| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಆಲುವದಾಯಕತ್ಥೇರಅಪದಾನಂ
8. Āluvadāyakattheraapadānaṃ
೩೧.
31.
‘‘ಪಬ್ಬತೇ ಹಿಮವನ್ತಮ್ಹಿ, ಮಹಾಸಿನ್ಧು ಸುದಸ್ಸನಾ।
‘‘Pabbate himavantamhi, mahāsindhu sudassanā;
ತತ್ಥದ್ದಸಂ ವೀತರಾಗಂ, ಸುಪ್ಪಭಾಸಂ ಸುದಸ್ಸನಂ॥
Tatthaddasaṃ vītarāgaṃ, suppabhāsaṃ sudassanaṃ.
೩೨.
32.
‘‘ಪರಮೋಪಸಮೇ ಯುತ್ತಂ, ದಿಸ್ವಾ ವಿಮ್ಹಿತಮಾನಸೋ।
‘‘Paramopasame yuttaṃ, disvā vimhitamānaso;
ಆಲುವಂ ತಸ್ಸ ಪಾದಾಸಿಂ, ಪಸನ್ನೋ ಸೇಹಿ ಪಾಣಿಭಿ॥
Āluvaṃ tassa pādāsiṃ, pasanno sehi pāṇibhi.
೩೩.
33.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಫಲಮದದಿಂ ತದಾ।
‘‘Ekattiṃse ito kappe, yaṃ phalamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಆಲುವಸ್ಸ ಇದಂ ಫಲಂ॥
Duggatiṃ nābhijānāmi, āluvassa idaṃ phalaṃ.
೩೪.
34.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಆಲುವದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā āluvadāyako thero imā gāthāyo abhāsitthāti.
ಆಲುವದಾಯಕತ್ಥೇರಸ್ಸಾಪದಾನಂ ಅಟ್ಠಮಂ।
Āluvadāyakattherassāpadānaṃ aṭṭhamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಸುವಣ್ಣಬಿಬ್ಬೋಹನಿಯತ್ಥೇರಅಪದಾನಾದಿವಣ್ಣನಾ • 1-10. Suvaṇṇabibbohaniyattheraapadānādivaṇṇanā
