| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[65] 5. анабхирад̇иж̇аад̇агаван̣н̣анаа
[65] 5. Anabhiratijātakavaṇṇanā
яат̇аа над̣̇ий жа бант̇о жаад̇и ид̣̇ам̣ сад̇т̇аа ж̇зд̇аванз вихаранд̇о д̇ат̇ааруубам̣язва убаасагам̣ аараб̣бха гат̇зси. со бана бариг̇г̇ан̣ханд̇о д̇ассаа д̣̇уссийлабхаавам̣ н̃ад̇ваа бхан̣д̣ид̇о жид̇д̇аб̣яаагулад̇ааяа сад̇д̇адта д̣̇ивасз убадтаанам̣ нааг̇амааси. со згад̣̇ивасам̣ вихаарам̣ г̇анд̇ваа д̇ат̇ааг̇ад̇ам̣ ванд̣̇ид̇ваа нисинно ‘‘гасмаа сад̇д̇адта д̣̇ивасаани нааг̇ад̇осий’’д̇и вуд̇д̇з ‘‘бхарияаа мз, бханд̇з, д̣̇уссийлаа, д̇ассаа убари б̣яаагулажид̇д̇ад̇ааяа нааг̇ад̇омхий’’д̇и ааха. сад̇т̇аа ‘‘убаасага, ид̇т̇ийсу ‘анаажаараа зд̇аа’д̇и гобам̣ агад̇ваа маж̇жхад̇д̇знзва бхавид̇ум̣ ваддад̇ийд̇и буб̣б̣зби д̇з бан̣д̣ид̇аа гат̇аяим̣су, д̇вам̣ бана бхаванд̇арзна бадижчаннад̇д̇аа д̇ам̣ гааран̣ам̣ на саллагкзсий’’д̇и вад̇ваа д̇зна яаажид̇о ад̇ийд̇ам̣ аахари.
Yathā nadī ca pantho cāti idaṃ satthā jetavane viharanto tathārūpaṃyeva upāsakaṃ ārabbha kathesi. So pana pariggaṇhanto tassā dussīlabhāvaṃ ñatvā bhaṇḍito cittabyākulatāya sattaṭṭha divase upaṭṭhānaṃ nāgamāsi. So ekadivasaṃ vihāraṃ gantvā tathāgataṃ vanditvā nisinno ‘‘kasmā sattaṭṭha divasāni nāgatosī’’ti vutte ‘‘bhariyā me, bhante, dussīlā, tassā upari byākulacittatāya nāgatomhī’’ti āha. Satthā ‘‘upāsaka, itthīsu ‘anācārā etā’ti kopaṃ akatvā majjhatteneva bhavituṃ vaṭṭatīti pubbepi te paṇḍitā kathayiṃsu, tvaṃ pana bhavantarena paṭicchannattā taṃ kāraṇaṃ na sallakkhesī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о буриманаязнзва д̣̇исаабаамогко аажарияо ахоси. ат̇асса анд̇зваасиго бхарияааяа д̣̇осам̣ д̣̇исваа б̣яаагулажид̇д̇ад̇ааяа гад̇ибаахам̣ анааг̇анд̇ваа згад̣̇ивасам̣ аажариязна бужчид̇о д̇ам̣ гааран̣ам̣ нивзд̣̇зси. ат̇асса аажарияо ‘‘д̇аад̇а, ид̇т̇ияо наама саб̣б̣асаад̇хааран̣аа , д̇аасу ‘д̣̇уссийлаа зд̇аа’д̇и бан̣д̣ид̇аа гобам̣ на гаронд̇ий’’д̇и вад̇ваа оваад̣̇авасзна имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto purimanayeneva disāpāmokkho ācariyo ahosi. Athassa antevāsiko bhariyāya dosaṃ disvā byākulacittatāya katipāhaṃ anāgantvā ekadivasaṃ ācariyena pucchito taṃ kāraṇaṃ nivedesi. Athassa ācariyo ‘‘tāta, itthiyo nāma sabbasādhāraṇā , tāsu ‘dussīlā etā’ti paṇḍitā kopaṃ na karontī’’ti vatvā ovādavasena imaṃ gāthamāha –
65.
65.
‘‘яат̇аа над̣̇ий жа банд̇о жа, баанааг̇аарам̣ сабхаа бабаа;
‘‘Yathā nadī ca panto ca, pānāgāraṃ sabhā papā;
звам̣ логид̇т̇ияо наама, наасам̣ гуж̇жханд̇и бан̣д̣ид̇аа’’д̇и.
Evaṃ lokitthiyo nāma, nāsaṃ kujjhanti paṇḍitā’’ti.
д̇ад̇т̇а яат̇аа над̣̇ийд̇и яат̇аа анзгад̇ид̇т̇аа над̣̇ий нхаанад̇т̇ааяа самбад̇д̇асамбад̇д̇аанам̣ жан̣д̣аалаад̣̇ийнамби кад̇д̇ияаад̣̇ийнамби саад̇хааран̣аа, на д̇ад̇т̇а гожи нхааяид̇ум̣ на лабхад̇и наама. ‘‘бант̇о’’д̇иаад̣̇ийсуби яат̇аа махаамаг̇г̇оби саб̣б̣зсам̣ саад̇хааран̣о , на гожи д̇зна г̇анд̇ум̣ на лабхад̇и. баанааг̇аарамби сурааг̇зхам̣ саб̣б̣зсам̣ саад̇хааран̣ам̣, яо яо баад̇угаамо, саб̣б̣о д̇ад̇т̇а бависад̇зва. бун̃н̃ад̇т̇игзхи д̇ад̇т̇а д̇ад̇т̇а мануссаанам̣ ниваасад̇т̇ааяа гад̇аа сабхааби саад̇хааран̣аа, на д̇ад̇т̇а гожи бависид̇ум̣ на лабхад̇и. махаамаг̇г̇з баанийяажаадияо табзд̇ваа гад̇аа бабааби саб̣б̣зсам̣ саад̇хааран̣аа, на д̇ад̇т̇а гожи баанийяам̣ бивид̇ум̣ на лабхад̇и. звам̣ логид̇т̇ияо наамаад̇и звамзва д̇аад̇а маан̣ава имасмим̣ логз ид̇т̇ияоби саб̣б̣асаад̇хааран̣аава, д̇знзва жа саад̇хааран̣адтзна над̣̇ийбант̇абаанааг̇аарасабхаабабаасад̣̇исаа. д̇асмаа наасам̣ гуж̇жханд̇и бан̣д̣ид̇аа, зд̇аасам̣ ид̇т̇ийнам̣ ‘‘лаамигаа зд̇аа анаажаараа д̣̇уссийлаа саб̣б̣асаад̇хааран̣аа’’д̇и жинд̇зд̇ваа бан̣д̣ид̇аа чзгаа б̣уд̣̇д̇хисамбаннаа на гуж̇жханд̇ийд̇и.
Tattha yathā nadīti yathā anekatitthā nadī nhānatthāya sampattasampattānaṃ caṇḍālādīnampi khattiyādīnampi sādhāraṇā, na tattha koci nhāyituṃ na labhati nāma. ‘‘Pantho’’tiādīsupi yathā mahāmaggopi sabbesaṃ sādhāraṇo , na koci tena gantuṃ na labhati. Pānāgārampi surāgehaṃ sabbesaṃ sādhāraṇaṃ, yo yo pātukāmo, sabbo tattha pavisateva. Puññatthikehi tattha tattha manussānaṃ nivāsatthāya katā sabhāpi sādhāraṇā, na tattha koci pavisituṃ na labhati. Mahāmagge pānīyacāṭiyo ṭhapetvā katā papāpi sabbesaṃ sādhāraṇā, na tattha koci pānīyaṃ pivituṃ na labhati. Evaṃ lokitthiyo nāmāti evameva tāta māṇava imasmiṃ loke itthiyopi sabbasādhāraṇāva, teneva ca sādhāraṇaṭṭhena nadīpanthapānāgārasabhāpapāsadisā. Tasmā nāsaṃ kujjhanti paṇḍitā, etāsaṃ itthīnaṃ ‘‘lāmikā etā anācārā dussīlā sabbasādhāraṇā’’ti cintetvā paṇḍitā chekā buddhisampannā na kujjhantīti.
звам̣ б̣од̇хисад̇д̇о анд̇зваасигасса оваад̣̇ам̣ ад̣̇ааси, со д̇ам̣ оваад̣̇ам̣ суд̇ваа маж̇жхад̇д̇о ахоси. бхарияаабисса ‘‘аажариязна гирамхи н̃аад̇аа’’д̇и д̇ад̇о бадтааяа баабагаммам̣ на агааси. д̇ассаби убаасагасса бхарияаа ‘‘сад̇т̇аараа гирамхи н̃аад̇аа’’д̇и д̇ад̇о бадтааяа баабагаммам̣ на агааси.
Evaṃ bodhisatto antevāsikassa ovādaṃ adāsi, so taṃ ovādaṃ sutvā majjhatto ahosi. Bhariyāpissa ‘‘ācariyena kiramhi ñātā’’ti tato paṭṭhāya pāpakammaṃ na akāsi. Tassapi upāsakassa bhariyā ‘‘satthārā kiramhi ñātā’’ti tato paṭṭhāya pāpakammaṃ na akāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз убаасаго сод̇аабад̇д̇ипалз бад̇идтахи. сад̇т̇ааби анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа ж̇аяамбад̇игаава зд̇арахи ж̇аяамбад̇игаа, аажарияаб̣раахман̣о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsesi, saccapariyosāne upāsako sotāpattiphale patiṭṭhahi. Satthāpi anusandhiṃ ghaṭetvā jātakaṃ samodhānesi – ‘‘tadā jayampatikāva etarahi jayampatikā, ācariyabrāhmaṇo pana ahameva ahosi’’nti.
анабхирад̇иж̇аад̇агаван̣н̣анаа бан̃жамаа.
Anabhiratijātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 65. анабхирад̇иж̇аад̇агам̣ • 65. Anabhiratijātakaṃ
