| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૫૮. અલજ્જીનિસ્સયવત્થૂનિ
58. Alajjīnissayavatthūni
૧૨૦. તેન ખો પન સમયેન છબ્બગ્ગિયા ભિક્ખૂ અલજ્જીનં નિસ્સયં દેન્તિ. ભગવતો એતમત્થં આરોચેસું. ન, ભિક્ખવે, અલજ્જીનં નિસ્સયો દાતબ્બો. યો દદેય્ય, આપત્તિ દુક્કટસ્સાતિ.
120. Tena kho pana samayena chabbaggiyā bhikkhū alajjīnaṃ nissayaṃ denti. Bhagavato etamatthaṃ ārocesuṃ. Na, bhikkhave, alajjīnaṃ nissayo dātabbo. Yo dadeyya, āpatti dukkaṭassāti.
તેન ખો પન સમયેન ભિક્ખૂ અલજ્જીનં નિસ્સાય વસન્તિ. તેપિ નચિરસ્સેવ અલજ્જિનો હોન્તિ પાપકાભિક્ખૂ. ભગવતો એતમત્થં આરોચેસું. ન, ભિક્ખવે, અલજ્જીનં નિસ્સાય વત્થબ્બં. યો વસેય્ય, આપત્તિ દુક્કટસ્સાતિ.
Tena kho pana samayena bhikkhū alajjīnaṃ nissāya vasanti. Tepi nacirasseva alajjino honti pāpakābhikkhū. Bhagavato etamatthaṃ ārocesuṃ. Na, bhikkhave, alajjīnaṃ nissāya vatthabbaṃ. Yo vaseyya, āpatti dukkaṭassāti.
અથ ખો ભિક્ખૂનં એતદહોસિ – ‘‘ભગવતા પઞ્ઞત્તં ‘ન અલજ્જીનં નિસ્સયો દાતબ્બો, ન અલજ્જીનં નિસ્સાય વત્થબ્બ’ન્તિ. કથં નુ ખો મયં જાનેય્યામ લજ્જિં વા અલજ્જિં વા’’તિ? ભગવતો એતમત્થં આરોચેસું. અનુજાનામિ, ભિક્ખવે, ચતૂહપઞ્ચાહં આગમેતું યાવ ભિક્ખુસભાગતં જાનામીતિ.
Atha kho bhikkhūnaṃ etadahosi – ‘‘bhagavatā paññattaṃ ‘na alajjīnaṃ nissayo dātabbo, na alajjīnaṃ nissāya vatthabba’nti. Kathaṃ nu kho mayaṃ jāneyyāma lajjiṃ vā alajjiṃ vā’’ti? Bhagavato etamatthaṃ ārocesuṃ. Anujānāmi, bhikkhave, catūhapañcāhaṃ āgametuṃ yāva bhikkhusabhāgataṃ jānāmīti.
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અલજ્જીનિસ્સયવત્થુકથા • Alajjīnissayavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અલજ્જીનિસ્સયવત્થુકથાવણ્ણના • Alajjīnissayavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અલજ્જીનિસ્સયવત્થુકથાવણ્ણના • Alajjīnissayavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અલજ્જિનિસ્સયવત્થુકથાવણ્ણના • Alajjinissayavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૫૮. અલજ્જીનિસ્સયવત્થુકથા • 58. Alajjīnissayavatthukathā
