| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. анимид̇д̇абан̃хаасуд̇д̇аван̣н̣анаа
9. Animittapañhāsuttavaṇṇanā
340. анимид̇д̇ам̣ жзд̇осамаад̇хинд̇и нижжанимид̇д̇аад̣̇ийни бахааяа бавад̇д̇ам̣ вибассанаасамаад̇хим̣язва санд̇хааязд̇ам̣ вуд̇д̇анд̇и. нимид̇д̇аанусаари вин̃н̃аан̣ам̣ ход̇ийд̇и звам̣ иминаа вибассанаасамаад̇хивихаарзна вихарад̇о вибассанаан̃аан̣з д̇игкз суурз вахамаанз. яат̇аа наама бурисасса д̇икин̣зна парасунаа ругкам̣ чинд̣̇анд̇асса ‘‘судту вад̇а мз парасу вахад̇ий’’д̇и кан̣з кан̣з парасуд̇хаарам̣ ологзнд̇асса чзж̇ж̇агижжам̣ на нибпаж̇ж̇ад̇и, звам̣ т̇зрассааби ‘‘суурам̣ вад̇а мз худ̇ваа н̃аан̣ам̣ вахад̇ий’’д̇и вибассанам̣ аараб̣бха ниганд̇и уббаж̇ж̇ад̇и. ат̇а вибассанаагижжам̣ саад̇хзд̇ум̣ наасагки. д̇ам̣ санд̇хааяа вуд̇д̇ам̣ ‘‘нимид̇д̇аанусаари вин̃н̃аан̣ам̣ ход̇ий’’д̇и. саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихаасинд̇и саб̣б̣зсам̣ нижжасукаад̇д̇анимид̇д̇аанам̣ аманасигаарзна анимид̇д̇ам̣ вудтаанаг̇ааминивибассанаасамбаяуд̇д̇ам̣ жзд̇осамаад̇хим̣ ниб̣б̣аанаарамман̣ам̣ убаримаг̇г̇апаласамаад̇хим̣ убасамбаж̇ж̇а вихаасим̣.
340.Animittaṃ cetosamādhinti niccanimittādīni pahāya pavattaṃ vipassanāsamādhiṃyeva sandhāyetaṃ vuttanti. Nimittānusāri viññāṇaṃ hotīti evaṃ iminā vipassanāsamādhivihārena viharato vipassanāñāṇe tikkhe sūre vahamāne. Yathā nāma purisassa tikhiṇena pharasunā rukkhaṃ chindantassa ‘‘suṭṭhu vata me pharasu vahatī’’ti khaṇe khaṇe pharasudhāraṃ olokentassa chejjakiccaṃ na nipphajjati, evaṃ therassāpi ‘‘sūraṃ vata me hutvā ñāṇaṃ vahatī’’ti vipassanaṃ ārabbha nikanti uppajjati. Atha vipassanākiccaṃ sādhetuṃ nāsakkhi. Taṃ sandhāya vuttaṃ ‘‘nimittānusāri viññāṇaṃ hotī’’ti. Sabbanimittānaṃ amanasikārā animittaṃ cetosamādhiṃ upasampajja vihāsinti sabbesaṃ niccasukhaattanimittānaṃ amanasikārena animittaṃ vuṭṭhānagāminivipassanāsampayuttaṃ cetosamādhiṃ nibbānārammaṇaṃ uparimaggaphalasamādhiṃ upasampajja vihāsiṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. анимид̇д̇абан̃хаасуд̇д̇ам̣ • 9. Animittapañhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. анимид̇д̇абан̃хасуд̇д̇аван̣н̣анаа • 9. Animittapañhasuttavaṇṇanā
