| Library / Tipiṭaka / તિપિટક • Tipiṭaka / મજ્ઝિમનિકાય (ટીકા) • Majjhimanikāya (ṭīkā) |
૨. આનન્દભદ્દેકરત્તસુત્તવણ્ણના
2. Ānandabhaddekarattasuttavaṇṇanā
૨૭૬. બહિદ્ધા પુથુત્તારમ્મણતો નિવત્તેત્વા એકસ્મિંયેવ આરમ્મણે ચિત્તસ્સ સમ્મદેવ લયનં અપ્પનં પટિસલ્લાનં, યો કોચિ સમાપત્તિવિહારો, ઇધ પન અરિયવિહારો અધિપ્પેતોતિ આહ – ‘‘પટિસલ્લાના વુટ્ઠિતો’’તિઆદિ. જાનન્તોવ ભગવા કથાસમુટ્ઠાપનત્થં પુચ્છિ. વુત્તઞ્હેતં – ‘‘જાનન્તાપિ તથાગતા પુચ્છન્તિ, જાનન્તાપિ ન પુચ્છન્તી’’તિઆદિ (પારા॰ ૧૬).
276. Bahiddhā puthuttārammaṇato nivattetvā ekasmiṃyeva ārammaṇe cittassa sammadeva layanaṃ appanaṃ paṭisallānaṃ, yo koci samāpattivihāro, idha pana ariyavihāro adhippetoti āha – ‘‘paṭisallānā vuṭṭhito’’tiādi. Jānantova bhagavā kathāsamuṭṭhāpanatthaṃ pucchi. Vuttañhetaṃ – ‘‘jānantāpi tathāgatā pucchanti, jānantāpi na pucchantī’’tiādi (pārā. 16).
૨૭૮. સાધુકારમદાસીતિ સાધુસદ્દં સાવેસિ. તં પન પસંસા હોતીતિ પસંસત્થો સાધુસદ્દો. તેનાહ ‘‘દેસનં પસંસન્તો’’તિ. વિજ્જમાનેહિ વણ્ણેહિ ગુણવન્તે ઉદગ્ગતાકરણં સમ્પહંસનં, કેવલં ગુણસંકિત્તનવસેન થોમના પસંસાતિ અયમેતેસં વિસેસો.
278.Sādhukāramadāsīti sādhusaddaṃ sāvesi. Taṃ pana pasaṃsā hotīti pasaṃsattho sādhusaddo. Tenāha ‘‘desanaṃ pasaṃsanto’’ti. Vijjamānehi vaṇṇehi guṇavante udaggatākaraṇaṃ sampahaṃsanaṃ, kevalaṃ guṇasaṃkittanavasena thomanā pasaṃsāti ayametesaṃ viseso.
આનન્દભદ્દેકરત્તસુત્તવણ્ણનાય લીનત્થપ્પકાસના સમત્તા.
Ānandabhaddekarattasuttavaṇṇanāya līnatthappakāsanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / મજ્ઝિમનિકાય • Majjhimanikāya / ૨. આનન્દભદ્દેકરત્તસુત્તં • 2. Ānandabhaddekarattasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / મજ્ઝિમનિકાય (અટ્ઠકથા) • Majjhimanikāya (aṭṭhakathā) / ૨. આનન્દભદ્દેકરત્તસુત્તવણ્ણના • 2. Ānandabhaddekarattasuttavaṇṇanā
