| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. аанзн̃ж̇асаббааяасуд̇д̇аван̣н̣анаа
6. Āneñjasappāyasuttavaṇṇanā
66. звам̣ мз суд̇анд̇и аанзн̃ж̇асаббааяасуд̇д̇ам̣. д̇ад̇т̇а анижжаад̇и худ̇ваа абхаавадтзна анижжаа. гаамаад̇и вад̇т̇угаамааби гилзсагаамааби. д̇ужчаад̇и нижжасаарад̇хувасаараад̇д̇асааравирахид̇ад̇д̇аа рид̇д̇аа, на бана над̇т̇ийд̇и г̇ахзд̇аб̣б̣аа. на хи д̇ужчамудтийд̇и вуд̇д̇з мудти наама над̇т̇ийд̇и вуд̇д̇ам̣ ход̇и. яасса бана аб̣бханд̇арз гин̃жи над̇т̇и, со вужжад̇и д̇ужчо. мусаад̇и наасанагаа. мосад̇хаммаад̇и нассанасабхааваа, кзд̇д̇ам̣ вияа вад̇т̇у вияа хиран̃н̃асуван̣н̣ам̣ вияа жа на бан̃н̃ааяид̇т̇а, гад̇ибаахзнзва субинагз д̣̇идтаа вияа нассанд̇и на бан̃н̃ааяанд̇и. д̇зна вуд̇д̇ам̣ ‘‘мосад̇хаммаа’’д̇и, мааяаагад̇амзд̇анд̇и яат̇аа мааяааяа уд̣̇агам̣ ман̣ийд̇и гад̇ваа д̣̇ассид̇ам̣, б̣ад̣̇арибан̣н̣ам̣ гахаабан̣од̇и гад̇ваа д̣̇ассид̇ам̣, ан̃н̃ам̣ ваа бана зваруубам̣ д̣̇ассануубажаарз тид̇ассзва д̇ат̇аа бан̃н̃ааяад̇и, убажаараад̇иггамад̇о бадтааяа баагад̇игамзва бан̃н̃ааяад̇и. звам̣ гаамааби ид̇д̇арабажжубадтаанадтзна ‘‘мааяаагад̇а’’нд̇и вуд̇д̇аа. яат̇аа жа мааяаагааро уд̣̇агаад̣̇ийни ман̣иаад̣̇ийнам̣ васзна д̣̇ассзнд̇о ван̃жзд̇и, звам̣ гаамааби анижжаад̣̇ийни нижжаад̣̇исабхаавам̣ д̣̇ассзнд̇аа ван̃жзнд̇ийд̇и ван̃жанагадтзнаби ‘‘мааяаагад̇а’’нд̇и вуд̇д̇аа. б̣аалалаабананд̇и маяхам̣ буд̇д̇о, маяхам̣ д̇хийд̇аа, маяхам̣ хиран̃н̃ам̣ маяхам̣ суван̣н̣анд̇и звам̣ б̣аалаанам̣ лаабанад̇о б̣аалалаабанам̣. д̣̇идтад̇хаммигаа гаамаад̇и маанусагаа бан̃жа гаамаг̇ун̣аа. самбарааяигаад̇и д̇з табзд̇ваа авасзсаа. д̣̇идтад̇хаммигаа. гаамасан̃н̃аад̇и маанусагз гаамз аараб̣бха уббаннасан̃н̃аа. убхаяамзд̇ам̣ маарад̇хзяяанд̇и зд̇з гаамаа жа гаамасан̃н̃аа жа убхаяамби маарад̇хзяяам̣. язхи убхаяамзд̇ам̣ г̇ахид̇ам̣, д̇зсан̃хи убари мааро васам̣ вад̇д̇зд̇и. д̇ам̣ санд̇хааяа ‘‘убхаяамзд̇ам̣ маарад̇хзяяа’’нд̇и вуд̇д̇ам̣.
66.Evaṃme sutanti āneñjasappāyasuttaṃ. Tattha aniccāti hutvā abhāvaṭṭhena aniccā. Kāmāti vatthukāmāpi kilesakāmāpi. Tucchāti niccasāradhuvasāraattasāravirahitattā rittā, na pana natthīti gahetabbā. Na hi tucchamuṭṭhīti vutte muṭṭhi nāma natthīti vuttaṃ hoti. Yassa pana abbhantare kiñci natthi, so vuccati tuccho. Musāti nāsanakā. Mosadhammāti nassanasabhāvā, khettaṃ viya vatthu viya hiraññasuvaṇṇaṃ viya ca na paññāyittha, katipāheneva supinake diṭṭhā viya nassanti na paññāyanti. Tena vuttaṃ ‘‘mosadhammā’’ti, māyākatametanti yathā māyāya udakaṃ maṇīti katvā dassitaṃ, badaripaṇṇaṃ kahāpaṇoti katvā dassitaṃ, aññaṃ vā pana evarūpaṃ dassanūpacāre ṭhitasseva tathā paññāyati, upacārātikkamato paṭṭhāya pākatikameva paññāyati. Evaṃ kāmāpi ittarapaccupaṭṭhānaṭṭhena ‘‘māyākata’’nti vuttā. Yathā ca māyākāro udakādīni maṇiādīnaṃ vasena dassento vañceti, evaṃ kāmāpi aniccādīni niccādisabhāvaṃ dassentā vañcentīti vañcanakaṭṭhenapi ‘‘māyākata’’nti vuttā. Bālalāpananti mayhaṃ putto, mayhaṃ dhītā, mayhaṃ hiraññaṃ mayhaṃ suvaṇṇanti evaṃ bālānaṃ lāpanato bālalāpanaṃ. Diṭṭhadhammikā kāmāti mānusakā pañca kāmaguṇā. Samparāyikāti te ṭhapetvā avasesā. Diṭṭhadhammikā. Kāmasaññāti mānusake kāme ārabbha uppannasaññā. Ubhayametaṃ māradheyyanti ete kāmā ca kāmasaññā ca ubhayampi māradheyyaṃ. Yehi ubhayametaṃ gahitaṃ, tesañhi upari māro vasaṃ vatteti. Taṃ sandhāya ‘‘ubhayametaṃ māradheyya’’nti vuttaṃ.
маарассзса висаяод̇иаад̣̇ийсуби яат̇аа жол̣асса висаяо жол̣ависаяо, бан̣д̣асса висаяо бан̣д̣ависаяо, сам̣вараанам̣ висаяо сам̣варависаяод̇и бавад̇д̇анадтаанам̣ висаяод̇и вужжад̇и, звам̣ язхи зд̇з гаамаа г̇ахид̇аа, д̇зсам̣ убари мааро васам̣ вад̇д̇зд̇и. д̇ам̣ санд̇хааяа маарассзса висаяод̇и вуд̇д̇ам̣. бан̃жа бана гаамаг̇ун̣з ниваабаб̣ийж̇ам̣ вияа виббагиранд̇о мааро г̇ажчад̇и. язхи бана д̇з г̇ахид̇аа, д̇зсам̣ убари мааро васам̣ вад̇д̇зд̇и. д̇ам̣ санд̇хааяа маарассзса ниваабод̇и вуд̇д̇ам̣. яат̇аа жа яад̇т̇а хад̇т̇иаад̣̇аяо васам̣ вад̇д̇знд̇и, со хад̇т̇иг̇ожаро ассаг̇ожаро аж̇аг̇ожарод̇и вужжад̇и, звам̣ язхи зд̇з гаамаа г̇ахид̇аа, д̇зсу мааро васам̣ вад̇д̇зд̇и. д̇ам̣ санд̇хааяа маарассзса г̇ожарод̇и вуд̇д̇ам̣.
Mārassesa visayotiādīsupi yathā coḷassa visayo coḷavisayo, paṇḍassa visayo paṇḍavisayo, saṃvarānaṃ visayo saṃvaravisayoti pavattanaṭṭhānaṃ visayoti vuccati, evaṃ yehi ete kāmā gahitā, tesaṃ upari māro vasaṃ vatteti. Taṃ sandhāya mārassesa visayoti vuttaṃ. Pañca pana kāmaguṇe nivāpabījaṃ viya vippakiranto māro gacchati. Yehi pana te gahitā, tesaṃ upari māro vasaṃ vatteti. Taṃ sandhāya mārassesa nivāpoti vuttaṃ. Yathā ca yattha hatthiādayo vasaṃ vattenti, so hatthigocaro assagocaro ajagocaroti vuccati, evaṃ yehi ete kāmā gahitā, tesu māro vasaṃ vatteti. Taṃ sandhāya mārassesa gocaroti vuttaṃ.
зд̇т̇аад̇и зд̇зсу гаамзсу. маанасаад̇и жид̇д̇асамбхууд̇аа. д̇ад̇т̇а сияаа – д̣̇увид̇хз д̇аава гаамз аараб̣бха абхиж̇жхааналагкан̣аа абхиж̇жхаа, гаран̣уд̇д̇арияалагкан̣о саарамбхо жа уббаж̇ж̇ад̇у, б̣яаабаад̣̇о гат̇ам̣ уббаж̇ж̇ад̇ийд̇и? мамааяид̇з вад̇т̇усмим̣ ажчиннзби сожанд̇и, ажчиж̇ж̇анд̇зби сожанд̇и, ажчиннасан̇гиноби сожанд̇и, яо зваруубо жид̇д̇асса аагхаад̇од̇и звам̣ уббаж̇ж̇ад̇и. д̇зва арияасаавагассаад̇и д̇з арияасаавагасса. вагааро ааг̇амасанд̇химад̇д̇ам̣ ход̇и. ид̇ха манусигкад̇од̇и имасмим̣ саасанз сигканд̇асса д̇з д̇аяоби гилзсаа анд̇арааяагараа хонд̇и. абхибхуяяа логанд̇и гаамалогам̣ абхибхавид̇ваа. ад̇хидтааяа манасаад̇и жхаанаарамман̣ажид̇д̇зна ад̇хидтахид̇ваа. абарид̇д̇анд̇и гаамааважаражид̇д̇ам̣ барид̇д̇ам̣ наама, д̇асса бадигкзбзна махаг̇г̇ад̇ам̣ абарид̇д̇ам̣ наама. бамаан̣анд̇иби гаамааважарамзва, руубааважарам̣ аруубааважарам̣ аббамаан̣ам̣. субхаавид̇анд̇и бана зд̇ам̣ гаамааважараад̣̇ийнам̣ наамам̣ на ход̇и, логуд̇д̇арассзвзд̇ам̣ наамам̣. д̇асмаа зд̇асса васзна абарид̇д̇ам̣ аббамаан̣ам̣ субхаавид̇анд̇и саб̣б̣ам̣ логуд̇д̇арамзва ваддад̇и.
Etthāti etesu kāmesu. Mānasāti cittasambhūtā. Tattha siyā – duvidhe tāva kāme ārabbha abhijjhānalakkhaṇā abhijjhā, karaṇuttariyalakkhaṇo sārambho ca uppajjatu, byāpādo kathaṃ uppajjatīti? Mamāyite vatthusmiṃ acchinnepi socanti, acchijjantepi socanti, acchinnasaṅkinopi socanti, yo evarūpo cittassa āghātoti evaṃ uppajjati. Teva ariyasāvakassāti te ariyasāvakassa. Vakāro āgamasandhimattaṃ hoti. Idha manusikkhatoti imasmiṃ sāsane sikkhantassa te tayopi kilesā antarāyakarā honti. Abhibhuyya lokanti kāmalokaṃ abhibhavitvā. Adhiṭṭhāya manasāti jhānārammaṇacittena adhiṭṭhahitvā. Aparittanti kāmāvacaracittaṃ parittaṃ nāma, tassa paṭikkhepena mahaggataṃ aparittaṃ nāma. Pamāṇantipi kāmāvacarameva, rūpāvacaraṃ arūpāvacaraṃ appamāṇaṃ. Subhāvitanti pana etaṃ kāmāvacarādīnaṃ nāmaṃ na hoti, lokuttarassevetaṃ nāmaṃ. Tasmā etassa vasena aparittaṃ appamāṇaṃ subhāvitanti sabbaṃ lokuttarameva vaṭṭati.
д̇аб̣б̣ахулавихааринод̇и гаамабадиб̣ааханзна д̇амзва бадибад̣̇ам̣ б̣ахулам̣ гад̇ваа вихаранд̇асса. ааяад̇анз жид̇д̇ам̣ басийд̣̇ад̇ийд̇и гааран̣з жид̇д̇ам̣ басийд̣̇ад̇и. гим̣ банзд̇т̇а гааран̣ам̣? арахад̇д̇ам̣ ваа, арахад̇д̇асса вибассанам̣ ваа, жад̇уд̇т̇аж̇жхаанам̣ ваа, жад̇уд̇т̇аж̇жхаанасса убажаарам̣ ваа. самбасаад̣̇з сад̇ийд̇и зд̇т̇а д̣̇увид̇хо самбасаад̣̇о ад̇химогкасамбасаад̣̇о жа бадилаабхасамбасаад̣̇о жа. арахад̇д̇асса хи вибассанам̣ бадтабзд̇ваа вихарад̇о махаабхууд̇аад̣̇ийсу убадтаханд̇зсу язнимз нийхаарзна махаабхууд̇аа убадтаханд̇и, убаад̣̇ааруубаа убадтаханд̇и наамаруубаа убадтаханд̇и, бажжаяаа саб̣б̣ат̇аа убадтаханд̇и, лагкан̣аарамман̣аа вибассанаа убадтахад̇и, аж̇ж̇зва арахад̇д̇ам̣ г̇ан̣хиссаамийд̇и аббадилад̣̇д̇хзязва аасаа санд̇идтад̇и, ад̇химогкам̣ бадилабхад̇и. д̇ад̇ияаж̇жхаанам̣ ваа баад̣̇агам̣ гад̇ваа жад̇уд̇т̇аж̇жхаанад̇т̇ааяа гасин̣абаригаммам̣ гаронд̇асса нийваран̣авигкамбханаад̣̇ийни саманубассад̇о язнимз нийхаарзна нийваран̣аа вигкамбханд̇и, гилзсаа саннисийд̣̇анд̇и, сад̇и санд̇идтад̇и, сан̇каараг̇ад̇ам̣ ваа вибхууд̇ам̣ баагадам̣ худ̇ваа д̣̇иб̣б̣ажагкугасса баралого вияа убадтаад̇и , жид̇д̇уббаад̣̇о лзбабин̣д̣з лаг̇г̇амаано вияа убажаарзна самаад̇хияад̇и, аж̇ж̇зва жад̇уд̇т̇аж̇жхаанам̣ ниб̣б̣ад̇д̇зссаамийд̇и абадилад̣̇д̇хзязва аасаа санд̇идтад̇и, ад̇химогкам̣ бадилабхад̇и . аяам̣ ад̇химогкасамбасаад̣̇о наама. д̇асмим̣ самбасаад̣̇з сад̇и. яо бана арахад̇д̇ам̣ ваа бадилабхад̇и жад̇уд̇т̇аж̇жхаанам̣ ваа, д̇асса жид̇д̇ам̣ виббасаннам̣ ход̇иязва. ид̇ха бана ‘‘ааяад̇анз жид̇д̇ам̣ басийд̣̇ад̇ий’’д̇и важанад̇о арахад̇д̇авибассанааяа жзва жад̇уд̇т̇аж̇жхаануубажаарасса жа бадилаабхо бадилаабхасамбасаад̣̇од̇и взд̣̇ид̇аб̣б̣о. вибассанаа хи бан̃н̃ааяа ад̇химужжанасса гааран̣ам̣, убажаарам̣ аанзн̃ж̇асамаабад̇д̇ияаа.
Tabbahulavihārinoti kāmapaṭibāhanena tameva paṭipadaṃ bahulaṃ katvā viharantassa. Āyatane cittaṃ pasīdatīti kāraṇe cittaṃ pasīdati. Kiṃ panettha kāraṇaṃ? Arahattaṃ vā, arahattassa vipassanaṃ vā, catutthajjhānaṃ vā, catutthajjhānassa upacāraṃ vā. Sampasāde satīti ettha duvidho sampasādo adhimokkhasampasādo ca paṭilābhasampasādo ca. Arahattassa hi vipassanaṃ paṭṭhapetvā viharato mahābhūtādīsu upaṭṭhahantesu yenime nīhārena mahābhūtā upaṭṭhahanti, upādārūpā upaṭṭhahanti nāmarūpā upaṭṭhahanti, paccayā sabbathā upaṭṭhahanti, lakkhaṇārammaṇā vipassanā upaṭṭhahati, ajjeva arahattaṃ gaṇhissāmīti appaṭiladdheyeva āsā santiṭṭhati, adhimokkhaṃ paṭilabhati. Tatiyajjhānaṃ vā pādakaṃ katvā catutthajjhānatthāya kasiṇaparikammaṃ karontassa nīvaraṇavikkhambhanādīni samanupassato yenime nīhārena nīvaraṇā vikkhambhanti, kilesā sannisīdanti, sati santiṭṭhati, saṅkhāragataṃ vā vibhūtaṃ pākaṭaṃ hutvā dibbacakkhukassa paraloko viya upaṭṭhāti , cittuppādo lepapiṇḍe laggamāno viya upacārena samādhiyati, ajjeva catutthajjhānaṃ nibbattessāmīti apaṭiladdheyeva āsā santiṭṭhati, adhimokkhaṃ paṭilabhati . Ayaṃ adhimokkhasampasādo nāma. Tasmiṃ sampasāde sati. Yo pana arahattaṃ vā paṭilabhati catutthajjhānaṃ vā, tassa cittaṃ vippasannaṃ hotiyeva. Idha pana ‘‘āyatane cittaṃ pasīdatī’’ti vacanato arahattavipassanāya ceva catutthajjhānūpacārassa ca paṭilābho paṭilābhasampasādoti veditabbo. Vipassanā hi paññāya adhimuccanassa kāraṇaṃ, upacāraṃ āneñjasamāpattiyā.
зд̇арахи ваа аанзн̃ж̇ам̣ самаабаж̇ж̇ад̇и. бан̃н̃ааяа ваа ад̇химужжад̇ийд̇и зд̇т̇а зд̇арахи ваа бан̃н̃ааяа ад̇химужжад̇и, аанзн̃ж̇ам̣ ваа самаабаж̇ж̇ад̇ийд̇и звам̣ бад̣̇абаривад̇д̇анам̣ гад̇ваа ад̇т̇о взд̣̇ид̇аб̣б̣о. ид̣̇ан̃хи вуд̇д̇ам̣ ход̇и – д̇асмим̣ самбасаад̣̇з сад̇и зд̇арахи ваа бан̃н̃ааяа ад̇химужжад̇и, арахад̇д̇ам̣ сажчигарод̇ийд̇и ад̇т̇о. д̇ам̣ анабхисамбхун̣анд̇о аанзн̃ж̇ам̣ ваа самаабаж̇ж̇ад̇и, ат̇а ваа бан̃н̃ааяа ваа ад̇химужжад̇ийд̇и арахад̇д̇амаг̇г̇ам̣ бхаавзд̇и, д̇ам̣ анабхисамбхун̣анд̇о аанзн̃ж̇ам̣ ваа самаабаж̇ж̇ад̇и. арахад̇д̇амаг̇г̇ам̣ бхаавзд̇ум̣ асаггонд̇о зд̇арахи жад̇усажжам̣ ваа сажчигарод̇и. д̇ам̣ анабхисамбхун̣анд̇о аанзн̃ж̇ам̣ ваа самаабаж̇ж̇ад̇ийд̇и.
Etarahi vā āneñjaṃ samāpajjati. Paññāya vā adhimuccatīti ettha etarahi vā paññāya adhimuccati, āneñjaṃ vā samāpajjatīti evaṃ padaparivattanaṃ katvā attho veditabbo. Idañhi vuttaṃ hoti – tasmiṃ sampasāde sati etarahi vā paññāya adhimuccati, arahattaṃ sacchikarotīti attho. Taṃ anabhisambhuṇanto āneñjaṃ vā samāpajjati, atha vā paññāya vā adhimuccatīti arahattamaggaṃ bhāveti, taṃ anabhisambhuṇanto āneñjaṃ vā samāpajjati. Arahattamaggaṃ bhāvetuṃ asakkonto etarahi catusaccaṃ vā sacchikaroti. Taṃ anabhisambhuṇanto āneñjaṃ vā samāpajjatīti.
д̇ад̇рааяам̣ наяо – ид̇ха бхигку д̇ад̇ияаж̇жхаанам̣ баад̣̇агам̣ гад̇ваа жад̇уд̇т̇аж̇жхаанасса гасин̣абаригаммам̣ гарод̇и. д̇асса нийваран̣аа вигкамбханд̇и, сад̇и санд̇идтад̇и, убажаарзна жид̇д̇ам̣ самаад̇хияад̇и. со руубааруубам̣ бариг̇ан̣хаад̇и, бажжаяам̣ бариг̇г̇ан̣хаад̇и, лагкан̣аарамман̣игам̣ вибассанам̣ вавад̇т̇абзд̇и, д̇асса звам̣ ход̇и – ‘‘убажаарзна мз жхаанам̣ висзсабхааг̇ияам̣ бхавзяяа, д̇идтад̇у висзсабхааг̇ияад̇аа, ниб̣б̣зд̇хабхааг̇ияам̣ нам̣ гариссаамий’’д̇и вибассанам̣ вад̣дхзд̇ваа арахад̇д̇ам̣ сажчигарод̇и. зд̇д̇агзнасса гижжам̣ гад̇ам̣ наама ход̇и. арахад̇д̇ам̣ сажчигаад̇ум̣ асаггонд̇о бана д̇ад̇о осаггид̇амаанасо анд̇араа на д̇идтад̇и, жад̇уд̇т̇аж̇жхаанам̣ самаабаж̇ж̇ад̇иязва. яат̇аа гим̣? яат̇аа бурисо ‘‘ванамахим̣сам̣ гхаад̇зссаамий’’д̇и сад̇д̇им̣ г̇ахзд̇ваа ануб̣анд̇ханд̇о сажз д̇ам̣ гхаад̇зд̇и, сагалаг̇аамаваасино д̇осзссад̇и, асаггонд̇о бана анд̇араамаг̇г̇з сасаг̇од̇хаад̣̇аяо куд̣̇д̣̇агамиг̇з гхаад̇зд̇ваа гааж̇ам̣ буурзд̇ваа зд̇иязва.
Tatrāyaṃ nayo – idha bhikkhu tatiyajjhānaṃ pādakaṃ katvā catutthajjhānassa kasiṇaparikammaṃ karoti. Tassa nīvaraṇā vikkhambhanti, sati santiṭṭhati, upacārena cittaṃ samādhiyati. So rūpārūpaṃ parigaṇhāti, paccayaṃ pariggaṇhāti, lakkhaṇārammaṇikaṃ vipassanaṃ vavatthapeti, tassa evaṃ hoti – ‘‘upacārena me jhānaṃ visesabhāgiyaṃ bhaveyya, tiṭṭhatu visesabhāgiyatā, nibbedhabhāgiyaṃ naṃ karissāmī’’ti vipassanaṃ vaḍḍhetvā arahattaṃ sacchikaroti. Ettakenassa kiccaṃ kataṃ nāma hoti. Arahattaṃ sacchikātuṃ asakkonto pana tato osakkitamānaso antarā na tiṭṭhati, catutthajjhānaṃ samāpajjatiyeva. Yathā kiṃ? Yathā puriso ‘‘vanamahiṃsaṃ ghātessāmī’’ti sattiṃ gahetvā anubandhanto sace taṃ ghāteti, sakalagāmavāsino tosessati, asakkonto pana antarāmagge sasagodhādayo khuddakamige ghātetvā kājaṃ pūretvā etiyeva.
д̇ад̇т̇а бурисасса сад̇д̇им̣ г̇ахзд̇ваа ванамахим̣саануб̣анд̇ханам̣ вияа имасса бхигкуно д̇ад̇ияаж̇жхаанам̣ баад̣̇агам̣ гад̇ваа жад̇уд̇т̇аж̇жхаанасса баригаммагаран̣ам̣, ванамахим̣сагхаад̇анам̣ вияа – ‘‘нийваран̣авигкамбханаад̣̇ийни саманубассад̇о висзсабхааг̇ияам̣ бхавзяяа, д̇идтад̇у висзсабхааг̇ияад̇аа, ниб̣б̣зд̇хабхааг̇ияам̣ нам̣ гариссаамий’’д̇и вибассанам̣ вад̣дхзд̇ваа арахад̇д̇асса сажчигаран̣ам̣, махим̣сам̣ гхаад̇зд̇ум̣ асаггонд̇асса анд̇араамаг̇г̇з сасаг̇од̇хаад̣̇аяо куд̣̇д̣̇агамиг̇з гхаад̇зд̇ваа гааж̇ам̣ буурзд̇ваа г̇аманам̣ вияа арахад̇д̇ам̣ сажчигаад̇ум̣ асаггонд̇асса, д̇ад̇о осаггид̇ваа жад̇уд̇т̇аж̇жхаанасамаабаж̇ж̇анам̣ взд̣̇ид̇аб̣б̣ам̣. маг̇г̇абхааванаа жад̇усажжасажчигирияааяож̇анаасуби зсзва наяо.
Tattha purisassa sattiṃ gahetvā vanamahiṃsānubandhanaṃ viya imassa bhikkhuno tatiyajjhānaṃ pādakaṃ katvā catutthajjhānassa parikammakaraṇaṃ, vanamahiṃsaghātanaṃ viya – ‘‘nīvaraṇavikkhambhanādīni samanupassato visesabhāgiyaṃ bhaveyya, tiṭṭhatu visesabhāgiyatā, nibbedhabhāgiyaṃ naṃ karissāmī’’ti vipassanaṃ vaḍḍhetvā arahattassa sacchikaraṇaṃ, mahiṃsaṃ ghātetuṃ asakkontassa antarāmagge sasagodhādayo khuddakamige ghātetvā kājaṃ pūretvā gamanaṃ viya arahattaṃ sacchikātuṃ asakkontassa, tato osakkitvā catutthajjhānasamāpajjanaṃ veditabbaṃ. Maggabhāvanā catusaccasacchikiriyāyojanāsupi eseva nayo.
ид̣̇аани арахад̇д̇ам̣ сажчигаад̇ум̣ асаггонд̇асса ниб̣б̣ад̇д̇адтаанам̣ д̣̇ассзнд̇о гааяасса бхзд̣̇аад̇иаад̣̇имааха. д̇ад̇т̇а яанд̇и язна гааран̣зна д̇ам̣ сам̣вад̇д̇анигам̣ вин̃н̃аан̣ам̣ асса аанзн̃ж̇уубаг̇ам̣, д̇ам̣ гааран̣ам̣ виж̇ж̇ад̇ийд̇и ад̇т̇о. зд̇т̇а жа д̇ам̣сам̣вад̇д̇аниганд̇и д̇асса бхигкуно сам̣вад̇д̇анигам̣. язна вибаагавин̃н̃аан̣зна со бхигку сам̣вад̇д̇ад̇и ниб̣б̣ад̇д̇ад̇и, д̇ам̣ вин̃н̃аан̣ам̣. аанзн̃ж̇уубаг̇анд̇и гусалаанзн̃ж̇асабхаавуубаг̇ад̇ам̣ асса, д̇аад̣̇исамзва бхавзяяаад̇и ад̇т̇о. гзжи гусалавин̃н̃аан̣ам̣ вад̣̇анд̇и. яам̣ д̇асса бхигкуно сам̣вад̇д̇анигам̣ убабад̇д̇ихзд̇убхууд̇ам̣ гусалавин̃н̃аан̣ам̣ аанзн̃ж̇уубаг̇ад̇ам̣ асса, вибаагагаалзби д̇аннаамагамзва ассаад̇и ад̇т̇о. со банааяамад̇т̇о – ‘‘бун̃н̃ам̣ жз сан̇каарам̣ абхисан̇карод̇и, бун̃н̃уубаг̇ам̣ ход̇и вин̃н̃аан̣ам̣. абун̃н̃ам̣ жз сан̇каарам̣ абхисан̇каарод̇и, абун̃н̃убаг̇ам̣ ход̇и вин̃н̃аан̣ам̣. аанзн̃ж̇ам̣ жз сан̇каарам̣ абхисан̇карод̇и, аанзн̃ж̇уубаг̇ам̣ ход̇и вин̃н̃аан̣а’’нд̇и (сам̣. ни. 2.51) иминаа наязна взд̣̇ид̇аб̣б̣о. аанзн̃ж̇асаббааяаад̇и аанзн̃ж̇асса жад̇уд̇т̇аж̇жхаанасса саббааяаа. на гзвалан̃жа саа аанзн̃ж̇ассзва, убари арахад̇д̇ассааби саббааяаава убагаарабхууд̇ааязваад̇и взд̣̇ид̇аб̣б̣аа. ид̇и имасмим̣ батамагааанзн̃ж̇з самаад̇хивасзна осагганаа гат̇ид̇аа.
Idāni arahattaṃ sacchikātuṃ asakkontassa nibbattaṭṭhānaṃ dassento kāyassa bhedātiādimāha. Tattha yanti yena kāraṇena taṃ saṃvattanikaṃ viññāṇaṃ assa āneñjūpagaṃ, taṃ kāraṇaṃ vijjatīti attho. Ettha ca taṃsaṃvattanikanti tassa bhikkhuno saṃvattanikaṃ. Yena vipākaviññāṇena so bhikkhu saṃvattati nibbattati, taṃ viññāṇaṃ. Āneñjūpaganti kusalāneñjasabhāvūpagataṃ assa, tādisameva bhaveyyāti attho. Keci kusalaviññāṇaṃ vadanti. Yaṃ tassa bhikkhuno saṃvattanikaṃ upapattihetubhūtaṃ kusalaviññāṇaṃ āneñjūpagataṃ assa, vipākakālepi tannāmakameva assāti attho. So panāyamattho – ‘‘puññaṃ ce saṅkhāraṃ abhisaṅkharoti, puññūpagaṃ hoti viññāṇaṃ. Apuññaṃ ce saṅkhāraṃ abhisaṅkhāroti, apuññupagaṃ hoti viññāṇaṃ. Āneñjaṃ ce saṅkhāraṃ abhisaṅkharoti, āneñjūpagaṃ hoti viññāṇa’’nti (saṃ. ni. 2.51) iminā nayena veditabbo. Āneñjasappāyāti āneñjassa catutthajjhānassa sappāyā. Na kevalañca sā āneñjasseva, upari arahattassāpi sappāyāva upakārabhūtāyevāti veditabbā. Iti imasmiṃ paṭhamakaāneñje samādhivasena osakkanā kathitā.
67. ид̇и бадисан̃жигкад̇ийд̇и жад̇уд̇т̇аж̇жхаанам̣ бад̇ваа звам̣ бадисан̃жигкад̇и. аяан̃хи бхигку хздтимзна бхигкунаа бан̃н̃аванд̇ад̇аро д̇асса жа бхигкуно ад̇д̇ано жаад̇и д̣̇виннамби гаммадтаанам̣ згад̇о гад̇ваа саммасад̇и. д̇аб̣б̣ахулавихааринод̇и руубабадиб̣ааханзна д̇амзва бадибад̣̇ам̣ б̣ахулам̣ гад̇ваа вихаранд̇асса. аанзн̃ж̇ам̣ самаабаж̇ж̇ад̇ийд̇и аагаасаанан̃жааяад̇аанаанзн̃ж̇ам̣ самаабаж̇ж̇ад̇и. сзсам̣ буримасад̣̇исамзва. яат̇аа жа ид̇ха, звам̣ саб̣б̣ад̇т̇а висзсамад̇д̇амзва бана вагкаама. ид̇и имасмим̣ д̣̇уд̇ияааанзн̃ж̇з вибассанаавасзна осагганаа гат̇ид̇аа, ‘‘яам̣гин̃жи рууба’’нд̇и звам̣ вибассанаамаг̇г̇ам̣ д̣̇ассзнд̇зна гат̇ид̇аад̇и ад̇т̇о.
67.Iti paṭisañcikkhatīti catutthajjhānaṃ patvā evaṃ paṭisañcikkhati. Ayañhi bhikkhu heṭṭhimena bhikkhunā paññavantataro tassa ca bhikkhuno attano cāti dvinnampi kammaṭṭhānaṃ ekato katvā sammasati. Tabbahulavihārinoti rūpapaṭibāhanena tameva paṭipadaṃ bahulaṃ katvā viharantassa. Āneñjaṃ samāpajjatīti ākāsānañcāyatānāneñjaṃ samāpajjati. Sesaṃ purimasadisameva. Yathā ca idha, evaṃ sabbattha visesamattameva pana vakkhāma. Iti imasmiṃ dutiyaāneñje vipassanāvasena osakkanā kathitā, ‘‘yaṃkiñci rūpa’’nti evaṃ vipassanāmaggaṃ dassentena kathitāti attho.
ид̇и бадисан̃жигкад̇ийд̇и аагаасаанан̃жааяад̇анам̣ бад̇ваа звам̣ бадисан̃жигкад̇и. аяан̃хи хздтаа д̣̇вийхи бхигкуухи бан̃н̃аванд̇ад̇аро д̇зсан̃жа бхигкуунам̣ ад̇д̇ано жаад̇и д̇ин̣н̣амби гаммадтаанам̣ згад̇о гад̇ваа саммасад̇и. убхаяамзд̇ам̣ анижжанд̇и зд̇т̇а адта згзгагодтаасаа д̣̇идтад̇хаммигасамбарааяигавасзна бана сан̇кибид̇ваа убхаяанд̇и вуд̇д̇ам̣. наалам̣ абхинанд̣̇ид̇унд̇и д̇ан̣хаад̣̇идтивасзна абхинанд̣̇ид̇ум̣ на яуд̇д̇ам̣. сзсабад̣̇ад̣̇ваязби зсзва наяо. д̇аб̣б̣ахулавихааринод̇и гаамабадиб̣ааханзна жа руубабадиб̣ааханзна жа д̇амзва бадибад̣̇ам̣ б̣ахулам̣ гад̇ваа вихаранд̇асса. аанзн̃ж̇ам̣ самаабаж̇ж̇ад̇ийд̇и вин̃н̃аан̣ан̃жааяад̇анаанзн̃ж̇ам̣ самаабаж̇ж̇ад̇и. имасмим̣ д̇ад̇ияааанзн̃ж̇з вибассанаавасзна осагганаа гат̇ид̇аа.
Itipaṭisañcikkhatīti ākāsānañcāyatanaṃ patvā evaṃ paṭisañcikkhati. Ayañhi heṭṭhā dvīhi bhikkhūhi paññavantataro tesañca bhikkhūnaṃ attano cāti tiṇṇampi kammaṭṭhānaṃ ekato katvā sammasati. Ubhayametaṃ aniccanti ettha aṭṭha ekekakoṭṭhāsā diṭṭhadhammikasamparāyikavasena pana saṅkhipitvā ubhayanti vuttaṃ. Nālaṃ abhinanditunti taṇhādiṭṭhivasena abhinandituṃ na yuttaṃ. Sesapadadvayepi eseva nayo. Tabbahulavihārinoti kāmapaṭibāhanena ca rūpapaṭibāhanena ca tameva paṭipadaṃ bahulaṃ katvā viharantassa. Āneñjaṃ samāpajjatīti viññāṇañcāyatanāneñjaṃ samāpajjati. Imasmiṃ tatiyaāneñje vipassanāvasena osakkanā kathitā.
68. ид̇и бадисан̃жигкад̇ийд̇и вин̃н̃аан̣ан̃жааяад̇анам̣ бад̇ваа звам̣ бадисан̃жигкад̇и. аяан̃хи хздтаа д̇ийхи бхигкуухи бан̃н̃аванд̇ад̇аро д̇зсан̃жа бхигкуунам̣ ад̇д̇ано жаад̇и жад̇уннамби гаммадтаанам̣ згад̇о гад̇ваа саммасад̇и. яад̇т̇зд̇аа абарисзсаа нируж̇жханд̇ийд̇и яам̣ аагин̃жан̃н̃ааяад̇анам̣ бад̇ваа зд̇аа хздтаа вуд̇д̇аа саб̣б̣асан̃н̃аа нируж̇жханд̇и. зд̇ам̣ санд̇ам̣ зд̇ам̣ бан̣ийд̇анд̇и зд̇ам̣ ан̇г̇асанд̇ад̇ааяа аарамман̣асанд̇ад̇ааяа жа санд̇ам̣, ад̇аббагадтзна бан̣ийд̇ам̣. д̇аб̣б̣ахулавихааринод̇и д̇аасам̣ сан̃н̃аанам̣ бадиб̣ааханзна д̇амзва бадибад̣̇ам̣ б̣ахулам̣ гад̇ваа вихаранд̇асса. имасмим̣ батамаагин̃жан̃н̃ааяад̇анз самаад̇хивасзна осагганаа гат̇ид̇аа.
68.Iti paṭisañcikkhatīti viññāṇañcāyatanaṃ patvā evaṃ paṭisañcikkhati. Ayañhi heṭṭhā tīhi bhikkhūhi paññavantataro tesañca bhikkhūnaṃ attano cāti catunnampi kammaṭṭhānaṃ ekato katvā sammasati. Yatthetā aparisesā nirujjhantīti yaṃ ākiñcaññāyatanaṃ patvā etā heṭṭhā vuttā sabbasaññā nirujjhanti. Etaṃ santaṃ etaṃ paṇītanti etaṃ aṅgasantatāya ārammaṇasantatāya ca santaṃ, atappakaṭṭhena paṇītaṃ. Tabbahulavihārinoti tāsaṃ saññānaṃ paṭibāhanena tameva paṭipadaṃ bahulaṃ katvā viharantassa. Imasmiṃ paṭhamākiñcaññāyatane samādhivasena osakkanā kathitā.
ид̇и бадисан̃жигкад̇ийд̇и вин̃н̃аан̣ан̃жааяад̇анамзва бад̇ваа звам̣ бадисан̃жигкад̇и. аяан̃хи хздтаа жад̇уухи бхигкуухи бан̃н̃аванд̇ад̇аро д̇зсан̃жа бхигкуунам̣ ад̇д̇ано жаад̇и бан̃жаннамби гаммадтаанам̣ згад̇о гад̇ваа саммасад̇и. ад̇д̇зна ваа ад̇д̇аниязна ваад̇и ахам̣ мамаад̇и г̇ахзд̇аб̣б̣зна сун̃н̃ам̣ д̇ужчам̣ рид̇д̇ам̣. звамзд̇т̇а д̣̇вигодигаа сун̃н̃ад̇аа д̣̇ассид̇аа. д̇аб̣б̣ахулавихааринод̇и хздтаа вуд̇д̇абадибад̣̇ан̃жа иман̃жа сун̃н̃ад̇абадибад̣̇ам̣ б̣ахулам̣ гад̇ваа вихаранд̇асса. имасмим̣ д̣̇уд̇ияаагин̃жан̃н̃ааяад̇анз вибассанаавасзна осагганаа гат̇ид̇аа.
Iti paṭisañcikkhatīti viññāṇañcāyatanameva patvā evaṃ paṭisañcikkhati. Ayañhi heṭṭhā catūhi bhikkhūhi paññavantataro tesañca bhikkhūnaṃ attano cāti pañcannampi kammaṭṭhānaṃ ekato katvā sammasati. Attena vā attaniyena vāti ahaṃ mamāti gahetabbena suññaṃ tucchaṃ rittaṃ. Evamettha dvikoṭikā suññatā dassitā. Tabbahulavihārinoti heṭṭhā vuttapaṭipadañca imañca suññatapaṭipadaṃ bahulaṃ katvā viharantassa. Imasmiṃ dutiyākiñcaññāyatane vipassanāvasena osakkanā kathitā.
70. ид̇и бадисан̃жигкад̇ийд̇и вин̃н̃аан̣ан̃жааяад̇анамзва бад̇ваа звам̣ бадисан̃жигкад̇и. аяан̃хи хздтаа бан̃жахи бхигкуухи бан̃н̃аванд̇ад̇аро д̇зсан̃жа бхигкуунам̣ ад̇д̇ано жаад̇и чаннамби гаммадтаанам̣ згад̇о гад̇ваа саммасад̇и. наахам̣ гважани гассажи гин̃жанад̇асмим̣, на жа мама гважани гисмин̃жи гин̃жанам̣ над̇т̇ийд̇и зд̇т̇а бана жад̇угодигаа сун̃н̃ад̇аа гат̇ид̇аа. гат̇ам̣? аяан̃хи наахам̣ гважанийд̇и гважи ад̇д̇аанам̣ на бассад̇и, гассажи гин̃жанад̇асминд̇и ад̇д̇ано ад̇д̇аанам̣ гассажи барасса гин̃жанабхаавз убанзд̇аб̣б̣ам̣ на бассад̇и, ад̇д̇ано бхаад̇идтаанз бхаад̇арам̣ сахааяадтаанз сахааяам̣ баригкаарадтаанз ваа баригкаарам̣ ман̃н̃ид̇ваа убаг̇анд̇ваа убанзд̇аб̣б̣ам̣ на бассад̇ийд̇и ад̇т̇о. на жа мама гважанийд̇и зд̇т̇а мама – сад̣̇д̣̇ам̣ д̇аава табзд̇ваа на жа гважани барасса жа ад̇д̇аанам̣ гважи на бассад̇ийд̇и аяамад̇т̇о. ид̣̇аани мама – сад̣̇д̣̇ам̣ аахарид̇ваа мама гисмин̃жи гин̃жанам̣ над̇т̇ийд̇и со барасса ад̇д̇аа мама гисмин̃жи гин̃жанабхаавз ад̇т̇ийд̇и на бассад̇и. ад̇д̇ано бхаад̇идтаанз бхаад̇арам̣ сахааяадтаанз сахааяам̣ баригкаарадтаанз ваа баригкааранд̇и гисмин̃жи таанз барасса ад̇д̇аанам̣ иминаа гин̃жанабхаавзна убанзд̇аб̣б̣ам̣ на бассад̇ийд̇и ад̇т̇о. звамаяам̣ яасмаа нзва гад̇т̇ажи ад̇д̇аанам̣ бассад̇и, на д̇ам̣ барасса гин̃жанабхаавз убанзд̇аб̣б̣ам̣ бассад̇и, на барасса ад̇д̇аанам̣ бассад̇и, на барасса ад̇д̇аанам̣ ад̇д̇ано гин̃жанабхаавз убанзд̇аб̣б̣ам̣ бассад̇и, д̇асмаа аяам̣ сун̃н̃ад̇аа жад̇угодигаад̇и взд̣̇ид̇аб̣б̣аа. д̇аб̣б̣ахулавихааринод̇и хздтаа вуд̇д̇аббадибад̣̇ам̣ имам̣ жад̇угодисун̃н̃ад̇ан̃жа б̣ахулам̣ гад̇ваа вихаранд̇асса. имасмим̣ д̇ад̇ияаагин̃жан̃н̃ааяад̇анзби вибассанаавасзнзва осагганаа гат̇ид̇аа.
70.Itipaṭisañcikkhatīti viññāṇañcāyatanameva patvā evaṃ paṭisañcikkhati. Ayañhi heṭṭhā pañcahi bhikkhūhi paññavantataro tesañca bhikkhūnaṃ attano cāti channampi kammaṭṭhānaṃ ekato katvā sammasati. Nāhaṃ kvacani kassaci kiñcanatasmiṃ, na ca mama kvacani kismiñcikiñcanaṃ natthīti ettha pana catukoṭikā suññatā kathitā. Kathaṃ? Ayañhi nāhaṃ kvacanīti kvaci attānaṃ na passati, kassaci kiñcanatasminti attano attānaṃ kassaci parassa kiñcanabhāve upanetabbaṃ na passati, attano bhātiṭṭhāne bhātaraṃ sahāyaṭṭhāne sahāyaṃ parikkhāraṭṭhāne vā parikkhāraṃ maññitvā upagantvā upanetabbaṃ na passatīti attho. Na ca mama kvacanīti ettha mama – saddaṃ tāva ṭhapetvā na ca kvacani parassa ca attānaṃ kvaci na passatīti ayamattho. Idāni mama – saddaṃ āharitvā mama kismiñci kiñcanaṃ natthīti so parassa attā mama kismiñci kiñcanabhāve atthīti na passati. Attano bhātiṭṭhāne bhātaraṃ sahāyaṭṭhāne sahāyaṃ parikkhāraṭṭhāne vā parikkhāranti kismiñci ṭhāne parassa attānaṃ iminā kiñcanabhāvena upanetabbaṃ na passatīti attho. Evamayaṃ yasmā neva katthaci attānaṃ passati, na taṃ parassa kiñcanabhāve upanetabbaṃ passati, na parassa attānaṃ passati, na parassa attānaṃ attano kiñcanabhāve upanetabbaṃ passati, tasmā ayaṃ suññatā catukoṭikāti veditabbā. Tabbahulavihārinoti heṭṭhā vuttappaṭipadaṃ imaṃ catukoṭisuññatañca bahulaṃ katvā viharantassa. Imasmiṃ tatiyākiñcaññāyatanepi vipassanāvaseneva osakkanā kathitā.
ид̇и бадисан̃жигкад̇ийд̇и аагин̃жан̃н̃ааяад̇анам̣ бад̇ваа звам̣ бадисан̃жигкад̇и. аяан̃хи хздтаа чахи бхигкуухи бан̃н̃аванд̇ад̇аро д̇зсан̃жа бхигкуунам̣ ад̇д̇ано жаад̇и сад̇д̇аннамби гаммадтаанам̣ згад̇о гад̇ваа саммасад̇и. яад̇т̇зд̇аа абарисзсаа нируж̇жханд̇ийд̇и яам̣ нзвасан̃н̃аанаасан̃н̃ааяад̇анам̣ бад̇ваа зд̇т̇а зд̇аа хздтаа вуд̇д̇аа саб̣б̣асан̃н̃аа нируж̇жханд̇и. д̇аб̣б̣ахулавихааринод̇и д̇аасам̣ сан̃н̃аанам̣ бадиб̣ааханзна д̇амзва бадибад̣̇ам̣ б̣ахулам̣ гад̇ваа вихаранд̇асса. имасмим̣ нзвасан̃н̃аанаасан̃н̃ааяад̇анз самаад̇хивасзна осагганаа гат̇ид̇аа.
Iti paṭisañcikkhatīti ākiñcaññāyatanaṃ patvā evaṃ paṭisañcikkhati. Ayañhi heṭṭhā chahi bhikkhūhi paññavantataro tesañca bhikkhūnaṃ attano cāti sattannampi kammaṭṭhānaṃ ekato katvā sammasati. Yatthetā aparisesā nirujjhantīti yaṃ nevasaññānāsaññāyatanaṃ patvā ettha etā heṭṭhā vuttā sabbasaññā nirujjhanti. Tabbahulavihārinoti tāsaṃ saññānaṃ paṭibāhanena tameva paṭipadaṃ bahulaṃ katvā viharantassa. Imasmiṃ nevasaññānāsaññāyatane samādhivasena osakkanā kathitā.
71. но жасса но жа мз сияаад̇и сажз маяхам̣ буб̣б̣з бан̃жавид̇хам̣ гаммаваддам̣ на ааяуухид̇ам̣ асса, яам̣ мз ид̣̇ам̣ зд̇арахи звам̣ бан̃жавид̇хам̣ вибаагаваддам̣ зд̇ам̣ мз на сияаа наббавад̇д̇зяяаад̇и ад̇т̇о. на бхависсад̇ийд̇и сажз зд̇арахи бан̃жавид̇хам̣ гаммаваддам̣ ааяуухид̇ам̣ на бхависсад̇и. на мз бхависсад̇ийд̇и д̇асмим̣ асад̇и анааг̇ад̇з мз бан̃жавид̇хам̣ вибаагаваддам̣ на бхависсад̇и. яад̣̇ад̇т̇и яам̣ бхууд̇ам̣ д̇ам̣ баж̇ахаамийд̇и яам̣ ад̇т̇и яам̣ бхууд̇ам̣ зд̇арахи канд̇хабан̃жагам̣, д̇ам̣ баж̇ахаами. звам̣ убзгкам̣ бадилабхад̇ийд̇и со бхигку звам̣ вибассанубзгкам̣ лабхад̇ийд̇и ад̇т̇о.
71.No cassa no ca me siyāti sace mayhaṃ pubbe pañcavidhaṃ kammavaṭṭaṃ na āyūhitaṃ assa, yaṃ me idaṃ etarahi evaṃ pañcavidhaṃ vipākavaṭṭaṃ etaṃ me na siyā nappavatteyyāti attho. Na bhavissatīti sace etarahi pañcavidhaṃ kammavaṭṭaṃ āyūhitaṃ na bhavissati. Na me bhavissatīti tasmiṃ asati anāgate me pañcavidhaṃ vipākavaṭṭaṃ na bhavissati. Yadatthi yaṃ bhūtaṃ taṃ pajahāmīti yaṃ atthi yaṃ bhūtaṃ etarahi khandhapañcakaṃ, taṃ pajahāmi. Evaṃupekkhaṃ paṭilabhatīti so bhikkhu evaṃ vipassanupekkhaṃ labhatīti attho.
бариниб̣б̣ааязяяа ну ко со, бханд̇з, бхигку на ваа бариниб̣б̣ааязяяаад̇и гим̣ бужчаамийд̇и бужчад̇и, д̇ад̇ияаж̇жхаанам̣ баад̣̇агам̣ гад̇ваа тид̇асса арахад̇д̇амби осагганааби бадибад̣̇ааби бадисанд̇хиби гат̇ид̇аа, д̇ат̇аа жад̇уд̇т̇аж̇жхаанаад̣̇ийни баад̣̇агаани гад̇ваа тид̇аанам̣, нзвасан̃н̃аанаасан̃н̃ааяад̇анам̣ баад̣̇агам̣ гад̇ваа тид̇асса на гин̃жи гат̇ид̇ам̣, д̇ам̣ бужчаамийд̇и бужчад̇и. абзд̇т̇аад̇и аби зд̇т̇а. со д̇ам̣ убзгкам̣ абхинанд̣̇ад̇ийд̇и со д̇ам̣ вибассанубзгкам̣ д̇ан̣хаад̣̇идтиабхинанд̣̇анаахи абхинанд̣̇ад̇и. сзсабад̣̇ад̣̇ваязби зсзва наяо. д̇анниссид̇ам̣ ход̇и вин̃н̃аан̣анд̇и вин̃н̃аан̣ам̣ вибассанааниссид̇ам̣ ход̇и. д̇ад̣̇убаад̣̇аананд̇и яам̣ ниганд̇ивин̃н̃аан̣ам̣, д̇ам̣ д̇асса убаад̣̇аанам̣ наама г̇ахан̣ам̣ наама ход̇и. саубаад̣̇аанод̇и саг̇ахан̣о. на бариниб̣б̣ааяад̇ийд̇и вибассанааяа саалаяо бхигку мама саасанз на бариниб̣б̣ааяад̇и. яо бана вихаарабаривзн̣аубадтаагаад̣̇ийсу саалаяо, д̇асмим̣ вад̇д̇аб̣б̣амзва над̇т̇ийд̇и д̣̇ассзд̇и. гахам̣ банаад̇и? гад̇т̇а бана? убаад̣̇ияамаано убаад̣̇ияад̇ийд̇и бадисанд̇хим̣ г̇ан̣хамаано г̇ан̣хаад̇и. убаад̣̇аанасздтам̣ гира со, бханд̇зд̇и, бханд̇з, со гира бхигку г̇ахзд̇аб̣б̣адтаанам̣ сздтам̣ уд̇д̇амам̣ бхавам̣ убаад̣̇ияад̇и, сздтабхавз бадисанд̇хим̣ г̇ан̣хаад̇ийд̇и ад̇т̇о. иминаа д̇асса бхигкуно бадисанд̇хи гат̇ид̇аа. ид̣̇аанисса арахад̇д̇ам̣ гат̇зд̇ум̣ ид̇хаананд̣̇аад̇иаад̣̇имааха.
Parinibbāyeyya nu kho so, bhante, bhikkhu na vā parinibbāyeyyāti kiṃ pucchāmīti pucchati, tatiyajjhānaṃ pādakaṃ katvā ṭhitassa arahattampi osakkanāpi paṭipadāpi paṭisandhipi kathitā, tathā catutthajjhānādīni pādakāni katvā ṭhitānaṃ, nevasaññānāsaññāyatanaṃ pādakaṃ katvā ṭhitassa na kiñci kathitaṃ, taṃ pucchāmīti pucchati. Apetthāti api ettha. So taṃ upekkhaṃ abhinandatīti so taṃ vipassanupekkhaṃ taṇhādiṭṭhiabhinandanāhi abhinandati. Sesapadadvayepi eseva nayo. Tannissitaṃ hoti viññāṇanti viññāṇaṃ vipassanānissitaṃ hoti. Tadupādānanti yaṃ nikantiviññāṇaṃ, taṃ tassa upādānaṃ nāma gahaṇaṃ nāma hoti. Saupādānoti sagahaṇo. Na parinibbāyatīti vipassanāya sālayo bhikkhu mama sāsane na parinibbāyati. Yo pana vihārapariveṇaupaṭṭhākādīsu sālayo, tasmiṃ vattabbameva natthīti dasseti. Kahaṃ panāti? Kattha pana? Upādiyamānoupādiyatīti paṭisandhiṃ gaṇhamāno gaṇhāti. Upādānaseṭṭhaṃ kira so, bhanteti, bhante, so kira bhikkhu gahetabbaṭṭhānaṃ seṭṭhaṃ uttamaṃ bhavaṃ upādiyati, seṭṭhabhave paṭisandhiṃ gaṇhātīti attho. Iminā tassa bhikkhuno paṭisandhi kathitā. Idānissa arahattaṃ kathetuṃ idhānandātiādimāha.
73. ниссааяа ниссааяаад̇и д̇ам̣ д̇ам̣ самаабад̇д̇им̣ ниссааяа. огхасса нид̇т̇аран̣аа агкаад̇аад̇и огхад̇аран̣ам̣ гат̇ид̇ам̣, д̇ад̇ияаж̇жхаанам̣ баад̣̇агам̣ гад̇ваа тид̇абхигкуно огханид̇т̇аран̣аа гат̇ид̇аа…бз… нзвасан̃н̃аанаасан̃н̃ааяад̇анам̣ баад̣̇агам̣ гад̇ваа тид̇абхигкуно огханид̇т̇аран̣аа гат̇ид̇аад̇и вад̣̇ад̇и.
73.Nissāya nissāyāti taṃ taṃ samāpattiṃ nissāya. Oghassa nittharaṇā akkhātāti oghataraṇaṃ kathitaṃ, tatiyajjhānaṃ pādakaṃ katvā ṭhitabhikkhuno oghanittharaṇā kathitā…pe… nevasaññānāsaññāyatanaṃ pādakaṃ katvā ṭhitabhikkhuno oghanittharaṇā kathitāti vadati.
гад̇амо бана, бханд̇з, арияо вимогкод̇и ид̇ха гим̣ бужчад̇и? самаабад̇д̇им̣ д̇аава бад̣̇адтаанам̣ гад̇ваа вибассанам̣ вад̣дхзд̇ваа арахад̇д̇ам̣ г̇ан̣ханд̇о бхигку наавам̣ ваа ул̣умбаад̣̇ийни ваа ниссааяа махогхам̣ д̇арид̇ваа баарам̣ г̇ажчанд̇о вияа на гиламад̇и. сугкавибассаго бана багин̣н̣агасан̇каарз саммасид̇ваа арахад̇д̇ам̣ г̇ан̣ханд̇о б̣аахуб̣алзна сод̇ам̣ чинд̣̇ид̇ваа баарам̣ г̇ажчанд̇о вияа гиламад̇и. ид̇и имасса сугкавибассагасса арахад̇д̇ам̣ бужчаамийд̇и бужчад̇и. арияасаавагод̇и сугкавибассаго арияасааваго. аяан̃хи хздтаа адтахи бхигкуухи бан̃н̃аванд̇ад̇аро д̇зсан̃жа бхигкуунам̣ ад̇д̇ано жаад̇и наваннамби гаммадтаанам̣ згад̇о гад̇ваа саммасад̇и. зса саггааяо яаавад̇аа саггааяод̇и яад̇д̇аго д̇збхуумагаваддасан̇каад̇о саггааяо наама ад̇т̇и, саб̣б̣оби со зса саггааяо, на ид̇о барам̣ саггааяо ад̇т̇ийд̇и бадисан̃жигкад̇и.
Katamo pana, bhante, ariyo vimokkhoti idha kiṃ pucchati? Samāpattiṃ tāva padaṭṭhānaṃ katvā vipassanaṃ vaḍḍhetvā arahattaṃ gaṇhanto bhikkhu nāvaṃ vā uḷumpādīni vā nissāya mahoghaṃ taritvā pāraṃ gacchanto viya na kilamati. Sukkhavipassako pana pakiṇṇakasaṅkhāre sammasitvā arahattaṃ gaṇhanto bāhubalena sotaṃ chinditvā pāraṃ gacchanto viya kilamati. Iti imassa sukkhavipassakassa arahattaṃ pucchāmīti pucchati. Ariyasāvakoti sukkhavipassako ariyasāvako. Ayañhi heṭṭhā aṭṭhahi bhikkhūhi paññavantataro tesañca bhikkhūnaṃ attano cāti navannampi kammaṭṭhānaṃ ekato katvā sammasati. Esa sakkāyo yāvatā sakkāyoti yattako tebhūmakavaṭṭasaṅkhāto sakkāyo nāma atthi, sabbopi so esa sakkāyo, na ito paraṃ sakkāyo atthīti paṭisañcikkhati.
зд̇ам̣ амад̇ам̣ яад̣̇ид̣̇ам̣ анубаад̣̇аа жид̇д̇асса вимогкод̇и яо банзса жид̇д̇асса анубаад̣̇аавимогко наама, зд̇ам̣ амад̇ам̣ зд̇ам̣ санд̇ам̣ зд̇ам̣ бан̣ийд̇анд̇и бадисан̃жигкад̇и. ан̃н̃ад̇т̇а жа ‘‘анубаад̣̇аа жид̇д̇асса вимогко’’д̇и ниб̣б̣аанам̣ вужжад̇и. имасмим̣ бана суд̇д̇з сугкавибассагасса арахад̇д̇ам̣ гат̇ид̇ам̣. сзсам̣ саб̣б̣ад̇т̇а уд̇д̇аанамзва.
Etaṃamataṃ yadidaṃ anupādā cittassa vimokkhoti yo panesa cittassa anupādāvimokkho nāma, etaṃ amataṃ etaṃ santaṃ etaṃ paṇītanti paṭisañcikkhati. Aññattha ca ‘‘anupādā cittassa vimokkho’’ti nibbānaṃ vuccati. Imasmiṃ pana sutte sukkhavipassakassa arahattaṃ kathitaṃ. Sesaṃ sabbattha uttānameva.
гзвалам̣ бана имасмим̣ суд̇д̇з сад̇д̇асу таанзсу осагганаа гат̇ид̇аа, адтасу таанзсу бадисанд̇хи, навасу таанзсу арахад̇д̇ам̣ гат̇ид̇анд̇и взд̣̇ид̇аб̣б̣ам̣. гат̇ам̣? д̇ад̇ияам̣ жхаанам̣ д̇аава баад̣̇агам̣ гад̇ваа тид̇асса бхигкуно осагганаа гат̇ид̇аа, бадисанд̇хи гат̇ид̇аа, арахад̇д̇ам̣ гат̇ид̇ам̣, д̇ат̇аа жад̇уд̇т̇аж̇жхаанам̣, д̇ат̇аа аагаасаанан̃жааяад̇анам̣. вин̃н̃аан̣ан̃жааяад̇анам̣ бана бад̣̇адтаанам̣ гад̇ваа тид̇аанам̣ д̇ин̣н̣ам̣ бхигкуунам̣ осагганаа гат̇ид̇аа, бадисанд̇хи гат̇ид̇аа, арахад̇д̇ам̣ гат̇ид̇ам̣. д̇ат̇аа аагин̃жан̃н̃ааяад̇анам̣ баад̣̇агам̣ гад̇ваа тид̇асса бхигкуно. нзвасан̃н̃аанаасан̃н̃ааяад̇анам̣ баад̣̇агам̣ гад̇ваа тид̇асса бана осагганаа над̇т̇и, бадисанд̇хи бана арахад̇д̇ан̃жа гат̇ид̇ам̣. сугкавибассагасса арахад̇д̇амзва гат̇ид̇анд̇и. звам̣ сад̇д̇асу таанзсу осагганаа гат̇ид̇аа, адтасу таанзсу бадисанд̇хи, навасу таанзсу арахад̇д̇ам̣ гат̇ид̇анд̇и взд̣̇ид̇аб̣б̣ам̣. иман̃жа бана сад̇д̇асу таанзсу осагганам̣ адтасу бадисанд̇хим̣ навасу арахад̇д̇ам̣ самод̇хаанзд̇ваа гат̇знд̇зна имам̣ аанзн̃ж̇асаббааяасуд̇д̇ам̣ сугат̇ид̇ам̣ наама ход̇ийд̇и.
Kevalaṃ pana imasmiṃ sutte sattasu ṭhānesu osakkanā kathitā, aṭṭhasu ṭhānesu paṭisandhi, navasu ṭhānesu arahattaṃ kathitanti veditabbaṃ. Kathaṃ? Tatiyaṃ jhānaṃ tāva pādakaṃ katvā ṭhitassa bhikkhuno osakkanā kathitā, paṭisandhi kathitā, arahattaṃ kathitaṃ, tathā catutthajjhānaṃ, tathā ākāsānañcāyatanaṃ. Viññāṇañcāyatanaṃ pana padaṭṭhānaṃ katvā ṭhitānaṃ tiṇṇaṃ bhikkhūnaṃ osakkanā kathitā, paṭisandhi kathitā, arahattaṃ kathitaṃ. Tathā ākiñcaññāyatanaṃ pādakaṃ katvā ṭhitassa bhikkhuno. Nevasaññānāsaññāyatanaṃ pādakaṃ katvā ṭhitassa pana osakkanā natthi, paṭisandhi pana arahattañca kathitaṃ. Sukkhavipassakassa arahattameva kathitanti. Evaṃ sattasu ṭhānesu osakkanā kathitā, aṭṭhasu ṭhānesu paṭisandhi, navasu ṭhānesu arahattaṃ kathitanti veditabbaṃ. Imañca pana sattasu ṭhānesu osakkanaṃ aṭṭhasu paṭisandhiṃ navasu arahattaṃ samodhānetvā kathentena imaṃ āneñjasappāyasuttaṃ sukathitaṃ nāma hotīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
аанзн̃ж̇асаббааяасуд̇д̇аван̣н̣анаа нидтид̇аа.
Āneñjasappāyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. аанзн̃ж̇асаббааяасуд̇д̇ам̣ • 6. Āneñjasappāyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. аанзн̃ж̇асаббааяасуд̇д̇аван̣н̣анаа • 6. Āneñjasappāyasuttavaṇṇanā
