| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯. ਅਨ੍ਧਸੁਤ੍ਤવਣ੍ਣਨਾ
9. Andhasuttavaṇṇanā
੨੯. ਨવਮੇ ਅਨ੍ਧੋਤਿਆਦੀਸੁ ਪਾਲ਼ਿਪਦੇਸੁ ਪਠਮੋ ਦਿਟ੍ਠਧਮ੍ਮਿਕਭੋਗਸਂਹਰਣਪਞ੍ਞਾਚਕ੍ਖੁਨੋ ਚ ਸਮ੍ਪਰਾਯਿਕਤ੍ਥਸਾਧਨਪਞ੍ਞਾਚਕ੍ਖੁਨੋ ਚ ਅਭਾવਾ ‘‘ਅਨ੍ਧੋ’’ਤਿ વੁਚ੍ਚਤਿ ਦੁਤਿਯੋਪਿ, ਤਤਿਯੋ ਪਨ ਦ੍વਿਨ੍ਨਮ੍ਪਿ ਭਾવਾ ‘‘ਦ੍વਿਚਕ੍ਖੂ’’ਤਿ વੁਚ੍ਚਤਿ। ਪਞ੍ਞਾਚਕ੍ਖੂਤਿ ਆਯਕੋਸਲ੍ਲਭੂਤਾ ਪਞ੍ਞਾਚਕ੍ਖੁ। ਤੇਨਾਹ ‘‘ਫਾਤਿਂ ਕਰੇਯ੍ਯਾ’’ਤਿ। ਅਧਮੁਤ੍ਤਮੇਤਿ ਅਧਮੇ ਚੇવ ਉਤ੍ਤਮੇ ਚ। ਪਟਿਪਕ੍ਖવਸੇਨਾਤਿ ਪਟਿਪਕ੍ਖਸ੍ਸ ਅਤ੍ਥਿਤਾવਸੇਨ। ਸੁਕ੍ਕਸਪ੍ਪਟਿਭਾਗਾਤਿ ਸੁਕ੍ਕਧਮ੍ਮੇਹਿ ਪਹਾਯਕੇਹਿ ਸਪ੍ਪਟਿਭਾਗਾਤਿ ਜਾਨੇਯ੍ਯ। ਕਣ੍ਹਸਪ੍ਪਟਿਭਾਗਾਤਿ ਕਣ੍ਹਧਮ੍ਮੇਹਿ ਪਹਾਤਬ੍ਬੇਹਿ ਸਪ੍ਪਟਿਭਾਗਾਤਿ ਜਾਨੇਯ੍ਯ।
29. Navame andhotiādīsu pāḷipadesu paṭhamo diṭṭhadhammikabhogasaṃharaṇapaññācakkhuno ca samparāyikatthasādhanapaññācakkhuno ca abhāvā ‘‘andho’’ti vuccati dutiyopi, tatiyo pana dvinnampi bhāvā ‘‘dvicakkhū’’ti vuccati. Paññācakkhūti āyakosallabhūtā paññācakkhu. Tenāha ‘‘phātiṃ kareyyā’’ti. Adhamuttameti adhame ceva uttame ca. Paṭipakkhavasenāti paṭipakkhassa atthitāvasena. Sukkasappaṭibhāgāti sukkadhammehi pahāyakehi sappaṭibhāgāti jāneyya. Kaṇhasappaṭibhāgāti kaṇhadhammehi pahātabbehi sappaṭibhāgāti jāneyya.
ਤਥਾਜਾਤਿਕਾਤਿ ਯਾਦਿਸੇਹਿ ਸਪੁਤ੍ਤਦਾਰਪਰਿਜਨਸਞਾਤਿਮਿਤ੍ਤਬਨ੍ਧવਗ੍ਗਂ ਅਤ੍ਤਾਨਂ ਸੁਖੇਤਿ ਪੀਣੇਤਿ, ਤਾਦਿਸਾ ਭੋਗਾਪਿ ਨ ਸਨ੍ਤਿ। ਪੁਞ੍ਞਾਨਿ ਚ ਨ ਕਰੋਤੀਤਿ ਸਮਣਬ੍ਰਾਹ੍ਮਣਕਪਣਦ੍ਧਿਕਯਾਚਕਾਨਂ ਸਨ੍ਤਪ੍ਪਨવਸੇਨ ਪੁਞ੍ਞਾਨਿ ਨ ਕਰੋਤਿ। ਉਭਯਤ੍ਥਾਤਿ ਉਭਯਸ੍ਮਿਂ ਲੋਕੇ, ਉਭਯਸ੍ਮਿਂ વਾ ਅਤ੍ਥੇਤਿ વਿਗ੍ਗਹੋਤਿ ਦਸ੍ਸੇਨ੍ਤੋ ‘‘ਇਧਲੋਕੇ’’ਤਿਆਦਿਮਾਹ। ਉਭਯੇਨਾਤਿ વੁਤ੍ਤਮਤ੍ਥਂ ਯੋਜੇਤ੍વਾ ਦਸ੍ਸੇਤੁਂ ‘‘ਕਥ’’ਨ੍ਤਿਆਦਿ વੁਤ੍ਤਂ। ਯਸ੍ਮਿਂ ਠਾਨੇਤਿ ਯਸ੍ਮਿਂਯੇવ ਠਾਨੇ। ਨ ਸੋਚਤੀਤਿ ਸੋਕਹੇਤੂਨਂ ਤਤ੍ਥ ਅਭਾવਤੋ ਨ ਸੋਚਤਿ।
Tathājātikāti yādisehi saputtadāraparijanasañātimittabandhavaggaṃ attānaṃ sukheti pīṇeti, tādisā bhogāpi na santi. Puññāni ca na karotīti samaṇabrāhmaṇakapaṇaddhikayācakānaṃ santappanavasena puññāni na karoti. Ubhayatthāti ubhayasmiṃ loke, ubhayasmiṃ vā attheti viggahoti dassento ‘‘idhaloke’’tiādimāha. Ubhayenāti vuttamatthaṃ yojetvā dassetuṃ ‘‘katha’’ntiādi vuttaṃ. Yasmiṃ ṭhāneti yasmiṃyeva ṭhāne. Na socatīti sokahetūnaṃ tattha abhāvato na socati.
ਅਨ੍ਧਸੁਤ੍ਤવਣ੍ਣਨਾ ਨਿਟ੍ਠਿਤਾ।
Andhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਅਨ੍ਧਸੁਤ੍ਤਂ • 9. Andhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਅਨ੍ਧਸੁਤ੍ਤવਣ੍ਣਨਾ • 9. Andhasuttavaṇṇanā
