| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૭. દેવતાવગ્ગો
7. Devatāvaggo
૧. અનાગામિફલસુત્તં
1. Anāgāmiphalasuttaṃ
૬૫. ‘‘છ , ભિક્ખવે, ધમ્મે અપ્પહાય અભબ્બો અનાગામિફલં સચ્છિકાતું. કતમે છ? અસ્સદ્ધિયં, અહિરિકં, અનોત્તપ્પં, કોસજ્જં, મુટ્ઠસ્સચ્ચં, દુપ્પઞ્ઞતં – ઇમે ખો, ભિક્ખવે, છ ધમ્મે અપ્પહાય અભબ્બો અનાગામિફલં સચ્છિકાતું.
65. ‘‘Cha , bhikkhave, dhamme appahāya abhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme appahāya abhabbo anāgāmiphalaṃ sacchikātuṃ.
‘‘છ, ભિક્ખવે, ધમ્મે પહાય ભબ્બો અનાગામિફલં સચ્છિકાતું. કતમે છ? અસ્સદ્ધિયં, અહિરિકં, અનોત્તપ્પં, કોસજ્જં, મુટ્ઠસ્સચ્ચં, દુપ્પઞ્ઞતં – ઇમે ખો, ભિક્ખવે, છ ધમ્મે પહાય ભબ્બો અનાગામિફલં સચ્છિકાતુ’’ન્તિ. પઠમં.
‘‘Cha, bhikkhave, dhamme pahāya bhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme pahāya bhabbo anāgāmiphalaṃ sacchikātu’’nti. Paṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧-૩. અનાગામિફલસુત્તાદિવણ્ણના • 1-3. Anāgāmiphalasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૩. અનાગામિફલસુત્તાદિવણ્ણના • 1-3. Anāgāmiphalasuttādivaṇṇanā
