| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
алаж̇ж̇ийниссаяавад̇т̇угат̇аа
Alajjīnissayavatthukathā
120. алаж̇ж̇ийнам̣ ниссааяа васанд̇ийд̇и убаяог̇ад̇т̇з саамиважанам̣; алаж̇ж̇ибуг̇г̇алз ниссааяа васанд̇ийд̇и ад̇т̇о. яаава бхигкусабхааг̇ад̇ам̣ ж̇аанаамийд̇и ниссаяад̣̇ааяагасса бхигкуно бхигкуухи сабхааг̇ад̇ам̣ лаж̇ж̇ибхаавам̣ яаава ж̇аанаамийд̇и ад̇т̇о. д̇асмаа навам̣ таанам̣ г̇ад̇зна ‘‘зхи бхигку, ниссаяам̣ г̇ан̣хаахий’’д̇и вужжамаанзнааби жад̇уухабан̃жаахам̣ ниссаяад̣̇ааяагасса лаж̇ж̇ибхаавам̣ убабаригкид̇ваа ниссаяо г̇ахзд̇аб̣б̣о.
120.Alajjīnaṃ nissāya vasantīti upayogatthe sāmivacanaṃ; alajjipuggale nissāya vasantīti attho. Yāva bhikkhusabhāgataṃ jānāmīti nissayadāyakassa bhikkhuno bhikkhūhi sabhāgataṃ lajjibhāvaṃ yāva jānāmīti attho. Tasmā navaṃ ṭhānaṃ gatena ‘‘ehi bhikkhu, nissayaṃ gaṇhāhī’’ti vuccamānenāpi catūhapañcāhaṃ nissayadāyakassa lajjibhāvaṃ upaparikkhitvā nissayo gahetabbo.
сажз ‘‘т̇зро лаж̇ж̇ий’’д̇и бхигкуунам̣ санд̇игз суд̇ваа ааг̇ад̇ад̣̇ивасзязва г̇ахзд̇угаамо ход̇и, т̇зро бана ‘‘ааг̇амзхи д̇аава, васанд̇о ж̇ааниссасий’’д̇и гад̇ибаахам̣ аажаарам̣ убабаригкид̇ваа ниссаяам̣ д̣̇зд̇и, ваддад̇и. багад̇ияаа ниссаяаг̇г̇ахан̣адтаанам̣ г̇ад̇зна д̇ад̣̇ахзва г̇ахзд̇аб̣б̣о, згад̣̇ивасамби барихааро над̇т̇и. сажз батамаяаамз аажарияасса огаасо над̇т̇и, огаасам̣ алабханд̇о ‘‘бажжуусасамаяз г̇ахзссаамий’’д̇и саяад̇и, арун̣ам̣ уг̇г̇ад̇амби на ж̇аанаад̇и, анаабад̇д̇и. сажз бана ‘‘г̇ан̣хиссаамий’’д̇и аабхог̇ам̣ агад̇ваа саяад̇и, арун̣уг̇г̇аманз д̣̇уггадам̣. аг̇ад̇абуб̣б̣ам̣ таанам̣ г̇ад̇зна д̣̇вз д̇ийн̣и д̣̇ивасаани васид̇ваа г̇анд̇угаамзна аниссид̇зна васид̇аб̣б̣ам̣. ‘‘сад̇д̇аахам̣ васиссаамий’’д̇и аалаяам̣ гаронд̇зна бана ниссаяо г̇ахзд̇аб̣б̣о. сажз т̇зро ‘‘гим̣ сад̇д̇аахам̣ васанд̇асса ниссаязнаа’’д̇и вад̣̇ад̇и, бадигкид̇д̇агаалад̇о бадтааяа лад̣̇д̇хабарихааро ход̇и.
Sace ‘‘thero lajjī’’ti bhikkhūnaṃ santike sutvā āgatadivaseyeva gahetukāmo hoti, thero pana ‘‘āgamehi tāva, vasanto jānissasī’’ti katipāhaṃ ācāraṃ upaparikkhitvā nissayaṃ deti, vaṭṭati. Pakatiyā nissayaggahaṇaṭṭhānaṃ gatena tadaheva gahetabbo, ekadivasampi parihāro natthi. Sace paṭhamayāme ācariyassa okāso natthi, okāsaṃ alabhanto ‘‘paccūsasamaye gahessāmī’’ti sayati, aruṇaṃ uggatampi na jānāti, anāpatti. Sace pana ‘‘gaṇhissāmī’’ti ābhogaṃ akatvā sayati, aruṇuggamane dukkaṭaṃ. Agatapubbaṃ ṭhānaṃ gatena dve tīṇi divasāni vasitvā gantukāmena anissitena vasitabbaṃ. ‘‘Sattāhaṃ vasissāmī’’ti ālayaṃ karontena pana nissayo gahetabbo. Sace thero ‘‘kiṃ sattāhaṃ vasantassa nissayenā’’ti vadati, paṭikkhittakālato paṭṭhāya laddhaparihāro hoti.
алаж̇ж̇ийниссаяавад̇т̇угат̇аа нидтид̇аа.
Alajjīnissayavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 58. алаж̇ж̇ийниссаяавад̇т̇ууни • 58. Alajjīnissayavatthūni
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / алаж̇ж̇ийниссаяавад̇т̇угат̇ааван̣н̣анаа • Alajjīnissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / алаж̇ж̇ийниссаяавад̇т̇угат̇ааван̣н̣анаа • Alajjīnissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / алаж̇ж̇иниссаяавад̇т̇угат̇ааван̣н̣анаа • Alajjinissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 58. алаж̇ж̇ийниссаяавад̇т̇угат̇аа • 58. Alajjīnissayavatthukathā
