| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. аананд̣̇асуд̇д̇ам̣
4. Ānandasuttaṃ
212. згам̣ самаяам̣ ааяасмаа аананд̣̇о саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи ааяасмад̇аа ван̇г̇ийсзна бажчаасаман̣зна. д̇зна ко бана самаязна ааяасмад̇о ван̇г̇ийсасса анабхирад̇и уббаннаа ход̇и, рааг̇о жид̇д̇ам̣ ануд̣̇д̇хам̣сзд̇и. ат̇а ко ааяасмаа ван̇г̇ийсо ааяасманд̇ам̣ аананд̣̇ам̣ г̇аат̇ааяа аж̇жхабхааси –
212. Ekaṃ samayaṃ āyasmā ānando sāvatthiyaṃ viharati jetavane anāthapiṇḍikassa ārāme. Atha kho āyasmā ānando pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi āyasmatā vaṅgīsena pacchāsamaṇena. Tena kho pana samayena āyasmato vaṅgīsassa anabhirati uppannā hoti, rāgo cittaṃ anuddhaṃseti. Atha kho āyasmā vaṅgīso āyasmantaṃ ānandaṃ gāthāya ajjhabhāsi –
‘‘гаамарааг̇зна д̣аяхаами, жид̇д̇ам̣ мз барид̣аяхад̇и;
‘‘Kāmarāgena ḍayhāmi, cittaṃ me pariḍayhati;
саад̇ху ниб̣б̣аабанам̣ б̣руухи, анугамбааяа г̇од̇амаа’’д̇и.
Sādhu nibbāpanaṃ brūhi, anukampāya gotamā’’ti.
‘‘сан̃н̃ааяа вибариязсаа, жид̇д̇ам̣ д̇з барид̣аяхад̇и;
‘‘Saññāya vipariyesā, cittaṃ te pariḍayhati;
нимид̇д̇ам̣ бариваж̇ж̇зхи, субхам̣ рааг̇уубасам̣хид̇ам̣.
Nimittaṃ parivajjehi, subhaṃ rāgūpasaṃhitaṃ.
‘‘сан̇каарз барад̇о басса, д̣̇угкад̇о маа жа ад̇д̇ад̇о;
‘‘Saṅkhāre parato passa, dukkhato mā ca attato;
ниб̣б̣аабзхи махаарааг̇ам̣, маа д̣аяхид̇т̇о бунаббунам̣.
Nibbāpehi mahārāgaṃ, mā ḍayhittho punappunaṃ.
‘‘асубхааяа жид̇д̇ам̣ бхаавзхи, згаг̇г̇ам̣ сусамаахид̇ам̣;
‘‘Asubhāya cittaṃ bhāvehi, ekaggaṃ susamāhitaṃ;
сад̇и гааяаг̇ад̇аа д̇яад̇т̇у, ниб̣б̣ид̣̇ааб̣ахуло бха.
Sati kāyagatā tyatthu, nibbidābahulo bha.
‘‘анимид̇д̇ан̃жа бхаавзхи, маанаанусаяамуж̇ж̇аха;
‘‘Animittañca bhāvehi, mānānusayamujjaha;
д̇ад̇о маанаабхисамаяаа, убасанд̇о жариссасий’’д̇и.
Tato mānābhisamayā, upasanto carissasī’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. аананд̣̇асуд̇д̇аван̣н̣анаа • 4. Ānandasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. аананд̣̇асуд̇д̇аван̣н̣анаа • 4. Ānandasuttavaṇṇanā
