| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
20. அமதவக்³க³வண்ணனா
20. Amatavaggavaṇṇanā
600-611. அமதங் தே, பி⁴க்க²வே, ந பரிபு⁴ஞ்ஜந்தீதி மரணவிரஹிதங் நிப்³பா³னங் ந பரிபு⁴ஞ்ஜந்தீதி அத்தோ². நனு ச நிப்³பா³னங் லோகுத்தரங், காயக³தாஸதி லோகியா, கத²ங் தங் பரிபு⁴ஞ்ஜந்தா அமதங் பரிபு⁴ஞ்ஜந்தீதி? தங் பா⁴வெத்வா அதி⁴க³ந்தப்³ப³தோ. காயக³தஞ்ஹி ஸதிங் பா⁴வெந்தோ அமதமதி⁴க³ச்ச²தி, அபா⁴வெந்தோ நாதி⁴க³ச்ச²தி. தஸ்மா ஏவங் வுத்தங். ஏதேனுபாயேன ஸப்³ப³த்த² அத்தோ² வேதி³தப்³போ³. அபி செத்த² விரத்³த⁴ந்தி விராதி⁴தங் நாதி⁴க³தங். ஆரத்³த⁴ந்தி பரிபுண்ணங். பமாதி³ங்ஸூதி பமஜ்ஜந்தி. பமுட்ட²ந்தி ஸம்முட்ட²ங் விஸ்ஸரிதங் நட்ட²ங் வா. ஆஸேவிதந்தி ஆதி³தோ ஸேவிதங். பா⁴விதந்தி வட்³டி⁴தங். ப³ஹுலீகதந்தி புனப்புனங் கதங். அனபி⁴ஞ்ஞாதந்தி ஞாதஅபி⁴ஞ்ஞாய அஜானிதங். அபரிஞ்ஞாதந்தி ஞாதபரிஞ்ஞாவஸேனேவ அபரிஞ்ஞாதங். அஸச்சி²கதந்தி அபச்சக்க²கதங். ஸேஸங் ஸப்³ப³த்த² உத்தானத்த²மேவாதி.
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
அமதவக்³க³வண்ணனா.
Amatavaggavaṇṇanā.
மனோரத²பூரணியா அங்கு³த்தரனிகாய-அட்ட²கதா²ய ஸஹஸ்ஸஸுத்தந்தபரிமாணஸ்ஸ
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
ஏககனிபாதஸ்ஸ ஸங்வண்ணனா நிட்டி²தா.
Ekakanipātassa saṃvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 20. அமதவக்³கோ³ • 20. Amatavaggo
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 20. அமதவக்³க³வண்ணனா • 20. Amatavaggavaṇṇanā
