| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૨. બલવગ્ગો
2. Balavaggo
૧. અનનુસ્સુતસુત્તવણ્ણના
1. Ananussutasuttavaṇṇanā
૧૧. દુતિયસ્સ પઠમે અભિજાનિત્વાતિ અભિવિસિટ્ઠેન ઞાણેન જાનિત્વા. અટ્ઠહિ કારણેહિ તથાગતસ્સાતિ ‘‘તથા આગતોતિ તથાગતો. તથા ગતોતિ તથાગતો. તથલક્ખણં આગતોતિ તથાગતો. તથધમ્મે યાથાવતો અભિસમ્બુદ્ધોતિ તથાગતો. તથદસ્સિતાય તથાગતો. તથાવાદિતાય તથાગતો. તથાકારિતાય તથાગતો. અભિભવનટ્ઠેન તથાગતો’’તિ એવં વુત્તેહિ અટ્ઠહિ કારણેહિ. ઉસભસ્સ ઇદન્તિ આસભં, સેટ્ઠટ્ઠાનં. તેનાહ ‘‘આસભં ઠાનન્તિ સેટ્ઠટ્ઠાન’’ન્તિ. પરતો દસ્સિતબલયોગેન ‘‘દસબલોહ’’ન્તિ અભીતનાદં નદતિ. બ્રહ્મચક્કન્તિ એત્થ સેટ્ઠપરિયાયો. બ્રહ્મસદ્દોતિ આહ ‘‘સેટ્ઠચક્ક’’ન્તિ. ચક્કઞ્ચેતં ધમ્મચક્કં અધિપ્પેતં.
11. Dutiyassa paṭhame abhijānitvāti abhivisiṭṭhena ñāṇena jānitvā. Aṭṭhahi kāraṇehi tathāgatassāti ‘‘tathā āgatoti tathāgato. Tathā gatoti tathāgato. Tathalakkhaṇaṃ āgatoti tathāgato. Tathadhamme yāthāvato abhisambuddhoti tathāgato. Tathadassitāya tathāgato. Tathāvāditāya tathāgato. Tathākāritāya tathāgato. Abhibhavanaṭṭhena tathāgato’’ti evaṃ vuttehi aṭṭhahi kāraṇehi. Usabhassa idanti āsabhaṃ, seṭṭhaṭṭhānaṃ. Tenāha ‘‘āsabhaṃ ṭhānanti seṭṭhaṭṭhāna’’nti. Parato dassitabalayogena ‘‘dasabaloha’’nti abhītanādaṃ nadati. Brahmacakkanti ettha seṭṭhapariyāyo. Brahmasaddoti āha ‘‘seṭṭhacakka’’nti. Cakkañcetaṃ dhammacakkaṃ adhippetaṃ.
અનનુસ્સુતસુત્તવણ્ણના નિટ્ઠિતા.
Ananussutasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. અનનુસ્સુતસુત્તં • 1. Ananussutasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. અનનુસ્સુતસુત્તવણ્ણના • 1. Ananussutasuttavaṇṇanā
