| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၅၈. အလဇ္ဇီနိသ္သယဝတ္ထူနိ
58. Alajjīnissayavatthūni
၁၂၀. တေန ခော ပန သမယေန ဆဗ္ဗဂ္ဂိယာ ဘိက္ခူ အလဇ္ဇီနံ နိသ္သယံ ဒေန္တိ။ ဘဂဝတော ဧတမတ္ထံ အာရောစေသုံ။ န, ဘိက္ခဝေ, အလဇ္ဇီနံ နိသ္သယော ဒာတဗ္ဗော။ ယော ဒဒေယ္ယ, အာပတ္တိ ဒုက္ကဋသ္သာတိ။
120. Tena kho pana samayena chabbaggiyā bhikkhū alajjīnaṃ nissayaṃ denti. Bhagavato etamatthaṃ ārocesuṃ. Na, bhikkhave, alajjīnaṃ nissayo dātabbo. Yo dadeyya, āpatti dukkaṭassāti.
တေန ခော ပန သမယေန ဘိက္ခူ အလဇ္ဇီနံ နိသ္သာယ ဝသန္တိ။ တေပိ နစိရသ္သေဝ အလဇ္ဇိနော ဟောန္တိ ပာပကာဘိက္ခူ။ ဘဂဝတော ဧတမတ္ထံ အာရောစေသုံ။ န, ဘိက္ခဝေ, အလဇ္ဇီနံ နိသ္သာယ ဝတ္ထဗ္ဗံ။ ယော ဝသေယ္ယ, အာပတ္တိ ဒုက္ကဋသ္သာတိ။
Tena kho pana samayena bhikkhū alajjīnaṃ nissāya vasanti. Tepi nacirasseva alajjino honti pāpakābhikkhū. Bhagavato etamatthaṃ ārocesuṃ. Na, bhikkhave, alajjīnaṃ nissāya vatthabbaṃ. Yo vaseyya, āpatti dukkaṭassāti.
အထ ခော ဘိက္ခူနံ ဧတဒဟောသိ – ‘‘ဘဂဝတာ ပညတ္တံ ‘န အလဇ္ဇီနံ နိသ္သယော ဒာတဗ္ဗော, န အလဇ္ဇီနံ နိသ္သာယ ဝတ္ထဗ္ဗ’န္တိ။ ကထံ နု ခော မယံ ဇာနေယ္ယာမ လဇ္ဇိံ ဝာ အလဇ္ဇိံ ဝာ’’တိ? ဘဂဝတော ဧတမတ္ထံ အာရောစေသုံ။ အနုဇာနာမိ, ဘိက္ခဝေ, စတူဟပဉ္စာဟံ အာဂမေတုံ ယာဝ ဘိက္ခုသဘာဂတံ ဇာနာမီတိ။
Atha kho bhikkhūnaṃ etadahosi – ‘‘bhagavatā paññattaṃ ‘na alajjīnaṃ nissayo dātabbo, na alajjīnaṃ nissāya vatthabba’nti. Kathaṃ nu kho mayaṃ jāneyyāma lajjiṃ vā alajjiṃ vā’’ti? Bhagavato etamatthaṃ ārocesuṃ. Anujānāmi, bhikkhave, catūhapañcāhaṃ āgametuṃ yāva bhikkhusabhāgataṃ jānāmīti.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အလဇ္ဇီနိသ္သယဝတ္ထုကထာ • Alajjīnissayavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အလဇ္ဇီနိသ္သယဝတ္ထုကထာဝဏ္ဏနာ • Alajjīnissayavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အလဇ္ဇီနိသ္သယဝတ္ထုကထာဝဏ္ဏနာ • Alajjīnissayavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အလဇ္ဇိနိသ္သယဝတ္ထုကထာဝဏ္ဏနာ • Alajjinissayavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅၈. အလဇ္ဇီနိသ္သယဝတ္ထုကထာ • 58. Alajjīnissayavatthukathā
