| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
анаабужчааваран̣авад̇т̇уаад̣̇игат̇аа
Anāpucchāvaraṇavatthuādikathā
108. на бхигкавз убаж̇жхааяам̣ анаабужчаад̇и зд̇т̇а ‘‘д̇умхаагам̣ сааман̣зрасса аяам̣ наама абараад̇хо, д̣̇ан̣д̣агаммамасса гарот̇аа’’д̇и д̇игкад̇д̇ум̣ вуд̇д̇з, сажз убаж̇жхааяо д̣̇ан̣д̣агаммам̣ на гарод̇и, саяам̣ гаад̇ум̣ ваддад̇и. сажзби аад̣̇ид̇ова убаж̇жхааяо вад̣̇ад̇и ‘‘маяхам̣ сааман̣зраанам̣ д̣̇осз сад̇и д̇умхз д̣̇ан̣д̣агаммам̣ гарот̇аа’’д̇и гаад̇ум̣ ваддад̇иязва. яат̇аа жа сааман̣зраанам̣ звам̣ сад̣̇д̇хивихаариганд̇зваасигаанамби д̣̇ан̣д̣агаммам̣ гаад̇ум̣ ваддад̇и.
108.Nabhikkhave upajjhāyaṃ anāpucchāti ettha ‘‘tumhākaṃ sāmaṇerassa ayaṃ nāma aparādho, daṇḍakammamassa karothā’’ti tikkhattuṃ vutte, sace upajjhāyo daṇḍakammaṃ na karoti, sayaṃ kātuṃ vaṭṭati. Sacepi āditova upajjhāyo vadati ‘‘mayhaṃ sāmaṇerānaṃ dose sati tumhe daṇḍakammaṃ karothā’’ti kātuṃ vaṭṭatiyeva. Yathā ca sāmaṇerānaṃ evaṃ saddhivihārikantevāsikānampi daṇḍakammaṃ kātuṃ vaṭṭati.
абалаал̣знд̇ийд̇и ‘‘д̇умхаагам̣ бад̇д̇ам̣ д̣̇ассаама, жийварам̣ д̣̇ассаамаа’’д̇и ад̇д̇ано убадтаанагаран̣ад̇т̇ам̣ сан̇г̇ан̣ханд̇и. на бхигкавз ан̃н̃асса барисаа абалаал̣зд̇аб̣б̣аад̇и зд̇т̇а сааман̣зраа ваа хонд̇у убасамбаннаа ваа, анд̇амасо д̣̇уссийлабхигкуссааби барасса барисабхууд̇з бхинд̣̇ид̇ваа г̇ан̣хид̇ум̣ на ваддад̇и, аад̣̇ийнавам̣ бана вад̇д̇ум̣ ваддад̇и ‘‘д̇аяаа нхааяид̇ум̣ ааг̇ад̇зна г̇уут̇амагканам̣ вияа гад̇ам̣ д̣̇уссийлам̣ ниссааяа вихаранд̇знаа’’д̇и. сажз со саяамзва ж̇аанид̇ваа убаж̇жхам̣ ваа ниссаяам̣ ваа яаажад̇и, д̣̇аад̇ум̣ ваддад̇и.
Apalāḷentīti ‘‘tumhākaṃ pattaṃ dassāma, cīvaraṃ dassāmā’’ti attano upaṭṭhānakaraṇatthaṃ saṅgaṇhanti. Na bhikkhave aññassa parisā apalāḷetabbāti ettha sāmaṇerā vā hontu upasampannā vā, antamaso dussīlabhikkhussāpi parassa parisabhūte bhinditvā gaṇhituṃ na vaṭṭati, ādīnavaṃ pana vattuṃ vaṭṭati ‘‘tayā nhāyituṃ āgatena gūthamakkhanaṃ viya kataṃ dussīlaṃ nissāya viharantenā’’ti. Sace so sayameva jānitvā upajjhaṃ vā nissayaṃ vā yācati, dātuṃ vaṭṭati.
ануж̇аанаами бхигкавз д̣̇асахан̇г̇зхи саманнааг̇ад̇ам̣ сааман̣зрам̣ наасзд̇унд̇и зд̇т̇а ган̣дагасигкаабад̣̇аван̣н̣анааяам̣ вуд̇д̇аасу д̇ийсу наасанаасу лин̇г̇анаасанаава ад̇хиббзд̇аа, д̇асмаа яо баан̣аад̇ибаад̇аад̣̇ийсу згамби гаммам̣ гарод̇и, со лин̇г̇анаасанааяа наасзд̇аб̣б̣о. яат̇аа жа бхигкуунам̣ баан̣аад̇ибаад̇аад̣̇ийсу наанаааабад̇д̇ияо хонд̇и, на д̇ат̇аа сааман̣зраанам̣. сааман̣зро хи гунт̇агибиллигамби маарзд̇ваа ман̇г̇уран̣д̣агамби бхинд̣̇ид̇ваа наасзд̇аб̣б̣ад̇ам̣язва баабун̣аад̇и, д̇аавад̣̇звасса саран̣аг̇аманаани жа убаж̇жхааяаг̇г̇ахан̣ан̃жа сзнаасанаг̇г̇аахо жа бадиббассамбхад̇и, сан̇гхалаабхам̣ на лабхад̇и, лин̇г̇амад̇д̇амзва згам̣ авасидтам̣ ход̇и. со сажз аагин̣н̣ад̣̇осова ход̇и, ааяад̇им̣ сам̣варз на д̇идтад̇и, ниггад̣дхид̇аб̣б̣о. ат̇а сахасаа вираж̇жхид̇ваа ‘‘д̣̇удту маяаа гад̇а’’нд̇и буна сам̣варз таад̇угаамо ход̇и, лин̇г̇анаасанагижжам̣ над̇т̇и. яат̇аанивад̇т̇абааруд̇ассзва саран̣аани д̣̇аад̇аб̣б̣аани, убаж̇жхааяо д̣̇аад̇аб̣б̣о, сигкаабад̣̇аани бана саран̣аг̇аманзнзва иж̇жханд̇и. сааман̣зраанан̃хи саран̣аг̇аманам̣ бхигкуунам̣ убасамбад̣̇агаммаваажаасад̣̇исам̣, д̇асмаа бхигкуунам̣ вияа жад̇убаарисуд̣̇д̇хисийлам̣, иминааби д̣̇асасийлаани самаад̣̇иннаанзва хонд̇и, звам̣ санд̇зби д̣̇ал̣хийгаран̣ад̇т̇ам̣ ааяад̇им̣ сам̣варз бад̇идтаабанад̇т̇ам̣ буна д̣̇аад̇аб̣б̣аани. сажз буримигааяа буна саран̣аани г̇ахид̇аани, бажчимигааяа вассааваасигам̣ лажчад̇и. сажз бажчимигааяа г̇ахид̇аани, сан̇гхзна абалогзд̇ваа лаабхо д̣̇аад̇аб̣б̣о.
Anujānāmi bhikkhave dasahaṅgehi samannāgataṃ sāmaṇeraṃ nāsetunti ettha kaṇṭakasikkhāpadavaṇṇanāyaṃ vuttāsu tīsu nāsanāsu liṅganāsanāva adhippetā, tasmā yo pāṇātipātādīsu ekampi kammaṃ karoti, so liṅganāsanāya nāsetabbo. Yathā ca bhikkhūnaṃ pāṇātipātādīsu nānāāpattiyo honti, na tathā sāmaṇerānaṃ. Sāmaṇero hi kunthakipillikampi māretvā maṅguraṇḍakampi bhinditvā nāsetabbataṃyeva pāpuṇāti, tāvadevassa saraṇagamanāni ca upajjhāyaggahaṇañca senāsanaggāho ca paṭippassambhati, saṅghalābhaṃ na labhati, liṅgamattameva ekaṃ avasiṭṭhaṃ hoti. So sace ākiṇṇadosova hoti, āyatiṃ saṃvare na tiṭṭhati, nikkaḍḍhitabbo. Atha sahasā virajjhitvā ‘‘duṭṭhu mayā kata’’nti puna saṃvare ṭhātukāmo hoti, liṅganāsanakiccaṃ natthi. Yathānivatthapārutasseva saraṇāni dātabbāni, upajjhāyo dātabbo, sikkhāpadāni pana saraṇagamaneneva ijjhanti. Sāmaṇerānañhi saraṇagamanaṃ bhikkhūnaṃ upasampadakammavācāsadisaṃ, tasmā bhikkhūnaṃ viya catupārisuddhisīlaṃ, imināpi dasasīlāni samādinnāneva honti, evaṃ santepi daḷhīkaraṇatthaṃ āyatiṃ saṃvare patiṭṭhāpanatthaṃ puna dātabbāni. Sace purimikāya puna saraṇāni gahitāni, pacchimikāya vassāvāsikaṃ lacchati. Sace pacchimikāya gahitāni, saṅghena apaloketvā lābho dātabbo.
ад̣̇иннаад̣̇аанз д̇ин̣асалаагамад̇д̇знааби вад̇т̇унаа, аб̣рахмажарияз д̇ийсу маг̇г̇зсу яад̇т̇а гад̇т̇ажи виббадибад̇д̇ияаа, мусааваад̣̇з хассаад̇хиббааяад̇ааяаби мусаа бхан̣ид̇з ассаман̣о ход̇и, наасзд̇аб̣б̣ад̇ам̣ аабаж̇ж̇ад̇и. маж̇ж̇абаанз бана бхигкуно аж̇аанид̇вааби б̣ийж̇ад̇о бадтааяа маж̇ж̇ам̣ биванд̇асса баажид̇д̇ияам̣. сааман̣зро ж̇аанид̇ваа биванд̇о сийлабхзд̣̇ам̣ аабаж̇ж̇ад̇и, на аж̇аанид̇ваа. яаани банасса ид̇араани бан̃жа сигкаабад̣̇аани, д̇зсу бхиннзсу на наасзд̇аб̣б̣о, д̣̇ан̣д̣агаммам̣ гаад̇аб̣б̣ам̣. сигкаабад̣̇з бана буна д̣̇иннзби ад̣̇иннзби ваддад̇и. д̣̇ан̣д̣агаммзна бана бийл̣зд̇ваа ааяад̇им̣ сам̣варз табанад̇т̇ааяа д̣̇аад̇аб̣б̣амзва. сааман̣зраанам̣ маж̇ж̇абаанам̣ сажид̇д̇агам̣ баарааж̇игавад̇т̇у, аяам̣ висзсо.
Adinnādāne tiṇasalākamattenāpi vatthunā, abrahmacariye tīsu maggesu yattha katthaci vippaṭipattiyā, musāvāde hassādhippāyatāyapi musā bhaṇite assamaṇo hoti, nāsetabbataṃ āpajjati. Majjapāne pana bhikkhuno ajānitvāpi bījato paṭṭhāya majjaṃ pivantassa pācittiyaṃ. Sāmaṇero jānitvā pivanto sīlabhedaṃ āpajjati, na ajānitvā. Yāni panassa itarāni pañca sikkhāpadāni, tesu bhinnesu na nāsetabbo, daṇḍakammaṃ kātabbaṃ. Sikkhāpade pana puna dinnepi adinnepi vaṭṭati. Daṇḍakammena pana pīḷetvā āyatiṃ saṃvare ṭhapanatthāya dātabbameva. Sāmaṇerānaṃ majjapānaṃ sacittakaṃ pārājikavatthu, ayaṃ viseso.
аван̣н̣абхаасанз бана арахам̣ саммаасамб̣уд̣̇д̇ход̇иаад̣̇ийнам̣ бадибагкавасзна б̣уд̣̇д̇хасса ваа, сваагкаад̇од̇иаад̣̇ийнам̣ бадибагкавасзна д̇хаммасса ваа, суббадибаннод̇иаад̣̇ийнам̣ бадибагкавасзна сан̇гхасса ваа аван̣н̣ам̣ бхаасанд̇о рад̇анад̇д̇аяам̣ нинд̣̇анд̇о г̇араханд̇о аажарияубаж̇жхааяаад̣̇ийхи ‘‘маа звам̣ аважаа’’д̇и аван̣н̣абхаасанз аад̣̇ийнавам̣ д̣̇ассзд̇ваа ниваарзд̇аб̣б̣о. сажз яаавад̇ад̇ияам̣ вужжамаано на орамад̇и, ган̣даганаасанааяа наасзд̇аб̣б̣од̇и гурунд̣̇ияам̣ вуд̇д̇ам̣. махааадтагат̇ааяам̣ бана ‘‘сажз звам̣ вужжамаано д̇ам̣ лад̣̇д̇хим̣ ниссаж̇ж̇ад̇и, д̣̇ан̣д̣агаммам̣ гаарзд̇ваа ажжаяам̣ д̣̇зсаабзд̇аб̣б̣о. сажз на ниссаж̇ж̇ад̇и, д̇ат̇зва аад̣̇ааяа баг̇г̇аяха д̇идтад̇и, лин̇г̇анаасанааяа наасзд̇аб̣б̣о’’д̇и вуд̇д̇ам̣, д̇ам̣ яуд̇д̇ам̣. аяамзва хи наасанаа ид̇ха ад̇хиббзд̇аад̇и.
Avaṇṇabhāsane pana arahaṃ sammāsambuddhotiādīnaṃ paṭipakkhavasena buddhassa vā, svākkhātotiādīnaṃ paṭipakkhavasena dhammassa vā, suppaṭipannotiādīnaṃ paṭipakkhavasena saṅghassa vā avaṇṇaṃ bhāsanto ratanattayaṃ nindanto garahanto ācariyupajjhāyādīhi ‘‘mā evaṃ avacā’’ti avaṇṇabhāsane ādīnavaṃ dassetvā nivāretabbo. Sace yāvatatiyaṃ vuccamāno na oramati, kaṇṭakanāsanāya nāsetabboti kurundiyaṃ vuttaṃ. Mahāaṭṭhakathāyaṃ pana ‘‘sace evaṃ vuccamāno taṃ laddhiṃ nissajjati, daṇḍakammaṃ kāretvā accayaṃ desāpetabbo. Sace na nissajjati, tatheva ādāya paggayha tiṭṭhati, liṅganāsanāya nāsetabbo’’ti vuttaṃ, taṃ yuttaṃ. Ayameva hi nāsanā idha adhippetāti.
мижчаад̣̇идтигзби зсзва наяо. сассад̇ужчзд̣̇аанан̃хи ан̃н̃ад̇арад̣̇идтиго сажз аажарияаад̣̇ийхи овад̣̇ияамаано ниссаж̇ж̇ад̇и, д̣̇ан̣д̣агаммам̣ гаарзд̇ваа ажжаяам̣ д̣̇зсаабзд̇аб̣б̣о. аббадиниссаж̇ж̇анд̇ова наасзд̇аб̣б̣од̇и. бхигкунид̣̇уусаго жзд̇т̇а гаамам̣ аб̣рахмажаариг̇г̇ахан̣зна г̇ахид̇ова аб̣рахмажаарим̣ бана ааяад̇им̣ сам̣варз таад̇угаамам̣ саран̣аани д̣̇ад̇ваа убасамбаад̣̇зд̇ум̣ ваддад̇и. бхигкунид̣̇уусаго ааяад̇им̣ сам̣варз таад̇угаамоби баб̣б̣аж̇ж̇амби на лабхад̇и, баг̇зва убасамбад̣̇анд̇и зд̇амад̇т̇ам̣ д̣̇ассзд̇ум̣ ‘‘бхигкунид̣̇уусаго’’д̇и ид̣̇ам̣ висум̣ д̣̇асамам̣ ан̇г̇ам̣ вуд̇д̇анд̇и взд̣̇ид̇аб̣б̣ам̣.
Micchādiṭṭhikepi eseva nayo. Sassatucchedānañhi aññataradiṭṭhiko sace ācariyādīhi ovadiyamāno nissajjati, daṇḍakammaṃ kāretvā accayaṃ desāpetabbo. Appaṭinissajjantova nāsetabboti. Bhikkhunidūsako cettha kāmaṃ abrahmacāriggahaṇena gahitova abrahmacāriṃ pana āyatiṃ saṃvare ṭhātukāmaṃ saraṇāni datvā upasampādetuṃ vaṭṭati. Bhikkhunidūsako āyatiṃ saṃvare ṭhātukāmopi pabbajjampi na labhati, pageva upasampadanti etamatthaṃ dassetuṃ ‘‘bhikkhunidūsako’’ti idaṃ visuṃ dasamaṃ aṅgaṃ vuttanti veditabbaṃ.
анаабужчааваран̣авад̇т̇уаад̣̇игат̇аа нидтид̇аа.
Anāpucchāvaraṇavatthuādikathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 44. анаабужчааваран̣авад̇т̇у • 44. Anāpucchāvaraṇavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 43. анаабужчааваран̣авад̇т̇уаад̣̇игат̇аа • 43. Anāpucchāvaraṇavatthuādikathā
