| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. ဗလဝဂ္ဂော
2. Balavaggo
၁. အနနုသ္သုတသုတ္တဝဏ္ဏနာ
1. Ananussutasuttavaṇṇanā
၁၁. ဒုတိယသ္သ ပဌမေ ပုဗ္ဗာဟံ, ဘိက္ခဝေ, အနနုသ္သုတေသု ဓမ္မေသူတိ အဟံ, ဘိက္ခဝေ, ပုဗ္ဗေ အနနုသ္သုတေသု စတူသု သစ္စဓမ္မေသု။ အဘိညာဝောသာနပာရမိပ္ပတ္တော ပဋိဇာနာမီတိ စတူသု သစ္စေသု စတူဟိ မဂ္ဂေဟိ သောဠသဝိဓသ္သ ကိစ္စသ္သ ကရဏေန အဘိဇာနိတ္ဝာ ဝောသာနပာရမိံ သဗ္ဗေသံ ကိစ္စာနံ နိဋ္ဌိတတ္တာ ကတကိစ္စဘာဝံ ပာရံ ပတ္တော ပဋိဇာနာမီတိ မဟာဗောဓိပလ္လင္ကေ အတ္တနော အာဂမနီယဂုဏံ ဒသ္သေတိ။ တထာဂတသ္သာတိ အဋ္ဌဟိ ကာရဏေဟိ တထာဂတသ္သ။ တထာဂတဗလာနီတိ ယထာ တေဟိ ဂန္တဗ္ဗံ, တထေဝ ဂတာနိ ပဝတ္တာနိ ဉာဏဗလာနိ။ အာသဘံ ဌာနန္တိ သေဋ္ဌဋ္ဌာနံ။ သီဟနာဒန္တိ အဘီတနာဒံ။ ဗ္ရဟ္မစက္ကန္တိ သေဋ္ဌစက္ကံ။ ပဝတ္တေတီတိ ကထေတိ။
11. Dutiyassa paṭhame pubbāhaṃ, bhikkhave, ananussutesu dhammesūti ahaṃ, bhikkhave, pubbe ananussutesu catūsu saccadhammesu. Abhiññāvosānapāramippatto paṭijānāmīti catūsu saccesu catūhi maggehi soḷasavidhassa kiccassa karaṇena abhijānitvā vosānapāramiṃ sabbesaṃ kiccānaṃ niṭṭhitattā katakiccabhāvaṃ pāraṃ patto paṭijānāmīti mahābodhipallaṅke attano āgamanīyaguṇaṃ dasseti. Tathāgatassāti aṭṭhahi kāraṇehi tathāgatassa. Tathāgatabalānīti yathā tehi gantabbaṃ, tatheva gatāni pavattāni ñāṇabalāni. Āsabhaṃ ṭhānanti seṭṭhaṭṭhānaṃ. Sīhanādanti abhītanādaṃ. Brahmacakkanti seṭṭhacakkaṃ. Pavattetīti katheti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အနနုသ္သုတသုတ္တံ • 1. Ananussutasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆. မဟာသုပိနသုတ္တဝဏ္ဏနာ • 6. Mahāsupinasuttavaṇṇanā
