| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. анижжасан̃н̃аасуд̇д̇аван̣н̣анаа
10. Aniccasaññāsuttavaṇṇanā
102. д̣̇асамз анижжасан̃н̃аад̇и анижжам̣ анижжанд̇и бхаавзнд̇асса уббаннасан̃н̃аа. барияаад̣̇ияад̇ийд̇и кзбаяад̇и. саб̣б̣ам̣ асмимаананд̇и нававид̇хам̣ асмимаанам̣. мууласанд̇аанагаанийд̇и санд̇аанзд̇ваа тид̇амуулаани. махаанан̇г̇алам̣ вияа хи анижжасан̃н̃аа, куд̣̇д̣̇аанукуд̣̇д̣̇агаани мууласанд̇аанагаани вияа гилзсаа, яат̇аа гассаго гасанд̇о нан̇г̇алзна д̇аани бад̣̇аалзд̇и, звам̣ яог̇ий анижжасан̃н̃ам̣ бхаавзнд̇о анижжасан̃н̃аан̃аан̣зна гилзсз бад̣̇аалзд̇ийд̇и ид̣̇амзд̇т̇а обаммасам̣санд̣̇анам̣.
102. Dasame aniccasaññāti aniccaṃ aniccanti bhāventassa uppannasaññā. Pariyādiyatīti khepayati. Sabbaṃ asmimānanti navavidhaṃ asmimānaṃ. Mūlasantānakānīti santānetvā ṭhitamūlāni. Mahānaṅgalaṃ viya hi aniccasaññā, khuddānukhuddakāni mūlasantānakāni viya kilesā, yathā kassako kasanto naṅgalena tāni padāleti, evaṃ yogī aniccasaññaṃ bhāvento aniccasaññāñāṇena kilese padāletīti idamettha opammasaṃsandanaṃ.
од̇хунаад̇ийд̇и хздтаа д̇хунаад̇и. нид̣̇д̇хунаад̇ийд̇и бабподзд̇и. нижчодзд̇ийд̇и бабподзд̇ваа чад̣д̣зд̇и. ид̇хааби баб̣б̣аж̇аани вияа гилзсаа, лааяанам̣ нижчоданам̣ вияа анижжасан̃н̃аан̃аан̣анд̇и иминаа ад̇т̇зна убамаа сам̣санд̣̇зд̇аб̣б̣аа.
Odhunātīti heṭṭhā dhunāti. Niddhunātīti papphoṭeti. Nicchoṭetīti papphoṭetvā chaḍḍeti. Idhāpi pabbajāni viya kilesā, lāyanaṃ nicchoṭanaṃ viya aniccasaññāñāṇanti iminā atthena upamā saṃsandetabbā.
ван̣дажчиннааяаад̇и д̇ин̣хзна кураббзна ван̣дажчиннааяа. д̇ад̣̇анваяаани бхаванд̇ийд̇и д̇ам̣ амб̣абин̣д̣им̣ ануг̇ажчанд̇и, д̇ассаа бад̇амаанааяа амб̣аани бхуумияам̣ бад̇анд̇и. ид̇хааби амб̣абин̣д̣и вияа гилзсаа, д̇ин̣хакураббо вияа анижжасан̃н̃аа, яат̇аа кураббзна чиннааяа амб̣абин̣д̣ияаа саб̣б̣аани амб̣аани бхуумияам̣ бад̇анд̇и, звам̣ анижжасан̃н̃аан̃аан̣зна гилзсаанам̣ муулабхууд̇ааяа авиж̇ж̇ааяа чиннааяа саб̣б̣агилзсаа самуг̇гхаад̇ам̣ г̇ажчанд̇ийд̇и, ид̣̇ам̣ обаммасам̣санд̣̇анам̣.
Vaṇṭacchinnāyāti tiṇhena khurappena vaṇṭacchinnāya. Tadanvayāni bhavantīti taṃ ambapiṇḍiṃ anugacchanti, tassā patamānāya ambāni bhūmiyaṃ patanti. Idhāpi ambapiṇḍi viya kilesā, tiṇhakhurappo viya aniccasaññā, yathā khurappena chinnāya ambapiṇḍiyā sabbāni ambāni bhūmiyaṃ patanti, evaṃ aniccasaññāñāṇena kilesānaṃ mūlabhūtāya avijjāya chinnāya sabbakilesā samugghātaṃ gacchantīti, idaṃ opammasaṃsandanaṃ.
гуудан̇г̇амаад̇и гуудам̣ г̇ажчанд̇и. гууданиннаад̇и гуудам̣ бависанабхаавзна гуудз ниннаа. гуудасамосаран̣аад̇и гуудз самосарид̇ваа тид̇аа. ид̇хааби гуудам̣ вияа анижжасан̃н̃аа, г̇обаанасияо вияа жад̇убхуумагагусалад̇хаммаа, яат̇аа саб̣б̣аг̇обаанасийнам̣ гуудам̣ аг̇г̇ам̣, звам̣ гусалад̇хаммаанам̣ анижжасан̃н̃аа аг̇г̇аа. нану жа анижжасан̃н̃аа логияаа, саа логияагусалаанам̣ д̇аава аг̇г̇ам̣ ход̇у, логуд̇д̇араанам̣ гат̇ам̣ аг̇г̇анд̇и? д̇зсамби бадилаабхагаран̣ад̇т̇зна аг̇г̇анд̇и взд̣̇ид̇аб̣б̣аа. иминаа убааязна саб̣б̣аасу убамаасу обаммасам̣санд̣̇анам̣ взд̣̇ид̇аб̣б̣ам̣. буримаахи банзд̇т̇а д̇ийхи анижжасан̃н̃ааяа гижжам̣, бажчимаахи б̣аланд̇и. д̣̇асамам̣.
Kūṭaṅgamāti kūṭaṃ gacchanti. Kūṭaninnāti kūṭaṃ pavisanabhāvena kūṭe ninnā. Kūṭasamosaraṇāti kūṭe samosaritvā ṭhitā. Idhāpi kūṭaṃ viya aniccasaññā, gopānasiyo viya catubhūmakakusaladhammā, yathā sabbagopānasīnaṃ kūṭaṃ aggaṃ, evaṃ kusaladhammānaṃ aniccasaññā aggā. Nanu ca aniccasaññā lokiyā, sā lokiyakusalānaṃ tāva aggaṃ hotu, lokuttarānaṃ kathaṃ agganti? Tesampi paṭilābhakaraṇatthena agganti veditabbā. Iminā upāyena sabbāsu upamāsu opammasaṃsandanaṃ veditabbaṃ. Purimāhi panettha tīhi aniccasaññāya kiccaṃ, pacchimāhi balanti. Dasamaṃ.
бубпаваг̇г̇о д̣̇асамо.
Pupphavaggo dasamo.
маж̇жхимабан̣н̣аасаго самад̇д̇о.
Majjhimapaṇṇāsako samatto.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. анижжасан̃н̃аасуд̇д̇ам̣ • 10. Aniccasaññāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. анижжасан̃н̃аасуд̇д̇аван̣н̣анаа • 10. Aniccasaññāsuttavaṇṇanā
