Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೧೩. ತೇರಸಕನಿಪಾತೋ
13. Terasakanipāto
೪೭೪. ಅಮ್ಬಜಾತಕಂ (೧)
474. Ambajātakaṃ (1)
೧.
1.
ಅಹಾಸಿ 1 ಮೇ ಅಮ್ಬಫಲಾನಿ ಪುಬ್ಬೇ, ಅಣೂನಿ ಥೂಲಾನಿ ಚ ಬ್ರಹ್ಮಚಾರಿ।
Ahāsi 2 me ambaphalāni pubbe, aṇūni thūlāni ca brahmacāri;
ತೇಹೇವ ಮನ್ತೇಹಿ ನ ದಾನಿ ತುಯ್ಹಂ, ದುಮಪ್ಫಲಾ ಪಾತುಭವನ್ತಿ ಬ್ರಹ್ಮೇ॥
Teheva mantehi na dāni tuyhaṃ, dumapphalā pātubhavanti brahme.
೨.
2.
ನಕ್ಖತ್ತಯೋಗಂ ಪಟಿಮಾನಯಾಮಿ, ಖಣಂ ಮುಹುತ್ತಞ್ಚ ಮನ್ತೇ ನ ಪಸ್ಸಂ 3।
Nakkhattayogaṃ paṭimānayāmi, khaṇaṃ muhuttañca mante na passaṃ 4;
ನಕ್ಖತ್ತಯೋಗಞ್ಚ ಖಣಞ್ಚ ಲದ್ಧಾ, ಅದ್ಧಾಹರಿಸ್ಸಮ್ಬಫಲಂ 5 ಪಹೂತಂ॥
Nakkhattayogañca khaṇañca laddhā, addhāharissambaphalaṃ 6 pahūtaṃ.
೩.
3.
ನಕ್ಖತ್ತಯೋಗಂ ನ ಪುರೇ ಅಭಾಣಿ, ಖಣಂ ಮುಹುತ್ತಂ ನ ಪುರೇ ಅಸಂಸಿ।
Nakkhattayogaṃ na pure abhāṇi, khaṇaṃ muhuttaṃ na pure asaṃsi;
ಸಯಂ ಹರೀ 7 ಅಮ್ಬಫಲಂ ಪಹೂತಂ, ವಣ್ಣೇನ ಗನ್ಧೇನ ರಸೇನುಪೇತಂ॥
Sayaṃ harī 8 ambaphalaṃ pahūtaṃ, vaṇṇena gandhena rasenupetaṃ.
೪.
4.
ಮನ್ತಾಭಿಜಪ್ಪೇನ ಪುರೇ ಹಿ 9 ತುಯ್ಹಂ, ದುಮಪ್ಫಲಾ ಪಾತುಭವನ್ತಿ ಬ್ರಹ್ಮೇ।
Mantābhijappena pure hi 10 tuyhaṃ, dumapphalā pātubhavanti brahme;
ಸ್ವಾಜ್ಜ ನ ಪಾರೇಸಿ ಜಪ್ಪಮ್ಪಿ ಮನ್ತಂ 11, ಅಯಂ ಸೋ ಕೋ ನಾಮ ತವಜ್ಜ ಧಮ್ಮೋ॥
Svājja na pāresi jappampi mantaṃ 12, ayaṃ so ko nāma tavajja dhammo.
೫.
5.
ಚಣ್ಡಾಲಪುತ್ತೋ ಮಮ ಸಮ್ಪದಾಸಿ, ಧಮ್ಮೇನ ಮನ್ತೇ ಪಕತಿಞ್ಚ ಸಂಸಿ।
Caṇḍālaputto mama sampadāsi, dhammena mante pakatiñca saṃsi;
೬.
6.
ಸೋಹಂ ಜನಿನ್ದೇನ ಜನಮ್ಹಿ ಪುಟ್ಠೋ, ಮಕ್ಖಾಭಿಭೂತೋ ಅಲಿಕಂ ಅಭಾಣಿಂ।
Sohaṃ janindena janamhi puṭṭho, makkhābhibhūto alikaṃ abhāṇiṃ;
‘‘ಮನ್ತಾ ಇಮೇ ಬ್ರಾಹ್ಮಣಸ್ಸಾ’’ತಿ ಮಿಚ್ಛಾ, ಪಹೀನಮನ್ತೋ ಕಪಣೋ ರುದಾಮಿ॥
‘‘Mantā ime brāhmaṇassā’’ti micchā, pahīnamanto kapaṇo rudāmi.
೭.
7.
ಏರಣ್ಡಾ ಪುಚಿಮನ್ದಾ ವಾ, ಅಥ ವಾ ಪಾಲಿಭದ್ದಕಾ।
Eraṇḍā pucimandā vā, atha vā pālibhaddakā;
ಮಧುಂ ಮಧುತ್ಥಿಕೋ ವಿನ್ದೇ, ಸೋ ಹಿ ತಸ್ಸ ದುಮುತ್ತಮೋ॥
Madhuṃ madhutthiko vinde, so hi tassa dumuttamo.
೮.
8.
ಖತ್ತಿಯಾ ಬ್ರಾಹ್ಮಣಾ ವೇಸ್ಸಾ, ಸುದ್ದಾ ಚಣ್ಡಾಲಪುಕ್ಕುಸಾ।
Khattiyā brāhmaṇā vessā, suddā caṇḍālapukkusā;
ಯಮ್ಹಾ ಧಮ್ಮಂ ವಿಜಾನೇಯ್ಯ, ಸೋ ಹಿ ತಸ್ಸ ನರುತ್ತಮೋ॥
Yamhā dhammaṃ vijāneyya, so hi tassa naruttamo.
೯.
9.
ಇಮಸ್ಸ ದಣ್ಡಞ್ಚ ವಧಞ್ಚ ದತ್ವಾ, ಗಲೇ ಗಹೇತ್ವಾ ಖಲಯಾಥ 17 ಜಮ್ಮಂ।
Imassa daṇḍañca vadhañca datvā, gale gahetvā khalayātha 18 jammaṃ;
ಯೋ ಉತ್ತಮತ್ಥಂ ಕಸಿರೇನ ಲದ್ಧಂ, ಮಾನಾತಿಮಾನೇನ ವಿನಾಸಯಿತ್ಥ॥
Yo uttamatthaṃ kasirena laddhaṃ, mānātimānena vināsayittha.
೧೦.
10.
ಯಥಾ ಸಮಂ ಮಞ್ಞಮಾನೋ ಪತೇಯ್ಯ, ಸೋಬ್ಭಂ ಗುಹಂ ನರಕಂ ಪೂತಿಪಾದಂ।
Yathā samaṃ maññamāno pateyya, sobbhaṃ guhaṃ narakaṃ pūtipādaṃ;
ರಜ್ಜೂತಿ ವಾ ಅಕ್ಕಮೇ ಕಣ್ಹಸಪ್ಪಂ, ಅನ್ಧೋ ಯಥಾ ಜೋತಿಮಧಿಟ್ಠಹೇಯ್ಯ।
Rajjūti vā akkame kaṇhasappaṃ, andho yathā jotimadhiṭṭhaheyya;
೧೧.
11.
ಪಕತಿಮ್ಪಿ ತೇ ಅತ್ತಮನೋ ಅಸಂಸಿಂ, ಧಮ್ಮೇ ಠಿತಂ ತಂ 27 ನ ಜಹೇಯ್ಯ ಮನ್ತೋ॥
Pakatimpi te attamano asaṃsiṃ, dhamme ṭhitaṃ taṃ 28 na jaheyya manto.
೧೨.
12.
ಯೋ ಬಾಲ ಮನ್ತಂ 29 ಕಸಿರೇನ ಲದ್ಧಂ, ಯಂ ದುಲ್ಲಭಂ ಅಜ್ಜ ಮನುಸ್ಸಲೋಕೇ।
Yo bāla mantaṃ 30 kasirena laddhaṃ, yaṃ dullabhaṃ ajja manussaloke;
ಕಿಞ್ಚಾಪಿ ಲದ್ಧಾ ಜೀವಿತುಂ ಅಪ್ಪಪಞ್ಞೋ 31, ವಿನಾಸಯೀ ಅಲಿಕಂ ಭಾಸಮಾನೋ॥
Kiñcāpi laddhā jīvituṃ appapañño 32, vināsayī alikaṃ bhāsamāno.
೧೩.
13.
ಬಾಲಸ್ಸ ಮೂಳ್ಹಸ್ಸ ಅಕತಞ್ಞುನೋ ಚ, ಮುಸಾ ಭಣನ್ತಸ್ಸ ಅಸಞ್ಞತಸ್ಸ।
Bālassa mūḷhassa akataññuno ca, musā bhaṇantassa asaññatassa;
ಮನ್ತೇ ಮಯಂ ತಾದಿಸಕೇ ನ ದೇಮ, ಕುತೋ ಮನ್ತಾ ಗಚ್ಛ ನ ಮಯ್ಹ ರುಚ್ಚಸೀತಿ॥
Mante mayaṃ tādisake na dema, kuto mantā gaccha na mayha ruccasīti.
ಅಮ್ಬಜಾತಕಂ ಪಠಮಂ।
Ambajātakaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೭೪] ೧. ಅಮ್ಬಜಾತಕವಣ್ಣನಾ • [474] 1. Ambajātakavaṇṇanā