| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਅਨਾਪੁਚ੍ਛਾવਰਣવਤ੍ਥੁਆਦਿਕਥਾવਣ੍ਣਨਾ
Anāpucchāvaraṇavatthuādikathāvaṇṇanā
੧੦੮. ਪਰਸ੍ਸ ਦੁਸ੍ਸੀਲਭਿਕ੍ਖੁਸ੍ਸਪੀਤਿ ਅਤ੍ਥੋ। ਕੇਚਿ ‘‘ਦੁਸ੍ਸੀਲਭਿਕ੍ਖੂਪੀ’’ਤਿ ਲਿਖਨ੍ਤਿ, ਤਂ ਨ ਸੁਨ੍ਦਰਂ। ਪੋਰਾਣਾ ਪਨ ‘‘ਯਾવਤਤਿਯਂ વੁਚ੍ਚਮਾਨੋ ਚੇ ਨ ਓਰਮਤਿ, ਸਙ੍ਘਂ ਅਪਲੋਕੇਤ੍વਾ ਨਾਸੇਤਬ੍ਬੋ, ਪੁਨ ਪਬ੍ਬਜ੍ਜਂ ਯਾਚਮਾਨੋਪਿ ਅਪਲੋਕੇਤ੍વਾ ਪਬ੍ਬਾਜੇਤਬ੍ਬੋ’’ਤਿ વਦਨ੍ਤਿ। ਭਿਕ੍ਖੂਨਂ ਉਪਸਮ੍ਪਦਕਮ੍ਮવਾਚਾਸਦਿਸਨ੍ਤਿ ਏਤ੍ਥ ‘‘ਯਥਾ ਉਪਸਮ੍ਪਨ੍ਨੋ ਸਿਕ੍ਖਂ ਪਚ੍ਚਕ੍ਖਾਯ ਯਥਾਨਿવਤ੍ਥਪਾਰੁਤੋવ ਹੁਤ੍વਾ ਪਚ੍ਛਾ ਉਪਸਮ੍ਪਨ੍ਨੋ ਪੁਬ੍ਬੇ ਅਤ੍ਤਨੋ ਨવਕਤਰਸ੍ਸ ਸਮਾਨવਸ੍ਸਿਕਸ੍ਸ ਪੁਨ વਨ੍ਦਨਾਦੀਨਿ ਕਰੋਤਿ, ਏવਂ ਸਾਮਣੇਰੋਪਿ ਪੁਨ ਗਹਿਤਸਰਣੋ ਤਤੋ ਪੁਬ੍ਬੇ ਅਤ੍ਤਨੋ ਨવਕਤਰਸ੍ਸ ਸਮਾਨવਸ੍ਸਿਕਸ੍ਸ ਸਾਮਣੇਰਸ੍ਸ ਪੁਨ વਨ੍ਦਨਾਦੀਨਿ ਕਰੋਤਿ। ਲਿਙ੍ਗਂ ਪਨੇਤ੍ਥ વੁਡ੍ਢਤਰਭਾવਂ ਨ ਸਾਧੇਤੀਤਿ વੁਤ੍ਤਂ ਹੋਤੀ’’ਤਿ વੁਤ੍ਤਂ। વਿਕਾਲਭੋਜਨਂ ਸਾਮਣੇਰਾਨਂ વੀਤਿਕ੍ਕਮੇવਾਤਿ ਏਕੇ। ‘‘ਅਚ੍ਚਯੋ ਮਂ, ਭਨ੍ਤੇ, ਅਚ੍ਚਾਗਮਾ’’ਤਿਆਦਿਨਾ ਨਯੇਨ ਅਚ੍ਚਯਂ ਦੇਸਾਪੇਤਬ੍ਬੋ। ‘‘ਦਿਟ੍ਠਿਯਾ ਅਨਿਸ੍ਸਜ੍ਜਨੇਨ ‘ਤ੍વਂ, ਸਾਮਣੇਰ, ਗਚ੍ਛਾ’ਤਿ વੁਤ੍ਤੇਯੇવ ਪਾਰਾਜਿਕੋ ਹੋਤੀ’’ਤਿ વੁਤ੍ਤਂ, ‘‘ਯਾવਤਤਿਯਨ੍ਤਿ વੁਤ੍ਤਤ੍ਤਾ ਬੁਦ੍ਧਾਦੀਨਂ ਅવਣ੍ਣਭਾਸਿਤਮਤ੍ਤੇਨ ਚ ਦਿਟ੍ਠਿਗ੍ਗਹਿਤਮਤ੍ਤੇਨ ਚ ਸਰਣਾਨਿ ਨ ਭਿਜ੍ਜਨ੍ਤੀਤਿ વੁਤ੍ਤਂ ਹੋਤੀ’’ਤਿ વਦਨ੍ਤਿ। ਏવਂ ਸਨ੍ਤੇ ਪਾਣਾਤਿਪਾਤਾਦਿਂ ਕਰੋਨ੍ਤਸ੍ਸਾਪਿ ਤਂ ਸਮ੍ਭੋਤੀਤਿ ਮਮ ਤਕ੍ਕੋ। ‘‘ਨਿਸ੍ਸੀਲਸ੍ਸ ਪੁਨ ਨਾਸਨਾ વੁਤ੍ਤਾ’’ਤਿ ਚ ਕੇਚਿ વਦਨ੍ਤਿ, ਤਂ ਯੁਤ੍ਤਂ વਿਯ। ਨ ਹਿ ਭਗવਾ ਸੀਲવਨ੍ਤਸ੍ਸ ਲਿਙ੍ਗਨਾਸਨਂ ਅਨੁਜਾਨਾਤੀਤਿ વਿਚਾਰੇਤਬ੍ਬਂ, ਭਿਕ੍ਖੁਨਿਦੂਸਕਾਪਦੇਸੇਨ ਭਬ੍ਬਾਭਬ੍ਬੇ ਸਙ੍ਗਣ੍ਹਾਤੀਤਿ ਪੋਰਾਣਾ। ‘‘ਪਬ੍ਬਜ੍ਜਮ੍ਪਿ ਨ ਲਭਤੀਤਿ ਯਥਾ ਚੇਤ੍ਥ ਅਯਮਤ੍ਥੋ ਦਸ੍ਸਿਤੋ, ਤਥਾ ‘ਪਣ੍ਡਕੋ, ਭਿਕ੍ਖવੇ, ਅਨੁਪਸਮ੍ਪਨ੍ਨੋ ਨ ਉਪਸਮ੍ਪਾਦੇਤਬ੍ਬੋ, ਉਪਸਮ੍ਪਨ੍ਨੋ ਨਾਸੇਤਬ੍ਬੋ’ਤਿ (ਮਹਾવ॰ ੧੦੯) ਆਦਿਨਾ ਨਯੇਨ વੁਤ੍ਤਾਨਮ੍ਪਿ ਪਬ੍ਬਜ੍ਜਂ ਨਤ੍ਥੀਤਿ ਦੀਪਿਤਂ ਹੋਤਿ। ਨ ਹਿ ਇਦਂ ਠਾਨਂ ਠਪੇਤ੍વਾ ਤੇਸਂ ਪਬ੍ਬਜ੍ਜਾਯ વਾਰਿਤਟ੍ਠਾਨਂ ਅਤ੍ਥਿ। ‘ਭਿਕ੍ਖੁਨਿਦੂਸਕੋ, ਭਿਕ੍ਖવੇ, ਅਨੁਪਸਮ੍ਪਨ੍ਨੋ ਨ ਉਪਸਮ੍ਪਾਦੇਤਬ੍ਬੋ, ਉਪਸਮ੍ਪਨ੍ਨੋ ਨਾਸੇਤਬ੍ਬੋ’ਤਿ (ਮਹਾવ॰ ੧੧੪) વੁਤ੍ਤੇਨਪਿ ਸਮਾਨਤ੍ਤਾ ਤਸ੍ਸ ਪਬ੍ਬਜ੍ਜਾ વਿਯ ਤੇਸਮ੍ਪਿ ਪਬ੍ਬਜ੍ਜਾ વਾਰਿਤਾવ ਹੋਤੀਤਿਪਿ ਦਸ੍ਸੇਤੁਂ ਪੁਨ ਭਿਕ੍ਖੁਨਿਦੂਸਕੋਤਿ ਗਹਿਤਨ੍ਤਿ ਅਪਰੇ’’ਤਿ વੁਤ੍ਤਂ। ਕਿਂ ਇਮਿਨਾ? ਨਨੁ ਅਟ੍ਠਕਥਾਯਂ વੁਤ੍ਤਂ ‘‘ਯਸ੍ਸ ਚੇਤ੍ਥ ਪਬ੍ਬਜ੍ਜਾ વਾਰਿਤਾ, ਤਂ ਸਨ੍ਧਾਯ ਇਦਂ વੁਤ੍ਤਂ ਅਨੁਪਸਮ੍ਪਨ੍ਨੋ ਨ ਉਪਸਮ੍ਪਾਦੇਤਬ੍ਬੋ, ਉਪਸਮ੍ਪਨ੍ਨੋ ਨਾਸੇਤਬ੍ਬੋ’’ਤਿ।
108. Parassa dussīlabhikkhussapīti attho. Keci ‘‘dussīlabhikkhūpī’’ti likhanti, taṃ na sundaraṃ. Porāṇā pana ‘‘yāvatatiyaṃ vuccamāno ce na oramati, saṅghaṃ apaloketvā nāsetabbo, puna pabbajjaṃ yācamānopi apaloketvā pabbājetabbo’’ti vadanti. Bhikkhūnaṃ upasampadakammavācāsadisanti ettha ‘‘yathā upasampanno sikkhaṃ paccakkhāya yathānivatthapārutova hutvā pacchā upasampanno pubbe attano navakatarassa samānavassikassa puna vandanādīni karoti, evaṃ sāmaṇeropi puna gahitasaraṇo tato pubbe attano navakatarassa samānavassikassa sāmaṇerassa puna vandanādīni karoti. Liṅgaṃ panettha vuḍḍhatarabhāvaṃ na sādhetīti vuttaṃ hotī’’ti vuttaṃ. Vikālabhojanaṃ sāmaṇerānaṃ vītikkamevāti eke. ‘‘Accayo maṃ, bhante, accāgamā’’tiādinā nayena accayaṃ desāpetabbo. ‘‘Diṭṭhiyā anissajjanena ‘tvaṃ, sāmaṇera, gacchā’ti vutteyeva pārājiko hotī’’ti vuttaṃ, ‘‘yāvatatiyanti vuttattā buddhādīnaṃ avaṇṇabhāsitamattena ca diṭṭhiggahitamattena ca saraṇāni na bhijjantīti vuttaṃ hotī’’ti vadanti. Evaṃ sante pāṇātipātādiṃ karontassāpi taṃ sambhotīti mama takko. ‘‘Nissīlassa puna nāsanā vuttā’’ti ca keci vadanti, taṃ yuttaṃ viya. Na hi bhagavā sīlavantassa liṅganāsanaṃ anujānātīti vicāretabbaṃ, bhikkhunidūsakāpadesena bhabbābhabbe saṅgaṇhātīti porāṇā. ‘‘Pabbajjampi na labhatīti yathā cettha ayamattho dassito, tathā ‘paṇḍako, bhikkhave, anupasampanno na upasampādetabbo, upasampanno nāsetabbo’ti (mahāva. 109) ādinā nayena vuttānampi pabbajjaṃ natthīti dīpitaṃ hoti. Na hi idaṃ ṭhānaṃ ṭhapetvā tesaṃ pabbajjāya vāritaṭṭhānaṃ atthi. ‘Bhikkhunidūsako, bhikkhave, anupasampanno na upasampādetabbo, upasampanno nāsetabbo’ti (mahāva. 114) vuttenapi samānattā tassa pabbajjā viya tesampi pabbajjā vāritāva hotītipi dassetuṃ puna bhikkhunidūsakoti gahitanti apare’’ti vuttaṃ. Kiṃ iminā? Nanu aṭṭhakathāyaṃ vuttaṃ ‘‘yassa cettha pabbajjā vāritā, taṃ sandhāya idaṃ vuttaṃ anupasampanno na upasampādetabbo, upasampanno nāsetabbo’’ti.
ਅਨਾਪੁਚ੍ਛਾવਰਣવਤ੍ਥੁਆਦਿਕਥਾવਣ੍ਣਨਾ ਨਿਟ੍ਠਿਤਾ।
Anāpucchāvaraṇavatthuādikathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੪੪. ਅਨਾਪੁਚ੍ਛਾવਰਣવਤ੍ਥੁ • 44. Anāpucchāvaraṇavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਨਾਪੁਚ੍ਛਾવਰਣવਤ੍ਥੁਆਦਿਕਥਾ • Anāpucchāvaraṇavatthuādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਨਾਪੁਚ੍ਛਾવਰਣવਤ੍ਥੁਆਦਿਕਥਾવਣ੍ਣਨਾ • Anāpucchāvaraṇavatthuādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਨਾਪੁਚ੍ਛਾવਰਣવਤ੍ਥੁਆਦਿਕਥਾવਣ੍ਣਨਾ • Anāpucchāvaraṇavatthuādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪੩. ਅਨਾਪੁਚ੍ਛਾવਰਣવਤ੍ਥੁਆਦਿਕਥਾ • 43. Anāpucchāvaraṇavatthuādikathā
