| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
анияад̇агат̇ааван̣н̣анаа
Aniyatakathāvaṇṇanā
542-3. ид̣̇аани сан̇гхаад̣̇исзсагат̇аананд̇арам̣ анияад̇агат̇ам̣ д̣̇ассзд̇умааха ‘‘рахонисаж̇ж̇ассаад̣̇знаа’’д̇иаад̣̇и. рахаси нисаж̇ж̇аа рахонисаж̇ж̇аа, д̇ассаа ассаад̣̇о рахонисаж̇ж̇ассаад̣̇о, д̇зна рахонисаж̇ж̇ассаад̣̇зна, мзт̇унад̇хаммасанниссид̇зна гилзсзнаад̇и ад̇т̇о. вуд̇д̇ан̃хи адтагат̇ааяам̣ ‘‘рахонисаж̇ж̇ассаад̣̇од̇и мзт̇унад̇хаммасанниссид̇агилзсо вужжад̇ий’’д̇и (баараа. адта. 2.451). ‘‘рахо наама жагкусса рахо сод̇асса рахо. жагкусса рахо наама на саггаа ход̇и агким̣ ваа никан̣ияамаанз бхамугам̣ ваа угкибияамаанз сийсам̣ ваа угкибияамаанз бассид̇ум̣. сод̇асса рахо наама на саггаа ход̇и багад̇игат̇аа сод̇у’’нд̇и (баараа. 445) бад̣̇абхааж̇анз вуд̇д̇арахзсу жагкусса рахо зва ид̇хаад̇хиббзд̇о. яат̇ааха адтагат̇ааяам̣ ‘‘гин̃жааби баал̣ияам̣ ‘сод̇асса рахо’д̇и ааг̇ад̇ам̣, жагкусса рахзнзва бана барижчзд̣̇о взд̣̇ид̇аб̣б̣о’’д̇и (баараа. адта. 2.444-445).
542-3. Idāni saṅghādisesakathānantaraṃ aniyatakathaṃ dassetumāha ‘‘rahonisajjassādenā’’tiādi. Rahasi nisajjā rahonisajjā, tassā assādo rahonisajjassādo, tena rahonisajjassādena, methunadhammasannissitena kilesenāti attho. Vuttañhi aṭṭhakathāyaṃ ‘‘rahonisajjassādoti methunadhammasannissitakileso vuccatī’’ti (pārā. aṭṭha. 2.451). ‘‘Raho nāma cakkhussa raho sotassa raho. Cakkhussa raho nāma na sakkā hoti akkhiṃ vā nikhaṇiyamāne bhamukaṃ vā ukkhipiyamāne sīsaṃ vā ukkhipiyamāne passituṃ. Sotassa raho nāma na sakkā hoti pakatikathā sotu’’nti (pārā. 445) padabhājane vuttarahesu cakkhussa raho eva idhādhippeto. Yathāha aṭṭhakathāyaṃ ‘‘kiñcāpi pāḷiyaṃ ‘sotassa raho’ti āgataṃ, cakkhussa raheneva pana paricchedo veditabbo’’ti (pārā. aṭṭha. 2.444-445).
жагкусса рахад̇д̇аа ‘‘бадижчанна’’нд̇и имамби бадижчаннад̇д̇аа зва ‘‘алам̣гамманияа’’нд̇и имамби сан̇г̇ан̣хаад̇и. нисаж̇ж̇асад̣̇д̣̇обаад̣̇аанзна ‘‘аасанз’’д̇и ид̣̇амби г̇ахид̇амзва. ‘‘маад̇уг̇аамасса санд̇игам̣ г̇анд̇угаамо’’д̇и иминаа ‘‘маад̇уг̇аамзна сад̣̇д̇хи’’нд̇и ид̣̇амби г̇ахид̇амзва. звам̣ саамад̇т̇ияаа лаб̣бхамаанабад̣̇обаад̣̇аанзна яо бана бхигку маад̇уг̇аамзна сад̣̇д̇хим̣ зго згааяа рахо бадижчаннз аасанз алам̣гамманияз нисаж̇ж̇ассаад̣̇знаад̇и вуд̇д̇ам̣ ход̇и. жагкусса рахабхаавзна гуддаад̣̇ибадижчаннз д̇знзва мзт̇унасзванагаммасса ануруубз аасанз д̇ад̣̇ахуж̇аад̇ааяаби мануссид̇т̇ияаа саха нисаж̇ж̇ассаад̣̇арааг̇зна саманнааг̇ад̇о худ̇ваад̇и ад̇т̇о. зд̇т̇а ‘‘маад̇уг̇аамассаа’’д̇и д̇ад̣̇ахуж̇аад̇амби ид̇т̇им̣ г̇ан̣хаад̇ийд̇и гуд̇о лаб̣бхад̇ийд̇и? ‘‘маад̇уг̇аамо наама мануссид̇т̇ий, на яагкий, на бзд̇ий, на д̇иражчаанаг̇ад̇аа, анд̇амасо д̇ад̣̇ахуж̇аад̇ааби д̣̇ааригаа, баг̇зва махад̇д̇арий’’д̇и (баараа. 445) бад̣̇абхааж̇анад̇о лаб̣бхад̇и.
Cakkhussa rahattā ‘‘paṭicchanna’’nti imampi paṭicchannattā eva ‘‘alaṃkammaniya’’nti imampi saṅgaṇhāti. Nisajjasaddopādānena ‘‘āsane’’ti idampi gahitameva. ‘‘Mātugāmassa santikaṃ gantukāmo’’ti iminā ‘‘mātugāmena saddhi’’nti idampi gahitameva. Evaṃ sāmatthiyā labbhamānapadopādānena yo pana bhikkhu mātugāmena saddhiṃ eko ekāya raho paṭicchanne āsane alaṃkammaniye nisajjassādenāti vuttaṃ hoti. Cakkhussa rahabhāvena kuṭṭādipaṭicchanne teneva methunasevanakammassa anurūpe āsane tadahujātāyapi manussitthiyā saha nisajjassādarāgena samannāgato hutvāti attho. Ettha ‘‘mātugāmassā’’ti tadahujātampi itthiṃ gaṇhātīti kuto labbhatīti? ‘‘Mātugāmo nāma manussitthī, na yakkhī, na petī, na tiracchānagatā, antamaso tadahujātāpi dārikā, pageva mahattarī’’ti (pārā. 445) padabhājanato labbhati.
‘‘ниваасзд̇ий’’д̇и иминаа ‘‘гааяаб̣анд̇ханам̣ б̣анд̇хад̇и, жийварам̣ баарубад̇ий’’д̇и ид̣̇ам̣ лагкийяад̇и. саб̣б̣ад̇т̇аад̇и яат̇аавуд̇д̇ам̣ баяог̇ад̇о буб̣б̣аабарабаяог̇з сан̇г̇ан̣хаад̇и. д̇знзва ‘‘баяог̇з жа баяог̇з жаа’’д̇и вижчаабаяог̇о гад̇о. нисийд̣̇ад̇о жасса д̣̇уггаданд̇и яож̇анаа. ‘‘убхиннамби нисаж̇ж̇ааяа баажид̇д̇ияа’’нд̇и вагкамаанад̇д̇аа д̣̇уггадам̣ санд̇хааяа згагасса нисийд̣̇ад̇од̇и г̇ахзд̇аб̣б̣ам̣.
‘‘Nivāsetī’’ti iminā ‘‘kāyabandhanaṃ bandhati, cīvaraṃ pārupatī’’ti idaṃ lakkhīyati. Sabbatthāti yathāvuttaṃ payogato pubbāparapayoge saṅgaṇhāti. Teneva ‘‘payoge ca payoge cā’’ti vicchāpayogo kato. Nisīdato cassa dukkaṭanti yojanā. ‘‘Ubhinnampi nisajjāya pācittiya’’nti vakkhamānattā dukkaṭaṃ sandhāya ekakassa nisīdatoti gahetabbaṃ.
544. нисаж̇ж̇ааяа убхиннамбийд̇и зд̇т̇а ‘‘саги’’нд̇и сзсо, убхиннам̣ нисаж̇ж̇аабууран̣авасзна ан̃н̃аман̃н̃асса бурз ваа бажчаа ваа згагкан̣з ваа маад̇уг̇аамасса ваа бхигкусса ваа згаваарам̣ нисаж̇ж̇ааяаад̇и вуд̇д̇ам̣ ход̇и. вуд̇д̇ан̃хзд̇ам̣ баал̣ияам̣ ‘‘маад̇уг̇аамз нисиннз бхигку убанисинно ваа ход̇ий’’д̇иаад̣̇и (баараа. 445). ход̇и баажид̇д̇ияанд̇и яож̇анаа. баяог̇аг̇ан̣анааяа жа хонд̇и баажид̇д̇ияаанийд̇и г̇ахзд̇аб̣б̣ам̣, маад̇уг̇аамасса ваа бхигкуно ваа убхиннам̣ ваа удтааяудтааяа бунаббунам̣ убанисийд̣̇анабаяог̇аг̇ан̣анааяа жаад̇и ад̇т̇о. ‘‘аабад̇д̇ийхиби д̇ийхибий’’д̇и вагкамаанад̇д̇аа баажид̇д̇ияаг̇г̇ахан̣ам̣ баарааж̇игасан̇гхаад̣̇исзсаанам̣ убалагкан̣ам̣ ход̇и, д̇ийсу згам̣ ход̇ийд̇и вуд̇д̇ам̣ ход̇и. зд̇т̇а ‘‘баяог̇аг̇ан̣анааяаа’’д̇и ид̣̇ам̣ баарааж̇игааяа на лаб̣бхад̇и згабаяог̇знзва сиж̇жханад̇о. гааяасам̣саг̇г̇асан̇гхаад̣̇исзсо, бана сарийрад̇о бунаббунам̣ вияуж̇ж̇ид̇ваа пусанзна баажид̇д̇ияан̃жа яат̇аавуд̇д̇анаязнзва лаб̣бхад̇и.
544.Nisajjāyaubhinnampīti ettha ‘‘saki’’nti seso, ubhinnaṃ nisajjāpūraṇavasena aññamaññassa pure vā pacchā vā ekakkhaṇe vā mātugāmassa vā bhikkhussa vā ekavāraṃ nisajjāyāti vuttaṃ hoti. Vuttañhetaṃ pāḷiyaṃ ‘‘mātugāme nisinne bhikkhu upanisinno vā hotī’’tiādi (pārā. 445). Hoti pācittiyanti yojanā. Payogagaṇanāya ca honti pācittiyānīti gahetabbaṃ, mātugāmassa vā bhikkhuno vā ubhinnaṃ vā uṭṭhāyuṭṭhāya punappunaṃ upanisīdanapayogagaṇanāya cāti attho. ‘‘Āpattīhipi tīhipī’’ti vakkhamānattā pācittiyaggahaṇaṃ pārājikasaṅghādisesānaṃ upalakkhaṇaṃ hoti, tīsu ekaṃ hotīti vuttaṃ hoti. Ettha ‘‘payogagaṇanāyā’’ti idaṃ pārājikāya na labbhati ekapayogeneva sijjhanato. Kāyasaṃsaggasaṅghādiseso, pana sarīrato punappunaṃ viyujjitvā phusanena pācittiyañca yathāvuttanayeneva labbhati.
б̣ахуусуби маад̇уг̇аамзсу б̣ахугаани баажид̇д̇ияаани хонд̇ийд̇и яож̇анаа. б̣ахуусу маад̇уг̇аамзсу нисиннзсу нисиннаанам̣ г̇ан̣анааяа згзнзва баяог̇зна б̣ахууни баажид̇д̇ияаани жа сан̇гхаад̣̇исзсаа жа хонд̇и. ‘‘баяог̇аг̇ан̣анааяа жаа’’д̇и имасса зд̇т̇ааби яуж̇ж̇амаанад̇д̇аа д̇аасу висум̣ висум̣ удтааяудтааяа бунаббунам̣ нисийд̣̇анд̇ийсу, саяан̃жа удтааяудтааяа бунаббунам̣ нисийд̣̇ад̇о д̇аасам̣ г̇ан̣анааяа аабаж̇ж̇ид̇аб̣б̣аабад̇д̇ияо баяог̇аг̇ан̣анааяа жа б̣ахуу хонд̇ийд̇и ид̣̇ам̣ лаб̣бхад̇и. зд̇т̇ааби бана баарааж̇игам̣ на лаб̣бхад̇и, сан̇гхаад̣̇исзсо, баажид̇д̇ияан̃жа лаб̣бхад̇и.
Bahūsupi mātugāmesu bahukāni pācittiyāni hontīti yojanā. Bahūsu mātugāmesu nisinnesu nisinnānaṃ gaṇanāya ekeneva payogena bahūni pācittiyāni ca saṅghādisesā ca honti. ‘‘Payogagaṇanāya cā’’ti imassa etthāpi yujjamānattā tāsu visuṃ visuṃ uṭṭhāyuṭṭhāya punappunaṃ nisīdantīsu, sayañca uṭṭhāyuṭṭhāya punappunaṃ nisīdato tāsaṃ gaṇanāya āpajjitabbāpattiyo payogagaṇanāya ca bahū hontīti idaṃ labbhati. Etthāpi pana pārājikaṃ na labbhati, saṅghādiseso, pācittiyañca labbhati.
545. самийбз тид̇оби анд̇хо анаабад̇д̇им̣ на гарод̇ийд̇и сод̇асса рахабхаавз асад̇иби бад̇хаанабхууд̇асса ‘‘жагкусса рахо’’д̇и имасса ан̇г̇асса виж̇ж̇амаанад̇д̇аа вуд̇д̇ам̣ ‘‘анд̇од̣̇ваад̣̇асахад̇т̇агз’’д̇и, иминаа савануубажаарз виж̇ж̇амаанзбийд̇и вуд̇д̇ам̣ ход̇и. ид̇т̇ийнам̣ д̇у сад̇амби жа на гарод̇и анаабад̇д̇инд̇и яож̇анаа, вин̃н̃уно бурисасса асаннихид̇абхаавзнаад̇и ад̇хиббааяо. ‘‘ид̇т̇ийнамби сад̇амби жаа’’д̇и ликанд̇и, д̇ад̇оби аяамзва баато сунд̣̇аро. би-сад̣̇д̣̇о ваа д̇у-сад̣̇д̣̇ад̇т̇з д̣̇адтаб̣б̣о.
545. Samīpe ṭhitopi andho anāpattiṃ na karotīti sotassa rahabhāve asatipi padhānabhūtassa ‘‘cakkhussa raho’’ti imassa aṅgassa vijjamānattā vuttaṃ ‘‘antodvādasahatthake’’ti, iminā savanūpacāre vijjamānepīti vuttaṃ hoti. Itthīnaṃ tu satampi ca na karoti anāpattinti yojanā, viññuno purisassa asannihitabhāvenāti adhippāyo. ‘‘Itthīnampi satampi cā’’ti likhanti, tatopi ayameva pāṭho sundaro. Pi-saddo vā tu-saddatthe daṭṭhabbo.
546. нибаж̇ж̇ид̇ваад̇и зд̇т̇а ‘‘самийбз’’д̇и сзсо, ‘‘нид̣̇д̣̇ааяанд̇обий’’д̇и зд̇асса висзсагзна ‘‘нибаж̇ж̇ид̇ваа’’д̇и иминаа нисийд̣̇ид̇ваа нид̣̇д̣̇ааяанд̇од̇и имасса нивад̇д̇ид̇ад̇д̇аа самийбз нисийд̣̇ид̇ваа нид̣̇д̣̇ааяанд̇оби ананд̇хо мануссабурисо анаабад̇д̇им̣ гарод̇ийд̇и лаб̣бхад̇и. ‘‘гзвала’’нд̇и висзсанзна б̣алаванид̣̇д̣̇уубаг̇ад̇о г̇ахид̇од̇и д̇ат̇аа ахуд̇ваа анд̇аранд̇араа аабаннаабаннз винижчинид̇ваа бавад̇д̇амаанааяа габинид̣̇д̣̇ааяа нид̣̇д̣̇ааяанд̇оби анаабад̇д̇им̣ гарод̇ийд̇и аяамад̇т̇о лаб̣бхад̇и. ‘‘бихид̇ад̣̇ваараг̇аб̣бхассаа’’д̇и вад̇д̇аб̣б̣з маж̇жхабад̣̇алобийсамаасавасзна ‘‘бихид̇аг̇аб̣бхассаа’’д̇и вуд̇д̇ам̣. ‘‘д̣̇ваарз’’д̇и иминаа д̣̇ваарзгад̣̇зсабхууд̇ам̣ уммаарам̣ ваа д̇ам̣самийбам̣ ваа убажаарзна вуд̇д̇анд̇и д̣̇адтаб̣б̣ам̣. сажз г̇аб̣бхо бихид̇ад̣̇вааро на ход̇и, анаабад̇д̇ийд̇и б̣яад̇ирзгад̇о д̣̇ассид̇ам̣.
546.Nipajjitvāti ettha ‘‘samīpe’’ti seso, ‘‘niddāyantopī’’ti etassa visesakena ‘‘nipajjitvā’’ti iminā nisīditvā niddāyantoti imassa nivattitattā samīpe nisīditvā niddāyantopi anandho manussapuriso anāpattiṃ karotīti labbhati. ‘‘Kevala’’nti visesanena balavaniddūpagato gahitoti tathā ahutvā antarantarā āpannāpanne vinicchinitvā pavattamānāya kapiniddāya niddāyantopi anāpattiṃ karotīti ayamattho labbhati. ‘‘Pihitadvāragabbhassā’’ti vattabbe majjhapadalopīsamāsavasena ‘‘pihitagabbhassā’’ti vuttaṃ. ‘‘Dvāre’’ti iminā dvārekadesabhūtaṃ ummāraṃ vā taṃsamīpaṃ vā upacārena vuttanti daṭṭhabbaṃ. Sace gabbho pihitadvāro na hoti, anāpattīti byatirekato dassitaṃ.
547. имасмим̣ анияад̇асигкаабад̣̇з баал̣ияам̣ анаабад̇д̇иваарз асад̇иби ‘‘яо бана бхигку маад̇уг̇аамзна сад̣̇д̇хим̣ рахо бадижчаннз аасанз нисаж̇ж̇ам̣ габбзяяа, баажид̇д̇ияа’’нд̇и (баажи. 285) бан̃жамасса ажзлагаваг̇г̇асса жад̇уд̇т̇асигкаабад̣̇з анаабад̇д̇иваарз ‘‘анаабад̇д̇и яо гожи вин̃н̃уу бурисо д̣̇уд̇ияо ход̇и, д̇идтад̇и на нисийд̣̇ад̇и, арахобзгко, ан̃н̃авихид̇о нисийд̣̇ад̇и, уммад̇д̇агасса аад̣̇игаммигассаа’’д̇и (баажи. 288) вуд̇д̇з анаабад̇д̇иваарз сан̇г̇ахзд̇умааха ‘‘ананд̇хз сад̇ий’’д̇иаад̣̇и. ‘‘зд̇асса самийбз’’д̇и багаран̣ад̇о лаб̣бхад̇и. ид̇ха буллин̇г̇анид̣̇д̣̇зсзна бурисо лаб̣бхад̇и, ‘‘д̇знааби аб̣аалзна бхавид̇аб̣б̣ам̣, мануссаж̇аад̇игзна бхавид̇аб̣б̣а’’нд̇и ид̣̇ан̃жа ‘‘вин̃н̃усми’’нд̇и иминаа лаб̣бхад̇и. анд̇хасад̣̇исанид̣̇д̣̇уубаг̇ад̇абадибагкаваажиананд̇хабад̣̇зна ‘‘анид̣̇д̣̇ааяанд̇з’’д̇и лаб̣бхад̇и, манаабааманаабам̣ ж̇аананд̇з анид̣̇д̣̇ааяанд̇з мануссабурисз д̣̇ассануубажаарасса анд̇о виж̇ж̇амаанзд̇и ад̇т̇о.
547. Imasmiṃ aniyatasikkhāpade pāḷiyaṃ anāpattivāre asatipi ‘‘yo pana bhikkhu mātugāmena saddhiṃ raho paṭicchanne āsane nisajjaṃ kappeyya, pācittiya’’nti (pāci. 285) pañcamassa acelakavaggassa catutthasikkhāpade anāpattivāre ‘‘anāpatti yo koci viññū puriso dutiyo hoti, tiṭṭhati na nisīdati, arahopekkho, aññavihito nisīdati, ummattakassa ādikammikassā’’ti (pāci. 288) vutte anāpattivāre saṅgahetumāha ‘‘anandhe satī’’tiādi. ‘‘Etassa samīpe’’ti pakaraṇato labbhati. Idha pulliṅganiddesena puriso labbhati, ‘‘tenāpi abālena bhavitabbaṃ, manussajātikena bhavitabba’’nti idañca ‘‘viññusmi’’nti iminā labbhati. Andhasadisaniddūpagatapaṭipakkhavācianandhapadena ‘‘aniddāyante’’ti labbhati, manāpāmanāpaṃ jānante aniddāyante manussapurise dassanūpacārassa anto vijjamāneti attho.
‘‘нисаж̇ж̇абажжаяаа д̣̇осо над̇т̇ий’’д̇и иминаа самб̣анд̇хо, зваруубз рахо аасанз маад̇уг̇аамзна сад̣̇д̇хим̣ нисиннабажжаяаа аабад̇д̇и над̇т̇ийд̇и ад̇т̇о. ‘‘тид̇ассаа’’д̇и иминааби д̇ад̣̇зва бад̣̇ам̣ яож̇зд̇аб̣б̣ам̣. вин̃н̃умхи бадиб̣алз мануссабурисз асаннихид̇зби д̇ат̇аавид̇хз рахо аасанз маад̇уг̇аамз аасанз нисиннзби саяаанзби тид̇зби саяам̣ тид̇асса нисаж̇ж̇ааяа абхааваа д̇аббажжаяаа аабад̇д̇и на ход̇ийд̇и ад̇т̇о. арахасан̃н̃ино нисаж̇ж̇абажжаяаа д̣̇осо над̇т̇ийд̇и рахо аасанз маад̇уг̇аамзна сад̣̇д̇хим̣ нисаж̇ж̇анд̇ассааби ‘‘рахо’’д̇и сан̃н̃аарахид̇асса нисийд̣̇ад̇о нисаж̇ж̇абажжаяаа анаабад̇д̇ийд̇и ад̇т̇о. вигкид̇д̇ажзд̇асо нисаж̇ж̇абажжаяаа д̣̇осо над̇т̇ийд̇и яож̇анаа.
‘‘Nisajjapaccayā doso natthī’’ti iminā sambandho, evarūpe raho āsane mātugāmena saddhiṃ nisinnapaccayā āpatti natthīti attho. ‘‘Ṭhitassā’’ti imināpi tadeva padaṃ yojetabbaṃ. Viññumhi paṭibale manussapurise asannihitepi tathāvidhe raho āsane mātugāme āsane nisinnepi sayānepi ṭhitepi sayaṃ ṭhitassa nisajjāya abhāvā tappaccayā āpatti na hotīti attho. Arahasaññino nisajjapaccayā doso natthīti raho āsane mātugāmena saddhiṃ nisajjantassāpi ‘‘raho’’ti saññārahitassa nisīdato nisajjapaccayā anāpattīti attho. Vikkhittacetaso nisajjapaccayā doso natthīti yojanā.
548. зд̇д̇аавад̇аа баажид̇д̇ияаабад̇д̇имад̇д̇ад̇о анаабад̇д̇иббагаарам̣ д̣̇ассзд̇ваа ид̣̇аани имасса сигкаабад̣̇асса анияад̇авохаарахзд̇убхууд̇аахи д̇ийхи аабад̇д̇ийхи анаабад̇д̇ибагаарам̣ д̣̇ассзд̇умааха ‘‘на д̣̇осо’’д̇иаад̣̇и. аабад̇д̇ийхиби д̇ийхибийд̇и ‘‘нисаж̇ж̇ам̣ бхигку бадиж̇аанамаано д̇ин̣н̣ам̣ д̇хаммаанам̣ ан̃н̃ад̇арзна гаарзд̇аб̣б̣о баарааж̇игзна ваа сан̇гхаад̣̇исзсзна ваа баажид̇д̇иязна ваа’’д̇и (баараа. 444) баал̣ияам̣ вуд̇д̇аахи ‘‘батамабаарааж̇игаабад̇д̇игааяасам̣саг̇г̇асан̇гхаад̣̇исзсаабад̇д̇ибаажид̇д̇ияаабад̇д̇ий’’д̇и имаахи д̇ийхиби аабад̇д̇ийхийд̇и вуд̇д̇ам̣ ход̇ийд̇и.
548. Ettāvatā pācittiyāpattimattato anāpattippakāraṃ dassetvā idāni imassa sikkhāpadassa aniyatavohārahetubhūtāhi tīhi āpattīhi anāpattipakāraṃ dassetumāha ‘‘na doso’’tiādi. Āpattīhipi tīhipīti ‘‘nisajjaṃ bhikkhu paṭijānamāno tiṇṇaṃ dhammānaṃ aññatarena kāretabbo pārājikena vā saṅghādisesena vā pācittiyena vā’’ti (pārā. 444) pāḷiyaṃ vuttāhi ‘‘paṭhamapārājikāpattikāyasaṃsaggasaṅghādisesāpattipācittiyāpattī’’ti imāhi tīhipi āpattīhīti vuttaṃ hotīti.
батамаанияад̇агат̇ааван̣н̣анаа.
Paṭhamāniyatakathāvaṇṇanā.
549. вад̇д̇аб̣б̣абхаавзнаад̇хигад̇ад̣̇уд̇ияаанияад̇авинижчаяад̇о батамаанияад̇з вуд̇д̇авинижчаязхи самам̣ винижчаяам̣ бахааяа д̇ад̇т̇а авуд̇д̇ам̣ имассзва винижчаяависзсам̣ д̣̇ассзд̇умааха ‘‘ананд̇хаа’’д̇иаад̣̇и. ид̇ха д̣̇удтуллаваажаасан̇гхаад̣̇исзсассааби г̇ахид̇ад̇д̇аа д̇ад̇о анаабад̇д̇игарам̣ д̣̇ассзд̇ум̣ ‘‘аб̣ад̇хиро’’д̇и вуд̇д̇ам̣. ананд̇хо аб̣ад̇хирод̇и ‘‘бурисо’’д̇и ид̣̇ам̣ санд̇хааяа вуд̇д̇ам̣. ‘‘ид̇т̇ий’’д̇и ид̣̇ам̣ санд̇хааяа ‘‘ананд̇хааб̣ад̇хираа’’д̇и г̇ахзд̇аб̣б̣ам̣. звамубариби. д̇знааби савануубажааранд̇ог̇ад̇хзна бхавид̇аб̣б̣анд̇и д̣̇ассзд̇ум̣ ‘‘анд̇од̣̇ваад̣̇асахад̇т̇адто’’д̇и вуд̇д̇ам̣.
549. Vattabbabhāvenādhikatadutiyāniyatavinicchayato paṭhamāniyate vuttavinicchayehi samaṃ vinicchayaṃ pahāya tattha avuttaṃ imasseva vinicchayavisesaṃ dassetumāha ‘‘anandhā’’tiādi. Idha duṭṭhullavācāsaṅghādisesassāpi gahitattā tato anāpattikaraṃ dassetuṃ ‘‘abadhiro’’ti vuttaṃ. Anandho abadhiroti ‘‘puriso’’ti idaṃ sandhāya vuttaṃ. ‘‘Itthī’’ti idaṃ sandhāya ‘‘anandhābadhirā’’ti gahetabbaṃ. Evamuparipi. Tenāpi savanūpacārantogadhena bhavitabbanti dassetuṃ ‘‘antodvādasahatthaṭṭho’’ti vuttaṃ.
550. ‘‘анд̇хо аб̣ад̇хиро анаабад̇д̇им̣ на гарод̇ий’’д̇и ид̣̇ам̣ гааяасам̣саг̇г̇асан̇гхаад̣̇исзсам̣ санд̇хааяа вуд̇д̇ам̣. ‘‘б̣ад̇хиро вааби жагкумаа, на гарод̇и анаабад̇д̇и’’нд̇и ид̣̇ам̣ бана д̣̇удтуллаваажаасан̇гхаад̣̇исзсам̣ санд̇хааяа вуд̇д̇анд̇и звамзд̇т̇а санд̇хааяа бхаасид̇ад̇т̇о взд̣̇ид̇аб̣б̣о.
550.‘‘Andho abadhiro anāpattiṃ na karotī’’ti idaṃ kāyasaṃsaggasaṅghādisesaṃ sandhāya vuttaṃ. ‘‘Badhiro vāpi cakkhumā, na karoti anāpatti’’nti idaṃ pana duṭṭhullavācāsaṅghādisesaṃ sandhāya vuttanti evamettha sandhāya bhāsitattho veditabbo.
буримаанияад̇агат̇ааяа авуд̇д̇ависзсасса д̣̇уд̇ияаанияад̇агат̇ааяа вад̇д̇умижчид̇ад̇д̇аа аяамби висзсо ид̇ха вад̇д̇аб̣б̣о. гояам̣ висзсо, яо ид̇ха вад̇д̇аб̣б̣од̇и жз? д̇ад̇т̇а ‘‘бадижчаннз аасанз алам̣гамманияз’’д̇и (баараа. 444) вуд̇д̇ам̣ аасанан̇г̇ад̣̇ваяам̣ ид̇ха ‘‘на хзва ко бана бадижчаннам̣ аасанам̣ ход̇и наалам̣гамманияа’’нд̇и (баараа. 453) нисзд̇хзд̇ваа ‘‘алан̃жа ко ход̇и маад̇уг̇аамам̣ д̣̇удтуллаахи ваажаахи обхаасид̇у’’нд̇и (баараа. 453) ид̣̇ам̣ абуб̣б̣ан̇г̇ам̣ вуд̇д̇ам̣. д̇ад̇ра маад̇уг̇аамод̇и анд̇амасо д̇ад̣̇ахуж̇аад̇ааби д̣̇ааригаа г̇ахид̇аа, ид̇ха ‘‘маад̇уг̇аамо наама мануссид̇т̇ий, на яагкий, на бзд̇ий, на д̇иражчаанаг̇ад̇аа, вин̃н̃уу бадиб̣алаа субхаасид̇ад̣̇уб̣бхаасид̇ам̣ д̣̇удтуллаад̣̇удтуллам̣ ааж̇аанид̇у’’нд̇и (баараа. 454) вин̃н̃уу бадиб̣ало маад̇уг̇аамова вуд̇д̇о. д̇ад̇т̇а ‘‘баарааж̇игзна ваа сан̇гхаад̣̇исзсзна ваа баажид̇д̇иязна ваа’’д̇и (баараа. 444) д̇иссо аабад̇д̇ияо вуд̇д̇аа, ид̇ха ‘‘нисаж̇ж̇ам̣ бхигку бадиж̇аанамаано д̣̇виннам̣ д̇хаммаанам̣ ан̃н̃ад̇арзна гаарзд̇аб̣б̣о сан̇гхаад̣̇исзсзна ваа баажид̇д̇иязна ваа’’д̇и (баараа. 453) д̣̇взязва аабад̇д̇ияо вуд̇д̇аа. сан̇гхаад̣̇исзсзсу жа д̇ад̇т̇а ‘‘саа жз звам̣ вад̣̇зяяа ‘аяяо маяаа д̣̇идто нисинно маад̇уг̇аамзна сад̣̇д̇хим̣ гааяасам̣саг̇г̇ам̣ самаабаж̇ж̇анд̇о’д̇и, со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о’’д̇и (баараа. 448) гааяасам̣саг̇г̇асан̇гхаад̣̇исзсова вуд̇д̇о, ид̇ха со жа вуд̇д̇о, ‘‘саа жз звам̣ вад̣̇зяяа ‘аяяасса маяаа суд̇ам̣ нисиннасса маад̇уг̇аамам̣ д̣̇удтуллаахи ваажаахи обхаасзнд̇ассаа’д̇и, со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о’’д̇и (баараа. 455) д̣̇удтуллаваажаасан̇гхаад̣̇исзсо жа вуд̇д̇о. зд̇д̇аго убхиннаманияад̇аанам̣ висзсо.
Purimāniyatakathāya avuttavisesassa dutiyāniyatakathāya vattumicchitattā ayampi viseso idha vattabbo. Koyaṃ viseso, yo idha vattabboti ce? Tattha ‘‘paṭicchanne āsane alaṃkammaniye’’ti (pārā. 444) vuttaṃ āsanaṅgadvayaṃ idha ‘‘na heva kho pana paṭicchannaṃ āsanaṃ hoti nālaṃkammaniya’’nti (pārā. 453) nisedhetvā ‘‘alañca kho hoti mātugāmaṃ duṭṭhullāhi vācāhi obhāsitu’’nti (pārā. 453) idaṃ apubbaṅgaṃ vuttaṃ. Tatra mātugāmoti antamaso tadahujātāpi dārikā gahitā, idha ‘‘mātugāmo nāma manussitthī, na yakkhī, na petī, na tiracchānagatā, viññū paṭibalā subhāsitadubbhāsitaṃ duṭṭhullāduṭṭhullaṃ ājānitu’’nti (pārā. 454) viññū paṭibalo mātugāmova vutto. Tattha ‘‘pārājikena vā saṅghādisesena vā pācittiyena vā’’ti (pārā. 444) tisso āpattiyo vuttā, idha ‘‘nisajjaṃ bhikkhu paṭijānamāno dvinnaṃ dhammānaṃ aññatarena kāretabbo saṅghādisesena vā pācittiyena vā’’ti (pārā. 453) dveyeva āpattiyo vuttā. Saṅghādisesesu ca tattha ‘‘sā ce evaṃ vadeyya ‘ayyo mayā diṭṭho nisinno mātugāmena saddhiṃ kāyasaṃsaggaṃ samāpajjanto’ti, so ca taṃ paṭijānāti, āpattiyā kāretabbo’’ti (pārā. 448) kāyasaṃsaggasaṅghādisesova vutto, idha so ca vutto, ‘‘sā ce evaṃ vadeyya ‘ayyassa mayā sutaṃ nisinnassa mātugāmaṃ duṭṭhullāhi vācāhi obhāsentassā’ti, so ca taṃ paṭijānāti, āpattiyā kāretabbo’’ti (pārā. 455) duṭṭhullavācāsaṅghādiseso ca vutto. Ettako ubhinnamaniyatānaṃ viseso.
аяам̣ гасмаа на вуд̇д̇од̇и? аяам̣ самб̣од̇хавад̇т̇увисзсо вад̇д̇умижчид̇о бана адтагат̇ааг̇ад̇авинижчаяависзсад̇од̇и д̇асмаа на вуд̇д̇од̇и д̣̇адтаб̣б̣о. д̇исамудтаанамзвид̣̇ам̣ гааяажид̇д̇аваажаажид̇д̇агааяаваажаажид̇д̇авасзна д̇ийн̣и самудтаанаани зд̇ассаад̇и гад̇ваа.
Ayaṃ kasmā na vuttoti? Ayaṃ sambodhavatthuviseso vattumicchito pana aṭṭhakathāgatavinicchayavisesatoti tasmā na vuttoti daṭṭhabbo. Tisamuṭṭhānamevidaṃ kāyacittavācācittakāyavācācittavasena tīṇi samuṭṭhānāni etassāti katvā.
имзхиби д̣̇вийхи анияад̇асигкаабад̣̇зхи сигкаабад̣̇анд̇арзсу бан̃н̃ад̇д̇ааязва аабад̇д̇ияо, анаабад̇д̇ияо жа д̣̇ассид̇аа, на гожи аабад̇д̇ивисзсо вуд̇д̇о, д̇асмаа гимзд̇зсам̣ важанзнаад̇и? вужжад̇з – винаяавинижчаяалагкан̣ам̣ табзд̇ум̣ бхаг̇авад̇аа уббаннз вад̇т̇умхи д̣̇вз анияад̇аа бан̃н̃ад̇д̇аа. гат̇ам̣? зваруубааяаби сад̣̇д̇хзяяаважанааяа убаасигааяа вужжамаано бадиж̇аанамаанова аабад̇д̇ияаа гаарзд̇аб̣б̣о, на аббадиж̇аанамаано, д̇асмаа ‘‘яааяа гааяажи аабад̇д̇ияаа язна гзнажи жод̣̇ид̇з бадин̃н̃аад̇агаран̣ам̣язван̇г̇ам̣ гаад̇аб̣б̣а’’нд̇и имзхи сигкаабад̣̇зхи винижчаяалагкан̣ам̣ табид̇анд̇и взд̣̇ид̇аб̣б̣ам̣. ат̇а гасмаа бхигкунийнам̣ анияад̇ам̣ на вуд̇д̇анд̇и? ид̣̇амзва лагкан̣ам̣ саб̣б̣ад̇т̇а ануг̇ад̇анд̇и на вуд̇д̇ам̣.
Imehipi dvīhi aniyatasikkhāpadehi sikkhāpadantaresu paññattāyeva āpattiyo, anāpattiyo ca dassitā, na koci āpattiviseso vutto, tasmā kimetesaṃ vacanenāti? Vuccate – vinayavinicchayalakkhaṇaṃ ṭhapetuṃ bhagavatā uppanne vatthumhi dve aniyatā paññattā. Kathaṃ? Evarūpāyapi saddheyyavacanāya upāsikāya vuccamāno paṭijānamānova āpattiyā kāretabbo, na appaṭijānamāno, tasmā ‘‘yāya kāyaci āpattiyā yena kenaci codite paṭiññātakaraṇaṃyevaṅgaṃ kātabba’’nti imehi sikkhāpadehi vinicchayalakkhaṇaṃ ṭhapitanti veditabbaṃ. Atha kasmā bhikkhunīnaṃ aniyataṃ na vuttanti? Idameva lakkhaṇaṃ sabbattha anugatanti na vuttaṃ.
д̣̇уд̇ияаанияад̇агат̇ааван̣н̣анаа.
Dutiyāniyatakathāvaṇṇanā.
ид̇и винаяад̇т̇асаарасанд̣̇ийбанияаа
Iti vinayatthasārasandīpaniyā
винаяавинижчаяаван̣н̣анааяа
Vinayavinicchayavaṇṇanāya
анияад̇агат̇ааван̣н̣анаа нидтид̇аа.
Aniyatakathāvaṇṇanā niṭṭhitā.
