| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. амб̣абааливанасуд̇д̇ам̣
9. Ambapālivanasuttaṃ
907. згам̣ самаяам̣ ааяасмаа жа ануруд̣̇д̇хо ааяасмаа жа саарибуд̇д̇о взсаалияам̣ вихаранд̇и амб̣абааливанз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о…бз… згаманд̇ам̣ нисинно ко ааяасмаа саарибуд̇д̇о ааяасманд̇ам̣ ануруд̣̇д̇хам̣ зд̇ад̣̇авожа –
907. Ekaṃ samayaṃ āyasmā ca anuruddho āyasmā ca sāriputto vesāliyaṃ viharanti ambapālivane. Atha kho āyasmā sāriputto sāyanhasamayaṃ paṭisallānā vuṭṭhito…pe… ekamantaṃ nisinno kho āyasmā sāriputto āyasmantaṃ anuruddhaṃ etadavoca –
‘‘виббасаннаани ко д̇з, аавусо ануруд̣̇д̇ха, инд̣̇рияаани, барисуд̣̇д̇хо мукаван̣н̣о барияод̣̇аад̇о. гад̇амзнааяасмаа ануруд̣̇д̇хо вихаарзна зд̇арахи б̣ахулам̣ вихарад̇ий’’д̇и? ‘‘жад̇уусу кваахам̣, аавусо, сад̇ибадтаанзсу суббад̇идтид̇ажид̇д̇о зд̇арахи б̣ахулам̣ вихараами. гад̇амзсу жад̇уусу? ид̇хаахам̣, аавусо, гааяз гааяаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ – имзсу кваахам̣, аавусо, жад̇уусу сад̇ибадтаанзсу суббад̇идтид̇ажид̇д̇о зд̇арахи б̣ахулам̣ вихараами. яо со, аавусо, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, со имзсу жад̇уусу сад̇ибадтаанзсу суббад̇идтид̇ажид̇д̇о б̣ахулам̣ вихарад̇ий’’д̇и.
‘‘Vippasannāni kho te, āvuso anuruddha, indriyāni, parisuddho mukhavaṇṇo pariyodāto. Katamenāyasmā anuruddho vihārena etarahi bahulaṃ viharatī’’ti? ‘‘Catūsu khvāhaṃ, āvuso, satipaṭṭhānesu suppatiṭṭhitacitto etarahi bahulaṃ viharāmi. Katamesu catūsu? Idhāhaṃ, āvuso, kāye kāyānupassī viharāmi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ – imesu khvāhaṃ, āvuso, catūsu satipaṭṭhānesu suppatiṭṭhitacitto etarahi bahulaṃ viharāmi. Yo so, āvuso, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, so imesu catūsu satipaṭṭhānesu suppatiṭṭhitacitto bahulaṃ viharatī’’ti.
‘‘лаабхаа вад̇а но, аавусо, сулад̣̇д̇хам̣ вад̇а но, аавусо! яз маяам̣ ааяасмад̇о ануруд̣̇д̇хасса саммукаава ассумха аасабхим̣ ваажам̣ бхаасамаанассаа’’д̇и. навамам̣.
‘‘Lābhā vata no, āvuso, suladdhaṃ vata no, āvuso! Ye mayaṃ āyasmato anuruddhassa sammukhāva assumha āsabhiṃ vācaṃ bhāsamānassā’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. амб̣абааливанасуд̇д̇аван̣н̣анаа • 9. Ambapālivanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. амб̣абааливанасуд̇д̇аван̣н̣анаа • 9. Ambapālivanasuttavaṇṇanā
