| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪. ਆਨੇਞ੍ਜਸੁਤ੍ਤવਣ੍ਣਨਾ
4. Āneñjasuttavaṇṇanā
੧੧੭. ਚਤੁਤ੍ਥੇ ਸਹ ਬ੍ਯਯਤਿ ਗਚ੍ਛਤੀਤਿ ਸਹਬ੍ਯੋ, ਸਹਪવਤ੍ਤਨਕੋ। ਤਸ੍ਸ ਭਾવੋ ਸਹਬ੍ਯਤਾ, ਸਹਪવਤ੍ਤੀਤਿ ਆਹ ‘‘ਸਹਭਾવਂ ਉਪਪਜ੍ਜਤੀ’’ਤਿ। ‘‘ਯਾવਤਕਂ ਤੇਸਂ ਦੇવਾਨਂ ਆਯੁਪ੍ਪਮਾਣਂ, ਤਂ ਸਬ੍ਬਂ ਖੇਪੇਤ੍વਾ ਨਿਰਯਮ੍ਪਿ ਗਚ੍ਛਤੀ’’ਤਿਆਦਿવਚਨਤੋ ਅਰੂਪਭવਤੋ ਚੁਤਸ੍ਸ ਅਪਾਯੂਪਪਤ੍ਤਿ વੁਤ੍ਤਾ વਿਯ ਦਿਸ੍ਸਤੀਤਿ ਤਨ੍ਨਿવਤ੍ਤਨਤ੍ਥਂ ਭਗવਤੋ ਅਧਿਪ੍ਪਾਯਂ વਿવਰਨ੍ਤੋ ‘‘ਸਨ੍ਧਾਯਭਾਸਿਤਮਿਦਂ વਚਨ’’ਨ੍ਤਿ ਦੀਪੇਤਿ ‘‘ਨਿਰਯਾਦੀਹਿ ਅવਿਪ੍ਪਮੁਤ੍ਤਤ੍ਤਾ’’ਤਿਆਦਿਨਾ। ਨ ਹਿ ਤਸ੍ਸ ਉਪਚਾਰਜ੍ਝਾਨਤੋ ਬਲવਤਰਂ ਅਕੁਸਲਂ ਅਤ੍ਥੀਤਿ। ਇਮਿਨਾ ਤਤੋ ਚવਨ੍ਤਾਨਂ ਉਪਚਾਰਜ੍ਝਾਨਮੇવ ਪਟਿਸਨ੍ਧਿਜਨਕਂ ਕਮ੍ਮਨ੍ਤਿ ਦੀਪੇਤਿ। ਅਧਿਕਂ ਪਯਸਤਿ ਪਯੁਜ੍ਜਤਿ ਏਤੇਨਾਤਿ ਅਧਿਪ੍ਪਯਾਸੋ, ਸવਿਸੇਸਂ ਇਤਿਕਤ੍ਤਬ੍ਬਕਿਰਿਯਾ। ਤੇਨਾਹ ‘‘ਅਧਿਕਪ੍ਪਯੋਗੋ’’ਤਿ। ਸੇਸਮੇਤ੍ਥ ਉਤ੍ਤਾਨਮੇવ।
117. Catutthe saha byayati gacchatīti sahabyo, sahapavattanako. Tassa bhāvo sahabyatā, sahapavattīti āha ‘‘sahabhāvaṃ upapajjatī’’ti. ‘‘Yāvatakaṃ tesaṃ devānaṃ āyuppamāṇaṃ, taṃ sabbaṃ khepetvā nirayampi gacchatī’’tiādivacanato arūpabhavato cutassa apāyūpapatti vuttā viya dissatīti tannivattanatthaṃ bhagavato adhippāyaṃ vivaranto ‘‘sandhāyabhāsitamidaṃ vacana’’nti dīpeti ‘‘nirayādīhi avippamuttattā’’tiādinā. Na hi tassa upacārajjhānato balavataraṃ akusalaṃ atthīti. Iminā tato cavantānaṃ upacārajjhānameva paṭisandhijanakaṃ kammanti dīpeti. Adhikaṃ payasati payujjati etenāti adhippayāso, savisesaṃ itikattabbakiriyā. Tenāha ‘‘adhikappayogo’’ti. Sesamettha uttānameva.
ਆਨੇਞ੍ਜਸੁਤ੍ਤવਣ੍ਣਨਾ ਨਿਟ੍ਠਿਤਾ।
Āneñjasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਆਨੇਞ੍ਜਸੁਤ੍ਤਂ • 4. Āneñjasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਆਨੇਞ੍ਜਸੁਤ੍ਤવਣ੍ਣਨਾ • 4. Āneñjasuttavaṇṇanā
