| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3. அனாஸவகதா²வண்ணனா
3. Anāsavakathāvaṇṇanā
391. இதா³னி அனாஸவகதா² நாம ஹோதி. தத்த² யே த⁴ம்மா அனாஸவஸ்ஸ அரஹதோ, ஸப்³பே³ தே அனாஸவாதி யேஸங் லத்³தி⁴, ஸெய்யதா²பி ஏதரஹி உத்தராபத²கானங்; தே ஸந்தா⁴ய அரஹதோதி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் அனாஸவா நாம மக்³கா³த³யோ, கிங் தஸ்ஸ தேயேவ உப்பஜ்ஜந்தீதி சோத³னத்த²ங் மக்³கோ³ ப²லந்திஆதி³ ஆரத்³த⁴ங். சக்கு² அனாஸவந்தி புட்டோ² தஸ்ஸ ஸாஸவத்தா படிக்கி²பதி. து³தியங் புட்டோ² அனாஸவஸ்ஸேதந்தி படிஜானாதி.
391. Idāni anāsavakathā nāma hoti. Tattha ye dhammā anāsavassa arahato, sabbe te anāsavāti yesaṃ laddhi, seyyathāpi etarahi uttarāpathakānaṃ; te sandhāya arahatoti pucchā sakavādissa, paṭiññā itarassa. Atha naṃ anāsavā nāma maggādayo, kiṃ tassa teyeva uppajjantīti codanatthaṃ maggo phalantiādi āraddhaṃ. Cakkhu anāsavanti puṭṭho tassa sāsavattā paṭikkhipati. Dutiyaṃ puṭṭho anāsavassetanti paṭijānāti.
392. சீவரபஞ்ஹே ஏகோவ த⁴ம்மோ அனாஸவோ ஸாஸவோ ச ஹோதீதி லக்க²ணவிரோத⁴ப⁴யா படிக்கி²பதி. து³தியங் புட்டோ² அனாஸவஸ்ஸ ஹுத்வா ஸாஸவஸ்ஸ ஹோதீதி படிஜானாதி. தஞ்ஞேவ அனாஸவந்தி பஞ்ஹாத்³வயேபி ஏஸேவ நயோ. ஸகவாதீ³ பன தஞ்ஞேவாதி அனுஞ்ஞாதத்தா ‘‘மக்³கோ³ அனாஸவோ ஹுத்வா’’திஆதீ³ஹி சோதே³தி. இமினா உபாயேன ஸப்³ப³த்த² அத்தோ² வேதி³தப்³போ³தி.
392. Cīvarapañhe ekova dhammo anāsavo sāsavo ca hotīti lakkhaṇavirodhabhayā paṭikkhipati. Dutiyaṃ puṭṭho anāsavassa hutvā sāsavassa hotīti paṭijānāti. Taññeva anāsavanti pañhādvayepi eseva nayo. Sakavādī pana taññevāti anuññātattā ‘‘maggo anāsavo hutvā’’tiādīhi codeti. Iminā upāyena sabbattha attho veditabboti.
அனாஸவகதா²வண்ணனா.
Anāsavakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (35) 3. அனாஸவகதா² • (35) 3. Anāsavakathā
