| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਅਮ੍ਬਦਾਯਕਤ੍ਥੇਰਅਪਦਾਨવਣ੍ਣਨਾ
8. Ambadāyakattheraapadānavaṇṇanā
ਅਨੋਮਦਸ੍ਸੀ ਭਗવਾਤਿਆਦਿਕਂ ਆਯਸ੍ਮਤੋ ਅਮ੍ਬਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਨੋਮਦਸ੍ਸਿਸ੍ਸ ਭਗવਤੋ ਕਾਲੇ વਾਨਰਯੋਨਿਯਂ ਨਿਬ੍ਬਤ੍ਤੋ ਹਿਮવਨ੍ਤੇ ਕਪਿਰਾਜਾ ਹੁਤ੍વਾ ਪਟਿવਸਤਿ। ਤਸ੍ਮਿਂ ਸਮਯੇ ਅਨੋਮਦਸ੍ਸੀ ਭਗવਾ ਤਸ੍ਸਾਨੁਕਮ੍ਪਾਯ ਹਿਮવਨ੍ਤਮਗਮਾਸਿ। ਅਥ ਸੋ ਕਪਿਰਾਜਾ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਸੁਮਧੁਰਂ ਅਮ੍ਬਫਲਂ ਖੁਦ੍ਦਮਧੁਨਾ ਅਦਾਸਿ। ਅਥ ਭਗવਾ ਤਸ੍ਸ ਪਸ੍ਸਨ੍ਤਸ੍ਸੇવ ਤਂ ਸਬ੍ਬਂ ਪਰਿਭੁਞ੍ਜਿਤ੍વਾ ਅਨੁਮੋਦਨਂ વਤ੍વਾ ਪਕ੍ਕਾਮਿ। ਅਥ ਸੋ ਸੋਮਨਸ੍ਸਸਮ੍ਪਨ੍ਨਹਦਯੋ ਤੇਨੇવ ਪੀਤਿਸੋਮਨਸ੍ਸੇਨ ਯਾવਤਾਯੁਕਂ ਠਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ ਅਪਰਾਪਰਂ ਤਤ੍ਥ ਦਿਬ੍ਬਸੁਖਮਨੁਭવਿਤ੍વਾ ਮਨੁਸ੍ਸੇਸੁ ਚ ਮਨੁਸ੍ਸਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤ੍વਾ ਨਚਿਰਸ੍ਸੇવ ਛਲ਼ਭਿਞ੍ਞਪ੍ਪਤ੍ਤੋ ਅਹੋਸਿ। ਪੁਬ੍ਬਪੁਞ੍ਞਨਾਮੇਨ ਅਮ੍ਬਦਾਯਕਤ੍ਥੇਰੋਤਿ ਪਾਕਟੋ।
Anomadassī bhagavātiādikaṃ āyasmato ambadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle vānarayoniyaṃ nibbatto himavante kapirājā hutvā paṭivasati. Tasmiṃ samaye anomadassī bhagavā tassānukampāya himavantamagamāsi. Atha so kapirājā bhagavantaṃ disvā pasannamānaso sumadhuraṃ ambaphalaṃ khuddamadhunā adāsi. Atha bhagavā tassa passantasseva taṃ sabbaṃ paribhuñjitvā anumodanaṃ vatvā pakkāmi. Atha so somanassasampannahadayo teneva pītisomanassena yāvatāyukaṃ ṭhatvā tato cuto devaloke nibbatto aparāparaṃ tattha dibbasukhamanubhavitvā manussesu ca manussasampattiṃ anubhavitvā imasmiṃ buddhuppāde vibhavasampanne ekasmiṃ kulagehe nibbatto satthari pasīditvā pabbajitvā nacirasseva chaḷabhiññappatto ahosi. Pubbapuññanāmena ambadāyakattheroti pākaṭo.
੫੩. ਸੋ ਅਪਰਭਾਗੇ ਅਤ੍ਤਨਾ ਕਤਕੁਸਲਬੀਜਂ ਦਿਸ੍વਾ ਸੋਮਨਸ੍ਸਜਾਤੋ ਅਤ੍ਤਨੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਨੋਮਦਸ੍ਸੀ ਭਗવਾਤਿਆਦਿਮਾਹ। ਮੇਤ੍ਤਾਯ ਅਫਰਿ ਲੋਕੇ, ਅਪ੍ਪਮਾਣੇ ਨਿਰੂਪਧੀਤਿ ਸੋ ਭਗવਾ ਸਬ੍ਬਲੋਕੇ ਅਪ੍ਪਮਾਣੇ ਸਤ੍ਤੇ ‘‘ਸੁਖੀ ਹੋਨ੍ਤੂ’’ਤਿਆਦਿਨਾ ਨਿਰੁਪਧਿ ਉਪਧਿવਿਰਹਿਤਂ ਕਤ੍વਾ ਮੇਤ੍ਤਾਯ ਮੇਤ੍ਤਚਿਤ੍ਤੇਨ ਅਫਰਿ ਪਤ੍ਥਰਿ વਡ੍ਢੇਸੀਤਿ ਅਤ੍ਥੋ।
53. So aparabhāge attanā katakusalabījaṃ disvā somanassajāto attano pubbacaritāpadānaṃ pakāsento anomadassī bhagavātiādimāha. Mettāya aphari loke, appamāṇe nirūpadhīti so bhagavā sabbaloke appamāṇe satte ‘‘sukhī hontū’’tiādinā nirupadhi upadhivirahitaṃ katvā mettāya mettacittena aphari patthari vaḍḍhesīti attho.
੫੪. ਕਪਿ ਅਹਂ ਤਦਾ ਆਸਿਨ੍ਤਿ ਤਦਾ ਤਸ੍ਸਾਗਮਨਕਾਲੇ ਕਪਿਰਾਜਾ ਅਹੋਸਿਨ੍ਤਿ ਅਤ੍ਥੋ।
54.Kapi ahaṃ tadā āsinti tadā tassāgamanakāle kapirājā ahosinti attho.
ਅਮ੍ਬਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Ambadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਅਮ੍ਬਦਾਯਕਤ੍ਥੇਰਅਪਦਾਨਂ • 8. Ambadāyakattheraapadānaṃ
