| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
9. алийнасад̇д̇ужарияааван̣н̣анаа
9. Alīnasattucariyāvaṇṇanā
74. навамз бан̃жааларадтзд̇и звам̣наамагз ж̇анабад̣̇з. наг̇араварз, габилааяанд̇и ‘‘габилаа’’д̇и звам̣лад̣̇д̇ханаамз уд̇д̇аманаг̇арз. ‘‘наг̇араварз’’д̇и вад̇ваа буна ‘‘буруд̇д̇амз’’д̇и важанам̣ д̇асмим̣ гаалз ж̇амб̣уд̣̇ийбз саб̣б̣анаг̇араанам̣ д̇асса наг̇арасса аг̇г̇анаг̇арабхаавад̣̇ассанад̇т̇ам̣. ж̇аяад̣̇д̣̇исо наамаад̇и ран̃н̃аа ад̇д̇ано бажжад̇т̇игз ж̇ид̇з ж̇аад̇о, ад̇д̇ано ваа бажжаамид̇д̇абхууд̇ам̣ яагкинийсан̇каад̇ам̣ ж̇аяад̣̇д̣̇исам̣ ж̇ид̇од̇и звам̣лад̣̇д̇ханаамо. сийлаг̇ун̣амубааг̇ад̇од̇и аажаарасийлан̃жзва уссаахасамбад̇д̇ияаад̣̇ирааж̇аг̇ун̣ан̃жа убааг̇ад̇о, д̇зна саманнааг̇ад̇од̇и ад̇т̇о.
74. Navame pañcālaraṭṭheti evaṃnāmake janapade. Nagaravare, kapilāyanti ‘‘kapilā’’ti evaṃladdhanāme uttamanagare. ‘‘Nagaravare’’ti vatvā puna ‘‘puruttame’’ti vacanaṃ tasmiṃ kāle jambudīpe sabbanagarānaṃ tassa nagarassa agganagarabhāvadassanatthaṃ. Jayaddiso nāmāti raññā attano paccatthike jite jāto, attano vā paccāmittabhūtaṃ yakkhinīsaṅkhātaṃ jayaddisaṃ jitoti evaṃladdhanāmo. Sīlaguṇamupāgatoti ācārasīlañceva ussāhasampattiyādirājaguṇañca upāgato, tena samannāgatoti attho.
75. д̇асса ран̃н̃од̇и ж̇аяад̣̇д̣̇исарааж̇асса, ахам̣ буд̇д̇о ахосинд̇и важанасзсо. суд̇ад̇хаммод̇и яаавад̇аа рааж̇абуд̇д̇зна сод̇аб̣б̣ад̇хаммо наама, д̇асса саб̣б̣асса суд̇ад̇д̇аа суд̇ад̇хаммо, б̣ахуссуд̇од̇и ад̇т̇о. ат̇а ваа суд̇ад̇хаммод̇и виссуд̇ад̇хаммо, д̇хаммажарияааяа самажарияааяа багаасо бан̃н̃аад̇о, логз бад̇т̇адагид̇д̇ид̇хаммод̇и ад̇т̇о. алийнасад̇д̇од̇и звам̣наамо. г̇ун̣аваад̇и ул̣аарзхи махаабурисаг̇ун̣зхи саманнааг̇ад̇о. анурагкабариж̇ано сад̣̇аад̇и сад̣̇д̇хаад̣̇иг̇ун̣ависзсаяог̇ад̇о жад̇уухи сан̇г̇ахавад̇т̇уухи саммад̣̇зва сан̇г̇ахан̣ад̇о жа саб̣б̣агаалам̣ самбхад̇д̇абариваараж̇ано.
75.Tassa raññoti jayaddisarājassa, ahaṃ putto ahosinti vacanaseso. Sutadhammoti yāvatā rājaputtena sotabbadhammo nāma, tassa sabbassa sutattā sutadhammo, bahussutoti attho. Atha vā sutadhammoti vissutadhammo, dhammacariyāya samacariyāya pakāso paññāto, loke patthaṭakittidhammoti attho. Alīnasattoti evaṃnāmo. Guṇavāti uḷārehi mahāpurisaguṇehi samannāgato. Anurakkhaparijano sadāti saddhādiguṇavisesayogato catūhi saṅgahavatthūhi sammadeva saṅgahaṇato ca sabbakālaṃ sambhattaparivārajano.
76. бид̇аа мз миг̇авам̣ г̇анд̇ваа, борисаад̣̇ам̣ убааг̇амийд̇и маяхам̣ бид̇аа ж̇аяад̣̇д̣̇исарааж̇аа миг̇авам̣ жаранд̇о аран̃н̃амаж̇жхам̣ г̇анд̇ваа борисаад̣̇ам̣ мануссакаад̣̇агам̣ яагкинибуд̇д̇ам̣ убаг̇ан̃чи, д̇зна самааг̇ами.
76.Pitā me migavaṃ gantvā, porisādaṃ upāgamīti mayhaṃ pitā jayaddisarājā migavaṃ caranto araññamajjhaṃ gantvā porisādaṃ manussakhādakaṃ yakkhiniputtaṃ upagañchi, tena samāgami.
ж̇аяад̣̇д̣̇исарааж̇аа гира згад̣̇ивасам̣ ‘‘миг̇авам̣ г̇амиссаамий’’д̇и д̇ад̣̇ануруубзна махад̇аа бариваарзна габиланаг̇арад̇о нигками. д̇ам̣ нигканд̇амад̇д̇амзва д̇аггасилааваасий нанд̣̇о наама б̣раахман̣о жад̇ассо сад̇аарахаа г̇аат̇аа наама гат̇зд̇ум̣ аад̣̇ааяа убасан̇гамид̇ваа ад̇д̇ано ааг̇аманагааран̣ам̣ ран̃н̃о аарожзси. рааж̇аа ‘‘нивад̇д̇ид̇ваа сун̣иссаамий’’д̇и д̇асса васанаг̇зхам̣ бариб̣б̣аяан̃жа д̣̇аабзд̇ваа аран̃н̃ам̣ бавидто ‘‘яасса бассзна миг̇о балааяад̇и, д̇ассзва со г̇ийваа’’д̇и вад̇ваа миг̇з бариязсанд̇о вижарад̇и. ат̇зго басад̣̇амиг̇о махааж̇анасса бад̣̇асад̣̇д̣̇зна аасаяад̇о нигкамид̇ваа ран̃н̃о абхимуко г̇анд̇ваа балааяи. амажжаа барихаасам̣ гарим̣су. рааж̇аа д̇ам̣ ануб̣анд̇хид̇ваа д̇ияож̇анамад̇т̇агз д̇ам̣ баригкийн̣аж̇авам̣ тид̇ам̣ виж̇жхид̇ваа баад̇зси. бад̇ид̇ам̣ каг̇г̇зна д̣̇вид̇хаа гад̇ваа анад̇т̇игоби ‘‘мам̣сзна миг̇ам̣ г̇ахзд̇ум̣ наасагкий’’д̇и важанаможанад̇т̇ам̣ гааж̇з гад̇ваа ааг̇ажчанд̇о згасса ниг̇род̇хасса муулз д̣̇аб̣б̣ад̇ин̣зсу нисийд̣̇ид̇ваа т̇огам̣ виссамид̇ваа г̇анд̇ум̣ аарабхи.
Jayaddisarājā kira ekadivasaṃ ‘‘migavaṃ gamissāmī’’ti tadanurūpena mahatā parivārena kapilanagarato nikkhami. Taṃ nikkhantamattameva takkasilāvāsī nando nāma brāhmaṇo catasso satārahā gāthā nāma kathetuṃ ādāya upasaṅkamitvā attano āgamanakāraṇaṃ rañño ārocesi. Rājā ‘‘nivattitvā suṇissāmī’’ti tassa vasanagehaṃ paribbayañca dāpetvā araññaṃ paviṭṭho ‘‘yassa passena migo palāyati, tasseva so gīvā’’ti vatvā mige pariyesanto vicarati. Atheko pasadamigo mahājanassa padasaddena āsayato nikkhamitvā rañño abhimukho gantvā palāyi. Amaccā parihāsaṃ kariṃsu. Rājā taṃ anubandhitvā tiyojanamatthake taṃ parikkhīṇajavaṃ ṭhitaṃ vijjhitvā pātesi. Patitaṃ khaggena dvidhā katvā anatthikopi ‘‘maṃsena migaṃ gahetuṃ nāsakkhī’’ti vacanamocanatthaṃ kāje katvā āgacchanto ekassa nigrodhassa mūle dabbatiṇesu nisīditvā thokaṃ vissamitvā gantuṃ ārabhi.
д̇зна жа самаязна д̇ассзва ран̃н̃о ж̇здтабхаад̇аа ж̇аад̇ад̣̇ивасз зва згааяа яагкинияаа каад̣̇ид̇ум̣ г̇ахид̇о аарагкамануссзхи ануб̣ад̣̇д̇хааяа д̇ааяа нид̣̇д̇хаманамаг̇г̇зна г̇ажчанд̇ияаа урз табид̇о маад̇усан̃н̃ааяа мукзна т̇анаг̇г̇ахан̣зна буд̇д̇асинзхам̣ уббаад̣̇зд̇ваа сам̣вад̣дхияамаано д̇ад̣̇аахааробаяог̇ид̇ааяа мануссамам̣сам̣ каад̣̇анд̇о ануггамзна вуд̣̇д̇хиббад̇д̇о ад̇д̇аанам̣ анд̇арад̇хаабанад̇т̇ам̣ яагкинияаа д̣̇иннаосад̇хамуулаанубхаавзна анд̇арахид̇о худ̇ваа мануссамам̣сам̣ каад̣̇ид̇ваа ж̇ийванд̇о д̇ааяа яагкинияаа мад̇ааяа д̇ам̣ осад̇хамуулам̣ ад̇д̇ано бамаад̣̇зна наасзд̇ваа д̣̇иссамаанаруубова мануссамам̣сам̣ каад̣̇анд̇о наг̇г̇о уб̣б̣иг̇г̇авируубад̣̇ассано рааж̇абурисзхи бассид̇ваа ануб̣ад̣̇д̇хо балааяид̇ваа аран̃н̃ам̣ бависид̇ваа д̇асса ниг̇род̇хасса муулз ваасам̣ габбзнд̇о рааж̇аанам̣ д̣̇исваа ‘‘бхагкоси мз’’д̇и хад̇т̇з аг̇г̇ахзси. д̇зна вуд̇д̇ам̣ ‘‘со мз бид̇умаг̇г̇ахзси, бхагкоси мама маа жалий’’д̇иаад̣̇и.
Tena ca samayena tasseva rañño jeṭṭhabhātā jātadivase eva ekāya yakkhiniyā khādituṃ gahito ārakkhamanussehi anubaddhāya tāya niddhamanamaggena gacchantiyā ure ṭhapito mātusaññāya mukhena thanaggahaṇena puttasinehaṃ uppādetvā saṃvaḍḍhiyamāno tadāhāropayogitāya manussamaṃsaṃ khādanto anukkamena vuddhippatto attānaṃ antaradhāpanatthaṃ yakkhiniyā dinnaosadhamūlānubhāvena antarahito hutvā manussamaṃsaṃ khāditvā jīvanto tāya yakkhiniyā matāya taṃ osadhamūlaṃ attano pamādena nāsetvā dissamānarūpova manussamaṃsaṃ khādanto naggo ubbiggavirūpadassano rājapurisehi passitvā anubaddho palāyitvā araññaṃ pavisitvā tassa nigrodhassa mūle vāsaṃ kappento rājānaṃ disvā ‘‘bhakkhosi me’’ti hatthe aggahesi. Tena vuttaṃ ‘‘so me pitumaggahesi, bhakkhosi mama mā calī’’tiādi.
д̇ад̇т̇а со мз бид̇умаг̇г̇ахзсийд̇и со борисаад̣̇о мама бид̇арам̣ ж̇аяад̣̇д̣̇исарааж̇аанам̣ ад̇д̇ано нисиннаругкасамийбамааг̇ад̇ам̣ ‘‘мама бхагко д̇вам̣ ааг̇ад̇оси, хад̇т̇абарибпанд̣̇анаад̣̇ивасзна маа жали, жаланд̇амби ахам̣ д̇ам̣ каад̣̇иссаамий’’д̇и хад̇т̇з аг̇г̇ахзси.
Tattha so me pitumaggahesīti so porisādo mama pitaraṃ jayaddisarājānaṃ attano nisinnarukkhasamīpamāgataṃ ‘‘mama bhakkho tvaṃ āgatosi, hatthaparipphandanādivasena mā cali, calantampi ahaṃ taṃ khādissāmī’’ti hatthe aggahesi.
77. д̇ассаад̇и д̇асса яагкинибуд̇д̇асса. д̇асид̇авзд̇хид̇од̇и жид̇д̇уд̇раасзна д̇асид̇о сарийрабаригамбзна взд̇хид̇о. ууругкамбход̇и убхиннам̣ ууруунам̣ т̇ад̣̇д̇хабхааво, язна со д̇ад̇о балааяид̇ум̣ наасагки.
77.Tassāti tassa yakkhiniputtassa. Tasitavedhitoti cittutrāsena tasito sarīraparikampena vedhito. Ūrukkhambhoti ubhinnaṃ ūrūnaṃ thaddhabhāvo, yena so tato palāyituṃ nāsakkhi.
миг̇авам̣ г̇ахзд̇ваа мун̃жассууд̇и зд̇т̇а миг̇аванд̇и миг̇ававасзна лад̣̇д̇хад̇д̇аа д̇ам̣ миг̇амам̣сам̣ ‘‘миг̇ава’’нд̇и ааха, имам̣ миг̇амам̣сам̣ г̇ахзд̇ваа мам̣ мун̃жассууд̇и ад̇т̇о. со хи рааж̇аа нам̣ яагкинибуд̇д̇ам̣ д̣̇исваа бхийд̇о ууругкамбхам̣ бад̇ваа каан̣уго вияа адтааси. со взг̇зна г̇анд̇ваа д̇ам̣ хад̇т̇з г̇ахзд̇ваа ‘‘бхагкоси мз ааг̇ад̇осий’’д̇и ааха. ат̇а нам̣ рааж̇аа сад̇им̣ бажжубадтабзд̇ваа ‘‘сажз аахаарад̇т̇иго, имам̣ д̇з мам̣сам̣ д̣̇ад̣̇аами, д̇ам̣ г̇ахзд̇ваа каад̣̇а, мам̣ мун̃жаахий’’д̇и ааха . д̇ам̣ суд̇ваа борисаад̣̇о ‘‘гимид̣̇ам̣ маяхамзва санд̇агам̣ д̣̇ад̇ваа маяаа вохаарам̣ гароси, нану имам̣ мам̣сан̃жа д̇ван̃жа мама хад̇т̇аг̇ад̇агаалад̇о бадтааяа маяхамзва санд̇агам̣, д̇асмаа д̇ам̣ батамам̣ каад̣̇ид̇ваа бажчаа мам̣сам̣ каад̣̇иссаамий’’д̇и ааха.
Migavaṃ gahetvā muñcassūti ettha migavanti migavavasena laddhattā taṃ migamaṃsaṃ ‘‘migava’’nti āha, imaṃ migamaṃsaṃ gahetvā maṃ muñcassūti attho. So hi rājā naṃ yakkhiniputtaṃ disvā bhīto ūrukkhambhaṃ patvā khāṇuko viya aṭṭhāsi. So vegena gantvā taṃ hatthe gahetvā ‘‘bhakkhosi me āgatosī’’ti āha. Atha naṃ rājā satiṃ paccupaṭṭhapetvā ‘‘sace āhāratthiko, imaṃ te maṃsaṃ dadāmi, taṃ gahetvā khāda, maṃ muñcāhī’’ti āha . Taṃ sutvā porisādo ‘‘kimidaṃ mayhameva santakaṃ datvā mayā vohāraṃ karosi, nanu imaṃ maṃsañca tvañca mama hatthagatakālato paṭṭhāya mayhameva santakaṃ, tasmā taṃ paṭhamaṃ khāditvā pacchā maṃsaṃ khādissāmī’’ti āha.
ат̇а рааж̇аа ‘‘мам̣саниггаязнааяам̣ на мам̣ мун̃жад̇и, маяаа жа миг̇авам̣ ааг̇ажчанд̇зна д̇асса б̣раахман̣асса ‘ааг̇анд̇ваа д̇з д̇ханам̣ д̣̇ассаамий’д̇и бадин̃н̃аа гад̇аа. сажааяам̣ яагко ануж̇ааниссад̇и, сажжам̣ анурагканд̇о г̇зхам̣ г̇анд̇ваа д̇ам̣ бадин̃н̃ам̣ можзд̇ваа буна имасса яагкасса бхад̇д̇ад̇т̇ам̣ ааг̇ажчзяяа’’нд̇и жинд̇зд̇ваа д̇асса д̇амад̇т̇ам̣ аарожзси. д̇ам̣ суд̇ваа борисаад̣̇о ‘‘сажз д̇вам̣ сажжам̣ анурагканд̇о г̇анд̇угаамоси, г̇анд̇ваа д̇асса б̣раахман̣асса д̣̇аад̇аб̣б̣ам̣ д̇ханам̣ д̣̇ад̇ваа сажжам̣ анурагканд̇о сийгхам̣ буна ааг̇ажчзяяаасий’’д̇и вад̇ваа рааж̇аанам̣ виссаж̇ж̇зси. со д̇зна виссадто ‘‘д̇вам̣ маа жинд̇аяи, ахам̣ баад̇ова ааг̇амиссаамий’’д̇и вад̇ваа маг̇г̇анимид̇д̇аани саллагкзнд̇о ад̇д̇ано б̣алагааяам̣ убаг̇анд̇ваа д̇зна баривуд̇о наг̇арам̣ бависид̇ваа нанд̣̇аб̣раахман̣ам̣ баггосаабзд̇ваа махаарахз аасанз нисийд̣̇аабзд̇ваа д̇аа г̇аат̇аа суд̇ваа жад̇д̇аари сахассаани д̣̇ад̇ваа яаанам̣ ааробзд̇ваа ‘‘имам̣ д̇аггасиламзва нзт̇аа’’д̇и мануссз д̣̇ад̇ваа б̣раахман̣ам̣ уяяож̇зд̇ваа д̣̇уд̇ияад̣̇ивасз борисаад̣̇асса санд̇игам̣ г̇анд̇угаамо буд̇д̇ам̣ раж̇ж̇з бад̇идтабзд̇ум̣ анусаасанин̃жа д̣̇знд̇о д̇амад̇т̇ам̣ аарожзси. д̇зна вуд̇д̇ам̣ –
Atha rājā ‘‘maṃsanikkayenāyaṃ na maṃ muñcati, mayā ca migavaṃ āgacchantena tassa brāhmaṇassa ‘āgantvā te dhanaṃ dassāmī’ti paṭiññā katā. Sacāyaṃ yakkho anujānissati, saccaṃ anurakkhanto gehaṃ gantvā taṃ paṭiññaṃ mocetvā puna imassa yakkhassa bhattatthaṃ āgaccheyya’’nti cintetvā tassa tamatthaṃ ārocesi. Taṃ sutvā porisādo ‘‘sace tvaṃ saccaṃ anurakkhanto gantukāmosi, gantvā tassa brāhmaṇassa dātabbaṃ dhanaṃ datvā saccaṃ anurakkhanto sīghaṃ puna āgaccheyyāsī’’ti vatvā rājānaṃ vissajjesi. So tena vissaṭṭho ‘‘tvaṃ mā cintayi, ahaṃ pātova āgamissāmī’’ti vatvā magganimittāni sallakkhento attano balakāyaṃ upagantvā tena parivuto nagaraṃ pavisitvā nandabrāhmaṇaṃ pakkosāpetvā mahārahe āsane nisīdāpetvā tā gāthā sutvā cattāri sahassāni datvā yānaṃ āropetvā ‘‘imaṃ takkasilameva nethā’’ti manusse datvā brāhmaṇaṃ uyyojetvā dutiyadivase porisādassa santikaṃ gantukāmo puttaṃ rajje patiṭṭhapetuṃ anusāsaniñca dento tamatthaṃ ārocesi. Tena vuttaṃ –
78.
78.
‘‘миг̇авам̣ г̇ахзд̇ваа мун̃жассу, гад̇ваа ааг̇аманам̣ буна;
‘‘Migavaṃ gahetvā muñcassu, katvā āgamanaṃ puna;
б̣раахман̣асса д̇ханам̣ д̣̇ад̇ваа, бид̇аа ааманд̇аяий мамам̣.
Brāhmaṇassa dhanaṃ datvā, pitā āmantayī mamaṃ.
79.
79.
‘‘раж̇ж̇ам̣ буд̇д̇а бадибаж̇ж̇а, маа бамаж̇ж̇и бурам̣ ид̣̇ам̣;
‘‘Rajjaṃ putta paṭipajja, mā pamajji puraṃ idaṃ;
гад̇ам̣ мз борисаад̣̇зна, мама ааг̇аманам̣ бунаа’’д̇и.
Kataṃ me porisādena, mama āgamanaṃ punā’’ti.
д̇ад̇т̇а ааг̇аманам̣ бунаад̇и буна ааг̇аманам̣ бадин̃н̃аад̇асса борисаад̣̇асса сан̇г̇арам̣ гад̇ваа. б̣раахман̣асса д̇ханам̣ д̣̇ад̇ваад̇и д̇аггасилад̇о ааг̇ад̇асса нанд̣̇анаамасса б̣раахман̣асса д̇аа г̇аат̇аа суд̇ваа жад̇усахассабаримаан̣ам̣ д̇ханам̣ д̣̇ад̇ваа. бид̇аа ааманд̇аяий маманд̇и мама бид̇аа ж̇аяад̣̇д̣̇исарааж̇аа мам̣ ааманд̇зси.
Tattha āgamanaṃ punāti puna āgamanaṃ paṭiññātassa porisādassa saṅgaraṃ katvā. Brāhmaṇassa dhanaṃ datvāti takkasilato āgatassa nandanāmassa brāhmaṇassa tā gāthā sutvā catusahassaparimāṇaṃ dhanaṃ datvā. Pitā āmantayī mamanti mama pitā jayaddisarājā maṃ āmantesi.
гат̇ам̣ ааманд̇зсийд̇и жз? ааха ‘‘раж̇ж̇а’’нд̇иаад̣̇и. д̇ассад̇т̇о – буд̇д̇а, д̇вам̣ имам̣ гуласанд̇агам̣ раж̇ж̇ам̣ бадибаж̇ж̇а, яат̇аахам̣ д̇хаммзна самзна раж̇ж̇ам̣ гаарзми, звам̣ д̇вамби чад̇д̇ам̣ уссаабзд̇ваа раж̇ж̇ам̣ гаарзхи. д̇вам̣ ид̣̇ам̣ бурам̣ рагканд̇о раж̇ж̇ан̃жа гаарзнд̇о маа бамаад̣̇амаабаж̇ж̇и, асугасмим̣ таанз ниг̇род̇харугкамуулз борисаад̣̇зна яагкзна гад̇амзд̇ам̣ маяаа сан̇г̇арам̣ мама буна д̇асса санд̇игам̣ ааг̇аманам̣ уд̣̇д̣̇исса, гзвалам̣ д̇асса б̣раахман̣асса д̇ханад̣̇аанад̇т̇ам̣ ид̇хааг̇ад̇о сажжам̣ анурагканд̇о, д̇асмаа д̇ад̇т̇аахам̣ г̇амиссаамийд̇и.
Kathaṃ āmantesīti ce? Āha ‘‘rajja’’ntiādi. Tassattho – putta, tvaṃ imaṃ kulasantakaṃ rajjaṃ paṭipajja, yathāhaṃ dhammena samena rajjaṃ kāremi, evaṃ tvampi chattaṃ ussāpetvā rajjaṃ kārehi. Tvaṃ idaṃ puraṃ rakkhanto rajjañca kārento mā pamādamāpajji, asukasmiṃ ṭhāne nigrodharukkhamūle porisādena yakkhena katametaṃ mayā saṅgaraṃ mama puna tassa santikaṃ āgamanaṃ uddissa, kevalaṃ tassa brāhmaṇassa dhanadānatthaṃ idhāgato saccaṃ anurakkhanto, tasmā tatthāhaṃ gamissāmīti.
д̇ам̣ суд̇ваа махаасад̇д̇о ‘‘маа ко д̇вам̣, махаарааж̇а, д̇ад̇т̇а аг̇амааси, ахам̣ д̇ад̇т̇а г̇амиссаами. сажз бана д̇вам̣, д̇аад̇а, г̇амиссасиязва, ахамби д̇аяаа сад̣̇д̇хим̣ г̇амиссаамиязваа’’д̇и. ‘‘звам̣ санд̇з маяам̣ убхоби на бхависсаама, д̇асмаа ахамзва д̇ад̇т̇а г̇амиссаамий’’д̇и наанаббагаарзна ваарзнд̇ам̣ рааж̇аанам̣ сан̃н̃аабзд̇ваа маад̇аабид̇аро ванд̣̇ид̇ваа бид̇у ад̇т̇ааяа ад̇д̇аанам̣ барижжаж̇ид̇ваа сод̇т̇ибхаавааяа бид̇ари саасид̇аваад̣̇ам̣ баяун̃ж̇амаанз маад̇убхаг̇инибхарияаасу жа сажжагирияам̣ гаронд̇ийсу аавуд̇хам̣ г̇ахзд̇ваа наг̇арад̇о нигкамид̇ваа ассубун̣н̣амукам̣ махааж̇анам̣ ануб̣анд̇ханд̇ам̣ аабужчид̇ваа бид̇араа агкаад̇анаязна яагкаваасамаг̇г̇ам̣ бадибаж̇ж̇и. яагкинибуд̇д̇оби ‘‘кад̇д̇ияаа наама б̣ахумааяаа, го ж̇аанаад̇и гим̣ бхависсад̇ий’’д̇и ругкам̣ абхирухид̇ваа ран̃н̃о ааг̇аманам̣ ологзнд̇о нисинно гумаарам̣ ааг̇ажчанд̇ам̣ д̣̇исваа ‘‘бид̇арам̣ нивад̇д̇зд̇ваа буд̇д̇о ааг̇ад̇о бхависсад̇и, над̇т̇и мз бхаяа’’нд̇и од̇арид̇ваа д̇асса бидтим̣ д̣̇ассзд̇ваава нисийд̣̇и. махаасад̇д̇о ааг̇анд̇ваа д̇асса бурад̇о адтааси. д̇зна вуд̇д̇ам̣ –
Taṃ sutvā mahāsatto ‘‘mā kho tvaṃ, mahārāja, tattha agamāsi, ahaṃ tattha gamissāmi. Sace pana tvaṃ, tāta, gamissasiyeva, ahampi tayā saddhiṃ gamissāmiyevā’’ti. ‘‘Evaṃ sante mayaṃ ubhopi na bhavissāma, tasmā ahameva tattha gamissāmī’’ti nānappakārena vārentaṃ rājānaṃ saññāpetvā mātāpitaro vanditvā pitu atthāya attānaṃ pariccajitvā sotthibhāvāya pitari sāsitavādaṃ payuñjamāne mātubhaginibhariyāsu ca saccakiriyaṃ karontīsu āvudhaṃ gahetvā nagarato nikkhamitvā assupuṇṇamukhaṃ mahājanaṃ anubandhantaṃ āpucchitvā pitarā akkhātanayena yakkhavāsamaggaṃ paṭipajji. Yakkhiniputtopi ‘‘khattiyā nāma bahumāyā, ko jānāti kiṃ bhavissatī’’ti rukkhaṃ abhiruhitvā rañño āgamanaṃ olokento nisinno kumāraṃ āgacchantaṃ disvā ‘‘pitaraṃ nivattetvā putto āgato bhavissati, natthi me bhaya’’nti otaritvā tassa piṭṭhiṃ dassetvāva nisīdi. Mahāsatto āgantvā tassa purato aṭṭhāsi. Tena vuttaṃ –
80.
80.
‘‘маад̇аабид̇уу жа ванд̣̇ид̇ваа, нимминид̇ваана ад̇д̇анаа;
‘‘Mātāpitū ca vanditvā, nimminitvāna attanā;
нигкибид̇ваа д̇ханум̣ каг̇г̇ам̣, борисаад̣̇ам̣ убааг̇ами’’нд̇и.
Nikkhipitvā dhanuṃ khaggaṃ, porisādaṃ upāgami’’nti.
81. сасад̇т̇ахад̇т̇уубаг̇ад̇анд̇и сасад̇т̇ахад̇т̇ам̣ убаг̇ад̇ам̣ аавуд̇хабаан̣им̣ мам̣ ад̇д̇ано санд̇игам̣ убаг̇ад̇ам̣ д̣̇исваа. гад̣̇аажи со д̇асиссад̇ийд̇и со яагко аби д̇асзяяа. д̇зна бхиж̇ж̇иссад̇и сийланд̇и д̇зна д̇асса д̇аасуббаад̣̇анзна маяхам̣ сийлам̣ винассад̇и сам̣гилиссад̇и. барид̇аасам̣ гад̇з маяийд̇и маяи д̇асса барид̇аасам̣ гад̇з сад̇и.
81.Sasatthahatthūpagatanti sasatthahatthaṃ upagataṃ āvudhapāṇiṃ maṃ attano santikaṃ upagataṃ disvā. Kadāci so tasissatīti so yakkho api taseyya. Tena bhijjissati sīlanti tena tassa tāsuppādanena mayhaṃ sīlaṃ vinassati saṃkilissati. Paritāsaṃ kate mayīti mayi tassa paritāsaṃ kate sati.
82. сийлакан̣д̣абхаяаа маяхам̣, д̇асса д̣̇зссам̣ на б̣яаахаринд̇и яат̇аа жа сийлабхзд̣̇абхаязна нихид̇асад̇т̇о д̇асса санд̇игам̣ аг̇амааси, звам̣ маяхам̣ сийлакан̣д̣абхаяаа зва д̇асса борисаад̣̇асса д̣̇зссам̣ анидтамби на б̣яаахарим̣, гзвалам̣ бана мзд̇д̇ажид̇д̇зна хид̇аваад̣̇ий ид̣̇ам̣ ид̣̇аани вагкамаанам̣ важанам̣ абхаасим̣.
82.Sīlakhaṇḍabhayā mayhaṃ, tassa dessaṃ na byāharinti yathā ca sīlabhedabhayena nihitasattho tassa santikaṃ agamāsi, evaṃ mayhaṃ sīlakhaṇḍabhayā eva tassa porisādassa dessaṃ aniṭṭhampi na byāhariṃ, kevalaṃ pana mettacittena hitavādī idaṃ idāni vakkhamānaṃ vacanaṃ abhāsiṃ.
махаасад̇д̇о жа г̇анд̇ваа бурад̇о тид̇о. яагкинибуд̇д̇о д̇ам̣ виймам̣сид̇угаамо ‘‘госи д̇вам̣, гуд̇о ааг̇ад̇о, гим̣ мам̣ на ж̇аанааси ‘луд̣̇д̣̇о мануссамам̣сакаад̣̇аго’д̇и, гасмаа жа ид̇хааг̇ад̇осий’’д̇и бужчи. гумааро ‘‘ахам̣ ж̇аяад̣̇д̣̇исаран̃н̃о буд̇д̇о, д̇вам̣ борисаад̣̇агод̇и ж̇аанаами, бид̇у ж̇ийвид̇ам̣ рагкид̇ум̣ ид̇хааг̇ад̇о, д̇асмаа д̇ам̣ мун̃жа, мам̣ каад̣̇аа’’д̇и ааха. буна яагкинибуд̇д̇о мукаагаарзнзва ‘‘д̇ам̣ д̇асса буд̇д̇од̇и ахам̣ ж̇аанаами, д̣̇уггарам̣ бана д̇аяаа гад̇ам̣ звам̣ ааг̇ажчанд̇знаа’’д̇и ааха. гумааро ‘‘на ид̣̇ам̣ д̣̇уггарам̣, яам̣ бид̇у ад̇т̇з ж̇ийвид̇абарижжаж̇анам̣, маад̇аабид̇ухзд̇у хи зваруубам̣ бун̃н̃ам̣ гад̇ваа зганд̇знзва саг̇г̇з бамод̣̇ад̇и, ахан̃жа ‘амаран̣ад̇хаммо наама гожи сад̇д̇о над̇т̇ий’д̇и ж̇аанаами, ад̇д̇анаа жа гин̃жи гад̇ам̣ баабам̣ наама на сараами, д̇асмаа маран̣ад̇оби мз бхаяам̣ над̇т̇и, ид̣̇ам̣ сарийрам̣ маяаа д̇з ниссадтам̣, аг̇г̇им̣ ж̇аалзд̇ваа каад̣̇аа’’д̇и ааха. д̇зна вуд̇д̇ам̣ –
Mahāsatto ca gantvā purato ṭhito. Yakkhiniputto taṃ vīmaṃsitukāmo ‘‘kosi tvaṃ, kuto āgato, kiṃ maṃ na jānāsi ‘luddo manussamaṃsakhādako’ti, kasmā ca idhāgatosī’’ti pucchi. Kumāro ‘‘ahaṃ jayaddisarañño putto, tvaṃ porisādakoti jānāmi, pitu jīvitaṃ rakkhituṃ idhāgato, tasmā taṃ muñca, maṃ khādā’’ti āha. Puna yakkhiniputto mukhākāreneva ‘‘taṃ tassa puttoti ahaṃ jānāmi, dukkaraṃ pana tayā kataṃ evaṃ āgacchantenā’’ti āha. Kumāro ‘‘na idaṃ dukkaraṃ, yaṃ pitu atthe jīvitapariccajanaṃ, mātāpituhetu hi evarūpaṃ puññaṃ katvā ekanteneva sagge pamodati, ahañca ‘amaraṇadhammo nāma koci satto natthī’ti jānāmi, attanā ca kiñci kataṃ pāpaṃ nāma na sarāmi, tasmā maraṇatopi me bhayaṃ natthi, idaṃ sarīraṃ mayā te nissaṭṭhaṃ, aggiṃ jāletvā khādā’’ti āha. Tena vuttaṃ –
83.
83.
‘‘уж̇ж̇аалзхи махаааг̇г̇им̣, бабад̇иссаами ругкад̇о;
‘‘Ujjālehi mahāaggiṃ, papatissāmi rukkhato;
д̇вам̣ баггагааламан̃н̃ааяа, бхагкаяа мам̣ бид̇аамахаа’’д̇и.
Tvaṃ pakkakālamaññāya, bhakkhaya maṃ pitāmahā’’ti.
д̇ам̣ суд̇ваа яагкинибуд̇д̇о ‘‘на саггаа имасса мам̣сам̣ каад̣̇ид̇ум̣, убааязна имам̣ балаабзссаамий’’д̇и жинд̇зд̇ваа ‘‘д̇зна хи аран̃н̃ам̣ бависид̇ваа саарад̣̇аарууни аахарид̇ваа нид̣̇д̇хуумз ан̇г̇аарз гарохи, д̇ад̇т̇а д̇з мам̣сам̣ бажид̇ваа каад̣̇иссаамий’’д̇и ааха. махаасад̇д̇о д̇ат̇аа гад̇ваа д̇асса аарожзси. со д̇ам̣ ологзнд̇о ‘‘аяам̣ бурисасийхо маран̣ад̇оби бхаяам̣ над̇т̇и, звам̣ ниб̣бхаяо наама на маяаа д̣̇идтабуб̣б̣о’’д̇и ломахам̣саж̇аад̇о гумаарам̣ ологзси. гумааро гисса мам̣ ологзси, на яат̇аавуд̇д̇ам̣ гаросийд̇и. яагкинибуд̇д̇о махаасад̇д̇ам̣ ‘‘сад̇д̇ад̇хаа д̇асса муд̣̇д̇хаа палзяяа, яо д̇ам̣ каад̣̇зяяаа’’д̇и ааха. ‘‘сажз мам̣ на каад̣̇ид̇угаамоси, ат̇а гасмаа аг̇г̇им̣ гаарзсий’’д̇и? ‘‘д̇ава бариг̇г̇ан̣ханад̇т̇а’’нд̇и. ‘‘д̇вам̣ ид̣̇аани мам̣ гат̇ам̣ бариг̇г̇ан̣хиссаси, сваахам̣ д̇иражчаанаяонияам̣ ниб̣б̣ад̇д̇оби саггасса д̣̇зваран̃н̃о ад̇д̇аанам̣ бариг̇г̇ан̣хид̇ум̣ на ад̣̇ааси’’нд̇и имамад̇т̇ам̣ д̣̇ассзнд̇о –
Taṃ sutvā yakkhiniputto ‘‘na sakkā imassa maṃsaṃ khādituṃ, upāyena imaṃ palāpessāmī’’ti cintetvā ‘‘tena hi araññaṃ pavisitvā sāradārūni āharitvā niddhūme aṅgāre karohi, tattha te maṃsaṃ pacitvā khādissāmī’’ti āha. Mahāsatto tathā katvā tassa ārocesi. So taṃ olokento ‘‘ayaṃ purisasīho maraṇatopi bhayaṃ natthi, evaṃ nibbhayo nāma na mayā diṭṭhapubbo’’ti lomahaṃsajāto kumāraṃ olokesi. Kumāro kissa maṃ olokesi, na yathāvuttaṃ karosīti. Yakkhiniputto mahāsattaṃ ‘‘sattadhā tassa muddhā phaleyya, yo taṃ khādeyyā’’ti āha. ‘‘Sace maṃ na khāditukāmosi, atha kasmā aggiṃ kāresī’’ti? ‘‘Tava pariggaṇhanattha’’nti. ‘‘Tvaṃ idāni maṃ kathaṃ pariggaṇhissasi, svāhaṃ tiracchānayoniyaṃ nibbattopi sakkassa devarañño attānaṃ pariggaṇhituṃ na adāsi’’nti imamatthaṃ dassento –
‘‘ид̣̇ан̃хи со б̣раахман̣ам̣ ман̃н̃амаано, сасо аваасзси сагз сарийрз;
‘‘Idañhi so brāhmaṇaṃ maññamāno, saso avāsesi sake sarīre;
д̇знзва со жанд̣̇имаа д̣̇звабуд̇д̇о, сасад̇т̇уд̇о гаамад̣̇ухаж̇ж̇а яагкаа’’д̇и.(ж̇аа. 1.16.93) –
Teneva so candimā devaputto, sasatthuto kāmaduhajja yakkhā’’ti.(jā. 1.16.93) –
г̇аат̇амааха.
Gāthamāha.
д̇ад̇т̇а сасо аваасзси сагз сарийрзд̇и ад̇д̇ано сарийрахзд̇у имам̣ сарийрам̣ каад̣̇ид̇ваа ид̇ха васаад̇и звам̣ сагз сарийрз ад̇д̇ано сарийрам̣ д̣̇знд̇о д̇ам̣ б̣раахман̣аруубам̣ саггам̣ д̇ад̇т̇а ваасзси. сасад̇т̇уд̇од̇и ‘‘сасий’’д̇и звам̣ сасасад̣̇д̣̇зна т̇уд̇о. гаамад̣̇уход̇и гаамавад̣дхано. яагкаад̇и д̣̇зва.
Tattha saso avāsesi sake sarīreti attano sarīrahetu imaṃ sarīraṃ khāditvā idha vasāti evaṃ sake sarīre attano sarīraṃ dento taṃ brāhmaṇarūpaṃ sakkaṃ tattha vāsesi. Sasatthutoti ‘‘sasī’’ti evaṃ sasasaddena thuto. Kāmaduhoti kāmavaḍḍhano. Yakkhāti deva.
звам̣ махаасад̇д̇о жанд̣̇з сасалагкан̣ам̣ габбадтияам̣ баадихаарияам̣ сагким̣ гад̇ваа ад̇д̇ано саггзнаби бариг̇г̇ан̣хид̇ум̣ асаггун̣зяяад̇ам̣ абхааси. д̇ам̣ суд̇ваа борисаад̣̇о ажчарияаб̣бхуд̇ажид̇д̇аж̇аад̇о –
Evaṃ mahāsatto cande sasalakkhaṇaṃ kappaṭṭhiyaṃ pāṭihāriyaṃ sakkhiṃ katvā attano sakkenapi pariggaṇhituṃ asakkuṇeyyataṃ abhāsi. Taṃ sutvā porisādo acchariyabbhutacittajāto –
‘‘жанд̣̇о яат̇аа раахумукаа бамуд̇д̇о, вирожад̇з баннарасзва бхаан̣умаа;
‘‘Cando yathā rāhumukhā pamutto, virocate pannaraseva bhāṇumā;
звам̣ д̇увам̣ борисаад̣̇аа бамуд̇д̇о, вирожа габилз махаанубхаава;
Evaṃ tuvaṃ porisādā pamutto, viroca kapile mahānubhāva;
аамод̣̇аяам̣ бид̇арам̣ маад̇аран̃жа, саб̣б̣о жа д̇з нанд̣̇ад̇у н̃аад̇ибагко’’д̇и. (ж̇аа. 1.16.94) –
Āmodayaṃ pitaraṃ mātarañca, sabbo ca te nandatu ñātipakkho’’ti. (jā. 1.16.94) –
г̇аат̇ам̣ вад̇ваа ‘‘г̇ажча махаавийраа’’д̇и гумаарам̣ виссаж̇ж̇зси. соби д̇ам̣ ниб̣б̣исзванам̣ гад̇ваа бан̃жа сийлаани д̣̇ад̇ваа ‘‘яагко ну ко зса, но’’д̇и виймам̣санд̇о ‘‘яагкаанам̣ агкийни рад̇д̇аани хонд̇и анимисаани жа, чааяаа жа на бан̃н̃ааяад̇и, асамбхийд̇о ход̇и, на имасса д̇ат̇аа. д̇асмаа нааяам̣ яагко мануссо зсо, маяхам̣ гира бид̇у д̇аяо бхаад̇аро яагкинияаа г̇ахид̇аа, д̇зсу д̇ааяа д̣̇вз каад̣̇ид̇аа бхависсанд̇и, зго буд̇д̇асинзхзна бадиж̇аг̇г̇ид̇о бхависсад̇и. иминаа д̇зна бхавид̇аб̣б̣а’’нд̇и наяаг̇г̇аахзна анумаанзна саб̣б̣ан̃н̃уд̇ан̃н̃аан̣зна вияа авибарийд̇ад̇о нидтам̣ г̇анд̇ваа ‘‘маяхам̣ бид̇у аажигкид̇ваа раж̇ж̇з бад̇идтаабзссаамий’’д̇и жинд̇зд̇ваа ‘‘на д̇вам̣ яагко, бид̇у мз ж̇здтабхаад̇игоси, зхи маяаа сад̣̇д̇хим̣ г̇анд̇ваа гуласанд̇агам̣ раж̇ж̇ам̣ бадибаж̇ж̇аахий’’д̇и ааха. д̇зна вуд̇д̇ам̣ ‘‘д̇вам̣ бид̇аамахаа’’д̇и, д̇вам̣ мама махаабид̇аад̇и ад̇т̇о. ид̇арзна ‘‘наахам̣ мануссо’’д̇и вуд̇д̇з д̇зна сад̣̇д̇хаад̇аб̣б̣асса д̣̇иб̣б̣ажагкугад̇аабасасса санд̇игам̣ нзси. д̇аабасзна ‘‘гим̣ гаронд̇аа бид̇аа буд̇д̇аа аран̃н̃з вижарат̇аа’’д̇и бид̇убхаавз гат̇ид̇з борисаад̣̇о сад̣̇д̣̇ахид̇ваа ‘‘г̇ажча, д̇аад̇а, д̇вам̣, на мз раж̇ж̇зна ад̇т̇о, баб̣б̣аж̇иссаамаха’’нд̇и д̇аабасасса санд̇игз исибаб̣б̣аж̇ж̇ам̣ баб̣б̣аж̇и. д̇зна вуд̇д̇ам̣ –
Gāthaṃ vatvā ‘‘gaccha mahāvīrā’’ti kumāraṃ vissajjesi. Sopi taṃ nibbisevanaṃ katvā pañca sīlāni datvā ‘‘yakkho nu kho esa, no’’ti vīmaṃsanto ‘‘yakkhānaṃ akkhīni rattāni honti animisāni ca, chāyā ca na paññāyati, asambhīto hoti, na imassa tathā. Tasmā nāyaṃ yakkho manusso eso, mayhaṃ kira pitu tayo bhātaro yakkhiniyā gahitā, tesu tāya dve khāditā bhavissanti, eko puttasinehena paṭijaggito bhavissati. Iminā tena bhavitabba’’nti nayaggāhena anumānena sabbaññutaññāṇena viya aviparītato niṭṭhaṃ gantvā ‘‘mayhaṃ pitu ācikkhitvā rajje patiṭṭhāpessāmī’’ti cintetvā ‘‘na tvaṃ yakkho, pitu me jeṭṭhabhātikosi, ehi mayā saddhiṃ gantvā kulasantakaṃ rajjaṃ paṭipajjāhī’’ti āha. Tena vuttaṃ ‘‘tvaṃ pitāmahā’’ti, tvaṃ mama mahāpitāti attho. Itarena ‘‘nāhaṃ manusso’’ti vutte tena saddhātabbassa dibbacakkhukatāpasassa santikaṃ nesi. Tāpasena ‘‘kiṃ karontā pitā puttā araññe vicarathā’’ti pitubhāve kathite porisādo saddahitvā ‘‘gaccha, tāta, tvaṃ, na me rajjena attho, pabbajissāmaha’’nti tāpasassa santike isipabbajjaṃ pabbaji. Tena vuttaṃ –
84.
84.
‘‘ид̇и сийлавад̇ам̣ хзд̇у, наарагким̣ мама ж̇ийвид̇ам̣;
‘‘Iti sīlavataṃ hetu, nārakkhiṃ mama jīvitaṃ;
баб̣б̣ааж̇зсим̣ жахам̣ д̇асса, сад̣̇аа баан̣аад̇ибаад̇ига’’нд̇и.
Pabbājesiṃ cahaṃ tassa, sadā pāṇātipātika’’nti.
д̇ад̇т̇а сийлавад̇ам̣ хзд̇ууд̇и сийлаванд̇аанам̣ мама бид̇уунам̣ хзд̇у. ат̇а ваа сийлавад̇ам̣ хзд̇ууд̇и сийлавад̇ахзд̇у, маяхам̣ сийлавад̇асамаад̣̇аананимид̇д̇ам̣ д̇асса абхиж̇ж̇анад̇т̇ам̣. д̇ассаад̇и д̇ам̣ борисаад̣̇ам̣.
Tattha sīlavataṃ hetūti sīlavantānaṃ mama pitūnaṃ hetu. Atha vā sīlavataṃ hetūti sīlavatahetu, mayhaṃ sīlavatasamādānanimittaṃ tassa abhijjanatthaṃ. Tassāti taṃ porisādaṃ.
ат̇а махаасад̇д̇о ад̇д̇ано махаабид̇арам̣ баб̣б̣аж̇ид̇ам̣ ванд̣̇ид̇ваа наг̇арасса самийбам̣ г̇анд̇ваа ‘‘гумааро гира ааг̇ад̇о’’д̇и суд̇ваа хадтад̇удтзна ран̃н̃аа нааг̇арзхи нзг̇амаж̇аанабад̣̇зхи жа бажжуг̇г̇ад̇о рааж̇аанам̣ ванд̣̇ид̇ваа саб̣б̣ам̣ бавад̇д̇им̣ аарожзси. д̇ам̣ суд̇ваа рааж̇аа д̇ан̇кан̣ан̃н̃зва бхзрим̣ жараабзд̇ваа маханд̇зна бариваарзна д̇асса санд̇игам̣ г̇анд̇ваа ‘‘зхи, бхаад̇ига, раж̇ж̇ам̣ бадибаж̇ж̇аахий’’д̇и ааха. ‘‘алам̣, махаарааж̇аа’’д̇и. ‘‘д̇зна хи маяхам̣ уяяаанз васаа’’д̇и. ‘‘на ааг̇ажчаамий’’д̇и. рааж̇аа д̇асса ассамасса авид̣̇уурз г̇аамам̣ нивзсзд̇ваа бхигкам̣ бадтабзси. со жуул̣агаммаасад̣̇амманиг̇амо наама ж̇аад̇о.
Atha mahāsatto attano mahāpitaraṃ pabbajitaṃ vanditvā nagarassa samīpaṃ gantvā ‘‘kumāro kira āgato’’ti sutvā haṭṭhatuṭṭhena raññā nāgarehi negamajānapadehi ca paccuggato rājānaṃ vanditvā sabbaṃ pavattiṃ ārocesi. Taṃ sutvā rājā taṅkhaṇaññeva bheriṃ carāpetvā mahantena parivārena tassa santikaṃ gantvā ‘‘ehi, bhātika, rajjaṃ paṭipajjāhī’’ti āha. ‘‘Alaṃ, mahārājā’’ti. ‘‘Tena hi mayhaṃ uyyāne vasā’’ti. ‘‘Na āgacchāmī’’ti. Rājā tassa assamassa avidūre gāmaṃ nivesetvā bhikkhaṃ paṭṭhapesi. So cūḷakammāsadammanigamo nāma jāto.
д̇ад̣̇аа маад̇аабид̇аро махаарааж̇агулаани ахзсум̣, д̇аабасо саарибуд̇д̇о, борисаад̣̇о ан̇г̇улимаало, ганидтаа уббалаван̣н̣аа, аг̇г̇амахзсий раахуламаад̇аа, алийнасад̇д̇угумааро логанаат̇о.
Tadā mātāpitaro mahārājakulāni ahesuṃ, tāpaso sāriputto, porisādo aṅgulimālo, kaniṭṭhā uppalavaṇṇā, aggamahesī rāhulamātā, alīnasattukumāro lokanātho.
д̇асса ид̇хааби хздтаа вуд̇д̇анаязнзва яат̇аарахам̣ сзсабаарамияо нид̣̇д̇хаарзд̇аб̣б̣аа. д̇ат̇аа бид̇араа ниваарияамаано ад̇д̇ано ж̇ийвид̇ам̣ барижжаж̇ид̇ваа бид̇у ж̇ийвид̇арагкан̣ад̇т̇ам̣ ‘‘борисаад̣̇асса санд̇игам̣ г̇амиссаамий’’д̇и нижчаяо, д̇асса жа санд̇аасабарихаран̣ад̇т̇ам̣ нихид̇асад̇т̇асса г̇аманам̣, ‘‘ад̇д̇ано сийлакан̣д̣анам̣ маа ход̇уу’’д̇и д̇зна бияаваажааяа самуд̣̇аажааро, д̇зна жа наанаанаязхи бариг̇г̇ан̣хияамаанасса маран̣асанд̇аасаабхааво, бид̇у ад̇т̇з маяхам̣ сарийрам̣ сапалам̣ гариссаамийд̇и хадтад̇удтабхааво, саггзнааби бариг̇г̇ан̣хид̇ум̣ асаггун̣зяяасса сасаж̇аад̇ияамби барижжааг̇ад̇т̇ам̣ ад̇д̇ано ж̇ийвид̇анирабзгкабхаавасса ж̇аананам̣, д̇зна самааг̇амзби оссадтзби жид̇д̇асса вигаараабхааво, д̇асса жа мануссабхаавамахаабид̇убхааваанам̣ авибарийд̇ад̇о ж̇аананам̣, н̃аад̇амад̇д̇з жа д̇ам̣ гуласанд̇агз раж̇ж̇з бад̇идтаабзд̇угаамад̇аа, д̇хаммад̣̇зсанааяа сам̣взж̇зд̇ваа сийлзсу бад̇идтаабананд̇и. звамаад̣̇аяо ид̇ха б̣од̇хисад̇д̇асса г̇ун̣аанубхааваа вибхаавзд̇аб̣б̣аад̇и.
Tassa idhāpi heṭṭhā vuttanayeneva yathārahaṃ sesapāramiyo niddhāretabbā. Tathā pitarā nivāriyamāno attano jīvitaṃ pariccajitvā pitu jīvitarakkhaṇatthaṃ ‘‘porisādassa santikaṃ gamissāmī’’ti nicchayo, tassa ca santāsapariharaṇatthaṃ nihitasatthassa gamanaṃ, ‘‘attano sīlakhaṇḍanaṃ mā hotū’’ti tena piyavācāya samudācāro, tena ca nānānayehi pariggaṇhiyamānassa maraṇasantāsābhāvo, pitu atthe mayhaṃ sarīraṃ saphalaṃ karissāmīti haṭṭhatuṭṭhabhāvo, sakkenāpi pariggaṇhituṃ asakkuṇeyyassa sasajātiyampi pariccāgatthaṃ attano jīvitanirapekkhabhāvassa jānanaṃ, tena samāgamepi ossaṭṭhepi cittassa vikārābhāvo, tassa ca manussabhāvamahāpitubhāvānaṃ aviparītato jānanaṃ, ñātamatte ca taṃ kulasantake rajje patiṭṭhāpetukāmatā, dhammadesanāya saṃvejetvā sīlesu patiṭṭhāpananti. Evamādayo idha bodhisattassa guṇānubhāvā vibhāvetabbāti.
алийнасад̇д̇ужарияааван̣н̣анаа нидтид̇аа.
Alīnasattucariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 9. алийнасад̇д̇ужарияаа • 9. Alīnasattucariyā
