| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. аананд̣̇асуд̇д̇ам̣
6. Ānandasuttaṃ
37. згам̣ самаяам̣ ааяасмаа аананд̣̇о госамб̣ияам̣ вихарад̇и гхосид̇аараамз. д̇ад̇ра ко ааяасмаа аананд̣̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о аананд̣̇асса бажжассосум̣. ааяасмаа аананд̣̇о зд̇ад̣̇авожа –
37. Ekaṃ samayaṃ āyasmā ānando kosambiyaṃ viharati ghositārāme. Tatra kho āyasmā ānando bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato ānandassa paccassosuṃ. Āyasmā ānando etadavoca –
‘‘ажчарияам̣, аавусо, аб̣бхуд̇ам̣, аавусо! яааван̃жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна самб̣аад̇хз огаасаад̇хиг̇амо ануб̣уд̣̇д̇хо сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа. д̇ад̣̇зва наама жагкум̣ бхависсад̇и д̇з руубаа д̇ан̃жааяад̇анам̣ но бадисам̣взд̣̇иссад̇и 1. д̇ад̣̇зва наама сод̇ам̣ бхависсад̇и д̇з сад̣̇д̣̇аа д̇ан̃жааяад̇анам̣ но бадисам̣взд̣̇иссад̇и. д̇ад̣̇зва наама гхаанам̣ бхависсад̇и д̇з г̇анд̇хаа д̇ан̃жааяад̇анам̣ но бадисам̣взд̣̇иссад̇и. саава наама ж̇ивхаа бхависсад̇и д̇з расаа д̇ан̃жааяад̇анам̣ но бадисам̣взд̣̇иссад̇и. сова наама гааяо бхависсад̇и д̇з подтаб̣б̣аа д̇ан̃жааяад̇анам̣ но бадисам̣взд̣̇иссад̇ий’’д̇и.
‘‘Acchariyaṃ, āvuso, abbhutaṃ, āvuso! Yāvañcidaṃ tena bhagavatā jānatā passatā arahatā sammāsambuddhena sambādhe okāsādhigamo anubuddho sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya. Tadeva nāma cakkhuṃ bhavissati te rūpā tañcāyatanaṃ no paṭisaṃvedissati 2. Tadeva nāma sotaṃ bhavissati te saddā tañcāyatanaṃ no paṭisaṃvedissati. Tadeva nāma ghānaṃ bhavissati te gandhā tañcāyatanaṃ no paṭisaṃvedissati. Sāva nāma jivhā bhavissati te rasā tañcāyatanaṃ no paṭisaṃvedissati. Sova nāma kāyo bhavissati te phoṭṭhabbā tañcāyatanaṃ no paṭisaṃvedissatī’’ti.
звам̣ вуд̇д̇з ааяасмаа уд̣̇ааяий ааяасманд̇ам̣ аананд̣̇ам̣ зд̇ад̣̇авожа – ‘‘сан̃н̃иймзва ну ко, аавусо аананд̣̇а, д̇ад̣̇ааяад̇анам̣ но бадисам̣взд̣̇зд̇и уд̣̇ааху асан̃н̃ий’’д̇и? ‘‘сан̃н̃иймзва ко, аавусо, д̇ад̣̇ааяад̇анам̣ но бадисам̣взд̣̇зд̇и, но асан̃н̃ий’’д̇и.
Evaṃ vutte āyasmā udāyī āyasmantaṃ ānandaṃ etadavoca – ‘‘saññīmeva nu kho, āvuso ānanda, tadāyatanaṃ no paṭisaṃvedeti udāhu asaññī’’ti? ‘‘Saññīmeva kho, āvuso, tadāyatanaṃ no paṭisaṃvedeti, no asaññī’’ti.
‘‘гим̣сан̃н̃ий банаавусо, д̇ад̣̇ааяад̇анам̣ но бадисам̣взд̣̇зд̇ий’’д̇и? ‘‘ид̇хаавусо, бхигку, саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. звам̣сан̃н̃ийби ко, аавусо, д̇ад̣̇ааяад̇анам̣ но бадисам̣взд̣̇зд̇и.
‘‘Kiṃsaññī panāvuso, tadāyatanaṃ no paṭisaṃvedetī’’ti? ‘‘Idhāvuso, bhikkhu, sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Evaṃsaññīpi kho, āvuso, tadāyatanaṃ no paṭisaṃvedeti.
‘‘буна жабарам̣, аавусо, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. звам̣сан̃н̃ийби ко, аавусо, д̇ад̣̇ааяад̇анам̣ но бадисам̣взд̣̇зд̇и.
‘‘Puna caparaṃ, āvuso, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Evaṃsaññīpi kho, āvuso, tadāyatanaṃ no paṭisaṃvedeti.
‘‘буна жабарам̣, аавусо, бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. звам̣сан̃н̃ийби ко , аавусо, д̇ад̣̇ааяад̇анам̣ но бадисам̣взд̣̇зд̇ий’’д̇и.
‘‘Puna caparaṃ, āvuso, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Evaṃsaññīpi kho , āvuso, tadāyatanaṃ no paṭisaṃvedetī’’ti.
‘‘згамид̣̇аахам̣, аавусо, самаяам̣ саагзд̇з вихараами ан̃ж̇анаванз миг̇ад̣̇ааяз. ат̇а ко, аавусо, ж̇адилаваасигаа 3 бхигкуний язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко, аавусо, ж̇адилаваасигаа бхигкуний мам̣ зд̇ад̣̇авожа – ‘яааяам̣, бханд̇з аананд̣̇а, самаад̇хи на жаабхинад̇о на жаабанад̇о на жа сасан̇каараниг̇г̇аяхаваарид̇аг̇ад̇о 4, вимуд̇д̇ад̇д̇аа тид̇о, тид̇ад̇д̇аа санд̇усид̇о, санд̇усид̇ад̇д̇аа но барид̇ассад̇и. аяам̣, бханд̇з аананд̣̇а, самаад̇хи гим̣пало вуд̇д̇о бхаг̇авад̇аа’’’д̇и?
‘‘Ekamidāhaṃ, āvuso, samayaṃ sākete viharāmi añjanavane migadāye. Atha kho, āvuso, jaṭilavāsikā 5 bhikkhunī yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhitā kho, āvuso, jaṭilavāsikā bhikkhunī maṃ etadavoca – ‘yāyaṃ, bhante ānanda, samādhi na cābhinato na cāpanato na ca sasaṅkhāraniggayhavāritagato 6, vimuttattā ṭhito, ṭhitattā santusito, santusitattā no paritassati. Ayaṃ, bhante ānanda, samādhi kiṃphalo vutto bhagavatā’’’ti?
‘‘звам̣ вуд̇д̇з, сохам̣, аавусо, ж̇адилаваасигам̣ бхигкуним̣ зд̇ад̣̇авожам̣ – ‘яааяам̣, бхаг̇ини, самаад̇хи на жаабхинад̇о на жаабанад̇о на жа сасан̇каараниг̇г̇аяхаваарид̇аг̇ад̇о, вимуд̇д̇ад̇д̇аа тид̇о, тид̇ад̇д̇аа санд̇усид̇о, санд̇усид̇ад̇д̇аа но барид̇ассад̇и. аяам̣, бхаг̇ини, самаад̇хи ан̃н̃аапало вуд̇д̇о бхаг̇авад̇аа’д̇и. звам̣сан̃н̃ийби ко, аавусо, д̇ад̣̇ааяад̇анам̣ но бадисам̣взд̣̇зд̇ий’’д̇и. чадтам̣.
‘‘Evaṃ vutte, sohaṃ, āvuso, jaṭilavāsikaṃ bhikkhuniṃ etadavocaṃ – ‘yāyaṃ, bhagini, samādhi na cābhinato na cāpanato na ca sasaṅkhāraniggayhavāritagato, vimuttattā ṭhito, ṭhitattā santusito, santusitattā no paritassati. Ayaṃ, bhagini, samādhi aññāphalo vutto bhagavatā’ti. Evaṃsaññīpi kho, āvuso, tadāyatanaṃ no paṭisaṃvedetī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. аананд̣̇асуд̇д̇аван̣н̣анаа • 6. Ānandasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. аананд̣̇асуд̇д̇аван̣н̣анаа • 6. Ānandasuttavaṇṇanā
