| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[344] 4. амб̣аж̇аад̇агаван̣н̣анаа
[344] 4. Ambajātakavaṇṇanā
яо нийлияам̣ ман̣д̣аяад̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ амб̣аг̇обагад̇т̇зрам̣ аараб̣бха гат̇зси. со гира махаллагагаалз баб̣б̣аж̇ид̇ваа ж̇зд̇аванабажжанд̇з амб̣аванз бан̣н̣асаалам̣ гаарзд̇ваа амб̣з рагканд̇о бад̇ид̇аани амб̣абаггаани каад̣̇анд̇о вижарад̇и, ад̇д̇ано самб̣анд̇хамануссаанамби д̣̇зд̇и. д̇асмим̣ бхигкаажаарам̣ бавидтз амб̣ажорагаа амб̣аани баад̇зд̇ваа каад̣̇ид̇ваа жа г̇ахзд̇ваа жа г̇ажчанд̇и. д̇асмим̣ кан̣з жад̇ассо сздтид̇хийд̇аро ажиравад̇ияам̣ нхааяид̇ваа вижаранд̇ияо д̇ам̣ амб̣аванам̣ бависим̣су. махаллаго ааг̇анд̇ваа д̇аа д̣̇исваа ‘‘д̇умхзхи мз амб̣аани каад̣̇ид̇ааний’’д̇и ааха. ‘‘бханд̇з, маяам̣ ид̣̇аанзва ааг̇ад̇аа, на д̇умхаагам̣ амб̣аани каад̣̇аамаа’’д̇и. ‘‘д̇зна хи сабат̇ам̣ гарот̇аа’’д̇и? ‘‘гарома, бханд̇з’’д̇и сабат̇ам̣ гарим̣су. махаллаго д̇аа сабат̇ам̣ гаарзд̇ваа лаж̇ж̇аабзд̇ваа виссаж̇ж̇зси. д̇асса д̇ам̣ гирияам̣ суд̇ваа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асуго гира махаллаго ад̇д̇ано васанагам̣ амб̣аванам̣ бавидтаа сздтид̇хийд̇аро сабат̇ам̣ гаарзд̇ваа лаж̇ж̇аабзд̇ваа виссаж̇ж̇зсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса амб̣аг̇обаго худ̇ваа жад̇ассо сздтид̇хийд̇аро сабат̇ам̣ гаарзд̇ваа лаж̇ж̇аабзд̇ваа виссаж̇ж̇зсий’’д̇и вад̇ваа ад̇ийд̇ам̣ аахари.
Yonīliyaṃ maṇḍayatīti idaṃ satthā jetavane viharanto ekaṃ ambagopakattheraṃ ārabbha kathesi. So kira mahallakakāle pabbajitvā jetavanapaccante ambavane paṇṇasālaṃ kāretvā ambe rakkhanto patitāni ambapakkāni khādanto vicarati, attano sambandhamanussānampi deti. Tasmiṃ bhikkhācāraṃ paviṭṭhe ambacorakā ambāni pātetvā khāditvā ca gahetvā ca gacchanti. Tasmiṃ khaṇe catasso seṭṭhidhītaro aciravatiyaṃ nhāyitvā vicarantiyo taṃ ambavanaṃ pavisiṃsu. Mahallako āgantvā tā disvā ‘‘tumhehi me ambāni khāditānī’’ti āha. ‘‘Bhante, mayaṃ idāneva āgatā, na tumhākaṃ ambāni khādāmā’’ti. ‘‘Tena hi sapathaṃ karothā’’ti? ‘‘Karoma, bhante’’ti sapathaṃ kariṃsu. Mahallako tā sapathaṃ kāretvā lajjāpetvā vissajjesi. Tassa taṃ kiriyaṃ sutvā bhikkhū dhammasabhāyaṃ kathaṃ samuṭṭhāpesuṃ ‘‘āvuso, asuko kira mahallako attano vasanakaṃ ambavanaṃ paviṭṭhā seṭṭhidhītaro sapathaṃ kāretvā lajjāpetvā vissajjesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa ambagopako hutvā catasso seṭṭhidhītaro sapathaṃ kāretvā lajjāpetvā vissajjesī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о саггад̇д̇ам̣ гаарзси. д̇ад̣̇аа зго гуудаж̇адило б̣аараан̣асим̣ убаниссааяа над̣̇ийд̇ийрз амб̣аванз бан̣н̣асаалам̣ маабзд̇ваа амб̣з рагканд̇о бад̇ид̇аани амб̣абаггаани каад̣̇анд̇о самб̣анд̇хамануссаанамби д̣̇знд̇о наанаббагаарзна мижчааж̇ийвзна ж̇ийвигам̣ габбзнд̇о вижарад̇и. д̇ад̣̇аа сагго д̣̇зварааж̇аа ‘‘гз ну ко логз маад̇аабид̇аро убадтаханд̇и, гулз ж̇здтаабажаяанагаммам̣ гаронд̇и, д̣̇аанам̣ д̣̇знд̇и, сийлам̣ рагканд̇и, убосат̇агаммам̣ гаронд̇и, гз баб̣б̣аж̇ид̇аа саман̣ад̇хаммз яуд̇д̇абаяуд̇д̇аа вихаранд̇и, гз анаажаарам̣ жаранд̇ий’’д̇и логам̣ вологзнд̇о имам̣ амб̣аг̇обагам̣ анаажаарам̣ гуудаж̇адилам̣ д̣̇исваа ‘‘аяам̣ гуудаж̇адило гасин̣абаригаммаад̣̇им̣ ад̇д̇ано саман̣ад̇хаммам̣ бахааяа амб̣аванам̣ рагканд̇о вижарад̇и, сам̣взж̇зссаами на’’нд̇и д̇асса г̇аамам̣ бхигкааяа бавидтагаалз ад̇д̇ано аанубхаавзна амб̣з баад̇зд̇ваа жорзхи вилумб̣ид̇з вияа агааси.
Atīte bārāṇasiyaṃ brahmadatte rajjaṃ kārente bodhisatto sakkattaṃ kāresi. Tadā eko kūṭajaṭilo bārāṇasiṃ upanissāya nadītīre ambavane paṇṇasālaṃ māpetvā ambe rakkhanto patitāni ambapakkāni khādanto sambandhamanussānampi dento nānappakārena micchājīvena jīvikaṃ kappento vicarati. Tadā sakko devarājā ‘‘ke nu kho loke mātāpitaro upaṭṭhahanti, kule jeṭṭhāpacayanakammaṃ karonti, dānaṃ denti, sīlaṃ rakkhanti, uposathakammaṃ karonti, ke pabbajitā samaṇadhamme yuttapayuttā viharanti, ke anācāraṃ carantī’’ti lokaṃ volokento imaṃ ambagopakaṃ anācāraṃ kūṭajaṭilaṃ disvā ‘‘ayaṃ kūṭajaṭilo kasiṇaparikammādiṃ attano samaṇadhammaṃ pahāya ambavanaṃ rakkhanto vicarati, saṃvejessāmi na’’nti tassa gāmaṃ bhikkhāya paviṭṭhakāle attano ānubhāvena ambe pātetvā corehi vilumbite viya akāsi.
д̇ад̣̇аа б̣аараан̣асид̇о жад̇ассо сздтид̇хийд̇аро д̇ам̣ амб̣аванам̣ бависим̣су. гуудаж̇адило д̇аа д̣̇исваа ‘‘д̇умхзхи мз амб̣аани каад̣̇ид̇ааний’’д̇и балиб̣уд̣̇д̇хи. ‘‘бханд̇з, маяам̣ ид̣̇аанзва ааг̇ад̇аа, на д̇з амб̣аани каад̣̇аамаа’’д̇и. ‘‘д̇зна хи сабат̇ам̣ гарот̇аа’’д̇и? ‘‘гад̇ваа жа бана г̇анд̇ум̣ лабхиссаамаа’’д̇и? ‘‘аама, лабхиссат̇аа’’д̇и. ‘‘саад̇ху, бханд̇з’’д̇и д̇аасу ж̇здтигаа сабат̇ам̣ гаронд̇ий батамам̣ г̇аат̇амааха –
Tadā bārāṇasito catasso seṭṭhidhītaro taṃ ambavanaṃ pavisiṃsu. Kūṭajaṭilo tā disvā ‘‘tumhehi me ambāni khāditānī’’ti palibuddhi. ‘‘Bhante, mayaṃ idāneva āgatā, na te ambāni khādāmā’’ti. ‘‘Tena hi sapathaṃ karothā’’ti? ‘‘Katvā ca pana gantuṃ labhissāmā’’ti? ‘‘Āma, labhissathā’’ti. ‘‘Sādhu, bhante’’ti tāsu jeṭṭhikā sapathaṃ karontī paṭhamaṃ gāthamāha –
169.
169.
‘‘яо нийлияам̣ ман̣д̣аяад̇и, сан̣д̣аасзна вихан̃н̃ад̇и;
‘‘Yo nīliyaṃ maṇḍayati, saṇḍāsena vihaññati;
д̇асса саа васаманвзд̇у, яаа д̇з амб̣з аваахарий’’д̇и.
Tassa sā vasamanvetu, yā te ambe avāharī’’ti.
д̇ассад̇т̇о – яо бурисо балид̇аанам̣ гаал̣аван̣н̣агаран̣ад̇т̇ааяа нийлапалаад̣̇ийни яож̇зд̇ваа гад̇ам̣ нийлияам̣ ман̣д̣аяад̇и, нийлагзсанд̇арз жа удтид̇ам̣ балид̇ам̣ уд̣̇д̇харанд̇о сан̣д̣аасзна вихан̃н̃ад̇и гиламад̇и, д̇асса зваруубасса махаллагасса саа васам̣ анвзд̇у, д̇ат̇ааруубам̣ бад̇им̣ лабхад̇у, яаа д̇з амб̣з аваахарийд̇и.
Tassattho – yo puriso palitānaṃ kāḷavaṇṇakaraṇatthāya nīlaphalādīni yojetvā kataṃ nīliyaṃ maṇḍayati, nīlakesantare ca uṭṭhitaṃ palitaṃ uddharanto saṇḍāsena vihaññati kilamati, tassa evarūpassa mahallakassa sā vasaṃ anvetu, tathārūpaṃ patiṃ labhatu, yā te ambe avāharīti.
д̇аабасо ‘‘д̇вам̣ згаманд̇ам̣ д̇идтаахий’’д̇и вад̇ваа д̣̇уд̇ияам̣ сздтид̇хийд̇арам̣ сабат̇ам̣ гаарзси. саа сабат̇ам̣ гаронд̇ий д̣̇уд̇ияам̣ г̇аат̇амааха –
Tāpaso ‘‘tvaṃ ekamantaṃ tiṭṭhāhī’’ti vatvā dutiyaṃ seṭṭhidhītaraṃ sapathaṃ kāresi. Sā sapathaṃ karontī dutiyaṃ gāthamāha –
170.
170.
‘‘вийсам̣ ваа бан̃жавийсам̣ ваа, уунад̇им̣сам̣ва ж̇аад̇ияаа;
‘‘Vīsaṃ vā pañcavīsaṃ vā, ūnatiṃsaṃva jātiyā;
д̇аад̣̇исаа бад̇и маа лад̣̇д̇хаа, яаа д̇з амб̣з аваахарий’’д̇и.
Tādisā pati mā laddhā, yā te ambe avāharī’’ti.
д̇ассад̇т̇о – наарияо наама баннарасасол̣асавассигагаалз бурисаанам̣ бияаа хонд̇и. яаа бана д̇ава амб̣аани аваахари, саа зваруубз яоб̣б̣анз бад̇им̣ алабхид̇ваа ж̇аад̇ияаа вийсам̣ ваа бан̃жавийсам̣ ваа згзна д̣̇вийхи уунад̇ааяа уунад̇им̣сам̣ ваа вассаани бад̇ваа д̇аад̣̇исаа барибаггаваяаа худ̇вааби бад̇им̣ маа лад̣̇д̇хаад̇и.
Tassattho – nāriyo nāma pannarasasoḷasavassikakāle purisānaṃ piyā honti. Yā pana tava ambāni avāhari, sā evarūpe yobbane patiṃ alabhitvā jātiyā vīsaṃ vā pañcavīsaṃ vā ekena dvīhi ūnatāya ūnatiṃsaṃ vā vassāni patvā tādisā paripakkavayā hutvāpi patiṃ mā laddhāti.
д̇ааяаби сабат̇ам̣ гад̇ваа згаманд̇ам̣ тид̇ааяа д̇ад̇ияаа д̇ад̇ияам̣ г̇аат̇амааха –
Tāyapi sapathaṃ katvā ekamantaṃ ṭhitāya tatiyā tatiyaṃ gāthamāha –
171.
171.
‘‘д̣̇ийгхам̣ г̇ажчад̇у ад̣̇д̇хаанам̣, згигаа абхисааригаа;
‘‘Dīghaṃ gacchatu addhānaṃ, ekikā abhisārikā;
сан̇гзд̇з бад̇и маа ад̣̇д̣̇а, яаа д̇з амб̣з аваахарий’’д̇и.
Saṅkete pati mā adda, yā te ambe avāharī’’ti.
д̇ассад̇т̇о – яаа д̇з амб̣з аваахари, саа бад̇им̣ бад̇т̇аяамаанаа д̇асса санд̇игам̣ абхисаран̣ад̇ааяа абхисааригаа наама худ̇ваа згигаа ад̣̇уд̇ияаа г̇аавуд̇ад̣̇виг̇аавуд̇амад̇д̇ам̣ д̣̇ийгхам̣ ад̣̇д̇хаанам̣ г̇ажчад̇у, г̇анд̇вааби жа д̇асмим̣ асугадтаанам̣ наама ааг̇ажчзяяаасийд̇и гад̇з сан̇гзд̇з д̇ам̣ бад̇им̣ маа ад̣̇д̣̇асаад̇и.
Tassattho – yā te ambe avāhari, sā patiṃ patthayamānā tassa santikaṃ abhisaraṇatāya abhisārikā nāma hutvā ekikā adutiyā gāvutadvigāvutamattaṃ dīghaṃ addhānaṃ gacchatu, gantvāpi ca tasmiṃ asukaṭṭhānaṃ nāma āgaccheyyāsīti kate saṅkete taṃ patiṃ mā addasāti.
д̇ааяаби сабат̇ам̣ гад̇ваа згаманд̇ам̣ тид̇ааяа жад̇уд̇т̇аа жад̇уд̇т̇ам̣ г̇аат̇амааха –
Tāyapi sapathaṃ katvā ekamantaṃ ṭhitāya catutthā catutthaṃ gāthamāha –
172.
172.
‘‘алан̇гад̇аа сувасанаа, маалиний жанд̣̇ануссад̣̇аа;
‘‘Alaṅkatā suvasanā, mālinī candanussadā;
згигаа саяанз сзд̇у, яаа д̇з амб̣з аваахарий’’д̇и. – саа уд̇д̇аанад̇т̇ааязва;
Ekikā sayane setu, yā te ambe avāharī’’ti. – sā uttānatthāyeva;
д̇аабасо ‘‘д̇умхзхи ад̇ибхаарияаа сабат̇аа гад̇аа, ан̃н̃зхи амб̣аани каад̣̇ид̇аани бхависсанд̇и, г̇ажчат̇а д̣̇аани д̇умхз’’д̇и д̇аа уяяож̇зси. сагго бхзраваруубаарамман̣ам̣ д̣̇ассзд̇ваа гуудад̇аабасам̣ д̇ад̇о балаабзси.
Tāpaso ‘‘tumhehi atibhāriyā sapathā katā, aññehi ambāni khāditāni bhavissanti, gacchatha dāni tumhe’’ti tā uyyojesi. Sakko bheravarūpārammaṇaṃ dassetvā kūṭatāpasaṃ tato palāpesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гуудаж̇адило аяам̣ амб̣аг̇обаго махаллаго ахоси, жад̇ассо сздтид̇хийд̇аро зд̇ааязва, сагго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kūṭajaṭilo ayaṃ ambagopako mahallako ahosi, catasso seṭṭhidhītaro etāyeva, sakko pana ahameva ahosi’’nti.
амб̣аж̇аад̇агаван̣н̣анаа жад̇уд̇т̇аа.
Ambajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 344. амб̣аж̇аад̇агам̣ • 344. Ambajātakaṃ
