Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā

13. вийсад̇инибаад̇о

13. Vīsatinipāto

1. амб̣абаалийт̇зрийг̇аат̇ааван̣н̣анаа

1. Ambapālītherīgāthāvaṇṇanā

вийсад̇инибаад̇з гаал̣агаа бхамараван̣н̣асаад̣̇исаад̇иаад̣̇игаа амб̣абаалияаа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий сикисса бхаг̇авад̇о саасанз баб̣б̣аж̇ид̇ваа убасамбаннаа худ̇ваа бхигкунисигкаабад̣̇ам̣ самаад̣̇ааяа вихаранд̇ий, згад̣̇ивасам̣ самб̣ахулаахи бхигкунийхи сад̣̇д̇хим̣ жзд̇ияам̣ ванд̣̇ид̇ваа бад̣̇агкин̣ам̣ гаронд̇ий бурзд̇арам̣ г̇ажчанд̇ияаа кийн̣аасавад̇т̇зрияаа кибанд̇ияаа сахасаа кзл̣абин̣д̣ам̣ жзд̇ияан̇г̇ан̣з бад̇ид̇ам̣, кийн̣аасавад̇т̇зрияаа абассид̇ваа г̇ад̇ааяа аяам̣ бажчад̇о г̇ажчанд̇ий д̇ам̣ кзл̣абин̣д̣ам̣ д̣̇исваа ‘‘гаа наама г̇ан̣игаа имасмим̣ таанз кзл̣абин̣д̣ам̣ баад̇зсий’’д̇и аггоси. саа бхигкунигаалз сийлам̣ рагканд̇ий г̇аб̣бхаваасам̣ ж̇иг̇ужчид̇ваа обабаад̇игад̇д̇абхаавз жид̇д̇ам̣ табзси. д̇зна жаримад̇д̇абхаавз взсаалияам̣ рааж̇уяяаанз амб̣аругкамуулз обабаад̇игаа худ̇ваа ниб̣б̣ад̇д̇и. д̇ам̣ д̣̇исваа уяяаанабаало наг̇арам̣ убанзси. амб̣аругкамуулз ниб̣б̣ад̇д̇ад̇ааяа саа амб̣абаалийд̇взва вохарийяид̇т̇а. ат̇а нам̣ абхируубам̣ д̣̇ассанийяам̣ баасаад̣̇игам̣ вилаасаганд̇ад̇аад̣̇иг̇ун̣ависзсасамуд̣̇ид̇ам̣ д̣̇исваа самб̣ахулаа рааж̇агумаараа ад̇д̇ано ад̇д̇ано бариг̇г̇ахам̣ гаад̇угаамаа ан̃н̃аман̃н̃ам̣ галахам̣ агам̣су. д̇зсам̣ галахавуубасамад̇т̇ам̣ д̇ассаа гаммасан̃жод̣̇ид̇аа вохааригаа ‘‘саб̣б̣зсам̣ ход̇уу’’д̇и г̇ан̣игаадтаанз табзсум̣. саа сад̇т̇ари бадилад̣̇д̇хасад̣̇д̇хаа ад̇д̇ано уяяаанз вихаарам̣ гад̇ваа б̣уд̣̇д̇хаббамукасса бхигкусан̇гхасса нияяаад̣̇зд̇ваа бажчаа ад̇д̇ано буд̇д̇асса вималагон̣д̣ан̃н̃ад̇т̇зрасса санд̇игз д̇хаммам̣ суд̇ваа баб̣б̣аж̇ид̇ваа вибассанааяа гаммам̣ гаронд̇ий ад̇д̇ано сарийрасса ж̇арааж̇ин̣н̣абхаавам̣ ниссааяа сам̣взг̇аж̇аад̇аа сан̇каараанам̣ анижжад̇ам̣ вибхаавзнд̇ий –

Vīsatinipāte kāḷakā bhamaravaṇṇasādisātiādikā ambapāliyā theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī sikhissa bhagavato sāsane pabbajitvā upasampannā hutvā bhikkhunisikkhāpadaṃ samādāya viharantī, ekadivasaṃ sambahulāhi bhikkhunīhi saddhiṃ cetiyaṃ vanditvā padakkhiṇaṃ karontī puretaraṃ gacchantiyā khīṇāsavattheriyā khipantiyā sahasā kheḷapiṇḍaṃ cetiyaṅgaṇe patitaṃ, khīṇāsavattheriyā apassitvā gatāya ayaṃ pacchato gacchantī taṃ kheḷapiṇḍaṃ disvā ‘‘kā nāma gaṇikā imasmiṃ ṭhāne kheḷapiṇḍaṃ pātesī’’ti akkosi. Sā bhikkhunikāle sīlaṃ rakkhantī gabbhavāsaṃ jigucchitvā opapātikattabhāve cittaṃ ṭhapesi. Tena carimattabhāve vesāliyaṃ rājuyyāne ambarukkhamūle opapātikā hutvā nibbatti. Taṃ disvā uyyānapālo nagaraṃ upanesi. Ambarukkhamūle nibbattatāya sā ambapālītveva voharīyittha. Atha naṃ abhirūpaṃ dassanīyaṃ pāsādikaṃ vilāsakantatādiguṇavisesasamuditaṃ disvā sambahulā rājakumārā attano attano pariggahaṃ kātukāmā aññamaññaṃ kalahaṃ akaṃsu. Tesaṃ kalahavūpasamatthaṃ tassā kammasañcoditā vohārikā ‘‘sabbesaṃ hotū’’ti gaṇikāṭṭhāne ṭhapesuṃ. Sā satthari paṭiladdhasaddhā attano uyyāne vihāraṃ katvā buddhappamukhassa bhikkhusaṅghassa niyyādetvā pacchā attano puttassa vimalakoṇḍaññattherassa santike dhammaṃ sutvā pabbajitvā vipassanāya kammaṃ karontī attano sarīrassa jarājiṇṇabhāvaṃ nissāya saṃvegajātā saṅkhārānaṃ aniccataṃ vibhāventī –

252.

‘‘гаал̣агаа бхамараван̣н̣асаад̣̇исаа, взллид̇аг̇г̇аа мама муд̣̇д̇хаж̇аа ахум̣;

‘‘Kāḷakā bhamaravaṇṇasādisā, vellitaggā mama muddhajā ahuṃ;

д̇з ж̇арааяа саан̣аваагасаад̣̇исаа, сажжаваад̣̇иважанам̣ анан̃н̃ат̇аа.

Te jarāya sāṇavākasādisā, saccavādivacanaṃ anaññathā.

253.

‘‘ваасид̇ова сурабхий гаран̣д̣аго, бубпабуура мама уд̇д̇аман̇г̇аж̇о;

‘‘Vāsitova surabhī karaṇḍako, pupphapūra mama uttamaṅgajo;

д̇ам̣ ж̇арааяат̇а саломаг̇анд̇хигам̣, сажжаваад̣̇иважанам̣ анан̃н̃ат̇аа.

Taṃ jarāyatha salomagandhikaṃ, saccavādivacanaṃ anaññathā.

254.

‘‘гаананам̣ва сахид̇ам̣ суробид̇ам̣, гожчасууживижид̇аг̇г̇асобхид̇ам̣;

‘‘Kānanaṃva sahitaṃ suropitaṃ, kocchasūcivicitaggasobhitaṃ;

д̇ам̣ ж̇арааяа виралам̣ д̇ахим̣ д̇ахим̣, сажжаваад̣̇иважанам̣ анан̃н̃ат̇аа.

Taṃ jarāya viralaṃ tahiṃ tahiṃ, saccavādivacanaṃ anaññathā.

255.

‘‘ган̣хаканд̇хагасуван̣н̣аман̣д̣ид̇ам̣, собхад̇з сувзн̣ийхилан̇гад̇ам̣;

‘‘Kaṇhakhandhakasuvaṇṇamaṇḍitaṃ, sobhate suveṇīhilaṅkataṃ;

д̇ам̣ ж̇арааяа калид̇ам̣ сирам̣ гад̇ам̣, сажжаваад̣̇иважанам̣ анан̃н̃ат̇аа.

Taṃ jarāya khalitaṃ siraṃ kataṃ, saccavādivacanaṃ anaññathā.

256.

‘‘жид̇д̇агаарасугад̇аава лзкигаа, собхарз су бхамугаа бурз мама;

‘‘Cittakārasukatāva lekhikā, sobhare su bhamukā pure mama;

д̇аа ж̇арааяа валибхиббаламб̣ид̇аа, сажжаваад̣̇иважанам̣ анан̃н̃ат̇аа.

Tā jarāya valibhippalambitā, saccavādivacanaṃ anaññathā.

257.

‘‘бхассараа суружираа яат̇аа ман̣ий, нзд̇д̇ахзсумабхинийламааяад̇аа;

‘‘Bhassarā surucirā yathā maṇī, nettahesumabhinīlamāyatā;

д̇з ж̇арааяабхихад̇аа на собхарз, сажжаваад̣̇иважанам̣ анан̃н̃ат̇аа.

Te jarāyabhihatā na sobhare, saccavādivacanaṃ anaññathā.

258.

‘‘сан̣хад̇ун̇г̇асад̣̇исий жа наасигаа, собхад̇з су абхияоб̣б̣анам̣ бад̇и;

‘‘Saṇhatuṅgasadisī ca nāsikā, sobhate su abhiyobbanaṃ pati;

саа ж̇арааяа убагуулид̇аа вияа, сажжаваад̣̇иважанам̣ анан̃н̃ат̇аа.

Sā jarāya upakūlitā viya, saccavādivacanaṃ anaññathā.

259.

‘‘ган̇ган̣ам̣ва сугад̇ам̣ сунидтид̇ам̣, собхарз су мама ган̣н̣абаал̣ияо;

‘‘Kaṅkaṇaṃva sukataṃ suniṭṭhitaṃ, sobhare su mama kaṇṇapāḷiyo;

д̇аа ж̇арааяа валибхиббаламб̣ид̇аа, сажжаваад̣̇иважанам̣ анан̃н̃ат̇аа.

Tā jarāya valibhippalambitā, saccavādivacanaṃ anaññathā.

260.

‘‘бад̇д̇алиймагулаван̣н̣асаад̣̇исаа , собхарз су д̣̇анд̇аа бурз мама;

‘‘Pattalīmakulavaṇṇasādisā , sobhare su dantā pure mama;

д̇з ж̇арааяа кан̣д̣ид̇аа жаасид̇аа, сажжаваад̣̇иважанам̣ анан̃н̃ат̇аа.

Te jarāya khaṇḍitā cāsitā, saccavādivacanaṃ anaññathā.

261.

‘‘гаананамхи ванасан̣д̣ажаариний, гогилаава мад̇хурам̣ нигууж̇ихам̣;

‘‘Kānanamhi vanasaṇḍacārinī, kokilāva madhuraṃ nikūjihaṃ;

д̇ам̣ ж̇арааяа калид̇ам̣ д̇ахим̣ д̇ахим̣, сажжаваад̣̇иважанам̣ анан̃н̃ат̇аа.

Taṃ jarāya khalitaṃ tahiṃ tahiṃ, saccavādivacanaṃ anaññathā.

262.

‘‘сан̣хагамб̣урива суббамаж̇ж̇ид̇аа, собхад̇з су г̇ийваа бурз мама;

‘‘Saṇhakamburiva suppamajjitā, sobhate su gīvā pure mama;

саа ж̇арааяа бхаг̇г̇аа винаамид̇аа, сажжаваад̣̇иважанам̣ анан̃н̃ат̇аа.

Sā jarāya bhaggā vināmitā, saccavādivacanaṃ anaññathā.

263.

‘‘ваддабалигхасад̣̇исобамаа убхо, собхарз су б̣аахаа бурз мама;

‘‘Vaṭṭapalighasadisopamā ubho, sobhare su bāhā pure mama;

д̇аа ж̇арааяа яат̇аа баадалиб̣б̣алид̇аа, сажжаваад̣̇иважанам̣ анан̃н̃ат̇аа.

Tā jarāya yathā pāṭalibbalitā, saccavādivacanaṃ anaññathā.

264.

‘‘сан̣хамуд̣̇д̣̇игасуван̣н̣аман̣д̣ид̇аа , собхарз су хад̇т̇аа бурз мама;

‘‘Saṇhamuddikasuvaṇṇamaṇḍitā , sobhare su hatthā pure mama;

д̇з ж̇арааяа яат̇аа мууламуулигаа, сажжаваад̣̇иважанам̣ анан̃н̃ат̇аа.

Te jarāya yathā mūlamūlikā, saccavādivacanaṃ anaññathā.

265.

‘‘бийнаваддасахибхуг̇г̇ад̇аа убхо, собхарз су т̇анагаа бурз мама;

‘‘Pīnavaṭṭasahibhuggatā ubho, sobhare su thanakā pure mama;

т̇звигийва ламб̣анд̇и нод̣̇агаа, сажжаваад̣̇иважанам̣ анан̃н̃ат̇аа.

Thevikīva lambanti nodakā, saccavādivacanaṃ anaññathā.

266.

‘‘ган̃жанасса палагам̣ва саммадтам̣, собхад̇з су гааяо бурз мама;

‘‘Kañcanassa phalakaṃva sammaṭṭhaṃ, sobhate su kāyo pure mama;

со валийхи сукумаахи од̇ад̇о, сажжаваад̣̇иважанам̣ анан̃н̃ат̇аа.

So valīhi sukhumāhi otato, saccavādivacanaṃ anaññathā.

267.

‘‘нааг̇абхог̇асад̣̇исобамаа убхо, собхарз су ууруу бурз мама;

‘‘Nāgabhogasadisopamā ubho, sobhare su ūrū pure mama;

д̇з ж̇арааяа яат̇аа взл̣унаал̣ияо, сажжаваад̣̇иважанам̣ анан̃н̃ат̇аа.

Te jarāya yathā veḷunāḷiyo, saccavādivacanaṃ anaññathā.

268.

‘‘сан̣хануубурасуван̣н̣аман̣д̣ид̇аа, собхарз су ж̇ан̇гхаа бурз мама;

‘‘Saṇhanūpurasuvaṇṇamaṇḍitā, sobhare su jaṅghā pure mama;

д̇аа ж̇арааяа д̇илад̣̇ан̣д̣агаарива, сажжаваад̣̇иважанам̣ анан̃н̃ат̇аа.

Tā jarāya tiladaṇḍakāriva, saccavādivacanaṃ anaññathā.

269.

‘‘д̇уулабун̣н̣асад̣̇исобамаа убхо, собхарз су баад̣̇аа бурз мама;

‘‘Tūlapuṇṇasadisopamā ubho, sobhare su pādā pure mama;

д̇з ж̇арааяа пудид̇аа валиймад̇аа, сажжаваад̣̇иважанам̣ анан̃н̃ат̇аа.

Te jarāya phuṭitā valīmatā, saccavādivacanaṃ anaññathā.

270.

‘‘зд̣̇исо аху аяам̣ самуссаяо, ж̇аж̇ж̇аро б̣ахуд̣̇укаанамаалаяо;

‘‘Ediso ahu ayaṃ samussayo, jajjaro bahudukhānamālayo;

собалзбабад̇ид̇о ж̇араагхаро, сажжаваад̣̇иважанам̣ анан̃н̃ат̇аа’’д̇и. –

Sopalepapatito jarāgharo, saccavādivacanaṃ anaññathā’’ti. –

имаа г̇аат̇ааяо абхааси.

Imā gāthāyo abhāsi.

д̇ад̇т̇а гаал̣агаад̇и гаал̣агаван̣н̣аа. бхамараван̣н̣асаад̣̇исаад̇и гаал̣агаа хонд̇ааби бхамарасад̣̇исаван̣н̣аа, синид̣̇д̇ханийлаад̇и ад̇т̇о. взллид̇аг̇г̇аад̇и гун̃жид̇аг̇г̇аа, муулад̇о бадтааяа яаава аг̇г̇аа гун̃жид̇аа взллид̇аад̇и ад̇т̇о. муд̣̇д̇хаж̇аад̇и гзсаа. ж̇арааяаад̇и ж̇араахзд̇у ж̇арааяа убахад̇асобхаа. саан̣аваагасаад̣̇исаад̇и саан̣асад̣̇исаа ваагасад̣̇исаа жа, саан̣аваагасад̣̇исаа жзва магаживаагасад̣̇исаа жаад̇иби ад̇т̇о. сажжаваад̣̇иважанам̣ анан̃н̃ат̇аад̇и сажжаваад̣̇ино авид̇ат̇аваад̣̇ино саммаасамб̣уд̣̇д̇хасса ‘‘саб̣б̣ам̣ руубам̣ анижжам̣ ж̇араабхибхууд̇а’’нд̇иаад̣̇иважанам̣ анан̃н̃ат̇аа яат̇аабхууд̇амзва, на д̇ад̇т̇а вид̇ат̇ам̣ ад̇т̇ийд̇и.

Tattha kāḷakāti kāḷakavaṇṇā. Bhamaravaṇṇasādisāti kāḷakā hontāpi bhamarasadisavaṇṇā, siniddhanīlāti attho. Vellitaggāti kuñcitaggā, mūlato paṭṭhāya yāva aggā kuñcitā vellitāti attho. Muddhajāti kesā. Jarāyāti jarāhetu jarāya upahatasobhā. Sāṇavākasādisāti sāṇasadisā vākasadisā ca, sāṇavākasadisā ceva makacivākasadisā cātipi attho. Saccavādivacanaṃ anaññathāti saccavādino avitathavādino sammāsambuddhassa ‘‘sabbaṃ rūpaṃ aniccaṃ jarābhibhūta’’ntiādivacanaṃ anaññathā yathābhūtameva, na tattha vitathaṃ atthīti.

ваасид̇ова сурабхий гаран̣д̣агод̇и бубпаг̇анд̇хаваасажун̣н̣аад̣̇ийхи ваасид̇о ваасам̣ г̇аахаабид̇о басаад̇ханасамуг̇г̇о вияа суг̇анд̇хи. бубпабуура мама уд̇д̇аман̇г̇аж̇од̇и жамбагасуманамаллигаад̣̇ийхи бубпзхи буурид̇о буб̣б̣з мама гзсагалаабо ниммалод̇и ад̇т̇о. д̇анд̇и уд̇д̇аман̇г̇аж̇ам̣. ат̇а бажчаа зд̇арахи саломаг̇анд̇хигам̣ баагад̇игаломаг̇анд̇хамзва ж̇аад̇ам̣. ат̇а ваа саломаг̇анд̇хиганд̇и мзн̣д̣агаломзхи самаанаг̇анд̇хам̣. ‘‘зл̣агаломаг̇анд̇ха’’нд̇иби вад̣̇анд̇и.

Vāsitova surabhī karaṇḍakoti pupphagandhavāsacuṇṇādīhi vāsito vāsaṃ gāhāpito pasādhanasamuggo viya sugandhi. Pupphapūra mama uttamaṅgajoti campakasumanamallikādīhi pupphehi pūrito pubbe mama kesakalāpo nimmaloti attho. Tanti uttamaṅgajaṃ. Atha pacchā etarahi salomagandhikaṃ pākatikalomagandhameva jātaṃ. Atha vā salomagandhikanti meṇḍakalomehi samānagandhaṃ. ‘‘Eḷakalomagandha’’ntipi vadanti.

гаананам̣ва сахид̇ам̣ суробид̇анд̇и судту робид̇ам̣ сахид̇ам̣ гханасаннивзсам̣ уд̣̇д̇хамзва удтид̇ам̣ уж̇угад̣̇ийгхасаакам̣ убаванам̣ вияа. гожчасууживижид̇аг̇г̇асобхид̇анд̇и буб̣б̣з гожчзна суван̣н̣асуужияаа жа гзсаж̇адаавиж̇аданзна вижид̇аг̇г̇ам̣ худ̇ваа собхид̇ам̣, гханабхаавзна ваа гожчасад̣̇исам̣ худ̇ваа бан̣ад̣̇анд̇асуужийхи вижид̇аг̇г̇ад̇ааяа собхид̇ам̣. д̇анд̇и уд̇д̇аман̇г̇аж̇ам̣. виралам̣ д̇ахим̣ д̇ахинд̇и д̇ад̇т̇а д̇ад̇т̇а виралам̣ вилуунагзсам̣.

Kānanaṃva sahitaṃ suropitanti suṭṭhu ropitaṃ sahitaṃ ghanasannivesaṃ uddhameva uṭṭhitaṃ ujukadīghasākhaṃ upavanaṃ viya. Kocchasūcivicitaggasobhitanti pubbe kocchena suvaṇṇasūciyā ca kesajaṭāvijaṭanena vicitaggaṃ hutvā sobhitaṃ, ghanabhāvena vā kocchasadisaṃ hutvā paṇadantasūcīhi vicitaggatāya sobhitaṃ. Tanti uttamaṅgajaṃ. Viralaṃ tahiṃ tahinti tattha tattha viralaṃ vilūnakesaṃ.

ган̣хаканд̇хагасуван̣н̣аман̣д̣ид̇анд̇и суван̣н̣аваж̇ираад̣̇ийхи вибхуусид̇ам̣ ган̣хагзсабун̃ж̇агам̣. яз бана ‘‘сан̣хаган̣д̣агасуван̣н̣аман̣д̣ид̇а’’нд̇и батанд̇и, д̇зсам̣ сан̣хаахи суван̣н̣асуужийхи ж̇адаавиж̇аданзна ман̣д̣ид̇анд̇и ад̇т̇о. собхад̇з сувзн̣ийхилан̇гад̇анд̇и сунд̣̇арзхи рааж̇аругкамаалаа сад̣̇исзхи гзсавзн̣ийхи алан̇гад̇ам̣ худ̇ваа буб̣б̣з вирааж̇ад̇з. д̇ам̣ ж̇арааяа калид̇ам̣ сирам̣ гад̇анд̇и д̇ам̣ д̇ат̇аа собхид̇ам̣ сирам̣ ид̣̇аани ж̇арааяа калид̇ам̣ кан̣д̣ид̇аакан̣д̣ид̇ам̣ вилуунагзсам̣ гад̇ам̣.

Kaṇhakhandhakasuvaṇṇamaṇḍitanti suvaṇṇavajirādīhi vibhūsitaṃ kaṇhakesapuñjakaṃ. Ye pana ‘‘saṇhakaṇḍakasuvaṇṇamaṇḍita’’nti paṭhanti, tesaṃ saṇhāhi suvaṇṇasūcīhi jaṭāvijaṭanena maṇḍitanti attho. Sobhate suveṇīhilaṅkatanti sundarehi rājarukkhamālā sadisehi kesaveṇīhi alaṅkataṃ hutvā pubbe virājate. Taṃ jarāya khalitaṃ siraṃ katanti taṃ tathā sobhitaṃ siraṃ idāni jarāya khalitaṃ khaṇḍitākhaṇḍitaṃ vilūnakesaṃ kataṃ.

жид̇д̇агаарасугад̇аава лзкигаад̇и жид̇д̇агаарзна сиббинаа нийлааяа ван̣н̣ад̇хаад̇уяаа судту гад̇аа лзкаа вияа собхад̇з. су бхамугаа бурз мамаад̇и сунд̣̇араа бхамугаа буб̣б̣з мама собханам̣ г̇ад̇аа. валибхиббаламб̣ид̇аад̇и налааданд̇з уббаннаахи валийхи баламб̣анд̇аа тид̇аа.

Cittakārasukatāva lekhikāti cittakārena sippinā nīlāya vaṇṇadhātuyā suṭṭhu katā lekhā viya sobhate. Su bhamukā pure mamāti sundarā bhamukā pubbe mama sobhanaṃ gatā. Valibhippalambitāti nalāṭante uppannāhi valīhi palambantā ṭhitā.

бхассараад̇и бхаасураа. суружираад̇и судту ружираа. яат̇аа ман̣ийд̇и ман̣имуд̣̇д̣̇игаа вияа. нзд̇д̇ахзсунд̇и сунзд̇д̇аа ахзсум̣. абхинийламааяад̇аад̇и абхинийлаа худ̇ваа ааяад̇аа. д̇зд̇и нзд̇д̇аа. ж̇арааяабхихад̇аад̇и ж̇арааяа абхихад̇аа.

Bhassarāti bhāsurā. Surucirāti suṭṭhu rucirā. Yathā maṇīti maṇimuddikā viya. Nettahesunti sunettā ahesuṃ. Abhinīlamāyatāti abhinīlā hutvā āyatā. Teti nettā. Jarāyabhihatāti jarāya abhihatā.

сан̣хад̇ун̇г̇асад̣̇исий жаад̇и сан̣хаа д̇ун̇г̇аа сзсамукааваяаваанам̣ ануруубаа жа. собхад̇зд̇и ваддзд̇ваа табид̇ахарид̇аалавадди вияа мама наасигаа собхад̇з. су абхияоб̣б̣анам̣ бад̇ийд̇и сунд̣̇арз абхинаваяоб̣б̣анагаалз саа наасигаа ид̣̇аани ж̇арааяа ниваарид̇асобхад̇ааяа барисзд̣̇ид̇аа вияа варад̇д̇аа вияа жа ж̇аад̇аа.

Saṇhatuṅgasadisīcāti saṇhā tuṅgā sesamukhāvayavānaṃ anurūpā ca. Sobhateti vaṭṭetvā ṭhapitaharitālavaṭṭi viya mama nāsikā sobhate. Su abhiyobbanaṃ patīti sundare abhinavayobbanakāle sā nāsikā idāni jarāya nivāritasobhatāya pariseditā viya varattā viya ca jātā.

ган̇ган̣ам̣ва сугад̇ам̣ сунидтид̇анд̇и субаригаммагад̇ам̣ суван̣н̣аган̇ган̣ам̣ вияа ваддулабхаавам̣ санд̇хааяа вад̣̇ад̇и. собхарзд̇и собханд̇з. ‘‘собханд̇з’’д̇и ваа баато. суид̇и нибаад̇амад̇д̇ам̣. ган̣н̣абаал̣ияод̇и ган̣н̣аг̇анд̇хаа. валибхиббаламб̣ид̇аад̇и д̇ахим̣ д̇ахим̣ уббаннавалийхи валид̇аа худ̇ваа вадданияаа бан̣аамид̇авад̇т̇аканд̇хаа вияа бхассанд̇аа оламб̣анд̇и.

Kaṅkaṇaṃvasukataṃ suniṭṭhitanti suparikammakataṃ suvaṇṇakaṅkaṇaṃ viya vaṭṭulabhāvaṃ sandhāya vadati. Sobhareti sobhante. ‘‘Sobhante’’ti vā pāṭho. Suiti nipātamattaṃ. Kaṇṇapāḷiyoti kaṇṇagandhā. Valibhippalambitāti tahiṃ tahiṃ uppannavalīhi valitā hutvā vaṭṭaniyā paṇāmitavatthakhandhā viya bhassantā olambanti.

бад̇д̇алиймагулаван̣н̣асаад̣̇исаад̇и гад̣̇алимагуласад̣̇исаван̣н̣асан̣таанаа. кан̣д̣ид̇аад̇и бхзд̣̇анабад̇анзхи кан̣д̣ид̇аа кан̣д̣абхаавам̣ г̇ад̇аа. асид̇аад̇и ван̣н̣абхзд̣̇зна асид̇абхаавам̣ г̇ад̇аа.

Pattalīmakulavaṇṇasādisāti kadalimakulasadisavaṇṇasaṇṭhānā. Khaṇḍitāti bhedanapatanehi khaṇḍitā khaṇḍabhāvaṃ gatā. Asitāti vaṇṇabhedena asitabhāvaṃ gatā.

гаананамхи ванасан̣д̣ажаариний, гогилаава мад̇хурам̣ нигууж̇иханд̇и ванасан̣д̣з г̇ожаражаран̣зна ванасан̣д̣ажаариний гаананз анусам̣г̇ийд̇аниваасиний гогилаа вияа мад̇хураалаабам̣ нигууж̇ихам̣. д̇анд̇и нигууж̇ид̇ам̣ аалаабам̣. калид̇ам̣ д̇ахим̣ д̇ахинд̇и кан̣д̣ад̣̇анд̇аад̣̇ибхаавзна д̇ад̇т̇а д̇ад̇т̇а багкалид̇ам̣ ж̇аад̇ам̣.

Kānanamhi vanasaṇḍacārinī, kokilāva madhuraṃ nikūjihanti vanasaṇḍe gocaracaraṇena vanasaṇḍacārinī kānane anusaṃgītanivāsinī kokilā viya madhurālāpaṃ nikūjihaṃ. Tanti nikūjitaṃ ālāpaṃ. Khalitaṃ tahiṃ tahinti khaṇḍadantādibhāvena tattha tattha pakkhalitaṃ jātaṃ.

сан̣хагамб̣урива суббамаж̇ж̇ид̇аад̇и судту бамаж̇ж̇ид̇аа сан̣хаа суван̣н̣асан̇каа вияа. бхаг̇г̇аа винаамид̇аад̇и мам̣сабаригкаязна вибхууд̇асирааж̇аалад̇ааяа бхаг̇г̇аа худ̇ваа винад̇аа.

Saṇhakamburiva suppamajjitāti suṭṭhu pamajjitā saṇhā suvaṇṇasaṅkhā viya. Bhaggā vināmitāti maṃsaparikkhayena vibhūtasirājālatāya bhaggā hutvā vinatā.

ваддабалигхасад̣̇исобамаад̇и ваддзна балигхад̣̇ан̣д̣зна самасамаа. д̇аад̇и д̇аа убхоби б̣аахааяо. яат̇аа баадалиб̣б̣алид̇аад̇и ж̇аж̇ж̇арабхаавзна балид̇абаадалисаакаасад̣̇исаа.

Vaṭṭapalighasadisopamāti vaṭṭena palighadaṇḍena samasamā. Tāti tā ubhopi bāhāyo. Yathā pāṭalibbalitāti jajjarabhāvena palitapāṭalisākhāsadisā.

сан̣хамуд̣̇д̣̇игасуван̣н̣аман̣д̣ид̇аад̇и суван̣н̣амаяаахи мадтабхаасураахи муд̣̇д̣̇игаахи вибхуусид̇аа. яат̇аа мууламуулигаад̇и муулагаган̣д̣асад̣̇исаа.

Saṇhamuddikasuvaṇṇamaṇḍitāti suvaṇṇamayāhi maṭṭhabhāsurāhi muddikāhi vibhūsitā. Yathā mūlamūlikāti mūlakakaṇḍasadisā.

бийнаваддасахид̇уг̇г̇ад̇аад̇и бийнаа ваддаа ан̃н̃аман̃н̃ам̣ сахид̇аава худ̇ваа уг̇г̇ад̇аа уд̣̇д̇хамукаа. собхад̇з су т̇анагаа бурз мамаад̇и мама убхоби т̇анаа яат̇аавуд̇д̇аруубаа худ̇ваа суван̣н̣агаласияо вияа собхим̣су. бут̇уд̇д̇з хи ид̣̇ам̣ згаважанам̣, ад̇ийд̇ад̇т̇з жа вад̇д̇амаанаважанам̣. т̇звигийва ламб̣анд̇и нод̣̇агаад̇и д̇з убхоби мз т̇анаа нод̣̇агаа г̇алид̇аж̇алаа взн̣уд̣̇ан̣д̣агз табид̇ауд̣̇агабхасмаа вияа ламб̣анд̇и.

Pīnavaṭṭasahituggatāti pīnā vaṭṭā aññamaññaṃ sahitāva hutvā uggatā uddhamukhā. Sobhate su thanakā pure mamāti mama ubhopi thanā yathāvuttarūpā hutvā suvaṇṇakalasiyo viya sobhiṃsu. Puthutte hi idaṃ ekavacanaṃ, atītatthe ca vattamānavacanaṃ. Thevikīva lambanti nodakāti te ubhopi me thanā nodakā galitajalā veṇudaṇḍake ṭhapitaudakabhasmā viya lambanti.

ган̃жанапалагам̣ва саммадтанд̇и ж̇аад̇ихин̇г̇улагзна магкид̇ваа жирабаримаж̇ж̇ид̇асован̣н̣апалагам̣ вияа собхад̇з. со валийхи сукумаахи од̇ад̇од̇и со мама гааяо ид̣̇аани сукумаахи валийхи д̇ахим̣ д̇ахим̣ вид̇ад̇о валид̇д̇ажад̇ам̣ аабанно.

Kañcanaphalakaṃvasammaṭṭhanti jātihiṅgulakena makkhitvā ciraparimajjitasovaṇṇaphalakaṃ viya sobhate. So valīhi sukhumāhi otatoti so mama kāyo idāni sukhumāhi valīhi tahiṃ tahiṃ vitato valittacataṃ āpanno.

нааг̇абхог̇асад̣̇исобамаад̇и хад̇т̇инааг̇асса хад̇т̇зна самасамаа. хад̇т̇о хи ид̇ха бхун̃ж̇ад̇и зд̇знаад̇и бхог̇од̇и вуд̇д̇о. д̇зд̇и ууруяо. яат̇аа взл̣унаал̣ияод̇и ид̣̇аани взл̣убаб̣б̣асад̣̇исаа ахзсум̣.

Nāgabhogasadisopamāti hatthināgassa hatthena samasamā. Hattho hi idha bhuñjati etenāti bhogoti vutto. Teti ūruyo. Yathā veḷunāḷiyoti idāni veḷupabbasadisā ahesuṃ.

сан̣хануубурасуван̣н̣аман̣д̣ид̇аад̇и синид̣̇д̇хамадтзхи суван̣н̣ануубурзхи вибхуусид̇аа. ж̇ан̇гхаад̇и адтиж̇ан̇гхааяо. д̇аад̇и д̇аа ж̇ан̇гхааяо. д̇илад̣̇ан̣д̣агаариваад̇и аббамам̣салохид̇ад̇д̇аа гисабхаавзна луунаавасидтависугкад̇илад̣̇ан̣д̣агаа вияа ахзсум̣. ра-гааро бад̣̇асанд̇хигаро.

Saṇhanūpurasuvaṇṇamaṇḍitāti siniddhamaṭṭhehi suvaṇṇanūpurehi vibhūsitā. Jaṅghāti aṭṭhijaṅghāyo. Tāti tā jaṅghāyo. Tiladaṇḍakārivāti appamaṃsalohitattā kisabhāvena lūnāvasiṭṭhavisukkhatiladaṇḍakā viya ahesuṃ. Ra-kāro padasandhikaro.

д̇уулабун̣н̣асад̣̇исобамаад̇и муд̣̇усинид̣̇д̇хабхаавзна симб̣алид̇уулабун̣н̣абалиг̇ун̣тид̇аубааханасад̣̇исаа. д̇з мама баад̣̇аа ид̣̇аани пудид̇аа палид̇аа, валиймад̇аа валиманд̇о ж̇аад̇аа.

Tūlapuṇṇasadisopamāti mudusiniddhabhāvena simbalitūlapuṇṇapaliguṇṭhitaupāhanasadisā. Te mama pādā idāni phuṭitā phalitā, valīmatā valimanto jātā.

зд̣̇исод̇и зваруубо. аху ахоси яат̇аавуд̇д̇аббагааро. аяам̣ самуссаяод̇и аяам̣ мама гааяо. ж̇аж̇ж̇арод̇и сит̇илааб̣анд̇хо . б̣ахуд̣̇укаанамаалаяод̇и ж̇араад̣̇ихзд̇угаанам̣ б̣ахуунам̣ д̣̇угкаанам̣ аалаяабхууд̇о. собалзбабад̇ид̇од̇и со аяам̣ самуссаяо абалзбабад̇ид̇о абхисан̇каараалзбабаригкаязна бад̇ид̇о баад̇аабхимукод̇и ад̇т̇о. соби алзбабад̇ид̇од̇и ваа бад̣̇авибхааг̇о, со звад̇т̇о. ж̇араагхарод̇и ж̇ин̣н̣агхарасад̣̇исо. ж̇арааяа ваа гхарабхууд̇о ахоси. д̇асмаа сажжаваад̣̇ино д̇хаммаанам̣ яат̇аабхууд̇ам̣ сабхаавам̣ саммад̣̇зва н̃ад̇ваа гат̇анад̇о авид̇ат̇аваад̣̇ино саммаасамб̣уд̣̇д̇хасса мама сад̇т̇уважанам̣ анан̃н̃ат̇аа.

Edisoti evarūpo. Ahu ahosi yathāvuttappakāro. Ayaṃ samussayoti ayaṃ mama kāyo. Jajjaroti sithilābandho . Bahudukhānamālayoti jarādihetukānaṃ bahūnaṃ dukkhānaṃ ālayabhūto. Sopalepapatitoti so ayaṃ samussayo apalepapatito abhisaṅkhārālepaparikkhayena patito pātābhimukhoti attho. Sopi alepapatitoti vā padavibhāgo, so evattho. Jarāgharoti jiṇṇagharasadiso. Jarāya vā gharabhūto ahosi. Tasmā saccavādino dhammānaṃ yathābhūtaṃ sabhāvaṃ sammadeva ñatvā kathanato avitathavādino sammāsambuddhassa mama satthuvacanaṃ anaññathā.

звам̣ аяам̣ т̇зрий ад̇д̇ано ад̇д̇абхаавз анижжад̇ааяа саллагкан̣амукзна саб̣б̣зсуби д̇збхуумагад̇хаммзсу анижжад̇ам̣ убад̇хаарзд̇ваа д̇ад̣̇анусаарзна д̇ад̇т̇а д̣̇угкалагкан̣ам̣ анад̇д̇алагкан̣ан̃жа ааробзд̇ваа вибассанам̣ уссуггаабзнд̇ий маг̇г̇абадибаадияаа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.4.204-219) –

Evaṃ ayaṃ therī attano attabhāve aniccatāya sallakkhaṇamukhena sabbesupi tebhūmakadhammesu aniccataṃ upadhāretvā tadanusārena tattha dukkhalakkhaṇaṃ anattalakkhaṇañca āropetvā vipassanaṃ ussukkāpentī maggapaṭipāṭiyā arahattaṃ pāpuṇi. Tena vuttaṃ apadāne (apa. therī 2.4.204-219) –

‘‘яо рам̣сипусид̇аавзл̣о, пуссо наама махаамуни;

‘‘Yo raṃsiphusitāveḷo, phusso nāma mahāmuni;

д̇ассаахам̣ бхаг̇иний аасим̣, аж̇ааяим̣ кад̇д̇ияз гулз.

Tassāhaṃ bhaginī āsiṃ, ajāyiṃ khattiye kule.

‘‘д̇асса д̇хаммам̣ сун̣ид̇ваахам̣, виббасаннзна жзд̇асаа;

‘‘Tassa dhammaṃ suṇitvāhaṃ, vippasannena cetasā;

махаад̣̇аанам̣ д̣̇ад̣̇ид̇ваана, бад̇т̇аяим̣ руубасамбад̣̇ам̣.

Mahādānaṃ daditvāna, patthayiṃ rūpasampadaṃ.

‘‘згад̇им̣сз ид̇о габбз, сикий логаг̇г̇анааяаго;

‘‘Ekatiṃse ito kappe, sikhī lokagganāyako;

уббанно логабаж̇ж̇од̇о, д̇илогасаран̣о ж̇ино.

Uppanno lokapajjoto, tilokasaraṇo jino.

‘‘д̇ад̣̇аарун̣абурз раммз, б̣рахман̃н̃агуласамбхаваа;

‘‘Tadāruṇapure ramme, brahmaññakulasambhavā;

вимуд̇д̇ажид̇д̇ам̣ губид̇аа, бхигкуним̣ абхисаабаяим̣.

Vimuttacittaṃ kupitā, bhikkhuniṃ abhisāpayiṃ.

‘‘взсигаава анаажаараа, ж̇инасаасанад̣̇уусигаа;

‘‘Vesikāva anācārā, jinasāsanadūsikā;

звам̣ аггосаяид̇ваана, д̇зна баабзна гаммунаа.

Evaṃ akkosayitvāna, tena pāpena kammunā.

‘‘д̣̇аарун̣ам̣ нираяам̣ г̇анд̇ваа, махаад̣̇угкасамаббид̇аа;

‘‘Dāruṇaṃ nirayaṃ gantvā, mahādukkhasamappitā;

д̇ад̇о жуд̇аа мануссзсу, убабаннаа д̇абассиний.

Tato cutā manussesu, upapannā tapassinī.

‘‘д̣̇асаж̇аад̇исахассаани, г̇ан̣игад̇д̇амагаараяим̣;

‘‘Dasajātisahassāni, gaṇikattamakārayiṃ;

д̇амхаа баабаа на мужжиссам̣, бхуд̇ваа д̣̇удтависам̣ яат̇аа.

Tamhā pāpā na muccissaṃ, bhutvā duṭṭhavisaṃ yathā.

‘‘б̣рахмажарияамасзвиссам̣, гассабз ж̇инасаасанз;

‘‘Brahmacariyamasevissaṃ, kassape jinasāsane;

д̇зна гаммавибаагзна, аж̇ааяим̣ д̇ид̣̇асз бурз.

Tena kammavipākena, ajāyiṃ tidase pure.

‘‘бажчимз бхавз самбад̇д̇з, ахосим̣ обабаад̇игаа;

‘‘Pacchime bhave sampatte, ahosiṃ opapātikā;

амб̣асааканд̇арз ж̇аад̇аа, амб̣абаалийд̇и д̇знахам̣.

Ambasākhantare jātā, ambapālīti tenahaṃ.

‘‘баривуд̇аа баан̣агодийхи, баб̣б̣аж̇им̣ ж̇инасаасанз;

‘‘Parivutā pāṇakoṭīhi, pabbajiṃ jinasāsane;

бад̇д̇аахам̣ ажалам̣ таанам̣, д̇хийд̇аа б̣уд̣̇д̇хасса орасаа.

Pattāhaṃ acalaṃ ṭhānaṃ, dhītā buddhassa orasā.

‘‘ид̣̇д̇хийсу жа васий хоми, сод̇ад̇хаад̇увисуд̣̇д̇хияаа;

‘‘Iddhīsu ca vasī homi, sotadhātuvisuddhiyā;

жзд̇обарияан̃аан̣асса, васий хоми махаамуни.

Cetopariyañāṇassa, vasī homi mahāmuni.

‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;

‘‘Pubbenivāsaṃ jānāmi, dibbacakkhu visodhitaṃ;

саб̣б̣аасавабаригкийн̣аа, над̇т̇и д̣̇аани бунаб̣бхаво.

Sabbāsavaparikkhīṇā, natthi dāni punabbhavo.

‘‘ад̇т̇ад̇хамманируд̇д̇ийсу, бадибхаанз д̇ат̇зва жа;

‘‘Atthadhammaniruttīsu, paṭibhāne tatheva ca;

н̃аан̣ам̣ мз вималам̣ суд̣̇д̇хам̣, б̣уд̣̇д̇хасздтасса ваахасаа.

Ñāṇaṃ me vimalaṃ suddhaṃ, buddhaseṭṭhassa vāhasā.

‘‘гилзсаа жхаабид̇аа маяхам̣, бхаваа саб̣б̣з самуухад̇аа;

‘‘Kilesā jhāpitā mayhaṃ, bhavā sabbe samūhatā;

нааг̇ийва б̣анд̇ханам̣ чзд̇ваа, вихараами анаасаваа.

Nāgīva bandhanaṃ chetvā, viharāmi anāsavā.

‘‘свааг̇ад̇ам̣ вад̇а мз ааси, б̣уд̣̇д̇хасздтасса санд̇игз;

‘‘Svāgataṃ vata me āsi, buddhaseṭṭhassa santike;

д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.

Tisso vijjā anuppattā, kataṃ buddhassa sāsanaṃ.

‘‘бадисамбхид̣̇аа жад̇ассо, вимогкааби жа адтимз;

‘‘Paṭisambhidā catasso, vimokkhāpi ca aṭṭhime;

чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и.

Chaḷabhiññā sacchikatā, kataṃ buddhassa sāsana’’nti.

арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна д̇аа зва г̇аат̇аа бажжуд̣̇аахаасийд̇и.

Arahattaṃ pana patvā attano paṭipattiṃ paccavekkhitvā udānavasena tā eva gāthā paccudāhāsīti.

амб̣абаалийт̇зрийг̇аат̇ааван̣н̣анаа нидтид̇аа.

Ambapālītherīgāthāvaṇṇanā niṭṭhitā.

Next: 2. рохинийт̇зрийг̇аат̇ааван̣н̣анаа • 2. Rohinītherīgāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. амб̣абаалийт̇зрийг̇аат̇аа • 1. Ambapālītherīgāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact