| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬-੯. ਅਨਿਚ੍ਚਾਨੁਪਸ੍ਸੀਸੁਤ੍ਤਾਦਿવਣ੍ਣਨਾ
6-9. Aniccānupassīsuttādivaṇṇanā
੧੬-੧੯. ਛਟ੍ਠੇ ‘‘ਇਧ ਸਮਸੀਸੀ ਕਥਿਤੋ’’ਤਿ વਤ੍વਾ ਏવਂ ਸਮਸੀਸਿਤਂ વਿਭਜਿਤ੍વਾ ਇਧਾਧਿਪ੍ਪੇਤਂ ਦਸ੍ਸੇਤੁਂ ‘‘ਸੋ ਚਤੁਬ੍ਬਿਧੋ ਹੋਤੀ’’ਤਿਆਦਿਮਾਹ। ਰੋਗવਸੇਨ ਸਮਸੀਸੀ ਰੋਗਸਮਸੀਸੀ। ਏਸ ਨਯੋ ਸੇਸੇਸੁਪਿ। ਏਕਪ੍ਪਹਾਰੇਨੇવਾਤਿ ਏਕવੇਲਾਯਮੇવ। ਯੋ ਚਕ੍ਖੁਰੋਗਾਦੀਸੁ ਅਞ੍ਞਤਰਸ੍ਮਿਂ ਸਤਿ ‘‘ਇਤੋ ਅਨੁਟ੍ਠਿਤੋ ਅਰਹਤ੍ਤਂ ਪਾਪੁਣਿਸ੍ਸਾਮੀ’’ਤਿ વਿਪਸ੍ਸਨਂ ਪਟ੍ਠਪੇਸਿ, ਅਥਸ੍ਸ ਅਰਹਤ੍ਤਞ੍ਚ ਰੋਗਤੋ વੁਟ੍ਠਾਨਞ੍ਚ ਏਕਕਾਲਮੇવ ਹੋਤਿ , ਅਯਂ ਰੋਗਸਮਸੀਸੀ ਨਾਮ। ਇਰਿਯਾਪਥਸ੍ਸ ਪਰਿਯੋਸਾਨਨ੍ਤਿ ਇਰਿਯਾਪਥਨ੍ਤਰਸਮਾਯੋਗੋ। ਯੋ ਠਾਨਾਦੀਸੁ ਇਰਿਯਾਪਥੇਸੁ ਅਞ੍ਞਤਰਂ ਅਧਿਟ੍ਠਾਯ ‘‘ਅવਿਕੋਪੇਤ੍વਾવ ਅਰਹਤ੍ਤਂ ਪਾਪੁਣਿਸ੍ਸਾਮੀ’’ਤਿ વਿਪਸ੍ਸਨਂ ਪਟ੍ਠਪੇਸਿ। ਅਥਸ੍ਸ ਅਰਹਤ੍ਤਪ੍ਪਤ੍ਤਿ ਚ ਇਰਿਯਾਪਥવਿਕੋਪਨਞ੍ਚ ਏਕਪ੍ਪਹਾਰੇਨੇવ ਹੋਤਿ, ਅਯਂ ਇਰਿਯਾਪਥਸਮਸੀਸੀ ਨਾਮ। ਜੀવਿਤਸਮਸੀਸੀ ਨਾਮਾਤਿ ਏਤ੍ਥ ‘‘ਪਲਿਬੋਧਸੀਸਂ ਮਾਨੋ, ਪਰਾਮਾਸਸੀਸਂ ਦਿਟ੍ਠਿ, વਿਕ੍ਖੇਪਸੀਸਂ ਉਦ੍ਧਚ੍ਚਂ, ਕਿਲੇਸਸੀਸਂ ਅવਿਜ੍ਜਾ, ਅਧਿਮੋਕ੍ਖਸੀਸਂ ਸਦ੍ਧਾ, ਪਗ੍ਗਹਸੀਸਂ વੀਰਿਯਂ, ਉਪਟ੍ਠਾਨਸੀਸਂ ਸਤਿ, ਅવਿਕ੍ਖੇਪਸੀਸਂ ਸਮਾਧਿ, ਦਸ੍ਸਨਸੀਸਂ ਪਞ੍ਞਾ, ਪવਤ੍ਤਸੀਸਂ ਜੀવਿਤਿਨ੍ਦ੍ਰਿਯਂ, ਚੁਤਿਸੀਸਂ વਿਮੋਕ੍ਖੋ, ਸਙ੍ਖਾਰਸੀਸਂ ਨਿਰੋਧੋ’’ਤਿ ਪਟਿਸਮ੍ਭਿਦਾਯਂ (ਪਟਿ॰ ਮ॰ ੩.੩੩) વੁਤ੍ਤੇਸੁ ਸਤ੍ਤਰਸਸੁ ਸੀਸੇਸੁ ਪવਤ੍ਤਸੀਸਂ ਕਿਲੇਸਸੀਸਨ੍ਤਿ ਦ੍વੇ ਸੀਸਾਨਿ ਇਧਾਧਿਪ੍ਪੇਤਾਨਿ – ‘‘ਅਪੁਬ੍ਬਂ ਅਚਰਿਮਂ ਆਸવਪਰਿਯਾਦਾਨਞ੍ਚ ਹੋਤਿ ਜੀવਿਤਪਰਿਯਾਦਾਨਞ੍ਚਾ’’ਤਿ વਚਨਤੋ। ਤੇਸੁ ਕਿਲੇਸਸੀਸਂ ਅਰਹਤ੍ਤਮਗ੍ਗੋ ਪਰਿਯਾਦਿਯਤਿ, ਪવਤ੍ਤਸੀਸਂ ਜੀવਿਤਿਨ੍ਦ੍ਰਿਯਂ ਚੁਤਿਚਿਤ੍ਤਂ ਪਰਿਯਾਦਿਯਤਿ। ਤਤ੍ਥ ਅવਿਜ੍ਜਾਪਰਿਯਾਦਾਯਕਂ ਚਿਤ੍ਤਂ ਜੀવਿਤਿਨ੍ਦ੍ਰਿਯਂ ਪਰਿਯਾਦਾਤੁਂ ਨ ਸਕ੍ਕੋਤਿ, ਜੀવਿਤਿਨ੍ਦ੍ਰਿਯਪਰਿਯਾਦਾਯਕਂ ਅવਿਜ੍ਜਂ ਪਰਿਯਾਦਾਤੁਂ ਨ ਸਕ੍ਕੋਤਿ । ਅਞ੍ਞਂ ਅવਿਜ੍ਜਾਪਰਿਯਾਦਾਯਕਂ ਚਿਤ੍ਤਂ, ਅਞ੍ਞਂ ਜੀવਿਤਨ੍ਦ੍ਰਿਯਪਰਿਯਾਦਾਯਕਂ। ਯਸ੍ਸ ਚੇਤਂ ਸੀਸਦ੍વਯਂ ਸਮਂ ਪਰਿਯਾਦਾਨਂ ਗਚ੍ਛਤਿ, ਸੋ ਜੀવਿਤਸਮਸੀਸੀ ਨਾਮ।
16-19. Chaṭṭhe ‘‘idha samasīsī kathito’’ti vatvā evaṃ samasīsitaṃ vibhajitvā idhādhippetaṃ dassetuṃ ‘‘so catubbidho hotī’’tiādimāha. Rogavasena samasīsī rogasamasīsī. Esa nayo sesesupi. Ekappahārenevāti ekavelāyameva. Yo cakkhurogādīsu aññatarasmiṃ sati ‘‘ito anuṭṭhito arahattaṃ pāpuṇissāmī’’ti vipassanaṃ paṭṭhapesi, athassa arahattañca rogato vuṭṭhānañca ekakālameva hoti , ayaṃ rogasamasīsī nāma. Iriyāpathassa pariyosānanti iriyāpathantarasamāyogo. Yo ṭhānādīsu iriyāpathesu aññataraṃ adhiṭṭhāya ‘‘avikopetvāva arahattaṃ pāpuṇissāmī’’ti vipassanaṃ paṭṭhapesi. Athassa arahattappatti ca iriyāpathavikopanañca ekappahāreneva hoti, ayaṃ iriyāpathasamasīsī nāma. Jīvitasamasīsī nāmāti ettha ‘‘palibodhasīsaṃ māno, parāmāsasīsaṃ diṭṭhi, vikkhepasīsaṃ uddhaccaṃ, kilesasīsaṃ avijjā, adhimokkhasīsaṃ saddhā, paggahasīsaṃ vīriyaṃ, upaṭṭhānasīsaṃ sati, avikkhepasīsaṃ samādhi, dassanasīsaṃ paññā, pavattasīsaṃ jīvitindriyaṃ, cutisīsaṃ vimokkho, saṅkhārasīsaṃ nirodho’’ti paṭisambhidāyaṃ (paṭi. ma. 3.33) vuttesu sattarasasu sīsesu pavattasīsaṃ kilesasīsanti dve sīsāni idhādhippetāni – ‘‘apubbaṃ acarimaṃ āsavapariyādānañca hoti jīvitapariyādānañcā’’ti vacanato. Tesu kilesasīsaṃ arahattamaggo pariyādiyati, pavattasīsaṃ jīvitindriyaṃ cuticittaṃ pariyādiyati. Tattha avijjāpariyādāyakaṃ cittaṃ jīvitindriyaṃ pariyādātuṃ na sakkoti, jīvitindriyapariyādāyakaṃ avijjaṃ pariyādātuṃ na sakkoti . Aññaṃ avijjāpariyādāyakaṃ cittaṃ, aññaṃ jīvitandriyapariyādāyakaṃ. Yassa cetaṃ sīsadvayaṃ samaṃ pariyādānaṃ gacchati, so jīvitasamasīsī nāma.
ਕਥਂ ਪਨਿਦਂ ਸਮਂ ਹੋਤੀਤਿ? વਾਰਸਮਤਾਯ। ਯਸ੍ਮਿਞ੍ਹਿ વਾਰੇ ਮਗ੍ਗવੁਟ੍ਠਾਨਂ ਹੋਤਿ, ਸੋਤਾਪਤ੍ਤਿਮਗ੍ਗੇ ਪਞ੍ਚ ਪਚ੍ਚવੇਕ੍ਖਣਾਨਿ, ਸਕਦਾਗਾਮਿਮਗ੍ਗੇ ਪਞ੍ਚ, ਅਨਾਗਾਮਿਮਗ੍ਗੇ ਪਞ੍ਚ, ਅਰਹਤ੍ਤਮਗ੍ਗੇ ਚਤ੍ਤਾਰੀਤਿ ਏਕੂਨવੀਸਤਿਮੇ ਪਚ੍ਚવੇਕ੍ਖਣਞਾਣੇ ਪਤਿਟ੍ਠਾਯ ਭવਙ੍ਗਂ ਓਤਰਿਤ੍વਾ ਪਰਿਨਿਬ੍ਬਾਯਤੋ ਇਮਾਯ વਾਰਸਮਤਾਯ ਇਦਂ ਉਭਯਸੀਸਪਰਿਯਾਦਾਨਮ੍ਪਿ ਸਮਂ ਹੋਤੀਤਿ ਇਮਾਯ વਾਰਸਮਤਾਯ। વਾਰਸਮવੁਤ੍ਤਿਦਾਯਕੇਨ ਹਿ ਮਗ੍ਗਚਿਤ੍ਤੇਨ ਅਤ੍ਤਨੋ ਅਨਨ੍ਤਰਂ વਿਯ ਨਿਪ੍ਫਾਦੇਤਬ੍ਬਾ ਪਚ੍ਚવੇਕ੍ਖਣવਾਰਾ ਚ ਕਿਲੇਸਪਰਿਯਾਦਾਨਸ੍ਸੇવ વਾਰਾਤਿ વਤ੍ਤਬ੍ਬਤਂ ਅਰਹਤਿ। ‘‘વਿਮੁਤ੍ਤਸ੍ਮਿਂ વਿਮੁਤ੍ਤਮਿਤਿ ਞਾਣਂ ਹੋਤੀ’’ਤਿ (ਮ॰ ਨਿ॰ ੧.੭੮; ਸਂ॰ ਨਿ॰ ੩.੧੨, ੧੪) વਚਨਤੋ ਪਚ੍ਚવੇਕ੍ਖਣਪਰਿਸਮਾਪਨੇਨ ਕਿਲੇਸਪਰਿਯਾਦਾਨਂ ਸਮ੍ਪਾਪਿਤਂ ਨਾਮ ਹੋਤੀਤਿ ਇਮਾਯ વਾਰવੁਤ੍ਤਿਯਾ ਸਮਤਾਯ ਕਿਲੇਸਪਰਿਯਾਦਾਨਜੀવਿਤਪਰਿਯਾਦਾਨਾਨਂ ਸਮਤਾ વੇਦਿਤਬ੍ਬਾ। ਤੇਨੇવਾਹ ‘‘ਯਸ੍ਮਾ ਪਨਸ੍ਸ…ਪੇ॰.. ਤਸ੍ਮਾ ਏવਂ વੁਤ੍ਤ’’ਨ੍ਤਿ।
Kathaṃ panidaṃ samaṃ hotīti? Vārasamatāya. Yasmiñhi vāre maggavuṭṭhānaṃ hoti, sotāpattimagge pañca paccavekkhaṇāni, sakadāgāmimagge pañca, anāgāmimagge pañca, arahattamagge cattārīti ekūnavīsatime paccavekkhaṇañāṇe patiṭṭhāya bhavaṅgaṃ otaritvā parinibbāyato imāya vārasamatāya idaṃ ubhayasīsapariyādānampi samaṃ hotīti imāya vārasamatāya. Vārasamavuttidāyakena hi maggacittena attano anantaraṃ viya nipphādetabbā paccavekkhaṇavārā ca kilesapariyādānasseva vārāti vattabbataṃ arahati. ‘‘Vimuttasmiṃ vimuttamiti ñāṇaṃ hotī’’ti (ma. ni. 1.78; saṃ. ni. 3.12, 14) vacanato paccavekkhaṇaparisamāpanena kilesapariyādānaṃ sampāpitaṃ nāma hotīti imāya vāravuttiyā samatāya kilesapariyādānajīvitapariyādānānaṃ samatā veditabbā. Tenevāha ‘‘yasmā panassa…pe... tasmā evaṃ vutta’’nti.
ਆਯੁਨੋ વੇਮਜ੍ਝਂ ਅਨਤਿਕ੍ਕਮਿਤ੍વਾ ਅਨ੍ਤਰਾવ ਕਿਲੇਸਪਰਿਨਿਬ੍ਬਾਨੇਨ ਪਰਿਨਿਬ੍ਬਾਯਤੀਤਿ ਅਨ੍ਤਰਾਪਰਿਨਿਬ੍ਬਾਯੀ। ਤੇਨਾਹ ‘‘ਯੋ ਪਞ੍ਚਸੁ ਸੁਦ੍ਧਾવਾਸੇਸੂ’’ਤਿਆਦਿ । વੇਮਜ੍ਝੇਤਿ ਅવਿਹਾਦੀਸੁ ਯਤ੍ਥ ਉਪ੍ਪਨ੍ਨੋ, ਤਤ੍ਥ ਆਯੁਨੋ વੇਮਜ੍ਝੇ। ਆਯੁવੇਮਜ੍ਝਂ ਉਪਹਚ੍ਚ ਅਤਿਕ੍ਕਮਿਤ੍વਾ ਤਤ੍ਥ ਪਰਿਨਿਬ੍ਬਾਯਤੀਤਿ ਉਪਹਚ੍ਚਪਰਿਨਿਬ੍ਬਾਯੀ। ਤੇਨਾਹ ‘‘ਯੋ ਤਤ੍ਥੇવਾ’’ਤਿਆਦਿ। ਅਸਙ੍ਖਾਰੇਨ ਅਪ੍ਪਯੋਗੇਨ ਅਨੁਸ੍ਸਾਹੇਨ ਅਕਿਲਮਨ੍ਤੋ ਤਿਕ੍ਖਿਨ੍ਦ੍ਰਿਯਤਾਯ ਸੁਖੇਨੇવ ਪਰਿਨਿਬ੍ਬਾਯਤੀਤਿ ਅਸਙ੍ਖਾਰਪਰਿਨਿਬ੍ਬਾਯੀ। ਤੇਨਾਹ ‘‘ਯੋ ਤੇਸਂਯੇવਾ’’ਤਿਆਦਿ। ਤੇਸਂਯੇવ ਪੁਗ੍ਗਲਾਨਨ੍ਤਿ ਨਿਦ੍ਧਾਰਣੇ ਸਾਮਿવਚਨਂ। ਅਪ੍ਪਯੋਗੇਨਾਤਿ ਅਧਿਮਤ੍ਤਪ੍ਪਯੋਗੇਨ વਿਨਾ ਅਪ੍ਪਕਸਿਰੇਨ। ਸਸਙ੍ਖਾਰੇਨ ਸਪ੍ਪਯੋਗੇਨ ਕਿਲਮਨ੍ਤੋ ਦੁਕ੍ਖੇਨ ਪਰਿਨਿਬ੍ਬਾਯਤੀਤਿ ਸਸਙ੍ਖਾਰਪਰਿਨਿਬ੍ਬਾਯੀ। ਉਦ੍ਧਂવਾਹਿਭਾવੇਨ ਉਦ੍ਧਮਸ੍ਸ ਤਣ੍ਹਾਸੋਤਂ વਟ੍ਟਸੋਤਞ੍ਚਾਤਿ, ਉਦ੍ਧਂ વਾ ਗਨ੍ਤ੍વਾ ਪਟਿਲਭਿਤਬ੍ਬਤੋ ਉਦ੍ਧਮਸ੍ਸ ਮਗ੍ਗਸੋਤਨ੍ਤਿ ਉਦ੍ਧਂਭੋਤੋ। ਪਟਿਸਨ੍ਧਿવਸੇਨ ਅਕਨਿਟ੍ਠਂ ਗਚ੍ਛਤੀਤਿ ਅਕਨਿਟ੍ਠਗਾਮੀ।
Āyuno vemajjhaṃ anatikkamitvā antarāva kilesaparinibbānena parinibbāyatīti antarāparinibbāyī. Tenāha ‘‘yo pañcasu suddhāvāsesū’’tiādi . Vemajjheti avihādīsu yattha uppanno, tattha āyuno vemajjhe. Āyuvemajjhaṃ upahacca atikkamitvā tattha parinibbāyatīti upahaccaparinibbāyī. Tenāha ‘‘yo tatthevā’’tiādi. Asaṅkhārena appayogena anussāhena akilamanto tikkhindriyatāya sukheneva parinibbāyatīti asaṅkhāraparinibbāyī. Tenāha ‘‘yo tesaṃyevā’’tiādi. Tesaṃyeva puggalānanti niddhāraṇe sāmivacanaṃ. Appayogenāti adhimattappayogena vinā appakasirena. Sasaṅkhārena sappayogena kilamanto dukkhena parinibbāyatīti sasaṅkhāraparinibbāyī. Uddhaṃvāhibhāvena uddhamassa taṇhāsotaṃ vaṭṭasotañcāti, uddhaṃ vā gantvā paṭilabhitabbato uddhamassa maggasotanti uddhaṃbhoto. Paṭisandhivasena akaniṭṭhaṃ gacchatīti akaniṭṭhagāmī.
ਏਤ੍ਥ ਪਨ ਚਤੁਕ੍ਕਂ વੇਦਿਤਬ੍ਬਂ। ਯੋ ਹਿ ਅવਿਹਤੋ ਪਟ੍ਠਾਯ ਚਤ੍ਤਾਰੋ ਦੇવਲੋਕੇ ਸੋਧੇਤ੍વਾ ਅਕਨਿਟ੍ਠਂ ਗਨ੍ਤ੍વਾ ਪਰਿਨਿਬ੍ਬਾਯਤਿ, ਅਯਂ ਉਦ੍ਧਂਸੋਤੋ ਅਕਨਿਟ੍ਠਗਾਮੀ ਨਾਮ। ਅਯਞ੍ਹਿ ਅવਿਹੇਸੁ ਕਪ੍ਪਸਹਸ੍ਸਂ વਸਨ੍ਤੋ ਅਰਹਤ੍ਤਂ ਪਤ੍ਤੁਂ ਅਸਕ੍ਕੁਣਿਤ੍વਾ ਅਤਪ੍ਪਂ ਗਚ੍ਛਤਿ, ਤਤ੍ਰਾਪਿ ਦ੍વੇ ਕਪ੍ਪਸਹਸ੍ਸਾਨਿ વਸਨ੍ਤੋ ਅਰਹਤ੍ਤਂ ਪਤ੍ਤੁਂ ਅਸਕ੍ਕੁਣਿਤ੍વਾ ਸੁਦਸ੍ਸਂ ਗਚ੍ਛਤਿ, ਤਤ੍ਰਾਪਿ ਚਤ੍ਤਾਰਿ ਕਪ੍ਪਸਹਸ੍ਸਾਨਿ વਸਨ੍ਤੋ ਅਰਹਤ੍ਤਂ ਪਤ੍ਤੁਂ ਅਸਕ੍ਕੁਣਿਤ੍વਾ ਸੁਦਸ੍ਸਿਂ ਗਚ੍ਛਤਿ, ਤਤ੍ਰਾਪਿ ਅਟ੍ਠ ਕਪ੍ਪਸਹਸ੍ਸਾਨਿ વਸਨ੍ਤੋ ਅਰਹਤ੍ਤਂ ਪਤ੍ਤੁਂ ਅਸਕ੍ਕੁਣਿਤ੍વਾ ਅਕਨਿਟ੍ਠਂ ਗਚ੍ਛਤਿ, ਤਤ੍ਥ વਸਨ੍ਤੋ ਅਗ੍ਗਮਗ੍ਗਂ ਅਧਿਗਚ੍ਛਤਿ। ਤਤ੍ਥ ਯੋ ਅવਿਹਤੋ ਪਟ੍ਠਾਯ ਦੁਤਿਯਂ વਾ ਚਤੁਤ੍ਥਂ વਾ ਦੇવਲੋਕਂ ਗਨ੍ਤ੍વਾ ਪਰਿਨਿਬ੍ਬਾਯਤਿ, ਅਯਂ ਉਦ੍ਧਂਸੋਤੋ ਨ ਅਕਨਿਟ੍ਠਗਾਮੀ ਨਾਮ। ਯੋ ਕਾਮਭવਤੋ ਚવਿਤ੍વਾ ਅਕਨਿਟ੍ਠੇਸੁ ਪਰਿਨਿਬ੍ਬਾਯਤਿ, ਅਯਂ ਨ ਉਦ੍ਧਂਸੋਤੋ ਅਕਨਿਟ੍ਠਗਾਮੀ ਨਾਮ। ਯੋ ਹੇਟ੍ਠਾ ਚਤੂਸੁ ਦੇવਲੋਕੇਸੁ ਤਤ੍ਥ ਤਤ੍ਥੇવ ਨਿਬ੍ਬਤ੍ਤਿਤ੍વਾ ਪਰਿਨਿਬ੍ਬਾਯਤਿ, ਅਯਂ ਨ ਉਦ੍ਧਂਸੋਤੋ ਨ ਅਕਨਿਟ੍ਠਗਾਮੀਤਿ।
Ettha pana catukkaṃ veditabbaṃ. Yo hi avihato paṭṭhāya cattāro devaloke sodhetvā akaniṭṭhaṃ gantvā parinibbāyati, ayaṃ uddhaṃsoto akaniṭṭhagāmī nāma. Ayañhi avihesu kappasahassaṃ vasanto arahattaṃ pattuṃ asakkuṇitvā atappaṃ gacchati, tatrāpi dve kappasahassāni vasanto arahattaṃ pattuṃ asakkuṇitvā sudassaṃ gacchati, tatrāpi cattāri kappasahassāni vasanto arahattaṃ pattuṃ asakkuṇitvā sudassiṃ gacchati, tatrāpi aṭṭha kappasahassāni vasanto arahattaṃ pattuṃ asakkuṇitvā akaniṭṭhaṃ gacchati, tattha vasanto aggamaggaṃ adhigacchati. Tattha yo avihato paṭṭhāya dutiyaṃ vā catutthaṃ vā devalokaṃ gantvā parinibbāyati, ayaṃ uddhaṃsoto na akaniṭṭhagāmī nāma. Yo kāmabhavato cavitvā akaniṭṭhesu parinibbāyati, ayaṃ na uddhaṃsoto akaniṭṭhagāmī nāma. Yo heṭṭhā catūsu devalokesu tattha tattheva nibbattitvā parinibbāyati, ayaṃ na uddhaṃsoto na akaniṭṭhagāmīti.
ਏਤੇ ਪਨ ਅવਿਹੇਸੁ ਉਪ੍ਪਨ੍ਨਸਮਨਨ੍ਤਰਆਯੁવੇਮਜ੍ਝਂ ਅਪ੍ਪਤ੍વਾવ ਪਰਿਨਿਬ੍ਬਾਯਨવਸੇਨ ਤਯੋ ਅਨ੍ਤਰਾਪਰਿਨਿਬ੍ਬਾਯਿਨੋ, ਏਕੋ ਉਪਹਚ੍ਚਪਰਿਨਿਬ੍ਬਾਯੀ, ਏਕੋ ਉਦ੍ਧਂਸੋਤੋਤਿ ਪਞ੍ਚવਿਧੋ, ਅਸਙ੍ਖਾਰਸਸਙ੍ਖਾਰਪਰਿਨਿਬ੍ਬਾਯਿવਿਭਾਗੇਨ ਦਸ ਹੋਨ੍ਤਿ, ਤਥਾ ਅਤਪ੍ਪਸੁਦਸ੍ਸਸੁਦਸ੍ਸੀਸੂਤਿ ਚਤ੍ਤਾਰੋ ਦਸਕਾਤਿ ਚਤ੍ਤਾਰੀਸਂ। ਅਕਨਿਟ੍ਠੇ ਪਨ ਉਦ੍ਧਂਸੋਤੋ ਨਤ੍ਥਿ, ਤਯੋ ਅਨ੍ਤਰਾਪਰਿਨਿਬ੍ਬਾਯਿਨੋ, ਏਕੋ ਉਪਹਚ੍ਚਪਰਿਨਿਬ੍ਬਾਯੀਤਿ ਚਤ੍ਤਾਰੋ, ਅਸਙ੍ਖਾਰਸਸਙ੍ਖਾਰਪਰਿਨਿਬ੍ਬਾਯਿવਿਭਾਗੇਨ ਅਟ੍ਠਾਤਿ ਅਟ੍ਠਚਤ੍ਤਾਰੀਸਂ ਅਨਾਗਾਮਿਨੋ। ਸਤ੍ਤਮਾਦੀਸੁ ਨਤ੍ਥਿ વਤ੍ਤਬ੍ਬਂ।
Ete pana avihesu uppannasamanantaraāyuvemajjhaṃ appatvāva parinibbāyanavasena tayo antarāparinibbāyino, eko upahaccaparinibbāyī, eko uddhaṃsototi pañcavidho, asaṅkhārasasaṅkhāraparinibbāyivibhāgena dasa honti, tathā atappasudassasudassīsūti cattāro dasakāti cattārīsaṃ. Akaniṭṭhe pana uddhaṃsoto natthi, tayo antarāparinibbāyino, eko upahaccaparinibbāyīti cattāro, asaṅkhārasasaṅkhāraparinibbāyivibhāgena aṭṭhāti aṭṭhacattārīsaṃ anāgāmino. Sattamādīsu natthi vattabbaṃ.
ਅਨਿਚ੍ਚਾਨੁਪਸ੍ਸੀਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Aniccānupassīsuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੬. ਅਨਿਚ੍ਚਾਨੁਪਸ੍ਸੀਸੁਤ੍ਤਂ • 6. Aniccānupassīsuttaṃ
੭. ਦੁਕ੍ਖਾਨੁਪਸ੍ਸੀਸੁਤ੍ਤਂ • 7. Dukkhānupassīsuttaṃ
੮. ਅਨਤ੍ਤਾਨੁਪਸ੍ਸੀਸੁਤ੍ਤਂ • 8. Anattānupassīsuttaṃ
੯. ਨਿਬ੍ਬਾਨਸੁਤ੍ਤਂ • 9. Nibbānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੬. ਅਨਿਚ੍ਚਾਨੁਪਸ੍ਸੀਸੁਤ੍ਤવਣ੍ਣਨਾ • 6. Aniccānupassīsuttavaṇṇanā
੭-੯. ਦੁਕ੍ਖਾਨੁਪਸ੍ਸੀਸੁਤ੍ਤਾਦਿવਣ੍ਣਨਾ • 7-9. Dukkhānupassīsuttādivaṇṇanā
