| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. анд̇хагаарасуд̇д̇ам̣
6. Andhakārasuttaṃ
1116. ‘‘ад̇т̇и, бхигкавз, логанд̇аригаа агхаа асам̣вуд̇аа анд̇хагаараа анд̇хагаарад̇имисаа, яад̇т̇амимзсам̣ жанд̣̇имасуурияаанам̣ звам̣махид̣̇д̇хигаанам̣ звам̣ махаанубхааваанам̣ аабхааяа наанубхонд̇ий’’д̇и.
1116. ‘‘Atthi, bhikkhave, lokantarikā aghā asaṃvutā andhakārā andhakāratimisā, yatthamimesaṃ candimasūriyānaṃ evaṃmahiddhikānaṃ evaṃ mahānubhāvānaṃ ābhāya nānubhontī’’ti.
звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘махаа вад̇а со, бханд̇з, анд̇хагааро, сумахаа вад̇а со, бханд̇з, анд̇хагааро! ад̇т̇и ну ко, бханд̇з, зд̇амхаа анд̇хагаараа ан̃н̃о анд̇хагааро маханд̇ад̇аро жа бхаяаанагад̇аро жаа’’д̇и? ‘‘ад̇т̇и ко, бхигку, зд̇амхаа анд̇хагаараа ан̃н̃о анд̇хагааро маханд̇ад̇аро жа бхаяаанагад̇аро жаа’’д̇и.
Evaṃ vutte aññataro bhikkhu bhagavantaṃ etadavoca – ‘‘mahā vata so, bhante, andhakāro, sumahā vata so, bhante, andhakāro! Atthi nu kho, bhante, etamhā andhakārā añño andhakāro mahantataro ca bhayānakataro cā’’ti? ‘‘Atthi kho, bhikkhu, etamhā andhakārā añño andhakāro mahantataro ca bhayānakataro cā’’ti.
‘‘гад̇амо бана, бханд̇з, зд̇амхаа анд̇хагаараа ан̃н̃о анд̇хагааро маханд̇ад̇аро жа бхаяаанагад̇аро жаа’’д̇и? ‘‘яз хи гзжи, бхигку, саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аананд̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аананд̇и, д̇з ж̇аад̇исам̣вад̇д̇анигзсу сан̇каарзсу абхираманд̇и…бз… абхирад̇аа…бз… абхисан̇каронд̇и…бз… абхисан̇карид̇ваа ж̇аад̇анд̇хагаарамби бабад̇анд̇и, ж̇аранд̇хагаарамби бабад̇анд̇и, маран̣анд̇хагаарамби бабад̇анд̇и, согабарид̣̇звад̣̇угкад̣̇оманассубааяаасанд̇хагаарамби бабад̇анд̇и. д̇з на баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘на баримужжанд̇и д̣̇угкасмаа’д̇и вад̣̇аами’’.
‘‘Katamo pana, bhante, etamhā andhakārā añño andhakāro mahantataro ca bhayānakataro cā’’ti? ‘‘Ye hi keci, bhikkhu, samaṇā vā brāhmaṇā vā ‘idaṃ dukkha’nti yathābhūtaṃ nappajānanti…pe… ‘ayaṃ dukkhanirodhagāminī paṭipadā’ti yathābhūtaṃ nappajānanti, te jātisaṃvattanikesu saṅkhāresu abhiramanti…pe… abhiratā…pe… abhisaṅkharonti…pe… abhisaṅkharitvā jātandhakārampi papatanti, jarandhakārampi papatanti, maraṇandhakārampi papatanti, sokaparidevadukkhadomanassupāyāsandhakārampi papatanti. Te na parimuccanti jātiyā jarāya maraṇena sokehi paridevehi dukkhehi domanassehi upāyāsehi. ‘Na parimuccanti dukkhasmā’ti vadāmi’’.
‘‘яз жа ко гзжи, бхигку, саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ баж̇аананд̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аананд̇и, д̇з ж̇аад̇исам̣вад̇д̇анигзсу сан̇каарзсу наабхираманд̇и…бз… анабхирад̇аа…бз… наабхисан̇каронд̇и…бз… анабхисан̇карид̇ваа ж̇аад̇анд̇хагаарамби наббабад̇анд̇и , ж̇аранд̇хагаарамби наббабад̇анд̇и, маран̣анд̇хагаарамби наббабад̇анд̇и, согабарид̣̇звад̣̇угкад̣̇оманассубааяаасанд̇хагаарамби наббабад̇анд̇и. д̇з баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘баримужжанд̇и д̣̇угкасмаа’д̇и вад̣̇аами’’.
‘‘Ye ca kho keci, bhikkhu, samaṇā vā brāhmaṇā vā ‘idaṃ dukkha’nti yathābhūtaṃ pajānanti…pe… ‘ayaṃ dukkhanirodhagāminī paṭipadā’ti yathābhūtaṃ pajānanti, te jātisaṃvattanikesu saṅkhāresu nābhiramanti…pe… anabhiratā…pe… nābhisaṅkharonti…pe… anabhisaṅkharitvā jātandhakārampi nappapatanti , jarandhakārampi nappapatanti, maraṇandhakārampi nappapatanti, sokaparidevadukkhadomanassupāyāsandhakārampi nappapatanti. Te parimuccanti jātiyā jarāya maraṇena sokehi paridevehi dukkhehi domanassehi upāyāsehi. ‘Parimuccanti dukkhasmā’ti vadāmi’’.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. чадтам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Chaṭṭhaṃ.
