| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൨൦. അമതവഗ്ഗവണ്ണനാ
20. Amatavaggavaṇṇanā
൬൦൦-൬൧൧. അമതം തേ, ഭിക്ഖവേ, ന പരിഭുഞ്ജന്തീതി മരണവിരഹിതം നിബ്ബാനം ന പരിഭുഞ്ജന്തീതി അത്ഥോ. നനു ച നിബ്ബാനം ലോകുത്തരം, കായഗതാസതി ലോകിയാ, കഥം തം പരിഭുഞ്ജന്താ അമതം പരിഭുഞ്ജന്തീതി? തം ഭാവേത്വാ അധിഗന്തബ്ബതോ. കായഗതഞ്ഹി സതിം ഭാവേന്തോ അമതമധിഗച്ഛതി, അഭാവേന്തോ നാധിഗച്ഛതി. തസ്മാ ഏവം വുത്തം. ഏതേനുപായേന സബ്ബത്ഥ അത്ഥോ വേദിതബ്ബോ. അപി ചേത്ഥ വിരദ്ധന്തി വിരാധിതം നാധിഗതം. ആരദ്ധന്തി പരിപുണ്ണം. പമാദിംസൂതി പമജ്ജന്തി. പമുട്ഠന്തി സമ്മുട്ഠം വിസ്സരിതം നട്ഠം വാ. ആസേവിതന്തി ആദിതോ സേവിതം. ഭാവിതന്തി വഡ്ഢിതം. ബഹുലീകതന്തി പുനപ്പുനം കതം. അനഭിഞ്ഞാതന്തി ഞാതഅഭിഞ്ഞായ അജാനിതം. അപരിഞ്ഞാതന്തി ഞാതപരിഞ്ഞാവസേനേവ അപരിഞ്ഞാതം. അസച്ഛികതന്തി അപച്ചക്ഖകതം. സേസം സബ്ബത്ഥ ഉത്താനത്ഥമേവാതി.
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
അമതവഗ്ഗവണ്ണനാ.
Amatavaggavaṇṇanā.
മനോരഥപൂരണിയാ അങ്ഗുത്തരനികായ-അട്ഠകഥായ സഹസ്സസുത്തന്തപരിമാണസ്സ
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
ഏകകനിപാതസ്സ സംവണ്ണനാ നിട്ഠിതാ.
Ekakanipātassa saṃvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൨൦. അമതവഗ്ഗോ • 20. Amatavaggo
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൨൦. അമതവഗ്ഗവണ്ണനാ • 20. Amatavaggavaṇṇanā
