasmiṃ ṭhāne sīla’’ntiādi. Tenetaṃ dasseti – imasmiṃ ṭhāne sīlaṃ kathitaṃ, tañca yāvadeva samādhatthaṃ, samādhi vipassanattho, vipassanā maggatthā, maggo phalattho, vaṭṭaṃ kathitaṃ yāvadeva vivaṭṭādhigamatthanti jānituṃ na sakkontīti. Evaṃ pāḷiyaṃ ‘‘attha’’nti iminā bhāsitatthapayojanatthānaṃ gahitatā veditabbā. Na pariggaṇhantīti na vicārenti, nijjhānapaññākkhamā na honti, nijjhāyitvā paññāya rocetvā gahetabbā na hontīti adhippāyo. Iti evaṃ etāya pariyattiyā vādappamokkhānisaṃsā attano upari parehi āropitavādassa niggahassa mokkhapayojanā hutvā dhammaṃ pariyāpuṇanti. Vādappamokkho vā nindāpamokkho. Yassa cāti yassa ca sīlādipūraṇena pattabbassa, maggassa vā tadadhigamena pattabbassa, phalassa vā tadadhigamena pattabbassa, anupādāvimokkhassa vā atthāya. Dhammaṃ pariyāpuṇanti, ñāyena pariyāpuṇantīti adhippāyo. Nānubhonti na vindanti. Tesaṃ te dhammā duggahitā upārambhamānadappamakkhapaḷāsādihetubhāvena dīgharattaṃ ahitāya dukkhāya saṃvattanti.

    239. алам̣ барияад̇д̇о г̇ад̣̇о ассаад̇и алаг̇ад̣̇д̣̇о анунаасигалобам̣ д̣̇а-гаарааг̇аман̃жа гад̇ваа. ваддад̣̇угкаганд̇аарад̇о нид̇т̇аран̣ад̇т̇ааяа барияад̇д̇и нид̇т̇аран̣абарияад̇д̇и. бхан̣д̣ааг̇аарз нияуд̇д̇о бхан̣д̣ааг̇аариго, бхан̣д̣ааг̇аариго вияа бхан̣д̣ааг̇аариго, д̇хаммарад̇анаанубаалаго. ан̃н̃ам̣ ад̇т̇ам̣ анабзгкид̇ваа бхан̣д̣ааг̇ааригассзва сад̇о барияад̇д̇и бхан̣д̣ааг̇ааригабарияад̇д̇и. ‘‘вам̣саанурагкаговаа’’д̇и авад̇хааран̣ам̣ сийхаавалоганан̃ааязна д̇анд̇ид̇хаарагова бавзн̣ибаалаговаад̇и буримабад̣̇ад̣̇ваязби яож̇зд̇аб̣б̣ам̣.

    239. Alaṃ pariyatto gado assāti alagaddo anunāsikalopaṃ da-kārāgamañca katvā. Vaṭṭadukkhakantārato nittharaṇatthāya pariyatti nittharaṇapariyatti. Bhaṇḍāgāre niyutto bhaṇḍāgāriko, bhaṇḍāgāriko viya bhaṇḍāgāriko, dhammaratanānupālako. Aññaṃ atthaṃ anapekkhitvā bhaṇḍāgārikasseva sato pariyatti bhaṇḍāgārikapariyatti. ‘‘Vaṃsānurakkhakovā’’ti avadhāraṇaṃ sīhāvalokanañāyena tantidhārakova paveṇipālakovāti purimapadadvayepi yojetabbaṃ.

    яад̣̇и д̇анд̇ид̇хааран̣аад̣̇иад̇т̇ам̣ б̣уд̣̇д̇хаважанасса барияаабун̣анам̣ бхан̣д̣ааг̇ааригабарияад̇д̇и, гасмаа ‘‘кийн̣аасавассаа’’д̇и висзсзд̇ваа вуд̇д̇ам̣, нану згажжасса бут̇уж̇ж̇анассаби аяам̣ наяо лаб̣бхад̇ийд̇и ануяог̇ам̣ санд̇хааяааха ‘‘яо банаа’’д̇иаад̣̇и. ад̇д̇ано таанзд̇и нид̇т̇аран̣адтаанз. гаамам̣ бут̇уж̇ж̇ано ‘‘бавзн̣им̣ баалзссаамий’’д̇и аж̇жхаасаязна барияаабун̣аад̇и. ад̇д̇ано бана бхаваганд̇аарад̇о анид̇д̇ин̣н̣ад̇д̇аа д̇асса саа барияад̇д̇и нид̇т̇аран̣абарияад̇д̇и зва наама ход̇ийд̇и ад̇хиббааяо. д̇знааха ‘‘бут̇уж̇ж̇анассаа’’д̇иаад̣̇и.

    Yadi tantidhāraṇādiatthaṃ buddhavacanassa pariyāpuṇanaṃ bhaṇḍāgārikapariyatti, kasmā ‘‘khīṇāsavassā’’ti visesetvā vuttaṃ, nanu ekaccassa puthujjanassapi ayaṃ nayo labbhatīti anuyogaṃ sandhāyāha ‘‘yo panā’’tiādi. Attano ṭhāneti nittharaṇaṭṭhāne. Kāmaṃ puthujjano ‘‘paveṇiṃ pālessāmī’’ti ajjhāsayena pariyāpuṇāti. Attano pana bhavakantārato anittiṇṇattā tassa sā pariyatti nittharaṇapariyatti eva nāma hotīti adhippāyo. Tenāha ‘‘puthujjanassā’’tiādi.

    ниж̇жхаанам̣ каманд̇ийд̇и ниж̇жхаанабан̃н̃ам̣ каманд̇и. д̇ад̇т̇а д̇ад̇т̇а ааг̇ад̇з сийлаад̣̇ид̇хаммз ниж̇жхааяид̇ваа бан̃н̃ааяа рожзд̇ваа яаат̇аавад̇о г̇ахзд̇аб̣б̣аа хонд̇и. д̇знааха ‘‘ид̇ха сийла’’нд̇иаад̣̇и. на гзвалам̣ суг̇г̇ахид̇ам̣ барияад̇д̇им̣ ниссааяа маг̇г̇абхааванаапаласажчигирияаа, бараваад̣̇аниг̇г̇ахасагаваад̣̇абад̇идтаабанаад̣̇ийниби иж̇жханд̇ийд̇и д̣̇ассзд̇ум̣ ‘‘бараваад̣̇з’’д̇иаад̣̇и вуд̇д̇ам̣. д̇знааха ‘‘уббаннам̣ бараббаваад̣̇ам̣ сахад̇хаммзна суниг̇г̇ахам̣ ниг̇г̇ахид̇ваа’’д̇иаад̣̇и (д̣̇ий. ни. 2.268). ижчид̇ижчид̇адтаананд̇и д̣̇идтивинивзтанаад̣̇ивасзна ижчид̇ам̣ ижчид̇ам̣ баал̣ибад̣̇зсам̣. можзд̇унд̇и абанзд̇ум̣. ахид̇ааяа д̣̇угкааяа асам̣вад̇д̇анамби д̇ад̣̇абхаавз уббаж̇ж̇анагахид̇асукасса гааран̣амзва д̇асмим̣ сад̇и бхаавад̇од̇и. суг̇г̇ахид̇аалаг̇ад̣̇д̣̇ассаби хид̇ааяа сукааяа сам̣вад̇д̇анад̇аа д̣̇адтаб̣б̣аа.

    Nijjhānaṃ khamantīti nijjhānapaññaṃ khamanti. Tattha tattha āgate sīlādidhamme nijjhāyitvā paññāya rocetvā yāthāvato gahetabbā honti. Tenāha ‘‘idha sīla’’ntiādi. Na kevalaṃ suggahitaṃ pariyattiṃ nissāya maggabhāvanāphalasacchikiriyā, paravādaniggahasakavādapatiṭṭhāpanādīnipi ijjhantīti dassetuṃ ‘‘paravāde’’tiādi vuttaṃ. Tenāha ‘‘uppannaṃ parappavādaṃ sahadhammena suniggahaṃ niggahitvā’’tiādi (dī. ni. 2.268). Icchiticchitaṭṭhānanti diṭṭhiviniveṭhanādivasena icchitaṃ icchitaṃ pāḷipadesaṃ. Mocetunti apanetuṃ. Ahitāya dukkhāya asaṃvattanampi tadabhāve uppajjanakahitasukhassa kāraṇameva tasmiṃ sati bhāvatoti. Suggahitaalagaddassapi hitāya sukhāya saṃvattanatā daṭṭhabbā.

    240. уд̇д̇аранд̇и зд̇знаад̇и уд̇д̇аро, синанд̇и б̣анд̇ханд̇ийд̇и сзд̇у, уд̇д̇аро жа со сзд̇у жаад̇и уд̇д̇арасзд̇у. гуулам̣ барад̇ийрам̣ вахад̇и баабзд̇ийд̇и гуллам̣. галаабам̣ гад̇ваа б̣ад̣̇д̇ход̇и взл̣унал̣аад̣̇ийхи галаабавасзна б̣ад̣̇д̇хо. ан̣унд̇и ид̣̇ам̣ адтасамаабад̇д̇иаарамман̣ам̣ сан̃н̃ож̇анам̣ санд̇хааяа вад̣̇ад̇и. т̇ууланд̇и ид̇арам̣. д̣̇идтинд̇и яат̇аабхууд̇ад̣̇ассанам̣, вибассананд̇и ад̇т̇о. звам̣ барисуд̣̇д̇хам̣ звам̣ барияод̣̇аад̇анд̇и д̇збхуумагзсу д̇хаммзсу н̃аад̇ам̣ ‘‘нзд̇ам̣ мама, нзсохамасми, на мзсо ад̇д̇аа’’д̇и, звам̣ д̇ан̣хаад̣̇идтисам̣гилзсаабхаавзна саб̣б̣асо висуд̣̇д̇хам̣, барисуд̣̇д̇хад̇д̇аа зва барияод̣̇аад̇ам̣. на аллийязт̇аад̇и ниганд̇ивасзна на ниссаязт̇а. на гзлааязт̇аад̇и на мамааязт̇а. на д̇ханааязт̇аад̇и д̇ханам̣ д̣̇раб̣яам̣ на гаяираат̇а. убхаяад̇т̇аад̇и самат̇з вибассанааяа жа.

    240. Uttaranti etenāti uttaro, sinanti bandhantīti setu, uttaro ca so setu cāti uttarasetu. Kūlaṃ paratīraṃ vahati pāpetīti kullaṃ. Kalāpaṃ katvā baddhoti veḷunaḷādīhi kalāpavasena baddho. Aṇunti idaṃ aṭṭhasamāpattiārammaṇaṃ saññojanaṃ sandhāya vadati. Thūlanti itaraṃ. Diṭṭhinti yathābhūtadassanaṃ, vipassananti attho. Evaṃ parisuddhaṃ evaṃ pariyodātanti tebhūmakesu dhammesu ñātaṃ ‘‘netaṃ mama, nesohamasmi, na meso attā’’ti, evaṃ taṇhādiṭṭhisaṃkilesābhāvena sabbaso visuddhaṃ, parisuddhattā eva pariyodātaṃ. Na allīyethāti nikantivasena na nissayetha. Na kelāyethāti na mamāyetha. Na dhanāyethāti dhanaṃ drabyaṃ na kayirātha. Ubhayatthāti samathe vipassanāya ca.

    асад̣̇д̇хаммзд̇иаад̣̇ийсу асад̇ам̣ хийнаж̇жхаасаяаанам̣ д̇хаммод̇и асад̣̇д̇хаммо. г̇аамаваасийнам̣ д̇хаммод̇и г̇аамад̇хаммо. гилзсаанам̣ вассанасабхаавад̇ааяа васалад̇хаммо. гилзсзхи д̣̇уусид̇ад̇д̇аа т̇уулад̇д̇аа жа д̣̇удтулло. уд̣̇агасуд̣̇д̇хибарияосаанад̇ааяа од̣̇аганд̇иго. ‘‘д̇хаммааби во бахаад̇аб̣б̣аа’’д̇и иминааби оваад̣̇зна бхигкуу уд̣̇д̣̇исса гат̇знд̇оби аридтам̣язва ниг̇г̇ан̣хаад̇и.

    Asaddhammetiādīsu asataṃ hīnajjhāsayānaṃ dhammoti asaddhammo. Gāmavāsīnaṃ dhammoti gāmadhammo. Kilesānaṃ vassanasabhāvatāya vasaladhammo. Kilesehi dūsitattā thūlattā ca duṭṭhullo. Udakasuddhipariyosānatāya odakantiko. ‘‘Dhammāpi vo pahātabbā’’ti imināpi ovādena bhikkhū uddissa kathentopi ariṭṭhaṃyeva niggaṇhāti.

    241. д̇ивид̇хаг̇г̇аахавасзнаад̇и д̇ан̣хаамаанад̣̇идтиг̇г̇аахавасзна. яад̣̇и звам̣ ‘‘ахам̣ мамаад̇и г̇ан̣хаад̇ий’’д̇и г̇аахад̣̇ваяамзва гасмаа вуд̇д̇анд̇и? наяид̣̇амзвам̣ д̇ад̇т̇ааби г̇аахад̇д̇аяассзва вуд̇д̇ад̇д̇аа. ‘‘аха’’нд̇и хи иминаа маанад̣̇идтиг̇г̇аахаа вуд̇д̇аа ‘‘ахамасмий’’д̇и г̇аахасааман̃н̃ад̇о. д̣̇идтиби д̣̇идтидтаанам̣ буримуббаннааяа д̣̇идтияаа уд̇д̇арад̣̇идтияаа саггааяад̣̇идтияаа сассад̇ад̣̇идтияаа жа гааран̣абхаавад̇о. аарамман̣ам̣ бан̃жа канд̇хаа, руубаарамман̣аад̣̇ийни жа. д̣̇идтияаа бажжаяо авиж̇ж̇аа-пасса-сан̃н̃аа-вид̇агга-аяонисоманасигаара-баабамид̇д̇абарад̇огхосаад̣̇иго д̣̇идтияаа убаниссаяаад̣̇ибажжаяо. вуд̇д̇ан̃хзд̇ам̣ бадисамбхид̣̇ааяам̣ (бади. ма. 1.124)‘‘гад̇амаани адта д̣̇идтидтаанаани авиж̇ж̇ааби пассоби сан̃н̃ааби вид̇аггоби аяонисоманасигаароби баабамид̇д̇оби барад̇огхособи д̣̇идтидтаана’’нд̇иаад̣̇и. руубаарамман̣аад̇и руббанасабхаавад̇хаммаарамман̣аа. руубам̣ бана ад̇д̇аад̇и на вад̇д̇аб̣б̣ам̣ ид̇ха ‘‘руубам̣ ад̇д̇ад̇о саманубассад̇ий’’д̇и (сам̣. ни. 3.81, 345) имасса г̇аахасса анад̇хиббзд̇ад̇д̇аа. со хи ‘‘яамби д̇ам̣ д̣̇идтидтаана’’нд̇иаад̣̇инаа барад̇о вужжад̇и. ид̇ха бана ‘‘руубаванд̇ам̣ ад̇д̇аанам̣ саманубассад̇и, ад̇д̇ани руубам̣, руубасмим̣ ад̇д̇аана’’нд̇и имз д̇аяо г̇аахаа ад̇хиббзд̇аад̇и гзжи, д̇ад̣̇аяуд̇д̇ам̣. яасмаа руубам̣ ад̇д̇аа на ход̇и, ад̇д̇аг̇г̇аахасса бана ааламб̣анам̣ ход̇и, ад̇д̇асабхаавзязва ваа руубаад̣̇ид̇хаммз аараб̣бха ад̇д̇ад̣̇идти уббаж̇ж̇ад̇и, на ад̇д̇аанам̣ д̇асса барамад̇т̇ад̇о анубалаб̣бханад̇о, д̇асмаа руубаад̣̇иаарамман̣аава ад̇д̇ад̣̇идтийд̇и гад̇ваа вуд̇д̇ам̣, руубам̣ бана ‘‘ад̇д̇аа’’д̇и на вад̇д̇аб̣б̣анд̇и аяамзд̇т̇а ад̇т̇о. ‘‘яамби д̇ам̣ д̣̇идтидтаана’’нд̇иаад̣̇инаа бана вибассанаабадивибассанаа вияа д̣̇идтианубассанаа наама д̣̇ассид̇аа.

    241.Tividhaggāhavasenāti taṇhāmānadiṭṭhiggāhavasena. Yadi evaṃ ‘‘ahaṃ mamāti gaṇhātī’’ti gāhadvayameva kasmā vuttanti? Nayidamevaṃ tatthāpi gāhattayasseva vuttattā. ‘‘Aha’’nti hi iminā mānadiṭṭhiggāhā vuttā ‘‘ahamasmī’’ti gāhasāmaññato. Diṭṭhipi diṭṭhiṭṭhānaṃ purimuppannāya diṭṭhiyā uttaradiṭṭhiyā sakkāyadiṭṭhiyā sassatadiṭṭhiyā ca kāraṇabhāvato. Ārammaṇaṃ pañca khandhā, rūpārammaṇādīni ca. Diṭṭhiyā paccayo avijjā-phassa-saññā-vitakka-ayonisomanasikāra-pāpamittaparatoghosādiko diṭṭhiyā upanissayādipaccayo. Vuttañhetaṃ paṭisambhidāyaṃ (paṭi. ma. 1.124)‘‘katamāni aṭṭha diṭṭhiṭṭhānāni avijjāpi phassopi saññāpi vitakkopi ayonisomanasikāropi pāpamittopi paratoghosopi diṭṭhiṭṭhāna’’ntiādi. Rūpārammaṇāti ruppanasabhāvadhammārammaṇā. Rūpaṃ pana attāti na vattabbaṃ idha ‘‘rūpaṃ attato samanupassatī’’ti (saṃ. ni. 3.81, 345) imassa gāhassa anadhippetattā. So hi ‘‘yampi taṃ diṭṭhiṭṭhāna’’ntiādinā parato vuccati. Idha pana ‘‘rūpavantaṃ attānaṃ samanupassati, attani rūpaṃ, rūpasmiṃ attāna’’nti ime tayo gāhā adhippetāti keci, tadayuttaṃ. Yasmā rūpaṃ attā na hoti, attaggāhassa pana ālambanaṃ hoti, attasabhāveyeva vā rūpādidhamme ārabbha attadiṭṭhi uppajjati, na attānaṃ tassa paramatthato anupalabbhanato, tasmā rūpādiārammaṇāva attadiṭṭhīti katvā vuttaṃ, rūpaṃ pana ‘‘attā’’ti na vattabbanti ayamettha attho. ‘‘Yampi taṃ diṭṭhiṭṭhāna’’ntiādinā pana vipassanāpaṭivipassanā viya diṭṭhianupassanā nāma dassitā.

    г̇анд̇харасаподтаб̣б̣ааяад̇анаанам̣ самбад̇д̇аг̇аахинд̣̇рияависаяад̇ааяа бад̇ваа г̇ахзд̇аб̣б̣ад̇аа. д̇ан̃хи д̇асса ад̇д̇ано висаяам̣ барибхуд̇ваа самб̣анд̇хам̣ худ̇ваа г̇ан̣хаад̇и. авасзсаани сад̇д̇ааяад̇анаани вин̃н̃аад̇ам̣ наама манасаа вин̃н̃аад̇аб̣б̣ад̇о. ан̃н̃ат̇аа ид̇арзсамби вин̃н̃аад̇ад̇аа сияаа. бад̇д̇анд̇и ад̇хиг̇ад̇ам̣. бариязсид̇анд̇и г̇авзсид̇ам̣. анувижарид̇анд̇и жинд̇ид̇ам̣. д̇знааха ‘‘манасаа’’д̇и. зд̇т̇а жа бад̇д̇абариязсанаанам̣ абадигкзбасса, висум̣, згаж̇жхам̣ бадигкзбасса жа васзна жад̇уггодигам̣ д̣̇ассзд̇ваа бад̇д̇абариязсид̇зхи анувижарид̇асса бхзд̣̇ам̣ д̣̇ассзд̇ум̣ ‘‘логасмин̃хий’’д̇иаад̣̇и вуд̇д̇ам̣. бариязсид̇ваа бад̇д̇ам̣ батамам̣ жзд̇асаа бажчаа гааязна бад̇д̇ад̇д̇аа бад̇д̇ам̣ наама. бариязсид̇ваа нобад̇д̇ам̣ бариязсид̇ам̣ наама гзвалам̣ бариязсид̇абхаавад̇о. абариязсид̇ваа бад̇д̇ан̃жа нобад̇д̇ан̃жа манасаа анувижарид̇аб̣б̣ад̇о манасаанувижарид̇ам̣ наама.

    Gandharasaphoṭṭhabbāyatanānaṃ sampattagāhindriyavisayatāya patvā gahetabbatā. Tañhi tassa attano visayaṃ paribhutvā sambandhaṃ hutvā gaṇhāti. Avasesāni sattāyatanāni viññātaṃ nāma manasā viññātabbato. Aññathā itaresampi viññātatā siyā. Pattanti adhigataṃ. Pariyesitanti gavesitaṃ. Anuvicaritanti cintitaṃ. Tenāha ‘‘manasā’’ti. Ettha ca pattapariyesanānaṃ apaṭikkhepassa, visuṃ, ekajjhaṃ paṭikkhepassa ca vasena catukkoṭikaṃ dassetvā pattapariyesitehi anuvicaritassa bhedaṃ dassetuṃ ‘‘lokasmiñhī’’tiādi vuttaṃ. Pariyesitvā pattaṃ paṭhamaṃ cetasā pacchā kāyena pattattā pattaṃ nāma. Pariyesitvā nopattaṃ pariyesitaṃ nāma kevalaṃ pariyesitabhāvato. Apariyesitvā pattañca nopattañca manasā anuvicaritabbato manasānuvicaritaṃ nāma.

    аяан̃жа вигаббо аагуло вияаад̇и ‘‘ат̇а ваа’’д̇иаад̣̇и вуд̇д̇ам̣. бад̇д̇адтзнаад̇и бад̇д̇абхаавзна бад̇д̇ад̇аасааман̃н̃зна. абариязсид̇ваа нобад̇д̇ам̣ манасаанувижарид̇ам̣ наама бад̇д̇ияаа бариязсанааяа жа абхаавад̇о. саб̣б̣ам̣ ваа зд̇анд̇и ‘‘бариязсид̇ваа бад̇д̇амбий’’д̇иаад̣̇инаа вуд̇д̇ам̣ жад̇уб̣б̣ид̇хамби. иминаад̇и ‘‘яамби д̇ам̣ д̣̇идтидтаанам̣’’д̇иаад̣̇иважанзна. вин̃н̃аан̣аарамман̣аа д̇ан̣хаамаанад̣̇идтияо гат̇ид̇аа баарисзсан̃ааязна . звам̣ баарисзсан̃ааяабариг̇г̇ахз гим̣ баяож̇ананд̇и ааха ‘‘д̣̇зсанаавилаасзнаа’’д̇иаад̣̇и. язсам̣ винзяяаанам̣ д̣̇зсзд̇аб̣б̣ад̇хаммасса саруубам̣ анаамасид̇ваа аарамман̣агижжа-самбаяуд̇д̇ад̇хамма-палависзсаад̣̇и-багааранд̇аравибхааванзна бадивзд̇хо ход̇и, д̇зсам̣ д̇аббагаарабхзд̣̇зхи д̇хаммзхи, язсам̣ бана язна згзнзва багаарзна саруубзнзва ваа вибхааванз гад̇з бадивзд̇хо ход̇и, д̇зсам̣ д̇ам̣ вад̇ваа д̇хаммиссарад̇д̇аа д̇ад̣̇ан̃н̃ам̣ ниравасзсаагааравибхааванан̃жа д̣̇зсанаавилаасо. д̇знааха ‘‘д̣̇идтаад̣̇иаарамман̣авасзна вин̃н̃аан̣ам̣ д̣̇ассид̇а’’нд̇и.

    Ayañca vikappo ākulo viyāti ‘‘atha vā’’tiādi vuttaṃ. Pattaṭṭhenāti pattabhāvena pattatāsāmaññena. Apariyesitvā nopattaṃ manasānuvicaritaṃ nāma pattiyā pariyesanāya ca abhāvato. Sabbaṃ vā etanti ‘‘pariyesitvā pattampī’’tiādinā vuttaṃ catubbidhampi. Imināti ‘‘yampi taṃ diṭṭhiṭṭhānaṃ’’tiādivacanena. Viññāṇārammaṇā taṇhāmānadiṭṭhiyo kathitā pārisesañāyena . Evaṃ pārisesañāyapariggahe kiṃ payojananti āha ‘‘desanāvilāsenā’’tiādi. Yesaṃ vineyyānaṃ desetabbadhammassa sarūpaṃ anāmasitvā ārammaṇakicca-sampayuttadhamma-phalavisesādi-pakārantaravibhāvanena paṭivedho hoti, tesaṃ tappakārabhedehi dhammehi, yesaṃ pana yena ekeneva pakārena sarūpeneva vā vibhāvane kate paṭivedho hoti, tesaṃ taṃ vatvā dhammissarattā tadaññaṃ niravasesākāravibhāvanañca desanāvilāso. Tenāha ‘‘diṭṭhādiārammaṇavasena viññāṇaṃ dassita’’nti.

    д̣̇идтидтаананд̇и д̣̇идти зва д̣̇идтидтаанам̣, д̇ам̣ хздтаа вуд̇д̇анаяамзва. яам̣ руубам̣ зсаа д̣̇идти ‘‘лого жа ад̇д̇аа жаа’’д̇и г̇ан̣хаад̇и. д̇ам̣ руубам̣ санд̇хааяа ‘‘со лого со ад̇д̇аа’’д̇и важанам̣ вуд̇д̇анд̇и яож̇анаа. со бзжжа бхависсаамийд̇и уд̣̇д̇хамаагхаад̇анигаваад̣̇авасзнааяам̣ д̣̇идтийд̇и ааха ‘‘со ахам̣ баралогам̣ г̇анд̇ваа нижжо бхависсаамий’’д̇иаад̣̇и. д̇хувод̇и т̇иро. сассад̇од̇и саб̣б̣ад̣̇аабхаавий. авибарин̣аамад̇хаммод̇и ж̇арааяа маран̣зна жа авибарин̣аамзд̇аб̣б̣асабхааво, ниб̣б̣игаарод̇и ад̇т̇о. д̇амби д̣̇ассананд̇и д̇амби д̇ат̇аавуд̇д̇ам̣ д̣̇идтид̣̇ассанам̣ ад̇д̇аанам̣ вияа д̇ан̣хаад̣̇идтиг̇г̇аахависзсзна г̇ан̣хаад̇и. д̇знааха ‘‘зд̇ам̣ мамаа’’д̇иаад̣̇и. д̣̇идтаарамман̣аад̇и д̣̇идтивисаяаа. гат̇ам̣ бана д̣̇идти д̣̇идтивисаяаа ход̇ийд̇и ааха ‘‘вибассанааяаа’’д̇иаад̣̇и. бадивибассанаагаалзд̇и яамагад̇о саммасанаад̣̇игаалам̣ санд̇хааяааха. д̇ад̇т̇а агкаражинд̇агаанам̣ сад̣̇д̣̇з вияа, взд̣̇аж̇жхааяийнам̣ взд̣̇асад̇т̇з вияа жа д̣̇идтияам̣ д̣̇идтиг̇ад̇игаанам̣ д̣̇идтиг̇г̇аахаббавад̇д̇и д̣̇адтаб̣б̣аа.

    Diṭṭhiṭṭhānanti diṭṭhi eva diṭṭhiṭṭhānaṃ, taṃ heṭṭhā vuttanayameva. Yaṃ rūpaṃ esā diṭṭhi ‘‘loko ca attā cā’’ti gaṇhāti. Taṃ rūpaṃ sandhāya ‘‘so loko so attā’’ti vacanaṃ vuttanti yojanā. So peccabhavissāmīti uddhamāghātanikavādavasenāyaṃ diṭṭhīti āha ‘‘so ahaṃ paralokaṃ gantvā nicco bhavissāmī’’tiādi. Dhuvoti thiro. Sassatoti sabbadābhāvī. Avipariṇāmadhammoti jarāya maraṇena ca avipariṇāmetabbasabhāvo, nibbikāroti attho. Tampi dassananti tampi tathāvuttaṃ diṭṭhidassanaṃ attānaṃ viya taṇhādiṭṭhiggāhavisesena gaṇhāti. Tenāha ‘‘etaṃ mamā’’tiādi. Diṭṭhārammaṇāti diṭṭhivisayā. Kathaṃ pana diṭṭhi diṭṭhivisayā hotīti āha ‘‘vipassanāyā’’tiādi. Paṭivipassanākāleti yamakato sammasanādikālaṃ sandhāyāha. Tattha akkharacintakānaṃ sadde viya, vedajjhāyīnaṃ vedasatthe viya ca diṭṭhiyaṃ diṭṭhigatikānaṃ diṭṭhiggāhappavatti daṭṭhabbā.

    саманубассад̇ийд̇и бад̣̇асса жа д̇ассо саманубассанаа ад̇т̇од̇и яож̇анаа. д̇зна саманубассанаа наама жад̇уб̣б̣ид̇хаад̇и д̣̇ассзд̇и. д̇ад̇т̇а н̃аан̣ам̣ д̇аава самависамам̣ саммаа яаат̇аавад̇о анубассад̇ийд̇и саманубассанаа. ид̇араа бана сам̣гилзсавасзна ану ану бассанд̇ийд̇и саманубассанаа. яад̣̇и звам̣ ход̇у д̇аава д̣̇идтисаманубассанаа мижчаад̣̇ассанабхаавад̇о, гат̇ам̣ д̇ан̣хаамаанаад̇и? д̇ан̣хааяаби сад̇д̇аанам̣ баабагаран̣з убааяад̣̇ассанавасзна бан̃н̃аабад̇ируубигаа бавад̇д̇и лаб̣бхад̇зва, яааяа ван̃жананигад̇исаажияог̇аа самбхаванд̇и. мааноби сзяяаад̣̇инаа д̣̇ассанавасзнзва д̇ат̇аа ад̇д̇аанам̣ уухад̇ийд̇и д̇ан̣хаамаанаанам̣ саманубассанаабад̇ируубигаа бавад̇д̇и лаб̣бхад̇ийд̇и д̣̇адтаб̣б̣ам̣. авиж̇ж̇амаанзд̇и ‘‘зд̇ам̣ мамаа’’д̇и звам̣ г̇ахзд̇аб̣б̣з д̇ан̣хаавад̇т̇усмим̣ аж̇жхад̇д̇аканд̇хабан̃жагз анубалаб̣бхамаанз винадтз. на барид̇ассад̇и бхаяабарид̇д̇аасад̇ан̣хаабарид̇д̇аасаанам̣ маг̇г̇зна самуг̇гхаад̇ид̇ад̇д̇аа.

    Samanupassatīti padassa ca tasso samanupassanā atthoti yojanā. Tena samanupassanā nāma catubbidhāti dasseti. Tattha ñāṇaṃ tāva samavisamaṃ sammā yāthāvato anupassatīti samanupassanā. Itarā pana saṃkilesavasena anu anu passantīti samanupassanā. Yadi evaṃ hotu tāva diṭṭhisamanupassanā micchādassanabhāvato, kathaṃ taṇhāmānāti? Taṇhāyapi sattānaṃ pāpakaraṇe upāyadassanavasena paññāpatirūpikā pavatti labbhateva, yāya vañcananikatisāciyogā sambhavanti. Mānopi seyyādinā dassanavaseneva tathā attānaṃ ūhatīti taṇhāmānānaṃ samanupassanāpatirūpikā pavatti labbhatīti daṭṭhabbaṃ. Avijjamāneti ‘‘etaṃ mamā’’ti evaṃ gahetabbe taṇhāvatthusmiṃ ajjhattakhandhapañcake anupalabbhamāne vinaṭṭhe. Na paritassati bhayaparittāsataṇhāparittāsānaṃ maggena samugghātitattā.

    242. жад̇уухи гааран̣зхийд̇и ‘‘асад̇и на барид̇ассад̇ий’’д̇и вуд̇д̇амби ид̇арзхи д̇ийхи саха г̇ахзд̇ваа вуд̇д̇ам̣. жад̇уухи гааран̣зхийд̇и жад̇уггодигасун̃н̃ад̇аагат̇анасса гааран̣зхи. б̣ахид̣̇д̇хаа асад̇ийд̇и б̣аахирз вад̇т̇усмим̣ авиж̇ж̇амаанз. саа банасса авиж̇ж̇амаанад̇аа лад̣̇д̇хавинаасзна ваа алад̣̇д̇хаалаабхзна ваад̇и баал̣ияам̣ – ‘‘аху вад̇а мз, д̇ам̣ вад̇а мз над̇т̇и, сияаа вад̇а мз, д̇ам̣ вад̇аахам̣ на лабхаамий’’д̇и вуд̇д̇анд̇и д̇ад̣̇убхаяам̣ баригкааравасзна вибхаж̇ид̇ваа д̇ад̇т̇а барид̇ассанам̣ д̣̇ассзд̇ум̣ ‘‘б̣ахид̣̇д̇хаа баригкааравинаасз’’д̇иаад̣̇и вуд̇д̇ам̣. д̇ад̇т̇а яаанам̣ ‘‘рат̇о ваяха’’нд̇и звамаад̣̇и. вааханам̣ хад̇т̇иассаад̣̇и.

    242.Catūhi kāraṇehīti ‘‘asati na paritassatī’’ti vuttampi itarehi tīhi saha gahetvā vuttaṃ. Catūhi kāraṇehīti catukkoṭikasuññatākathanassa kāraṇehi. Bahiddhā asatīti bāhire vatthusmiṃ avijjamāne. Sā panassa avijjamānatā laddhavināsena vā aladdhālābhena vāti pāḷiyaṃ – ‘‘ahu vata me, taṃ vata me natthi, siyā vata me, taṃ vatāhaṃ na labhāmī’’ti vuttanti tadubhayaṃ parikkhāravasena vibhajitvā tattha paritassanaṃ dassetuṃ ‘‘bahiddhā parikkhāravināse’’tiādi vuttaṃ. Tattha yānaṃ ‘‘ratho vayha’’nti evamādi. Vāhanaṃ hatthiassādi.

    язхи гилзсзхийд̇и язхи асанд̇абад̇т̇анаад̣̇ийхи гилзсзхи. звам̣ бхавзяяаад̇и звам̣ ‘‘аху вад̇а мз’’д̇иаад̣̇инаа жод̣̇анаад̣̇и бхавзяяа. д̣̇идтидтаанаад̇хидтаанабарияудтаанаабхинивзсаанусаяаананд̇и зд̇т̇а абараабарам̣ бавад̇д̇аасу д̣̇идтийсу яаа барад̇о уббаннаа д̣̇идтияо, д̇аасам̣ буримуббаннаа д̣̇идтияо гааран̣адтзна д̣̇идтидтаанаани. ад̇хигаран̣адтзна д̣̇идтаад̇хидтаанаани, барияудтаанаббад̇д̇ияаа саб̣б̣ааби д̣̇идтибарияудтаанаани. ‘‘ид̣̇амзва сажжам̣ могхаман̃н̃а’’нд̇и (ма. ни. 2.202, 427; 3.27-29; уд̣̇аа. 55; махаани. 20; нзд̇д̇и. 59) бавад̇д̇ияаа абхинивзсаа. аббахийнабхаавзна санд̇аанз саяанд̇ийд̇и анусаяаад̇и звам̣ д̣̇идтидтаанаад̣̇ийнам̣ бад̣̇аанам̣ вибхааг̇о взд̣̇ид̇аб̣б̣о. д̇ан̣хаад̣̇ийхи гамбанияад̇ааяа саб̣б̣асан̇каараава ин̃ж̇ид̇аанийд̇и саб̣б̣асан̇каараин̃ж̇ид̇аани. сзсабад̣̇ад̣̇ваязби зсзва наяо. убад̇хийяад̇и зд̇т̇а д̣̇угканд̇и убад̇хи, канд̇хаава убад̇хи канд̇хуубад̇хи. зса наяо сзсзсуби. д̇ад̣̇зва жа ааг̇амма д̇ан̣хаа кийяад̇и вираж̇ж̇ад̇и нируж̇жхад̇ийд̇и яож̇анаа. ужчиж̇ж̇иссаами наамассууд̇иаад̣̇ийсу нибаад̇амад̇д̇ам̣, сам̣саяз ваа. д̇аасод̇и ад̇д̇анияаабхаавам̣ бадижжа д̇ан̣хаабарид̇д̇аасо жзва бхаяабарид̇д̇аасо жа. д̇знааха ‘‘д̇аасо хзсо’’д̇иаад̣̇и. но жассам̣, но жа мз сияаад̇и ‘‘аха’’нд̇и гира гожи но жассам̣, ‘‘мз’’д̇и жа гин̃жи но сияаад̇и. д̇аасаббад̇ийгаарад̣̇ассанан̃хзд̇ам̣.

    Yehikilesehīti yehi asantapatthanādīhi kilesehi. Evaṃ bhaveyyāti evaṃ ‘‘ahu vata me’’tiādinā codanādi bhaveyya. Diṭṭhiṭṭhānādhiṭṭhānapariyuṭṭhānābhinivesānusayānanti ettha aparāparaṃ pavattāsu diṭṭhīsu yā parato uppannā diṭṭhiyo, tāsaṃ purimuppannā diṭṭhiyo kāraṇaṭṭhena diṭṭhiṭṭhānāni. Adhikaraṇaṭṭhena diṭṭhādhiṭṭhānāni, pariyuṭṭhānappattiyā sabbāpi diṭṭhipariyuṭṭhānāni. ‘‘Idameva saccaṃ moghamañña’’nti (ma. ni. 2.202, 427; 3.27-29; udā. 55; mahāni. 20; netti. 59) pavattiyā abhinivesā. Appahīnabhāvena santāne sayantīti anusayāti evaṃ diṭṭhiṭṭhānādīnaṃ padānaṃ vibhāgo veditabbo. Taṇhādīhi kampaniyatāya sabbasaṅkhārāva iñjitānīti sabbasaṅkhāraiñjitāni. Sesapadadvayepi eseva nayo. Upadhīyati ettha dukkhanti upadhi, khandhāva upadhi khandhūpadhi. Esa nayo sesesupi. Tadeva ca āgamma taṇhā khīyati virajjati nirujjhatīti yojanā. Ucchijjissāmi nāmassūtiādīsu nipātamattaṃ, saṃsaye vā. Tāsoti attaniyābhāvaṃ paṭicca taṇhāparittāso ceva bhayaparittāso ca. Tenāha ‘‘tāso heso’’tiādi. No cassaṃ,no ca me siyāti ‘‘aha’’nti kira koci no cassaṃ, ‘‘me’’ti ca kiñci no siyāti. Tāsappatīkāradassanañhetaṃ.

    243. зд̇д̇аавад̇аад̇и ‘‘звам̣ вуд̇д̇з’’д̇иаад̣̇инаа, бужчаанусанд̇хивасзна бавад̇д̇ааяа ‘‘чаяимаани, бхигкавз, д̣̇идтидтаанааний’’д̇иаад̣̇инаа (ма. ни. 1.241) ваа. сааби хи аж̇жхад̇д̇аканд̇хавинаасз барид̇ассанагам̣ д̣̇ассзд̇ваа абарид̇ассанагам̣ д̣̇ассзнд̇ий бавад̇д̇аад̇и д̇ассанагасса сун̃н̃ад̇аад̣̇ассанам̣ агижжасаад̇хагамби сун̃н̃ад̇аад̣̇ассанамзваад̇и имзсам̣ васзна ‘‘жад̇уггодигаа сун̃н̃ад̇аа гат̇ид̇аа’’д̇и вуд̇д̇ам̣. б̣ахид̣̇д̇хаа баригкааранд̇и б̣аахирам̣ савин̃н̃аан̣агам̣ авин̃н̃аан̣аган̃жа сад̇д̇обагаран̣ам̣. д̇ан̃хи ж̇ийвид̇авуд̇д̇ияаа баригкаарагадтзна ‘‘баригкааро’’д̇и вуд̇д̇ам̣. бариг̇г̇ахам̣ наама гад̇ваад̇и ‘‘мама ид̣̇а’’нд̇и бариг̇г̇ахзд̇аб̣б̣ад̇ааяа бариг̇г̇ахид̇ам̣ наама гад̇ваа. саб̣б̣оби д̣̇идтиг̇г̇аахо ‘‘ад̇д̇аа нижжо д̇хуво сассад̇о, ад̇д̇аа ужчиж̇ж̇ад̇и винассад̇ий’’д̇иаад̣̇инаа ад̇д̇ад̣̇идтисанниссаяоязваад̇и вуд̇д̇ам̣ ‘‘саггааяад̣̇идтибамукаа д̣̇ваасадтид̣̇идтияо’’д̇и. аяаат̇ааваг̇г̇аахинаа абхинивзсанабан̃н̃аабанаанам̣ убад̇т̇амбхабхаавад̇о д̣̇идти зва ниссаяод̇и д̣̇идтиниссаяо. бариг̇г̇ан̣хзяяаад̇и нижжаад̣̇ивисзсаяуд̇д̇ам̣ гад̇ваа бариг̇г̇ан̣хзяяа. гимзвам̣ бариг̇г̇ахзд̇ум̣ саггун̣зяяа ? саб̣б̣ад̇т̇аад̇и ‘‘д̇ам̣, бхигкавз, ад̇д̇аваад̣̇убаад̣̇аанам̣ убаад̣̇иязт̇а, д̇ам̣, бхигкавз, д̣̇идтиниссаяам̣ ниссаязт̇аа’’д̇и зд̇зсуби.

    243.Ettāvatāti ‘‘evaṃ vutte’’tiādinā, pucchānusandhivasena pavattāya ‘‘chayimāni, bhikkhave, diṭṭhiṭṭhānānī’’tiādinā (ma. ni. 1.241) vā. Sāpi hi ajjhattakhandhavināse paritassanakaṃ dassetvā aparitassanakaṃ dassentī pavattāti tassanakassa suññatādassanaṃ akiccasādhakampi suññatādassanamevāti imesaṃ vasena ‘‘catukkoṭikā suññatā kathitā’’ti vuttaṃ. Bahiddhā parikkhāranti bāhiraṃ saviññāṇakaṃ aviññāṇakañca sattopakaraṇaṃ. Tañhi jīvitavuttiyā parikkhārakaṭṭhena ‘‘parikkhāro’’ti vuttaṃ. Pariggahaṃ nāma katvāti ‘‘mama ida’’nti pariggahetabbatāya pariggahitaṃ nāma katvā. Sabbopi diṭṭhiggāho ‘‘attā nicco dhuvo sassato, attā ucchijjati vinassatī’’tiādinā attadiṭṭhisannissayoyevāti vuttaṃ ‘‘sakkāyadiṭṭhipamukhā dvāsaṭṭhidiṭṭhiyo’’ti. Ayāthāvaggāhinā abhinivesanapaññāpanānaṃ upatthambhabhāvato diṭṭhi eva nissayoti diṭṭhinissayo. Pariggaṇheyyāti niccādivisesayuttaṃ katvā pariggaṇheyya. Kimevaṃ pariggahetuṃ sakkuṇeyya ? Sabbatthāti ‘‘taṃ, bhikkhave, attavādupādānaṃ upādiyetha, taṃ, bhikkhave, diṭṭhinissayaṃ nissayethā’’ti etesupi.

    244. ад̇д̇ани ваа сад̇ийд̇и яасса ад̇д̇ано санд̇агабхаавзна гин̃жи ад̇д̇анияанд̇и вужжзяяа, д̇асмим̣ ад̇д̇ани сад̇и, со зва бана ад̇д̇аа барамад̇т̇ад̇о над̇т̇ийд̇и ад̇хиббааяо. саггаа хи вад̇д̇ум̣ б̣аахирагабаригаббид̇о ад̇д̇аа ‘‘барамад̇т̇о’’д̇и? сияаа канд̇хабан̃жагам̣ н̃зяяасабхаавад̇д̇аа яат̇аа д̇ам̣ гхадо, яад̣̇и бана д̇ад̣̇ан̃н̃ам̣ наама гин̃жи абхависса, на д̇ам̣ нияамад̇о вибарийд̇ам̣ сияаад̇и? на жа со барамад̇т̇ад̇о ад̇т̇и бамаан̣зхи анубалаб̣бхамаанад̇д̇аа д̇уран̇г̇амависаан̣ам̣ вияаад̇и. ад̇д̇анияз ваа баригкаарз сад̇ийд̇и ‘‘ид̣̇ам̣ наама ад̇д̇ано санд̇ага’’нд̇и д̇асса гин̃жанабхаавзна нижчид̇з гисмин̃жи вад̇т̇усмим̣ сад̇и. ад̇д̇ано ид̣̇анд̇и хи ад̇д̇анияанд̇и. аханд̇и сад̇ийд̇и ‘‘ахам̣ наамааяа’’нд̇и ахам̣гааравад̇т̇убхууд̇з барамад̇т̇ад̇о нид̣̇д̇хаарид̇асаруубз гисмин̃жи сад̇и д̇асса санд̇агабхаавзна мамаад̇и гин̃жи г̇ахзд̇ум̣ яуд̇д̇ам̣ бхавзяяа. мамаад̇и сад̇и ‘‘аха’’нд̇и зд̇т̇ааби зсзва наяо. ид̇и барамад̇т̇ад̇о ад̇д̇ано анубалаб̣бхамаанад̇д̇аа ад̇д̇анияам̣ гин̃жи барамад̇т̇ад̇о над̇т̇зваад̇и саб̣б̣асан̇каараанам̣ анад̇д̇ад̇ааяа анад̇д̇анияад̇ам̣, анад̇д̇анияад̇ааяа жа анад̇д̇агад̇ам̣ д̣̇ассзд̇и. бхууд̇ад̇од̇и бхууд̇ад̇т̇ад̇о. д̇ат̇ад̇од̇и д̇ат̇асабхаавад̇о. т̇ирад̇од̇и тид̇асабхаавад̇о ниб̣б̣игаарад̇о.

    244.Attani vā satīti yassa attano santakabhāvena kiñci attaniyanti vucceyya, tasmiṃ attani sati, so eva pana attā paramatthato natthīti adhippāyo. Sakkā hi vattuṃ bāhirakaparikappito attā ‘‘paramattho’’ti? Siyā khandhapañcakaṃ ñeyyasabhāvattā yathā taṃ ghaṭo, yadi pana tadaññaṃ nāma kiñci abhavissa, na taṃ niyamato viparītaṃ siyāti? Na ca so paramatthato atthi pamāṇehi anupalabbhamānattā turaṅgamavisāṇaṃ viyāti. Attaniye vā parikkhāre satīti ‘‘idaṃ nāma attano santaka’’nti tassa kiñcanabhāvena nicchite kismiñci vatthusmiṃ sati. Attano idanti hi attaniyanti. Ahanti satīti ‘‘ahaṃ nāmāya’’nti ahaṃkāravatthubhūte paramatthato niddhāritasarūpe kismiñci sati tassa santakabhāvena mamāti kiñci gahetuṃ yuttaṃ bhaveyya. Mamāti sati ‘‘aha’’nti etthāpi eseva nayo. Iti paramatthato attano anupalabbhamānattā attaniyaṃ kiñci paramatthato natthevāti sabbasaṅkhārānaṃ anattatāya anattaniyataṃ, anattaniyatāya ca anattakataṃ dasseti. Bhūtatoti bhūtatthato. Tathatoti tathasabhāvato. Thiratoti ṭhitasabhāvato nibbikārato.

    яасмаа худ̇ваа на ход̇ийд̇и яасмаа буб̣б̣з асанд̇ам̣ бажжаяасамавааязна худ̇ваа уббаж̇ж̇ид̇ваа буна бхан̇г̇убаг̇амзна на ход̇и, д̇асмаа на нижжанд̇и анижжам̣, ад̇хуванд̇и ад̇т̇о. д̇ад̇о зва уббаад̣̇аваяавад̇д̇ид̇од̇и уббаж̇ж̇анавасзна нируж̇жханавасзна жа бавад̇д̇анад̇о. сабхаававиг̇амо ид̇ха вибарин̣аамо, кан̣игад̇аа д̇аавагаалигад̇аа, нижжасабхааваабхааво зва нижжабадигкзбо. анижжад̇хаммаа хи д̇знзва ад̇д̇ано анижжабхаавзна ад̇т̇ад̇о нижжад̇ам̣ бадигкибанд̇и наама. д̇ат̇аа хи вуд̇д̇ам̣ ‘‘на нижжанд̇и анижжа’’нд̇и. уббаад̣̇аж̇араабхан̇г̇авасзна руубасса ниранд̇араб̣аад̇хад̇аад̇и бадибийл̣анаагаарзнасса д̣̇угкад̇аа. санд̇аабо д̣̇угкад̣̇угкад̇аад̣̇ивасзна санд̇аабанам̣ барид̣̇аханам̣, д̇ад̇о звасса д̣̇уссахад̇ааяа д̣̇угкамад̇аа. д̇иссаннам̣ д̣̇угкад̇аанам̣ сам̣саарад̣̇угкасса жа ад̇хидтаанад̇ааяа д̣̇угкавад̇т̇угад̇аа. сукасабхааваабхааво зва сукабадигкзбо. вибарин̣аамад̇хамманд̇и ж̇арааяа маран̣зна жа вибарин̣аманасабхаавам̣. яасмаа ид̣̇ам̣ руубам̣ бажжаяасамавааязна уббаад̣̇ам̣, уббаад̣̇аананд̇арам̣ ж̇арам̣ бад̇ваа авассамзва бхиж̇ж̇ад̇и, бхиннан̃жа бхиннамзва, наасса гассажи сан̇гамод̇и бхаванд̇араанубаг̇аманасан̇каад̇зна сан̇гамаабхаавзна вибарин̣аамад̇хаммад̇ам̣ баагадам̣ гаад̇ум̣ ‘‘бхавасан̇ганд̇и убаг̇аманасабхаава’’нд̇и вуд̇д̇ам̣. багад̇ибхаававиж̇аханам̣ сабхаававиг̇амо нируж̇жханамзва. нд̇и анижжам̣ д̣̇угкам̣ вибарин̣аамад̇хаммам̣ руубам̣. иминаад̇и ‘‘но хзд̇ам̣, бханд̇з’’д̇и руубасса д̇ан̣хаад̣̇иг̇г̇аахаанам̣ вад̇т̇убхаавабадигкзбзна. руубан̃хи уббаннам̣ тид̇им̣ маа баабун̣аад̇у, тид̇иббад̇д̇ам̣ маа ж̇ийрад̇у, ж̇араббад̇д̇ам̣ маа бхиж̇ж̇ад̇у, уд̣̇аяаб̣б̣аязхи маа гиламияад̇ууд̇и на зд̇т̇а гассажи васийбхааво ад̇т̇и, свааяамасса авасавад̇д̇анадто анад̇д̇ад̇аасаллагкан̣асса гааран̣ам̣ ход̇ийд̇и ааха ‘‘авасавад̇д̇анаагаарзна руубам̣, бханд̇з, анад̇д̇аад̇и бадиж̇аананд̇ий’’д̇и. ниваасигаарагавзд̣̇агаад̇хидтааяагавирахзна д̇ад̇о сун̃н̃ад̇аа сун̃н̃адто, саамибхууд̇асса гассажи абхааво ассаамигадто, яат̇аавуд̇д̇авасавад̇д̇ибхааваабхааво аниссарадто, барабаригаббид̇аад̇д̇асабхааваабхааво зва ад̇д̇абадигкзбадто.

    Yasmā hutvā na hotīti yasmā pubbe asantaṃ paccayasamavāyena hutvā uppajjitvā puna bhaṅgupagamena na hoti, tasmā na niccanti aniccaṃ, adhuvanti attho. Tato eva uppādavayavattitoti uppajjanavasena nirujjhanavasena ca pavattanato. Sabhāvavigamo idha vipariṇāmo, khaṇikatā tāvakālikatā, niccasabhāvābhāvo eva niccapaṭikkhepo. Aniccadhammā hi teneva attano aniccabhāvena atthato niccataṃ paṭikkhipanti nāma. Tathā hi vuttaṃ ‘‘na niccanti anicca’’nti. Uppādajarābhaṅgavasena rūpassa nirantarabādhatāti paṭipīḷanākārenassa dukkhatā. Santāpo dukkhadukkhatādivasena santāpanaṃ paridahanaṃ, tato evassa dussahatāya dukkhamatā. Tissannaṃ dukkhatānaṃ saṃsāradukkhassa ca adhiṭṭhānatāya dukkhavatthukatā. Sukhasabhāvābhāvo eva sukhapaṭikkhepo. Vipariṇāmadhammanti jarāya maraṇena ca vipariṇamanasabhāvaṃ. Yasmā idaṃ rūpaṃ paccayasamavāyena uppādaṃ, uppādānantaraṃ jaraṃ patvā avassameva bhijjati, bhinnañca bhinnameva, nāssa kassaci saṅkamoti bhavantarānupagamanasaṅkhātena saṅkamābhāvena vipariṇāmadhammataṃ pākaṭaṃ kātuṃ ‘‘bhavasaṅkanti upagamanasabhāva’’nti vuttaṃ. Pakatibhāvavijahanaṃ sabhāvavigamo nirujjhanameva. Nti aniccaṃ dukkhaṃ vipariṇāmadhammaṃ rūpaṃ. Imināti ‘‘no hetaṃ, bhante’’ti rūpassa taṇhādiggāhānaṃ vatthubhāvapaṭikkhepena. Rūpañhi uppannaṃ ṭhitiṃ mā pāpuṇātu, ṭhitippattaṃ mā jīratu, jarappattaṃ mā bhijjatu, udayabbayehi mā kilamiyatūti na ettha kassaci vasībhāvo atthi, svāyamassa avasavattanaṭṭho anattatāsallakkhaṇassa kāraṇaṃ hotīti āha ‘‘avasavattanākārena rūpaṃ, bhante, anattāti paṭijānantī’’ti. Nivāsikārakavedakaadhiṭṭhāyakavirahena tato suññatā suññaṭṭho, sāmibhūtassa kassaci abhāvo assāmikaṭṭho, yathāvuttavasavattibhāvābhāvo anissaraṭṭho, paraparikappitaattasabhāvābhāvo eva attapaṭikkhepaṭṭho.

    яасмаа анижжалагкан̣зна вияа д̣̇угкалагкан̣ам̣, д̇ад̣̇убхаязна анад̇д̇алагкан̣ам̣ сувин̃н̃аабаяам̣, на гзвалам̣, д̇асмаа д̇ад̣̇убхаязнзд̇т̇а анад̇д̇алагкан̣авибхааванам̣ гад̇анд̇и д̣̇ассзнд̇о ‘‘бхаг̇аваа хий’’д̇иаад̣̇имааха. д̇ад̇т̇а анижжавасзнаад̇и анижжад̇аавасзна. д̣̇угкавасзнаад̇и д̣̇угкад̇аавасзна. на убабаж̇ж̇ад̇ийд̇и на яуж̇ж̇ад̇и. д̇амзва аяуж̇ж̇амаанад̇ам̣ д̣̇ассзд̇ум̣ ‘‘жагкусса уббаад̣̇обий’’д̇иаад̣̇и вуд̇д̇ам̣. яасмаа ад̇д̇аваад̣̇ий ад̇д̇аанам̣ нижжам̣ бан̃н̃абзд̇и, жагкум̣ бана анижжам̣, д̇асмаа жагку вияа ад̇д̇ааби анижжо аабанно. д̇знааха ‘‘яасса ко банаа’’д̇иаад̣̇и. д̇ад̇т̇а взд̇ийд̇и виг̇ажчад̇и нируж̇жхад̇и. ид̇и жагку анад̇д̇аад̇и жагкусса уд̣̇аяаб̣б̣аяаванд̇ад̇ааяа анижжад̇аа, ад̇д̇ано жа ад̇д̇аваад̣̇инаа анижжад̇ааяа анижчид̇ад̇д̇аа жагку анад̇д̇аа.

    Yasmā aniccalakkhaṇena viya dukkhalakkhaṇaṃ, tadubhayena anattalakkhaṇaṃ suviññāpayaṃ, na kevalaṃ, tasmā tadubhayenettha anattalakkhaṇavibhāvanaṃ katanti dassento ‘‘bhagavā hī’’tiādimāha. Tattha aniccavasenāti aniccatāvasena. Dukkhavasenāti dukkhatāvasena. Na upapajjatīti na yujjati. Tameva ayujjamānataṃ dassetuṃ ‘‘cakkhussa uppādopī’’tiādi vuttaṃ. Yasmā attavādī attānaṃ niccaṃ paññapeti, cakkhuṃ pana aniccaṃ, tasmā cakkhu viya attāpi anicco āpanno. Tenāha ‘‘yassa kho panā’’tiādi. Tattha vetīti vigacchati nirujjhati. Iti cakkhu anattāti cakkhussa udayabbayavantatāya aniccatā, attano ca attavādinā aniccatāya anicchitattā cakkhu anattā.

    гаамам̣ анад̇д̇алагкан̣асуд̇д̇з (сам̣. ни. 3.59; махаава. 20) – ‘‘яасмаа жа ко, бхигкавз, руубам̣ анад̇д̇аа, д̇асмаа руубам̣ ааб̣аад̇хааяа сам̣вад̇д̇ад̇ий’’д̇и руубасса анад̇д̇ад̇ааяа д̣̇угкад̇аа вибхаавид̇аа вияа д̣̇иссад̇и, д̇ат̇ааби ‘‘яасмаа руубам̣ ааб̣аад̇хааяа сам̣вад̇д̇ад̇и, д̇асмаа анад̇д̇аа’’д̇и баагадад̇ааяа сааб̣аад̇хад̇ааяа руубасса ад̇д̇асаараабхааво вибхаавид̇о, д̇ад̇о зва жа ‘‘на лаб̣бхад̇и руубз звам̣ мз руубам̣ ход̇у, звам̣ мз руубам̣ маа ахосий’’д̇и руубз гассажи аниссарад̇аа, д̇асса жа авасавад̇д̇анаагааро д̣̇ассид̇од̇и ааха ‘‘д̣̇угкавасзна анад̇д̇ад̇ам̣ д̣̇ассзд̇ий’’д̇и. яад̣̇анижжам̣ д̇ам̣ д̣̇угканд̇и яам̣ вад̇т̇у анижжам̣, д̇ам̣ д̣̇угкам̣ уд̣̇аяаб̣б̣аяабадибийл̣ид̇ад̇д̇аа, яам̣ бана нижжам̣ д̇ад̣̇абхаавад̇о, д̇ам̣ сукам̣ яат̇аа д̇ам̣ ниб̣б̣аананд̇и ад̇хиббааяо. яам̣ д̇анд̇и гааран̣анид̣̇д̣̇зсовааяам̣, яасмаа руубам̣ анижжам̣, д̇ам̣ д̇асмаад̇и ад̇т̇о. яам̣ д̣̇угкам̣ д̇ад̣̇анад̇д̇аад̇и зд̇т̇а вуд̇д̇анаязнзва ад̇т̇о взд̣̇ид̇аб̣б̣о. анижжанд̇и иминаа гхадаад̣̇и вияа бажжаяуббаннад̇д̇аа руубам̣ анижжанд̇и имамад̇т̇ам̣ д̣̇ассзд̇и. иминаава наязна ‘‘анад̇д̇аа’’д̇и вад̇д̇ум̣ лаб̣бхамаанзби ‘‘анад̇д̇аа’’д̇и вад̇д̇аа наама над̇т̇и. звам̣ д̣̇угканд̇и вад̣̇анд̇ийд̇и зд̇т̇ааби яат̇аарахам̣ вад̇д̇аб̣б̣ам̣ ‘‘агкисуулаад̣̇ивигаараббад̇д̇агаалз вияа бажжаяуббаннад̇д̇аа д̣̇угкам̣ рууба’’нд̇иаад̣̇инаа. д̣̇уд̣̇д̣̇асам̣ д̣̇уббан̃н̃аабанам̣. д̇ат̇аа хи сарабхан̇г̇аад̣̇аяоби сад̇т̇ааро наад̣̇д̣̇асам̣су, гуд̇о бан̃н̃аабанаа. д̇аяид̣̇ам̣ анад̇д̇алагкан̣ам̣.

    Kāmaṃ anattalakkhaṇasutte (saṃ. ni. 3.59; mahāva. 20) – ‘‘yasmā ca kho, bhikkhave, rūpaṃ anattā, tasmā rūpaṃ ābādhāya saṃvattatī’’ti rūpassa anattatāya dukkhatā vibhāvitā viya dissati, tathāpi ‘‘yasmā rūpaṃ ābādhāya saṃvattati, tasmā anattā’’ti pākaṭatāya sābādhatāya rūpassa attasārābhāvo vibhāvito, tato eva ca ‘‘na labbhati rūpe evaṃ me rūpaṃ hotu, evaṃ me rūpaṃ mā ahosī’’ti rūpe kassaci anissaratā, tassa ca avasavattanākāro dassitoti āha ‘‘dukkhavasena anattataṃdassetī’’ti. Yadaniccaṃ taṃ dukkhanti yaṃ vatthu aniccaṃ, taṃ dukkhaṃ udayabbayapaṭipīḷitattā, yaṃ pana niccaṃ tadabhāvato, taṃ sukhaṃ yathā taṃ nibbānanti adhippāyo. Yaṃ tanti kāraṇaniddesovāyaṃ, yasmā rūpaṃ aniccaṃ, taṃ tasmāti attho. Yaṃ dukkhaṃ tadanattāti ettha vuttanayeneva attho veditabbo. Aniccanti iminā ghaṭādi viya paccayuppannattā rūpaṃ aniccanti imamatthaṃ dasseti. Imināva nayena ‘‘anattā’’ti vattuṃ labbhamānepi ‘‘anattā’’ti vattā nāma natthi. Evaṃ dukkhanti vadantīti etthāpi yathārahaṃ vattabbaṃ ‘‘akkhisūlādivikārappattakāle viya paccayuppannattā dukkhaṃ rūpa’’ntiādinā. Duddasaṃ duppaññāpanaṃ. Tathā hi sarabhaṅgādayopi satthāro nāddasaṃsu, kuto paññāpanā. Tayidaṃ anattalakkhaṇaṃ.

    д̇асмаад̇ихаад̇иаад̣̇инаа д̇ияад̣̇д̇хаг̇ад̇аруубам̣ лагкан̣ад̇д̇аяам̣ ааробзд̇ваа вуд̇д̇анд̇и ааха ‘‘зд̇арахи ан̃н̃ад̣̇аабий’’д̇и. д̇ам̣ бана яаад̣̇исам̣ д̇аад̣̇исамби д̇ат̇аа вуд̇д̇анд̇и аж̇жхад̇д̇аад̣̇ивисзсоби вад̇д̇аб̣б̣о. би-сад̣̇д̣̇зна ваа д̇ассааби сан̇г̇ахо д̣̇адтаб̣б̣о.

    Tasmātihātiādinā tiyaddhagatarūpaṃ lakkhaṇattayaṃ āropetvā vuttanti āha ‘‘etarahi aññadāpī’’ti. Taṃ pana yādisaṃ tādisampi tathā vuttanti ajjhattādivisesopi vattabbo. Pi-saddena vā tassāpi saṅgaho daṭṭhabbo.

    245. угган̣тад̇ийд̇и наабхирамад̇и. ан̃н̃ад̇т̇а ‘‘ниб̣б̣ид̣̇аа’’д̇и б̣алававибассанаа вужжад̇и, саануломаа бана сан̇каарубзгкаа ‘‘вудтаанаг̇ааминий’’д̇и, саа ид̇ха гат̇ам̣ ниб̣б̣ид̣̇аа наама ж̇аад̇аад̇и ааха ‘‘вудтаанаг̇ааминивибассанааяа хий’’д̇иаад̣̇и. иминаа сикаабад̇д̇аниб̣б̣зд̣̇ад̇ааяа вудтаанаг̇ааминий ид̇ха ниб̣б̣ид̣̇аанаамзна вуд̇д̇аад̇и д̣̇ассзд̇и.

    245.Ukkaṇṭhatīti nābhiramati. Aññattha ‘‘nibbidā’’ti balavavipassanā vuccati, sānulomā pana saṅkhārupekkhā ‘‘vuṭṭhānagāminī’’ti, sā idha kathaṃ nibbidā nāma jātāti āha ‘‘vuṭṭhānagāminivipassanāya hī’’tiādi. Iminā sikhāpattanibbedatāya vuṭṭhānagāminī idha nibbidānāmena vuttāti dasseti.

    ‘‘со анубуб̣б̣зна сан̃н̃аг̇г̇ам̣ пусад̇ий’’д̇и (д̣̇ий. ни. 1.414, 415) вад̇ваа ‘‘сан̃н̃аа ко бодтабаад̣̇а батамам̣ уббаж̇ж̇ад̇и, бажчаа н̃аан̣а’’нд̇и (д̣̇ий. ни. 1.416) вуд̇д̇ад̇д̇аа сан̃н̃аг̇г̇анд̇и вуд̇д̇аа логияаасу бахаанасан̃н̃аасу сикаабад̇д̇абхаавад̇о. д̇хаммадтид̇ин̃аан̣анд̇и вуд̇д̇аа ид̣̇аббажжаяад̇аад̣̇ассанасса мад̇т̇агаббад̇д̇ийд̇и гад̇ваа. д̇ад̇о баран̃хи асан̇кад̇аарамман̣ам̣ н̃аан̣ам̣ ход̇и. д̇знааха – ‘‘буб̣б̣з ко сусима д̇хаммадтид̇ин̃аан̣ам̣, бажчаа ниб̣б̣аанз н̃аан̣а’’нд̇и (сам̣. ни. 2.70). баарисуд̣̇д̇хибад̇хаанияан̇г̇анд̇и вуд̇д̇аа маг̇г̇аад̇хиг̇амасса барибант̇абхууд̇асаб̣б̣асам̣гилзсависуд̣̇д̇хи бад̇хаанигасса яог̇ино, бад̇хаанабхааванааяа ваа ж̇аад̇ам̣ ан̇г̇анд̇и гад̇ваа. бадибад̣̇аан̃аан̣ад̣̇ассанависуд̣̇д̇хийд̇и вуд̇д̇аа барамуггам̣саг̇ад̇абадибад̣̇аан̃аан̣ад̣̇ассанависуд̣̇д̇хибхаавад̇о. ад̇аммаяад̇анд̇и зд̇т̇а д̇аммаяад̇аа наама д̇ан̣хаа, гаамад̇ан̣хаад̣̇ийсу д̇ааяа д̇ааяа ниб̣б̣ад̇д̇ад̇д̇аа д̇аммаяам̣ наама д̇збхуумигаббавад̇д̇ам̣, д̇асса бхаавод̇и гад̇ваа. д̇ассаа д̇ан̣хааяа барияаад̣̇аанад̇о вудтаанаг̇ааминивибассанаа ад̇аммаяад̇аад̇и вужжад̇и. ниссааяаад̇и д̇ам̣ ад̇аммаяад̇ам̣ бажжаяам̣ гад̇ваа. ааг̇аммаад̇и д̇ассзва взважанам̣. наанад̇д̇аад̇и наанаасабхааваа б̣ахуу анзгаббагаараа. наанад̇д̇асид̇аад̇и наанаарамман̣аниссид̇аа руубаад̣̇ивисаяаа. згад̇д̇аад̇и згасабхааваа. згад̇д̇асид̇аад̇и згам̣язва аарамман̣ам̣ ниссид̇аа. д̇ам̣ ниссааяаад̇и д̇ам̣ згад̇д̇асид̇ам̣ убзгкам̣ бажжаяам̣ гад̇ваа. зд̇иссаад̇и зд̇иссаа убзгкааяа. бахаанам̣ ход̇ийд̇и ан̃н̃аан̣убзгкад̇о бабхуд̇и саб̣б̣ам̣ убзгкам̣ баж̇ахид̇ваа тид̇асса ‘‘ад̇аммаяад̇аа’’д̇и вуд̇д̇ааяа вудтаанаг̇ааминивибассанааяа аруубааважарасамаабад̇д̇иубзгкааяа вибассанубзгкааяа жа бахаанам̣ ход̇ийд̇и барияаад̣̇аананд̇и вуд̇д̇аад̇и. саб̣б̣асан̇каараг̇ад̇асса мун̃жид̇угамяад̇аабадисан̇каанасса сикаабад̇д̇абхаавад̇о вудтаанаг̇ааминий мун̃жид̇угамяад̇аа бадисан̇каананд̇и жа вуд̇д̇аа. муд̣̇умаж̇жхаад̣̇ивасзна бавад̇д̇иаагаарамад̇д̇ам̣, ад̇т̇ад̇о згад̇т̇аа мун̃жид̇угамяад̇аад̣̇аяо, б̣яан̃ж̇анамзва наанам̣. д̣̇вийхи наамзхийд̇и г̇од̇рабху, вод̣̇аананд̇и имзхи д̣̇вийхи наамзхи.

    ‘‘So anupubbena saññaggaṃ phusatī’’ti (dī. ni. 1.414, 415) vatvā ‘‘saññā kho poṭṭhapāda paṭhamaṃ uppajjati, pacchā ñāṇa’’nti (dī. ni. 1.416) vuttattā saññagganti vuttā lokiyāsu pahānasaññāsu sikhāpattabhāvato. Dhammaṭṭhitiñāṇanti vuttā idappaccayatādassanassa matthakappattīti katvā. Tato parañhi asaṅkhatārammaṇaṃ ñāṇaṃ hoti. Tenāha – ‘‘pubbe kho susima dhammaṭṭhitiñāṇaṃ, pacchā nibbāne ñāṇa’’nti (saṃ. ni. 2.70). Pārisuddhipadhāniyaṅganti vuttā maggādhigamassa paripanthabhūtasabbasaṃkilesavisuddhi padhānikassa yogino, padhānabhāvanāya vā jātaṃ aṅganti katvā. Paṭipadāñāṇadassanavisuddhīti vuttā paramukkaṃsagatapaṭipadāñāṇadassanavisuddhibhāvato. Atammayatanti ettha tammayatā nāma taṇhā, kāmataṇhādīsu tāya tāya nibbattattā tammayaṃ nāma tebhūmikappavattaṃ, tassa bhāvoti katvā. Tassā taṇhāya pariyādānato vuṭṭhānagāminivipassanā atammayatāti vuccati. Nissāyāti taṃ atammayataṃ paccayaṃ katvā. Āgammāti tasseva vevacanaṃ. Nānattāti nānāsabhāvā bahū anekappakārā. Nānattasitāti nānārammaṇanissitā rūpādivisayā. Ekattāti ekasabhāvā. Ekattasitāti ekaṃyeva ārammaṇaṃ nissitā. Taṃ nissāyāti taṃ ekattasitaṃ upekkhaṃ paccayaṃ katvā. Etissāti etissā upekkhāya. Pahānaṃ hotīti aññāṇupekkhato pabhuti sabbaṃ upekkhaṃ pajahitvā ṭhitassa ‘‘atammayatā’’ti vuttāya vuṭṭhānagāminivipassanāya arūpāvacarasamāpattiupekkhāya vipassanupekkhāya ca pahānaṃ hotīti pariyādānanti vuttāti. Sabbasaṅkhāragatassa muñcitukamyatāpaṭisaṅkhānassa sikhāpattabhāvato vuṭṭhānagāminī muñcitukamyatā paṭisaṅkhānanti ca vuttā. Mudumajjhādivasena pavattiākāramattaṃ, atthato ekatthā muñcitukamyatādayo, byañjanameva nānaṃ. Dvīhi nāmehīti gotrabhu, vodānanti imehi dvīhi nāmehi.

    вирааг̇од̇и маг̇г̇о, ажжанд̇амзва вираж̇ж̇ад̇и зд̇знаад̇и вирааг̇о, д̇зна. маг̇г̇зна хзд̇убхууд̇зна. вимужжад̇ийд̇и бадиббассад̣̇д̇хивимуд̇д̇ивасзна вимужжад̇и. д̇знааха ‘‘палам̣ гат̇ид̇а’’нд̇и.

    Virāgoti maggo, accantameva virajjati etenāti virāgo, tena. Maggena hetubhūtena. Vimuccatīti paṭippassaddhivimuttivasena vimuccati. Tenāha ‘‘phalaṃ kathita’’nti.

    махаакийн̣аасавод̇и басам̣сааважанам̣ яат̇аа ‘‘махаарааж̇аа’’д̇и. д̇ат̇аа хи д̇ам̣ басам̣санд̇о сад̇т̇аа ‘‘аяам̣ вужжад̇и, бхигкавз, бхигку угкид̇д̇абалигхо ид̇ибий’’д̇иаад̣̇имаахаад̇и. д̇ад̣̇ад̇т̇ам̣ виварид̇ум̣ ‘‘ид̣̇аани д̇ассаа’’д̇иаад̣̇и вуд̇д̇ам̣. яат̇аабхууд̇зхийд̇и яаат̇аавад̇о бхууд̇зхи. д̣̇уругкибанадтзнаад̇и бажураж̇анзхи угкибид̇ум̣ асаггун̣зяяабхаавзна. ниб̣б̣аананаг̇араббавзсз виб̣анд̇ханзна балигхо вияаад̇и балигход̇и вужжад̇и. мад̇т̇агажчинно д̇аало бад̇д̇апалаад̣̇ийнам̣ анан̇г̇ад̇о д̇аалаавад̇т̇у асивз ‘‘сиваа’’д̇и саман̃н̃аа вияа. д̇знааха ‘‘сийсажчиннад̇аало вияа гад̇аа’’д̇и. бунаб̣бхавасса гаран̣асийло, бунаб̣бхавам̣ ваа палам̣ арахад̇ийд̇и бонобхавиго. звам̣бхууд̇о бана бунаб̣бхавам̣ д̣̇зд̇и наамаад̇и ааха ‘‘бунаб̣бхавад̣̇ааяаго’’д̇и. бунаб̣бхаваканд̇хаанам̣ бажжаяод̇и иминаа ж̇аад̇исам̣саарод̇и палуубажаарзна гааран̣ам̣ вуд̇д̇анд̇и д̣̇ассзд̇и. баригкаад̇и вужжад̇и санд̇аанасса баригкибанад̇о. сам̣гин̣н̣ад̇д̇аад̇и саб̣б̣асо гин̣н̣ад̇д̇аа винаасид̇ад̇д̇аа. г̇аб̣бхийраануг̇ад̇адтзнаад̇и г̇амбхийрам̣ анубавидтадтзна. лун̃жид̇ваад̇и уд̣̇д̇харид̇ваа. зд̇аанийд̇и гаамарааг̇асан̃н̃ож̇анаад̣̇ийни. аг̇г̇ал̣аад̇и вужжанд̇и авад̇хааран̣адтзна. аг̇г̇амаг̇г̇зна бад̇ид̇о маанад̣̇д̇хаж̇о зд̇ассаад̇и бад̇ид̇амаанад̣̇д̇хаж̇о. ид̇арабхаароробанасса буримабад̣̇зхи багаасид̇ад̇д̇аа ‘‘маанабхаарассзва оробид̇ад̇д̇аа баннабхаарод̇и ад̇хиббзд̇о’’д̇и вуд̇д̇ам̣. маанасам̣яог̇знзва висам̣яуд̇д̇ад̇д̇аад̇и зд̇т̇ааби зсзва наяо. бан̃жаби канд̇хз ависзсад̇о асмийд̇и г̇ахзд̇ваа бавад̇д̇амаано ‘‘асмимаано’’д̇и ад̇хиббзд̇од̇и вуд̇д̇ам̣ ‘‘руубз асмийд̇и маано’’д̇иаад̣̇и.

    Mahākhīṇāsavoti pasaṃsāvacanaṃ yathā ‘‘mahārājā’’ti. Tathā hi taṃ pasaṃsanto satthā ‘‘ayaṃ vuccati, bhikkhave, bhikkhu ukkhittapaligho itipī’’tiādimāhāti. Tadatthaṃ vivarituṃ ‘‘idāni tassā’’tiādi vuttaṃ. Yathābhūtehīti yāthāvato bhūtehi. Durukkhipanaṭṭhenāti pacurajanehi ukkhipituṃ asakkuṇeyyabhāvena. Nibbānanagarappavese vibandhanena paligho viyāti palighoti vuccati. Matthakacchinno tālo pattaphalādīnaṃ anaṅgato tālāvatthu asive ‘‘sivā’’ti samaññā viya. Tenāha ‘‘sīsacchinnatālo viya katā’’ti. Punabbhavassa karaṇasīlo, punabbhavaṃ vā phalaṃ arahatīti ponobhaviko. Evaṃbhūto pana punabbhavaṃ deti nāmāti āha ‘‘punabbhavadāyako’’ti. Punabbhavakhandhānaṃ paccayoti iminā jātisaṃsāroti phalūpacārena kāraṇaṃ vuttanti dasseti. Parikkhāti vuccati santānassa parikkhipanato. Saṃkiṇṇattāti sabbaso kiṇṇattā vināsitattā. Gabbhīrānugataṭṭhenāti gambhīraṃ anupaviṭṭhaṭṭhena. Luñcitvāti uddharitvā. Etānīti kāmarāgasaññojanādīni. Aggaḷāti vuccanti avadhāraṇaṭṭhena. Aggamaggena patito mānaddhajo etassāti patitamānaddhajo. Itarabhāroropanassa purimapadehi pakāsitattā ‘‘mānabhārasseva oropitattā pannabhāroti adhippeto’’ti vuttaṃ. Mānasaṃyogeneva visaṃyuttattāti etthāpi eseva nayo. Pañcapi khandhe avisesato asmīti gahetvā pavattamāno ‘‘asmimāno’’ti adhippetoti vuttaṃ ‘‘rūpe asmīti māno’’tiādi.

    наг̇арад̣̇ваарасса бариссаяабадиб̣ааханад̇т̇ан̃жзва собханад̇т̇ан̃жа убхосу бассзсу зсигад̇т̇амбхз никан̣ид̇ваа табзнд̇ийд̇и ааха ‘‘наг̇арад̣̇ваарз уссаабид̇з зсигад̇т̇амбхз’’д̇и. баагааравид̣̇д̇хам̣санзнзва баригкааяа бхуумисамагаран̣ам̣ ход̇ийд̇и ааха ‘‘баагаарам̣ бхинд̣̇анд̇о баригкам̣ сам̣гирид̇ваа’’д̇и. званд̇иаад̣̇и убамаасам̣санд̣̇анам̣. санд̇о сам̣виж̇ж̇амаано гааяо д̇хаммасамууход̇и саггааяо, убаад̣̇аанагканд̇хабан̃жагам̣. д̣̇вад̇д̇им̣са гаммагааран̣аа д̣̇угкагканд̇хз ааг̇ад̇аа. агкирог̇асийсарог̇аад̣̇аяо адтанавуд̇и рог̇аа. рааж̇абхаяаад̣̇ийни бан̃жавийсад̇и махаабхаяаани.

    Nagaradvārassa parissayapaṭibāhanatthañceva sobhanatthañca ubhosu passesu esikatthambhe nikhaṇitvā ṭhapentīti āha ‘‘nagaradvāre ussāpite esikatthambhe’’ti. Pākāraviddhaṃsaneneva parikkhāya bhūmisamakaraṇaṃ hotīti āha ‘‘pākāraṃ bhindanto parikkhaṃ saṃkiritvā’’ti. Evantiādi upamāsaṃsandanaṃ. Santo saṃvijjamāno kāyo dhammasamūhoti sakkāyo, upādānakkhandhapañcakaṃ. Dvattiṃsa kammakāraṇā dukkhakkhandhe āgatā. Akkhirogasīsarogādayo aṭṭhanavuti rogā. Rājabhayādīni pañcavīsati mahābhayāni.

    246. анад̇хиг̇аманийяавин̃н̃аан̣ад̇анд̇и ‘‘ид̣̇ам̣ наама ниссааяа иминаа наама аагаарзна бавад̇д̇ад̇ий’’д̇и звам̣ д̣̇увин̃н̃зяяажид̇д̇ад̇ам̣. анвзсанд̇и бажжад̇д̇з згаважананд̇и ааха ‘‘анвзсанд̇о’’д̇и. сад̇д̇оби д̇ат̇ааг̇ад̇од̇и вужжад̇и ‘‘д̇ат̇ааг̇ад̇о барам̣ маран̣аа’’д̇иаад̣̇ийсу (д̣̇ий. ни. 1.65) вияа. сад̇д̇о хи яат̇зго гаммагилзсзхи ид̇т̇ад̇д̇ам̣ ааг̇ад̇о, д̇ат̇аа абароби ааг̇ад̇од̇и ‘‘д̇ат̇ааг̇ад̇о’’д̇и вужжад̇и. уд̇д̇амабуг̇г̇алод̇и бхаг̇аванд̇ам̣ санд̇хааяа вад̣̇ад̇и. кийн̣аасавобийд̇и яо гожи кийн̣аасавоби ‘‘д̇ат̇ааг̇ад̇о’’д̇и ад̇хиббзд̇о. соби хи яат̇зго жад̇уусу сад̇ибадтаанзсу суубадтид̇ажид̇д̇о сад̇д̇а б̣ож̇жхан̇г̇з яат̇аабхууд̇ам̣ бхаавзд̇ваа ануд̇д̇арам̣ арахад̇д̇ам̣ ааг̇ад̇о ад̇хиг̇ад̇о, д̇ат̇аа абароби ааг̇ад̇од̇и ‘‘д̇ат̇ааг̇ад̇о’’д̇и вужжад̇и. асам̣виж̇ж̇амаанод̇и барамад̇т̇ад̇о анубалаб̣бханийяо. авинд̣̇зяяод̇и на винд̣̇ид̇аб̣б̣о, д̣̇увин̃н̃зяяод̇и ад̇т̇о.

    246.Anadhigamanīyaviññāṇatanti ‘‘idaṃ nāma nissāya iminā nāma ākārena pavattatī’’ti evaṃ duviññeyyacittataṃ. Anvesanti paccatte ekavacananti āha ‘‘anvesanto’’ti. Sattopi tathāgatoti vuccati ‘‘tathāgato paraṃ maraṇā’’tiādīsu (dī. ni. 1.65) viya. Satto hi yatheko kammakilesehi itthattaṃ āgato, tathā aparopi āgatoti ‘‘tathāgato’’ti vuccati. Uttamapuggaloti bhagavantaṃ sandhāya vadati. Khīṇāsavopīti yo koci khīṇāsavopi ‘‘tathāgato’’ti adhippeto. Sopi hi yatheko catūsu satipaṭṭhānesu sūpaṭṭhitacitto satta bojjhaṅge yathābhūtaṃ bhāvetvā anuttaraṃ arahattaṃ āgato adhigato, tathā aparopi āgatoti ‘‘tathāgato’’ti vuccati. Asaṃvijjamānoti paramatthato anupalabbhanīyo. Avindeyyoti na vinditabbo, duviññeyyoti attho.

    д̇ат̇ааг̇ад̇о сад̇д̇о буг̇г̇алод̇и на бан̃н̃абзми барамад̇т̇ад̇о сад̇д̇ассзва абхаавад̇од̇и ад̇хиббааяо. гим̣ бан̃н̃абзссаами бан̃н̃ад̇д̇иубаад̣̇аанассаби д̇харамаанагасса абхаавад̇о. ‘‘ануббаад̣̇о кзмам̣, ануббад̇д̇и кзма’’нд̇иаад̣̇инаа асан̇кад̇ааяа д̇хаад̇уяаа багканд̇ханавасзна бавад̇д̇ам̣ аг̇г̇апаласамаабад̇д̇иад̇т̇ам̣ вибассанаажид̇д̇ам̣ ваа.

    Tathāgato satto puggaloti na paññapemi paramatthato sattasseva abhāvatoti adhippāyo. Kiṃ paññapessāmi paññattiupādānassapi dharamānakassa abhāvato. ‘‘Anuppādo khemaṃ, anuppatti khema’’ntiādinā asaṅkhatāya dhātuyā pakkhandhanavasena pavattaṃ aggaphalasamāpattiatthaṃ vipassanācittaṃ vā.

    д̇ужчаад̇и гаран̣з ниссаггаважананд̇и ааха ‘‘д̇ужчагзнаа’’д̇и. винаяад̇ийд̇и винаяо, со зва взнаяиго. д̇ат̇аа манд̇и д̇ат̇аабхууд̇ам̣ мам̣. барамад̇т̇ад̇о виж̇ж̇амаанасса хи сад̇д̇асса абхаавам̣ вад̣̇анд̇о сад̇д̇авинаасабан̃н̃аабаго жа наама сияаа, ахам̣ бана барамад̇т̇ад̇о авиж̇ж̇амаанам̣ д̇ам̣ ‘‘над̇т̇ий’’д̇и вад̣̇аами. яат̇аа жа лого вохарад̇и, д̇ат̇зва д̇ам̣ вохараами, д̇ат̇аабхууд̇ам̣ мам̣ яз саман̣аб̣раахман̣аа ‘‘взнаяиго саман̣о г̇од̇амо’’д̇и вад̣̇анд̇аа асад̇аа д̇ужчаа мусаа абхууд̇зна аб̣бхаажигканд̇ийд̇и яож̇анаа. аббадисанд̇хигасса кийн̣аасавасса жаримажид̇д̇ам̣ нирубаад̣̇аанад̇о анубаад̣̇аано вияа ж̇аад̇авзд̣̇о бариниб̣б̣уд̇ам̣ ид̣̇ам̣ наама ниссид̇анд̇и на бан̃н̃ааяад̇ийд̇и вад̣̇анд̇о гимзд̇д̇аавад̇аа ужчзд̣̇аваад̣̇ий бхавзяяа, наахам̣ гад̣̇аажиби ад̇т̇и, нааби гожи ад̇т̇ийд̇и вад̣̇аами. звам̣ санд̇з гим̣ ниссааяа д̇з могхабурисаа сад̇о сад̇д̇асса наама ужчзд̣̇ам̣ винаасам̣ вибхавам̣ бан̃н̃абзд̇ийд̇и вад̣̇анд̇аа асад̇аа…бз… аб̣бхаажигканд̇ийд̇и аяамзд̇т̇а ад̇хиббааяо.

    Tucchāti karaṇe nissakkavacananti āha ‘‘tucchakenā’’ti. Vinayatīti vinayo, so eva venayiko. Tathā manti tathābhūtaṃ maṃ. Paramatthato vijjamānassa hi sattassa abhāvaṃ vadanto sattavināsapaññāpako ca nāma siyā, ahaṃ pana paramatthato avijjamānaṃ taṃ ‘‘natthī’’ti vadāmi. Yathā ca loko voharati, tatheva taṃ voharāmi, tathābhūtaṃ maṃ ye samaṇabrāhmaṇā ‘‘venayiko samaṇo gotamo’’ti vadantā asatā tucchā musā abhūtena abbhācikkhantīti yojanā. Appaṭisandhikassa khīṇāsavassa carimacittaṃ nirupādānato anupādāno viya jātavedo parinibbutaṃ idaṃ nāma nissitanti na paññāyatīti vadanto kimettāvatā ucchedavādī bhaveyya, nāhaṃ kadācipi atthi, nāpi koci atthīti vadāmi. Evaṃ sante kiṃ nissāya te moghapurisā sato sattassa nāma ucchedaṃ vināsaṃ vibhavaṃ paññapetīti vadantā asatā…pe… abbhācikkhantīti ayamettha adhippāyo.

    махааб̣од̇химан̣д̣амхийд̇и б̣од̇химан̣д̣аг̇г̇ахан̣зна сад̇д̇асад̇д̇аахамааха. д̇зна д̇хаммажаггабавад̇д̇анад̇о (сам̣. ни. 5.1081; махаава. 13; бади. ма. 2.30) буб̣б̣з вуд̇д̇ам̣ д̇анд̇ид̣̇зсанам̣ вад̣̇ад̇и . жад̇усажжамзва бан̃н̃абзмийд̇и зд̇зна сажжавимуд̇д̇аа сад̇т̇уд̣̇зсанаа над̇т̇ийд̇и д̣̇ассзд̇и. зд̇т̇а жа – ‘‘буб̣б̣з жзва зд̇арахи жа д̣̇угкан̃жзва бан̃н̃абзми д̣̇угкасса жа нирод̇ха’’нд̇и вад̣̇анд̇о бхаг̇аваа наахам̣ гад̣̇аажиби ‘‘ад̇д̇аа ужчиж̇ж̇ад̇и, винассад̇ий’’д̇и ваа, ‘‘ад̇д̇аа наама гожи ад̇т̇ий’’д̇и ваа вад̣̇аами. звам̣ санд̇з гим̣ ниссааяа д̇з могхабурисаа ‘‘сад̇о сад̇д̇асса ужчзд̣̇ам̣ винаасам̣ вибхавам̣ бан̃н̃абзд̇ий’’д̇и асад̇аа д̇ужчзна аб̣бхаажигканд̇ийд̇и д̣̇ассзд̇и. барзд̇и амаамагаа, мама оваад̣̇асса абхааж̇анабхууд̇аад̇и ад̇т̇од̇и ааха ‘‘сажжаани…бз… асамад̇т̇абуг̇г̇алаа’’д̇и. ад̇хиббааязнаад̇и иминаа д̇зсам̣ ад̇хиббааяамад̇д̇ам̣, росанавихзсанаани бана д̇ат̇ааг̇ад̇асса аагаасасса виликанам̣ вияа на самбхаванд̇иязваад̇и д̣̇ассзд̇и. ааханад̇и жид̇д̇анд̇и аагхаад̇о. аббад̇ийд̇аа хонд̇и зд̇знаад̇и аббажжаяо. жид̇д̇ам̣ на абхираад̇хаяад̇ийд̇и анабхирад̣̇д̇хи. ад̇удтийд̇и д̇удтибадибагко д̇ат̇аабавад̇д̇о жид̇д̇уббаад̣̇о, год̇хо зва ваа.

    Mahābodhimaṇḍamhīti bodhimaṇḍaggahaṇena sattasattāhamāha. Tena dhammacakkapavattanato (saṃ. ni. 5.1081; mahāva. 13; paṭi. ma. 2.30) pubbe vuttaṃ tantidesanaṃ vadati . Catusaccameva paññapemīti etena saccavimuttā satthudesanā natthīti dasseti. Ettha ca – ‘‘pubbe ceva etarahi ca dukkhañceva paññapemi dukkhassa ca nirodha’’nti vadanto bhagavā nāhaṃ kadācipi ‘‘attā ucchijjati, vinassatī’’ti vā, ‘‘attā nāma koci atthī’’ti vā vadāmi. Evaṃ sante kiṃ nissāya te moghapurisā ‘‘sato sattassa ucchedaṃ vināsaṃ vibhavaṃ paññapetī’’ti asatā tucchena abbhācikkhantīti dasseti. Pareti amāmakā, mama ovādassa abhājanabhūtāti atthoti āha ‘‘saccāni…pe… asamatthapuggalā’’ti. Adhippāyenāti iminā tesaṃ adhippāyamattaṃ, rosanavihesanāni pana tathāgatassa ākāsassa vilikhanaṃ viya na sambhavantiyevāti dasseti. Āhanati cittanti āghāto. Appatītā honti etenāti appaccayo. Cittaṃ na abhirādhayatīti anabhiraddhi. Atuṭṭhīti tuṭṭhipaṭipakkho tathāpavatto cittuppādo, kodho eva vā.

    барзд̇и ан̃н̃з згажжз. аананд̣̇анд̇и бамод̣̇анд̇и зд̇знаад̇и аананд̣̇о, бийд̇ияаа звзд̇ам̣ ад̇хиважанам̣. собханаманад̇аа соманассам̣, жзд̇асигасукассзд̇ам̣ ад̇хиважанам̣. уббилад̇и буримаавад̇т̇ааяа бхиж̇ж̇ад̇и висзсам̣ аабаж̇ж̇ад̇ийд̇и уббилам̣, д̇ад̣̇зва уббилаавид̇ам̣, д̇асса бхааво уббилаавид̇ад̇д̇ам̣. яааяа уббаннааяа гааяажид̇д̇ам̣ ваад̇абуурид̇абхад̇д̇аа вияа уд̣̇д̇хумааяанаагаараббад̇д̇ам̣ ход̇и, д̇ассаа г̇зхассид̇ааяа од̣̇аг̇г̇ияабийд̇ияаа зд̇ам̣ ад̇хиважанам̣. сажжаани бадивиж̇жхид̇ум̣ асамад̇т̇аад̇и д̣̇угкамзва уббаж̇ж̇ад̇и нируж̇жхад̇и жа, на ан̃н̃о сад̇д̇о наама ад̇т̇ийд̇и звам̣ ж̇аанид̇ум̣ асамад̇т̇аа ‘‘ад̇д̇аа наама ад̇т̇ий’’д̇и звам̣д̣̇идтино аббахийнавибаллаасаа. уд̇д̇амам̣ басаад̣̇анийяадтаанам̣ д̇ат̇ааг̇ад̇амби аггосанд̇и, гиман̇г̇ам̣ бана бхигкууд̇и ад̇хиббааяо.

    Pareti aññe ekacce. Ānandanti pamodanti etenāti ānando, pītiyā evetaṃ adhivacanaṃ. Sobhanamanatā somanassaṃ, cetasikasukhassetaṃ adhivacanaṃ. Uppilati purimāvatthāya bhijjati visesaṃ āpajjatīti uppilaṃ, tadeva uppilāvitaṃ, tassa bhāvo uppilāvitattaṃ. Yāya uppannāya kāyacittaṃ vātapūritabhattā viya uddhumāyanākārappattaṃ hoti, tassā gehassitāya odaggiyapītiyā etaṃ adhivacanaṃ. Saccāni paṭivijjhituṃ asamatthāti dukkhameva uppajjati nirujjhati ca, na añño satto nāma atthīti evaṃ jānituṃ asamatthā ‘‘attā nāma atthī’’ti evaṃdiṭṭhino appahīnavipallāsā. Uttamaṃ pasādanīyaṭṭhānaṃ tathāgatampi akkosanti, kimaṅgaṃ pana bhikkhūti adhippāyo.

    247. анад̇д̇аниязби канд̇хабан̃жагз мижчааг̇аахавасзна ад̇д̇анияасан̃н̃ааяа бавад̇д̇асса чанд̣̇арааг̇асса бахаанам̣. амхаагам̣ нзва ад̇д̇аад̇и яасмаа руубавзд̣̇анаад̣̇иязва ад̇д̇аг̇г̇аахавад̇т̇у д̇аб̣б̣инимуд̇д̇асса лобханзяяасса абхаавад̇о. зд̇ам̣ д̇ин̣агадтасаакаабалаасам̣ на амхаагам̣ руубам̣, на вин̃н̃аан̣ам̣, д̇асмаа амхаагам̣ нзва ад̇д̇аад̇и яож̇анаа. аж̇жхад̇д̇игасса вад̇т̇уно нзва ад̇д̇аад̇и бадигкид̇д̇ад̇д̇аа б̣аахиравад̇т̇у ад̇д̇анияабхаавзна бадигкид̇д̇ам̣ ход̇ийд̇и ааха ‘‘амхаагам̣ жийвараад̣̇ибаригкаароби на ход̇ий’’д̇и. канд̇хабан̃жагам̣язваад̇и б̣аахиравад̇т̇ум̣ нид̣̇ассанам̣ гад̇ваа канд̇хабан̃жагам̣язва на д̇умхааганд̇и баж̇ахаабзд̇и. на уббаадзд̇ваа ганд̣̇ам̣ вияа. на лун̃жид̇ваа ваа гзсз вияаад̇и. иминаа руубаад̣̇ийнам̣ наамамукзна бахаанам̣ ижчанд̇и. уллин̇г̇ид̇амад̇т̇ам̣ чанд̣̇арааг̇авинаязна баж̇ахаабзд̇ийд̇и саруубад̇о д̣̇ассзд̇и.

    247. Anattaniyepi khandhapañcake micchāgāhavasena attaniyasaññāya pavattassa chandarāgassa pahānaṃ. Amhākaṃ neva attāti yasmā rūpavedanādiyeva attaggāhavatthu tabbinimuttassa lobhaneyyassa abhāvato. Etaṃ tiṇakaṭṭhasākhāpalāsaṃ na amhākaṃ rūpaṃ, na viññāṇaṃ, tasmā amhākaṃ neva attāti yojanā. Ajjhattikassa vatthuno neva attāti paṭikkhittattā bāhiravatthu attaniyabhāvena paṭikkhittaṃ hotīti āha ‘‘amhākaṃ cīvarādiparikkhāropi na hotī’’ti. Khandhapañcakaṃyevāti bāhiravatthuṃ nidassanaṃ katvā khandhapañcakaṃyeva na tumhākanti pajahāpeti. Na uppāṭetvā kandaṃ viya. Na luñcitvā vā kese viyāti. Iminā rūpādīnaṃ nāmamukhena pahānaṃ icchanti. Ulliṅgitamatthaṃ chandarāgavinayena pajahāpetīti sarūpato dasseti.

    248. ‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа’’д̇иаад̣̇и д̣̇зсанаа д̇ибариваддам̣. яаава имам̣ таананд̇и ‘‘звам̣ сваагкаад̇о’’д̇и яаавааяам̣ баал̣ибад̣̇зсо. сувин̃н̃зяяабхаавзна агкаад̇ад̇д̇ааби сваагкаад̇од̇и ааха ‘‘сугат̇ид̇ад̇д̇аа зва уд̇д̇аано вивадо багаасид̇о’’д̇и. д̇ирияам̣ вид̣̇ааран̣зна чиннам̣, д̣̇ийгхасо пааланзна бхиннам̣, д̇ад̇о зва д̇ад̇т̇а д̇ад̇т̇а сиб̣б̣ид̇аг̇ан̣тигад̇аж̇ин̣н̣авад̇т̇ам̣ билод̇игаа, д̇ад̣̇абхаавад̇о чиннабилод̇иго, билод̇игарахид̇од̇и ад̇т̇о. ирияаабат̇а-сан̣табанаавиж̇ж̇амаанажхаана-вибассанаани чиннааяа авиж̇ж̇амаанааяа бадибад̇д̇ияаа сиб̣б̣анаг̇ан̣тигаран̣асад̣̇исаани, д̇аад̣̇исам̣ ид̇ха над̇т̇ийд̇и ааха ‘‘на хзд̇т̇а…бз… ад̇т̇ий’’д̇и. бад̇идтаад̇ум̣ на лабхад̇ийд̇и бзсалзхи сад̣̇д̇хим̣ сам̣ваасавасзнаби бад̇идтаад̇ум̣ на лабхад̇и, висзсаад̇хиг̇амавасзна бана вад̇д̇аб̣б̣амзва над̇т̇и.

    248. ‘‘Taṃ kiṃ maññatha, bhikkhave, rūpaṃ niccaṃ vā’’tiādi desanā tiparivaṭṭaṃ. Yāva imaṃ ṭhānanti ‘‘evaṃ svākkhāto’’ti yāvāyaṃ pāḷipadeso. Suviññeyyabhāvena akkhātattāpi svākkhātoti āha ‘‘sukathitattā eva uttāno vivaṭo pakāsito’’ti. Tiriyaṃ vidāraṇena chinnaṃ, dīghaso phālanena bhinnaṃ, tato eva tattha tattha sibbitagaṇṭhikatajiṇṇavatthaṃ pilotikā, tadabhāvato chinnapilotiko, pilotikarahitoti attho. Iriyāpatha-saṇṭhapanaavijjamānajhāna-vipassanāni chinnāya avijjamānāya paṭipattiyā sibbanagaṇṭhikaraṇasadisāni, tādisaṃ idha natthīti āha ‘‘na hettha…pe… atthī’’ti. Patiṭṭhātuṃ na labhatīti pesalehi saddhiṃ saṃvāsavasenapi patiṭṭhātuṃ na labhati, visesādhigamavasena pana vattabbameva natthi.

    гааран̣д̣авам̣ нид̣̇д̇хамат̇аад̇и вибаннасийлад̇ааяа гажаварабхууд̇ам̣ буг̇г̇алам̣ гажаварамива нирабзгкаа абанзт̇а. гасамб̣ун̃жаабагассат̇аад̇и гасадабхууд̇ан̃жа нам̣ кад̇д̇ияаад̣̇ийнам̣ маж̇жхаг̇ад̇ам̣ самбхиннам̣ баг̇гхарид̇агудтам̣ жан̣д̣аалам̣ вияа абагассат̇а ниггад̣дхат̇а. гим̣ гааран̣ам̣? сан̇гхаараамо наама сийлаванд̇аанам̣ гад̇о, на д̣̇уссийлаанам̣, яад̇о зд̇ад̣̇зва. д̇ад̇о балаабз ваахзт̇а, ассаман̣з саман̣амаанинзд̇и яат̇аа балаабаа анд̇осаарарахид̇аа ад̇ан̣д̣улаа б̣ахи т̇усзна вийхи вияа д̣̇иссанд̇и, звам̣ баабабхигкуу анд̇осийларахид̇ааби б̣ахи гаасааваад̣̇ибаригкаарзна бхигкуу вияа д̣̇иссанд̇и, д̇асмаа ‘‘балаабаа’’д̇и вужжанд̇и, д̇з балаабз ваахзт̇а од̇хунаат̇а вид̇хамат̇а. барамад̇т̇ад̇о ассаман̣з взсамад̇д̇зна саман̣амаанинз звам̣ нид̣̇д̇хамид̇ваана…бз… бад̇иссад̇аад̇и. д̇ад̇т̇а габбаяавход̇и габбзт̇а, гарот̇аад̇и вуд̇д̇ам̣ ход̇и. бад̇иссад̇аад̇и бад̇и бад̇и сад̇аа самбаж̇аананд̇аа судту баж̇аананд̇аа. бад̇иссад̇аа ваа саббад̇иссаа ан̃н̃аман̃н̃ам̣ саг̇аараваа. ат̇звам̣ суд̣̇д̇хаа суд̣̇д̇хзхи сам̣ваасам̣ габбзнд̇аа д̣̇идтисийласааман̃н̃зна самаг̇г̇аа. ануггамзна барибаагаг̇ад̇абан̃н̃ад̇ааяа нибагаа. саб̣б̣ассзвимасса д̣̇угкаваддасса анд̇ам̣ гариссат̇а, бариниб̣б̣аанам̣ баабун̣иссат̇аад̇и ад̇т̇о.

    Kāraṇḍavaṃ niddhamathāti vipannasīlatāya kacavarabhūtaṃ puggalaṃ kacavaramiva nirapekkhā apanetha. Kasambuñcāpakassathāti kasaṭabhūtañca naṃ khattiyādīnaṃ majjhagataṃ sambhinnaṃ paggharitakuṭṭhaṃ caṇḍālaṃ viya apakassatha nikkaḍḍhatha. Kiṃ kāraṇaṃ? Saṅghārāmo nāma sīlavantānaṃ kato, na dussīlānaṃ, yato etadeva. Tato palāpe vāhetha, assamaṇe samaṇamānineti yathā palāpā antosārarahitā ataṇḍulā bahi thusena vīhi viya dissanti, evaṃ pāpabhikkhū antosīlarahitāpi bahi kāsāvādiparikkhārena bhikkhū viya dissanti, tasmā ‘‘palāpā’’ti vuccanti, te palāpe vāhetha odhunātha vidhamatha. Paramatthato assamaṇe vesamattena samaṇamānine evaṃ niddhamitvāna…pe…patissatāti. Tattha kappayavhoti kappetha, karothāti vuttaṃ hoti. Patissatāti pati pati satā sampajānantā suṭṭhu pajānantā. Patissatā vā sappatissā aññamaññaṃ sagāravā. Athevaṃ suddhā suddhehi saṃvāsaṃ kappentā diṭṭhisīlasāmaññena samaggā. Anukkamena paripākagatapaññatāya nipakā. Sabbassevimassa dukkhavaṭṭassa antaṃ karissatha, parinibbānaṃ pāpuṇissathāti attho.

    ваддам̣ д̇зсам̣ над̇т̇и бан̃н̃аабанааяа саб̣б̣асо самужчиннаваддамуулагад̇д̇аа.

    Vaṭṭaṃ tesaṃ natthi paññāpanāya sabbaso samucchinnavaṭṭamūlakattā.

    д̇хаммам̣ ануссаранд̇и, д̇хаммасса ваа ануссаран̣асийлаад̇и д̇хаммаанусаарино. звам̣ сад̣̇д̇хаанусаариноби взд̣̇ид̇аб̣б̣аа. бадибаннассаад̇и бадибаж̇ж̇амаанасса, сод̇аабад̇д̇имаг̇г̇адтоби ад̇хиббзд̇о. ад̇химад̇д̇анд̇и б̣алавам̣. бан̃н̃ааваахийд̇и бан̃н̃ам̣ ваахзд̇и, бан̃н̃аа ваа имам̣ буг̇г̇алам̣ вахад̇ийд̇и бан̃н̃ааваахийд̇иби вад̣̇анд̇и. бан̃н̃аабуб̣б̣ан̇г̇аманд̇и бан̃н̃ам̣ бурзжааригам̣ гад̇ваа. аяам̣ вужжад̇ийд̇и аяам̣ зваруубо буг̇г̇ало бан̃н̃аасан̇каад̇зна д̇хаммзна сарад̇и ануссарад̇ийд̇и д̇хаммаанусаарий. сад̣̇д̇хааваахийд̇и сад̣̇д̇хам̣ ваахзд̇и, сад̣̇д̇хаа ваа имам̣ буг̇г̇алам̣ вахад̇ийд̇и сад̣̇д̇хааваахийд̇иби вад̣̇анд̇и. сад̣̇д̇хаабуб̣б̣ан̇г̇аманд̇и сад̣̇д̇хам̣ бурзжааригам̣ гад̇ваа. аяам̣ вужжад̇ийд̇и аяам̣ зваруубо буг̇г̇ало сад̣̇д̇хааяа сарад̇и ануссарад̇ийд̇и сад̣̇д̇хаанусаарий. сад̣̇д̇хаамад̇д̇анд̇и ‘‘ид̇иби со бхаг̇аваа’’д̇иаад̣̇инаа б̣уд̣̇д̇хасуб̣уд̣̇д̇хад̇ааяа сад̣̇д̣̇аханамад̇д̇ам̣. мад̇д̇а-сад̣̇д̣̇зна авзжжаббасаад̣̇ам̣ нивад̇д̇зд̇и. бзмамад̇д̇анд̇и яат̇аавуд̇д̇асад̣̇д̇хаанусаарзна уббаннам̣ д̇удтимад̇д̇ам̣. синзход̇и гзжи. звам̣ вибассанам̣ бадтабзд̇ваа нисиннаананд̇и галаабасаммасанаад̣̇ивасзна аарад̣̇д̇хавибассанаанам̣. згаа сад̣̇д̇хаад̇и вибассанаанусаарзна сваагкаад̇ад̇хаммад̇аа сид̣̇д̇хаа, д̇ад̇о зва згаа сздтаа ул̣аараа сад̣̇д̇хаа уббаж̇ж̇ад̇и. згам̣ бзманд̇и зд̇т̇ааби зсзва наяо. саг̇г̇з табид̇аа вияа хонд̇ийд̇и д̇зсам̣ сад̣̇д̇хаабзмаанам̣ саг̇г̇асам̣вад̇д̇анияад̇ааяа аб̣яабхижаарийбхаавамааха. жуул̣асод̇аабаннод̇и вад̣̇анд̇и згад̣̇зсзна сажжаануб̣од̇хз тид̇ад̇д̇аа. сзсам̣ сувин̃н̃зяяамзва.

    Dhammaṃ anussaranti, dhammassa vā anussaraṇasīlāti dhammānusārino. Evaṃ saddhānusārinopi veditabbā. Paṭipannassāti paṭipajjamānassa, sotāpattimaggaṭṭhopi adhippeto. Adhimattanti balavaṃ. Paññāvāhīti paññaṃ vāheti, paññā vā imaṃ puggalaṃ vahatīti paññāvāhītipi vadanti. Paññāpubbaṅgamanti paññaṃ purecārikaṃ katvā. Ayaṃ vuccatīti ayaṃ evarūpo puggalo paññāsaṅkhātena dhammena sarati anussaratīti dhammānusārī. Saddhāvāhīti saddhaṃ vāheti, saddhā vā imaṃ puggalaṃ vahatīti saddhāvāhītipi vadanti. Saddhāpubbaṅgamanti saddhaṃ purecārikaṃ katvā. Ayaṃ vuccatīti ayaṃ evarūpo puggalo saddhāya sarati anussaratīti saddhānusārī. Saddhāmattanti ‘‘itipi so bhagavā’’tiādinā buddhasubuddhatāya saddahanamattaṃ. Matta-saddena aveccappasādaṃ nivatteti. Pemamattanti yathāvuttasaddhānusārena uppannaṃ tuṭṭhimattaṃ. Sinehoti keci. Evaṃ vipassanaṃ paṭṭhapetvā nisinnānanti kalāpasammasanādivasena āraddhavipassanānaṃ. Ekā saddhāti vipassanānusārena svākkhātadhammatā siddhā, tato eva ekā seṭṭhā uḷārā saddhā uppajjati. Ekaṃ pemanti etthāpi eseva nayo. Sagge ṭhapitā viya hontīti tesaṃ saddhāpemānaṃ saggasaṃvattaniyatāya abyabhicārībhāvamāha. Cūḷasotāpannoti vadanti ekadesena saccānubodhe ṭhitattā. Sesaṃ suviññeyyameva.

    алаг̇ад̣̇д̣̇уубамасуд̇д̇аван̣н̣анааяа лийнад̇т̇аббагаасанаа самад̇д̇аа.

    Alagaddūpamasuttavaṇṇanāya līnatthappakāsanā samattā.




    Next: 3. ваммигасуд̇д̇аван̣н̣анаа • 3. Vammikasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. алаг̇ад̣̇д̣̇уубамасуд̇д̇ам̣ • 2. Alagaddūpamasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. алаг̇ад̣̇д̣̇уубамасуд̇д̇аван̣н̣анаа • 2. Alagaddūpamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact