| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
അനാപുച്ഛാവരണവത്ഥുആദികഥാവണ്ണനാ
Anāpucchāvaraṇavatthuādikathāvaṇṇanā
൧൦൮. ദണ്ഡകമ്മമസ്സ കരോഥാതി അസ്സ ദണ്ഡകമ്മം യോജേഥ ആണാപേഥ. ദണ്ഡകമ്മന്തി വാ നിഗ്ഗഹകമ്മം, തസ്മാ നിഗ്ഗഹമസ്സ കരോഥാതി വുത്തം ഹോതി. ഏസ നയോ സബ്ബത്ഥ ഈദിസേസു ഠാനേസു. സേനാസനഗ്ഗാഹോ ച പടിപ്പസ്സമ്ഭതീതി ഇമിനാ ച ഛിന്നവസ്സോ ച ഹോതീതി ദീപേതി. സചേ ആകിണ്ണദോസോവ ഹോതി, ആയതിം സംവരേ ന തിട്ഠതി, നിക്കഡ്ഢിതബ്ബോതി ഏത്ഥ സചേ യാവതതിയം വുച്ചമാനോ ന ഓരമതി, സങ്ഘം അപലോകേത്വാ നാസേതബ്ബോ. പുന പബ്ബജ്ജം യാചമാനോപി അപലോകേത്വാ പബ്ബാജേതബ്ബോതി വദന്തി. പച്ഛിമികായ വസ്സാവാസികം ലച്ഛതീതി പച്ഛിമികായ പുന വസ്സം ഉപഗതത്താ ലച്ഛതി. അപലോകേത്വാ ലാഭോ ദാതബ്ബോതി ഛിന്നവസ്സതായ വുത്തം. ഇതരാനി പഞ്ച സിക്ഖാപദാനീതി വികാലഭോജനാദീനി പഞ്ച. അച്ചയം ദേസാപേതബ്ബോതി ‘‘അച്ചയോ മം, ഭന്തേ, അച്ചഗമാ’’തിആദിനാ നയേന ദേസാപേതബ്ബോ.
108.Daṇḍakammamassa karothāti assa daṇḍakammaṃ yojetha āṇāpetha. Daṇḍakammanti vā niggahakammaṃ, tasmā niggahamassa karothāti vuttaṃ hoti. Esa nayo sabbattha īdisesu ṭhānesu. Senāsanaggāho ca paṭippassambhatīti iminā ca chinnavasso ca hotīti dīpeti. Sace ākiṇṇadosova hoti, āyatiṃ saṃvare na tiṭṭhati, nikkaḍḍhitabboti ettha sace yāvatatiyaṃ vuccamāno na oramati, saṅghaṃ apaloketvā nāsetabbo. Puna pabbajjaṃ yācamānopi apaloketvā pabbājetabboti vadanti. Pacchimikāya vassāvāsikaṃ lacchatīti pacchimikāya puna vassaṃ upagatattā lacchati. Apaloketvā lābho dātabboti chinnavassatāya vuttaṃ. Itarāni pañca sikkhāpadānīti vikālabhojanādīni pañca. Accayaṃ desāpetabboti ‘‘accayo maṃ, bhante, accagamā’’tiādinā nayena desāpetabbo.
അനാപുച്ഛാവരണവത്ഥുആദികഥാവണ്ണനാ നിട്ഠിതാ.
Anāpucchāvaraṇavatthuādikathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൪൪. അനാപുച്ഛാവരണവത്ഥു • 44. Anāpucchāvaraṇavatthu
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / അനാപുച്ഛാവരണവത്ഥുആദികഥാ • Anāpucchāvaraṇavatthuādikathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അനാപുച്ഛാവരണവത്ഥുആദികഥാവണ്ണനാ • Anāpucchāvaraṇavatthuādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / അനാപുച്ഛാവരണവത്ഥുആദികഥാവണ്ണനാ • Anāpucchāvaraṇavatthuādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൪൩. അനാപുച്ഛാവരണവത്ഥുആദികഥാ • 43. Anāpucchāvaraṇavatthuādikathā
