| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3. அனந்தரபச்சயகதா²வண்ணனா
3. Anantarapaccayakathāvaṇṇanā
693-697. இதா³னி அனந்தரபச்சயகதா² நாம ஹோதி. தத்த² நச்சகீ³தாதீ³ஸு ரூபத³ஸ்ஸனஸத்³த³ஸவனாதீ³னங் லஹுபரிவத்திதங் தி³ஸ்வா ‘‘இமானி விஞ்ஞாணானி அஞ்ஞமஞ்ஞஸ்ஸ அனந்தரா உப்பஜ்ஜந்தீ’’தி யேஸங் லத்³தி⁴, ஸெய்யதா²பி உத்தராபத²கானங்; தே ஸந்தா⁴ய சக்கு²விஞ்ஞாணஸ்ஸாதி புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸோதவிஞ்ஞாணங் ரூபாரம்மணங்யேவாதி யதி³ சக்கு²விஞ்ஞாணஸ்ஸ அனந்தரா உப்பஜ்ஜெய்ய, விபாகமனோதா⁴து விய ரூபாரம்மணங் ஸியாதி சோதே³துங் வுத்தங். சக்கு²ஞ்ச படிச்ச ரூபே ச உப்பஜ்ஜதி ஸோதவிஞ்ஞாணந்தி பஞ்ஹேஸு ஸுத்தாபா⁴வேன படிக்கி²பித்வா அனந்தருப்பத்திங் ஸல்லக்கெ²ந்தோ லத்³தி⁴வஸேன படிஜானாதி. தஞ்ஞேவ சக்கு²விஞ்ஞாணங் தங் ஸோதவிஞ்ஞாணந்தி யதா² பட²மஜவனானந்தரங் து³தியஜவனங் மனோவிஞ்ஞாணபா⁴வேன தஞ்ஞேவ ஹோதி, கிங் தே ததா² ஏதம்பி த்³வயங் ஏகமேவாதி புச்ச²தி. இமினா நயேன ஸப்³ப³வாரேஸு அத்தோ² வேதி³தப்³போ³. நச்சதி கா³யதீதிஆதி³வசனங் ஆரம்மணஸமோதா⁴னே லஹுபரிவத்திதாய வோகிண்ணபா⁴வங் தீ³பேதி, ந அனந்தரபச்சயதங், தஸ்மா அஸாத⁴கந்தி.
693-697. Idāni anantarapaccayakathā nāma hoti. Tattha naccagītādīsu rūpadassanasaddasavanādīnaṃ lahuparivattitaṃ disvā ‘‘imāni viññāṇāni aññamaññassa anantarā uppajjantī’’ti yesaṃ laddhi, seyyathāpi uttarāpathakānaṃ; te sandhāya cakkhuviññāṇassāti pucchā sakavādissa, paṭiññā itarassa. Sotaviññāṇaṃ rūpārammaṇaṃyevāti yadi cakkhuviññāṇassa anantarā uppajjeyya, vipākamanodhātu viya rūpārammaṇaṃ siyāti codetuṃ vuttaṃ. Cakkhuñca paṭicca rūpe ca uppajjati sotaviññāṇanti pañhesu suttābhāvena paṭikkhipitvā anantaruppattiṃ sallakkhento laddhivasena paṭijānāti. Taññeva cakkhuviññāṇaṃtaṃ sotaviññāṇanti yathā paṭhamajavanānantaraṃ dutiyajavanaṃ manoviññāṇabhāvena taññeva hoti, kiṃ te tathā etampi dvayaṃ ekamevāti pucchati. Iminā nayena sabbavāresu attho veditabbo. Naccati gāyatītiādivacanaṃ ārammaṇasamodhāne lahuparivattitāya vokiṇṇabhāvaṃ dīpeti, na anantarapaccayataṃ, tasmā asādhakanti.
அனந்தரபச்சயகதா²வண்ணனா.
Anantarapaccayakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (138) 3. அனந்தரபச்சயகதா² • (138) 3. Anantarapaccayakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 3. அனந்தரபச்சயகதா²வண்ணனா • 3. Anantarapaccayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 3. அனந்தரபச்சயகதா²வண்ணனா • 3. Anantarapaccayakathāvaṇṇanā
