| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. ан̃н̃аад̇агавин̃н̃ад̇д̇исигкаабад̣̇аван̣н̣анаа
6. Aññātakaviññattisikkhāpadavaṇṇanā
515. д̇зна самаязнаад̇и ан̃н̃аад̇агавин̃н̃ад̇д̇исигкаабад̣̇ам̣. д̇ад̇т̇а убананд̣̇о сагяабуд̇д̇од̇и асийд̇исахассамад̇д̇аанам̣ сагяагулаа баб̣б̣аж̇ид̇аанам̣ бхигкуунам̣ бад̇игидто лолаж̇аад̇иго. баддод̇и чзго самад̇т̇о бадиб̣ало сарасамбанно ган̣тамаад̇хуриязна саманнааг̇ад̇о. гисмим̣ вияаад̇и гим̣су вияа гилзсо вияа, хирод̇д̇аббавасзна гамбанам̣ вияа сан̇гамбанам̣ вияа ход̇ийд̇и ад̇т̇о.
515.Tena samayenāti aññātakaviññattisikkhāpadaṃ. Tattha upanando sakyaputtoti asītisahassamattānaṃ sakyakulā pabbajitānaṃ bhikkhūnaṃ patikiṭṭho lolajātiko. Paṭṭoti cheko samattho paṭibalo sarasampanno kaṇṭhamādhuriyena samannāgato. Kismiṃ viyāti kiṃsu viya kileso viya, hirottappavasena kampanaṃ viya saṅkampanaṃ viya hotīti attho.
ад̣̇д̇хаанамаг̇г̇анд̇и ад̣̇д̇хаанасан̇каад̇ам̣ д̣̇ийгхамаг̇г̇ам̣, на наг̇аравийт̇имаг̇г̇анд̇и ад̇т̇о. д̇з бхигкуу ажчинд̣̇им̣сууд̇и мусим̣су, бад̇д̇ажийвараани нзсам̣ харим̣сууд̇и ад̇т̇о. ануяун̃ж̇аахийд̇и бхигкубхааваж̇аананад̇т̇ааяа бужча. ануяун̃ж̇ияамаанаад̇и баб̣б̣аж̇ж̇ааубасамбад̣̇аабад̇д̇ажийвараад̇хидтаанаад̣̇ийни бужчияамаанаа. зд̇амад̇т̇ам̣ аарожзсунд̇и бхигкубхаавам̣ ж̇аанаабзд̇ваа яо ‘‘саагзд̇аа саавад̇т̇им̣ ад̣̇д̇хаанамаг̇г̇аббадибаннаа’’д̇иаад̣̇инаа наязна вуд̇д̇о, зд̇амад̇т̇ам̣ аарожзсум̣.
Addhānamagganti addhānasaṅkhātaṃ dīghamaggaṃ, na nagaravīthimagganti attho. Te bhikkhū acchindiṃsūti musiṃsu, pattacīvarāni nesaṃ hariṃsūti attho. Anuyuñjāhīti bhikkhubhāvajānanatthāya puccha. Anuyuñjiyamānāti pabbajjāupasampadāpattacīvarādhiṭṭhānādīni pucchiyamānā. Etamatthaṃ ārocesunti bhikkhubhāvaṃ jānāpetvā yo ‘‘sāketā sāvatthiṃ addhānamaggappaṭipannā’’tiādinā nayena vutto, etamatthaṃ ārocesuṃ.
517. ан̃н̃аад̇агам̣ г̇ахабад̇им̣ ваад̇иаад̣̇ийсу яам̣ барад̇о ‘‘д̇ин̣зна ваа бан̣н̣зна ваа бадижчаад̣̇зд̇ваа’’д̇и вуд̇д̇ам̣, д̇ам̣ аад̣̇им̣ гад̇ваа звам̣ анубуб̣б̣агат̇аа взд̣̇ид̇аб̣б̣аа. сажз жорз бассид̇ваа д̣̇ахараа бад̇д̇ажийвараани г̇ахзд̇ваа балаад̇аа, жораа т̇зраанам̣ ниваасанабаарубанамад̇д̇ам̣язва харид̇ваа г̇ажчанд̇и, т̇зрзхи нзва д̇аава жийварам̣ вин̃н̃аабзд̇аб̣б̣ам̣, на саакаабалаасам̣ бхан̃ж̇ид̇аб̣б̣ам̣. ат̇а д̣̇ахараа саб̣б̣ам̣ бхан̣д̣агам̣ чад̣д̣зд̇ваа балаад̇аа, жораа т̇зраанам̣ ниваасанабаарубанам̣ д̇ан̃жа бхан̣д̣агам̣ г̇ахзд̇ваа г̇ажчанд̇и, д̣̇ахарзхи ааг̇анд̇ваа ад̇д̇ано ниваасанабаарубанаани на д̇аава т̇зраанам̣ д̣̇аад̇аб̣б̣аани, на хи анажчиннажийвараа ад̇д̇ано ад̇т̇ааяа саакаабалаасам̣ бхан̃ж̇ид̇ум̣ лабханд̇и, ажчиннажийвараанам̣ бана ад̇т̇ааяа лабханд̇и, ажчиннажийвараава ад̇д̇аноби барзсамби ад̇т̇ааяа лабханд̇и. д̇асмаа т̇зрзхи ваа саакаабалаасам̣ бхан̃ж̇ид̇ваа ваагаад̣̇ийхи г̇ант̇зд̇ваа д̣̇ахараанам̣ д̣̇аад̇аб̣б̣ам̣, д̣̇ахарзхи ваа т̇зраанам̣ ад̇т̇ааяа бхан̃ж̇ид̇ваа г̇ант̇зд̇ваа д̇зсам̣ хад̇т̇з д̣̇ад̇ваа ваа ад̣̇ад̇ваа ваа ад̇д̇анаа ниваасзд̇ваа ад̇д̇ано ниваасанабаарубанаани т̇зраанам̣ д̣̇аад̇аб̣б̣аани, нзва бхууд̇аг̇аамабаад̇аб̣яад̇ааяа баажид̇д̇ияам̣ ход̇и, на д̇зсам̣ д̇хааран̣з д̣̇уггадам̣.
517.Aññātakaṃ gahapatiṃ vātiādīsu yaṃ parato ‘‘tiṇena vā paṇṇena vā paṭicchādetvā’’ti vuttaṃ, taṃ ādiṃ katvā evaṃ anupubbakathā veditabbā. Sace core passitvā daharā pattacīvarāni gahetvā palātā, corā therānaṃ nivāsanapārupanamattaṃyeva haritvā gacchanti, therehi neva tāva cīvaraṃ viññāpetabbaṃ, na sākhāpalāsaṃ bhañjitabbaṃ. Atha daharā sabbaṃ bhaṇḍakaṃ chaḍḍetvā palātā, corā therānaṃ nivāsanapārupanaṃ tañca bhaṇḍakaṃ gahetvā gacchanti, daharehi āgantvā attano nivāsanapārupanāni na tāva therānaṃ dātabbāni, na hi anacchinnacīvarā attano atthāya sākhāpalāsaṃ bhañjituṃ labhanti, acchinnacīvarānaṃ pana atthāya labhanti, acchinnacīvarāva attanopi paresampi atthāya labhanti. Tasmā therehi vā sākhāpalāsaṃ bhañjitvā vākādīhi ganthetvā daharānaṃ dātabbaṃ, daharehi vā therānaṃ atthāya bhañjitvā ganthetvā tesaṃ hatthe datvā vā adatvā vā attanā nivāsetvā attano nivāsanapārupanāni therānaṃ dātabbāni, neva bhūtagāmapātabyatāya pācittiyaṃ hoti, na tesaṃ dhāraṇe dukkaṭaṃ.
сажз анд̇араамаг̇г̇з раж̇агад̇т̇аран̣ам̣ ваа ход̇и, ан̃н̃з ваа д̇аад̣̇исз мануссз бассанд̇и, жийварам̣ вин̃н̃аабзд̇аб̣б̣ам̣. яаани жа нзсам̣ д̇з ваа вин̃н̃ад̇д̇амануссаа ан̃н̃з ваа саакаабалаасаниваасанз бхигкуу д̣̇исваа уссаахаж̇аад̇аа вад̇т̇аани д̣̇знд̇и, д̇аани сад̣̇асаани ваа хонд̇у ад̣̇асаани ваа нийлаад̣̇инаанааван̣н̣аани ваа габбияааниби агаббияааниби саб̣б̣аани ажчиннажийварадтаанз тид̇ад̇д̇аа д̇зсам̣ ниваасзд̇ун̃жа баарубид̇ун̃жа вадданд̇и. вуд̇д̇амбихзд̇ам̣ бариваарз –
Sace antarāmagge rajakattharaṇaṃ vā hoti, aññe vā tādise manusse passanti, cīvaraṃ viññāpetabbaṃ. Yāni ca nesaṃ te vā viññattamanussā aññe vā sākhāpalāsanivāsane bhikkhū disvā ussāhajātā vatthāni denti, tāni sadasāni vā hontu adasāni vā nīlādinānāvaṇṇāni vā kappiyānipi akappiyānipi sabbāni acchinnacīvaraṭṭhāne ṭhitattā tesaṃ nivāsetuñca pārupituñca vaṭṭanti. Vuttampihetaṃ parivāre –
‘‘агаббагад̇ам̣ нааби раж̇анааяа рад̇д̇ам̣;
‘‘Akappakataṃ nāpi rajanāya rattaṃ;
д̇зна нивад̇т̇о язна гаамам̣ важ̇зяяа;
Tena nivattho yena kāmaṃ vajeyya;
на жасса ход̇и аабад̇д̇и;
Na cassa hoti āpatti;
со жа д̇хаммо суг̇ад̇зна д̣̇зсид̇о;
So ca dhammo sugatena desito;
бан̃хаа мзсаа гусалзхи жинд̇ид̇аа’’д̇и. (бари. 481);
Pañhā mesā kusalehi cintitā’’ti. (pari. 481);
аяан̃хи бан̃хо ажчиннажийварагам̣ бхигкум̣ санд̇хааяа вуд̇д̇о. ат̇а бана д̇ид̇т̇иязхи сахаг̇ажчанд̇и, д̇з жа нзсам̣ гусажийраваагажийрапалагажийраани д̣̇знд̇и, д̇ааниби лад̣̇д̇хим̣ аг̇г̇ахзд̇ваа ниваасзд̇ум̣ вадданд̇и, ниваасзд̇вааби лад̣̇д̇хи на г̇ахзд̇аб̣б̣аа.
Ayañhi pañho acchinnacīvarakaṃ bhikkhuṃ sandhāya vutto. Atha pana titthiyehi sahagacchanti, te ca nesaṃ kusacīravākacīraphalakacīrāni denti, tānipi laddhiṃ aggahetvā nivāsetuṃ vaṭṭanti, nivāsetvāpi laddhi na gahetabbā.
ид̣̇аани ‘‘яам̣ ааваасам̣ батамам̣ убаг̇ажчад̇и, сажз д̇ад̇т̇а ход̇и сан̇гхасса вихааражийварам̣ ваа’’д̇иаад̣̇ийсу вихааражийварам̣ наама мануссаа ааваасам̣ гаарзд̇ваа ‘‘жад̇д̇аароби бажжаяаа амхаагам̣язва санд̇агаа барибхог̇ам̣ г̇ажчанд̇уу’’д̇и д̇ижийварам̣ саж̇ж̇зд̇ваа ад̇д̇анаа гаараабид̇з ааваасз табзнд̇и, зд̇ам̣ вихааражийварам̣ наама. уд̇д̇арад̇т̇аран̣анд̇и ман̃жагасса убари ад̇т̇аран̣агам̣ вужжад̇и. бхумад̇т̇аран̣анд̇и баригаммагад̇ааяа бхуумияаа рагкан̣ад̇т̇ам̣ жимилигаахи гад̇аад̇т̇аран̣ам̣ д̇асса убари д̇аддигам̣ бад̇т̇арид̇ваа жан̇гаманд̇и. бхисижчавийд̇и ман̃жабхисияаа ваа бийтабхисияаа ваа чави, сажз буурид̇аа ход̇и вид̇хунид̇вааби г̇ахзд̇ум̣ ваддад̇и. звамзд̇зсу вихааражийвараад̣̇ийсу яам̣ д̇ад̇т̇а ааваасз ход̇и, д̇ам̣ анаабужчааби г̇ахзд̇ваа ниваасзд̇ум̣ ваа баарубид̇ум̣ ваа ажчиннажийварагаанам̣ бхигкуунам̣ лаб̣бхад̇ийд̇и взд̣̇ид̇аб̣б̣ам̣. д̇ан̃жа ко лабхид̇ваа од̣̇ахиссаами буна табзссаамийд̇и ад̇хиббааязна на муулажчзж̇ж̇ааяа. лабхид̇ваа жа бана н̃аад̇ид̇о ваа убадтаагад̇о ваа ан̃н̃ад̇о ваа гуд̇ожи баагад̇игамзва гаад̇аб̣б̣ам̣. вид̣̇зсаг̇ад̇зна згасмим̣ сан̇гхигз ааваасз сан̇гхигабарибхог̇зна барибхун̃ж̇анад̇т̇ааяа табзд̇аб̣б̣ам̣. сажасса барибхог̇знзва д̇ам̣ ж̇ийрад̇и ваа нассад̇и ваа г̇ийваа на ход̇и. сажз бана зд̇зсам̣ вуд̇д̇аббагаараанам̣ г̇ихивад̇т̇аад̣̇ийнам̣ бхисижчавибарияанд̇аанам̣ гин̃жи на лаб̣бхад̇и, д̇зна д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣анд̇и.
Idāni ‘‘yaṃ āvāsaṃ paṭhamaṃ upagacchati, sace tattha hoti saṅghassa vihāracīvaraṃ vā’’tiādīsu vihāracīvaraṃ nāma manussā āvāsaṃ kāretvā ‘‘cattāropi paccayā amhākaṃyeva santakā paribhogaṃ gacchantū’’ti ticīvaraṃ sajjetvā attanā kārāpite āvāse ṭhapenti, etaṃ vihāracīvaraṃ nāma. Uttarattharaṇanti mañcakassa upari attharaṇakaṃ vuccati. Bhumattharaṇanti parikammakatāya bhūmiyā rakkhaṇatthaṃ cimilikāhi kataattharaṇaṃ tassa upari taṭṭikaṃ pattharitvā caṅkamanti. Bhisicchavīti mañcabhisiyā vā pīṭhabhisiyā vā chavi, sace pūritā hoti vidhunitvāpi gahetuṃ vaṭṭati. Evametesu vihāracīvarādīsu yaṃ tattha āvāse hoti, taṃ anāpucchāpi gahetvā nivāsetuṃ vā pārupituṃ vā acchinnacīvarakānaṃ bhikkhūnaṃ labbhatīti veditabbaṃ. Tañca kho labhitvā odahissāmi puna ṭhapessāmīti adhippāyena na mūlacchejjāya. Labhitvā ca pana ñātito vā upaṭṭhākato vā aññato vā kutoci pākatikameva kātabbaṃ. Videsagatena ekasmiṃ saṅghike āvāse saṅghikaparibhogena paribhuñjanatthāya ṭhapetabbaṃ. Sacassa paribhogeneva taṃ jīrati vā nassati vā gīvā na hoti. Sace pana etesaṃ vuttappakārānaṃ gihivatthādīnaṃ bhisicchavipariyantānaṃ kiñci na labbhati, tena tiṇena vā paṇṇena vā paṭicchādetvā āgantabbanti.
519. язхи гзхижи ваа ажчиннанд̇и зд̇т̇а яамби ажчиннажийвараа аажарияубаж̇жхааяаа ан̃н̃з ‘‘аахарат̇а, аавусо, жийвара’’нд̇и яаажид̇ваа ваа виссаасзна ваа г̇ан̣ханд̇и, д̇амби сан̇г̇ахам̣ г̇ажчад̇ийд̇и вад̇д̇ум̣ яуж̇ж̇ад̇и.
519.Yehikehici vā acchinnanti ettha yampi acchinnacīvarā ācariyupajjhāyā aññe ‘‘āharatha, āvuso, cīvara’’nti yācitvā vā vissāsena vā gaṇhanti, tampi saṅgahaṃ gacchatīti vattuṃ yujjati.
барибхог̇аж̇ин̣н̣ам̣ ваад̇и зд̇т̇а жа ажчиннажийвараанам̣ аажарияубаж̇жхааяаад̣̇ийнам̣ ад̇д̇анаа д̇ин̣абан̣н̣зхи бадижчаад̣̇зд̇ваа д̣̇иннажийварамби сан̇г̇ахам̣ г̇ажчад̇ийд̇и вад̇д̇ум̣ яуж̇ж̇ад̇и. зван̃хи д̇з ажчиннажийварадтаанз надтажийварадтаанз жа тид̇аа бхависсанд̇и, д̇зна нзсам̣ вин̃н̃ад̇д̇ияам̣ агаббияажийварабарибхог̇з жа анаабад̇д̇и ануруубаа бхависсад̇и.
Paribhogajiṇṇaṃ vāti ettha ca acchinnacīvarānaṃ ācariyupajjhāyādīnaṃ attanā tiṇapaṇṇehi paṭicchādetvā dinnacīvarampi saṅgahaṃ gacchatīti vattuṃ yujjati. Evañhi te acchinnacīvaraṭṭhāne naṭṭhacīvaraṭṭhāne ca ṭhitā bhavissanti, tena nesaṃ viññattiyaṃ akappiyacīvaraparibhoge ca anāpatti anurūpā bhavissati.
521. н̃аад̇агаанам̣ баваарид̇аананд̇и зд̇т̇а ‘‘зд̇зсам̣ санд̇агам̣ д̣̇зт̇аа’’д̇и вин̃н̃аабзнд̇асса яаажанд̇асса анаабад̇д̇ийд̇и звамад̇т̇о д̣̇адтаб̣б̣о. на хи н̃аад̇агабаваарид̇аанам̣ аабад̇д̇и ваа анаабад̇д̇и ваа ход̇и. ад̇д̇ано д̇ханзнаад̇и зд̇т̇ааби ад̇д̇ано габбияабхан̣д̣зна габбияавохаарзнзва жийварам̣ вин̃н̃аабзнд̇асса жзд̇аабзнд̇асса баривад̇д̇аабзнд̇асса анаабад̇д̇ийд̇и звамад̇т̇о д̣̇адтаб̣б̣о. баваарид̇аананд̇и зд̇т̇а жа сан̇гхавасзна баваарид̇зсу бамаан̣амзва ваддад̇и. буг̇г̇алигабавааран̣ааяа яам̣ яам̣ баваарзд̇и, д̇ам̣ д̇ам̣язва вин̃н̃аабзд̇аб̣б̣ам̣. яо жад̇уухи бажжаязхи баваарзд̇ваа саяамзва саллагкзд̇ваа гаалаанугаалам̣ жийвараани д̣̇ивасз д̣̇ивасз яааг̇убхад̇д̇аад̣̇ийнийд̇и звам̣ язна язнад̇т̇о д̇ам̣ д̇ам̣ д̣̇зд̇и, д̇асса вин̃н̃аабанагижжам̣ над̇т̇и. яо бана баваарзд̇ваа б̣аалад̇ааяа ваа сад̇исаммосзна ваа на д̣̇зд̇и, со вин̃н̃аабзд̇аб̣б̣о. яо ‘‘маяхам̣ г̇зхам̣ баваарзмий’’д̇и вад̣̇ад̇и, д̇асса г̇зхам̣ г̇анд̇ваа яат̇аасукам̣ нисийд̣̇ид̇аб̣б̣ам̣ нибаж̇ж̇ид̇аб̣б̣ам̣, на гин̃жи г̇ахзд̇аб̣б̣ам̣. яо бана ‘‘яам̣ маяхам̣ г̇зхз ад̇т̇и, д̇ам̣ баваарзмий’’д̇и вад̣̇ад̇и. яам̣ д̇ад̇т̇а габбияам̣, д̇ам̣ вин̃н̃аабзд̇аб̣б̣ам̣, г̇зхз бана нисийд̣̇ид̇ум̣ ваа нибаж̇ж̇ид̇ум̣ ваа на лаб̣бхад̇ийд̇и гурунд̣̇ияам̣ вуд̇д̇ам̣.
521.Ñātakānaṃ pavāritānanti ettha ‘‘etesaṃ santakaṃ dethā’’ti viññāpentassa yācantassa anāpattīti evamattho daṭṭhabbo. Na hi ñātakapavāritānaṃ āpatti vā anāpatti vā hoti. Attano dhanenāti etthāpi attano kappiyabhaṇḍena kappiyavohāreneva cīvaraṃ viññāpentassa cetāpentassa parivattāpentassa anāpattīti evamattho daṭṭhabbo. Pavāritānanti ettha ca saṅghavasena pavāritesu pamāṇameva vaṭṭati. Puggalikapavāraṇāya yaṃ yaṃ pavāreti, taṃ taṃyeva viññāpetabbaṃ. Yo catūhi paccayehi pavāretvā sayameva sallakkhetvā kālānukālaṃ cīvarāni divase divase yāgubhattādīnīti evaṃ yena yenattho taṃ taṃ deti, tassa viññāpanakiccaṃ natthi. Yo pana pavāretvā bālatāya vā satisammosena vā na deti, so viññāpetabbo. Yo ‘‘mayhaṃ gehaṃ pavāremī’’ti vadati, tassa gehaṃ gantvā yathāsukhaṃ nisīditabbaṃ nipajjitabbaṃ, na kiñci gahetabbaṃ. Yo pana ‘‘yaṃ mayhaṃ gehe atthi, taṃ pavāremī’’ti vadati. Yaṃ tattha kappiyaṃ, taṃ viññāpetabbaṃ, gehe pana nisīdituṃ vā nipajjituṃ vā na labbhatīti kurundiyaṃ vuttaṃ.
ан̃н̃ассад̇т̇ааяаад̇и зд̇т̇а ад̇д̇ано н̃аад̇агабаваарид̇з на гзвалам̣ ад̇д̇ано ад̇т̇ааяа, ат̇а ко ан̃н̃ассад̇т̇ааяа вин̃н̃аабзнд̇асса анаабад̇д̇ийд̇и аяамзго ад̇т̇о. аяам̣ бана д̣̇уд̇ияо ан̃н̃ассаад̇и яз ан̃н̃асса н̃аад̇агабаваарид̇аа, д̇з д̇ассзва ‘‘ан̃н̃ассаа’’д̇и лад̣̇д̇хавохаарасса б̣уд̣̇д̇харагкид̇асса ваа д̇хаммарагкид̇асса ваа ад̇т̇ааяа вин̃н̃аабзнд̇асса анаабад̇д̇ийд̇и. сзсам̣ уд̇д̇аанад̇т̇амзва.
Aññassatthāyāti ettha attano ñātakapavārite na kevalaṃ attano atthāya, atha kho aññassatthāya viññāpentassa anāpattīti ayameko attho. Ayaṃ pana dutiyo aññassāti ye aññassa ñātakapavāritā, te tasseva ‘‘aññassā’’ti laddhavohārassa buddharakkhitassa vā dhammarakkhitassa vā atthāya viññāpentassa anāpattīti. Sesaṃ uttānatthameva.
самудтаанаад̣̇ийсу ид̣̇амби часамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Samuṭṭhānādīsu idampi chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
ан̃н̃аад̇агавин̃н̃ад̇д̇исигкаабад̣̇аван̣н̣анаа нидтид̇аа.
Aññātakaviññattisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. ан̃н̃аад̇агавин̃н̃ад̇д̇исигкаабад̣̇ам̣ • 6. Aññātakaviññattisikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
