| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
5. аннасам̣саавагад̇т̇зраабад̣̇аанам̣
5. Annasaṃsāvakattheraapadānaṃ
155.
155.
‘‘суван̣н̣аван̣н̣ам̣ самб̣уд̣̇д̇хам̣, г̇ажчанд̇ам̣ анд̇араабан̣з;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
ган̃жанаг̇гхияасам̣гаасам̣, б̣аад̇д̇им̣саваралагкан̣ам̣.
Kañcanagghiyasaṃkāsaṃ, bāttiṃsavaralakkhaṇaṃ.
156.
156.
‘‘сид̣̇д̇хад̇т̇ам̣ логабаж̇ж̇од̇ам̣, аббамзяяам̣ анобамам̣;
‘‘Siddhatthaṃ lokapajjotaṃ, appameyyaṃ anopamaṃ;
алад̇т̇ам̣ барамам̣ бийд̇им̣, д̣̇исваа д̣̇анд̇ам̣ ж̇уд̇инд̇харам̣.
Alatthaṃ paramaṃ pītiṃ, disvā dantaṃ jutindharaṃ.
157.
157.
‘‘самб̣уд̣̇д̇хам̣ абхинаамзд̇ваа, бхож̇аяим̣ д̇ам̣ махаамуним̣;
‘‘Sambuddhaṃ abhināmetvā, bhojayiṃ taṃ mahāmuniṃ;
158.
158.
‘‘д̇асмим̣ махаагаарун̣игз, барамассаасагаарагз;
‘‘Tasmiṃ mahākāruṇike, paramassāsakārake;
б̣уд̣̇д̇хз жид̇д̇ам̣ басаад̣̇зд̇ваа, габбам̣ саг̇г̇амхи мод̣̇ахам̣.
Buddhe cittaṃ pasādetvā, kappaṃ saggamhi modahaṃ.
159.
159.
‘‘жад̇уннавуд̇ид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Catunnavutito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, бхигкаад̣̇аанассид̣̇ам̣ палам̣.
Duggatiṃ nābhijānāmi, bhikkhādānassidaṃ phalaṃ.
160.
160.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа аннасам̣сааваго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā annasaṃsāvako thero imā gāthāyo abhāsitthāti.
аннасам̣саавагад̇т̇зрассаабад̣̇аанам̣ бан̃жамам̣.
Annasaṃsāvakattherassāpadānaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 5. аннасам̣саавагад̇т̇зраабад̣̇аанаван̣н̣анаа • 5. Annasaṃsāvakattheraapadānavaṇṇanā
