| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
અઞ્ઞતિત્થિયપુબ્બવત્થુકથાવણ્ણના
Aññatitthiyapubbavatthukathāvaṇṇanā
૮૬. અઞ્ઞતિત્થિયવત્થુમ્હિ આજીવકો અચેલકોતિ દુવિધો નગ્ગપરિબ્બાજકોતિ આહ ‘‘નગ્ગપરિબ્બાજકસ્સેવ આજીવકસ્સ વા’’તિઆદિ. તત્થ આજીવકો ઉપરિ એકમેવ વત્થં ઉપકચ્છકે પવેસેત્વા પરિદહતિ, હેટ્ઠા નગ્ગો. અચેલકો સબ્બેન સબ્બં નગ્ગોયેવ.
86. Aññatitthiyavatthumhi ājīvako acelakoti duvidho naggaparibbājakoti āha ‘‘naggaparibbājakasseva ājīvakassa vā’’tiādi. Tattha ājīvako upari ekameva vatthaṃ upakacchake pavesetvā paridahati, heṭṭhā naggo. Acelako sabbena sabbaṃ naggoyeva.
૮૭. આમિસકિઞ્ચિક્ખસમ્પદાનં નામ અપ્પમત્તકસ્સેવ દેય્યધમ્મસ્સ અનુપ્પદાનં. રૂપૂપજીવિકાતિ અત્તનો રૂપંયેવ નિસ્સાય જીવન્તિયો. વેસિયા ગોચરો મિત્તસન્થવવસેન ઉપસઙ્કમિતબ્બટ્ઠાનં અસ્સાતિ વેસિયાગોચરો. એસ નયો સબ્બત્થ. યોબ્બનપ્પત્તા યોબ્બનાતીતા વાતિ ઉભયેનપિ મહલ્લિકા અનિવિદ્ધકુમારિયોવ વદતિ. ભિક્ખુનિયો નામ ઉસ્સન્નબ્રહ્મચરિયા, તથા ભિક્ખૂપિ. તેસં અઞ્ઞમઞ્ઞવિસભાગવત્થુભાવતો સન્થવવસેન ઉપસઙ્કમને કતિપાહેનેવ બ્રહ્મચરિયન્તરાયો સિયાતિ આહ ‘‘તાહિ સદ્ધિં ખિપ્પમેવ વિસ્સાસો હોતિ, તતો સીલં ભિજ્જતી’’તિ. સેસમેત્થ ઉત્તાનમેવ.
87.Āmisakiñcikkhasampadānaṃ nāma appamattakasseva deyyadhammassa anuppadānaṃ. Rūpūpajīvikāti attano rūpaṃyeva nissāya jīvantiyo. Vesiyā gocaro mittasanthavavasena upasaṅkamitabbaṭṭhānaṃ assāti vesiyāgocaro. Esa nayo sabbattha. Yobbanappattā yobbanātītā vāti ubhayenapi mahallikā anividdhakumāriyova vadati. Bhikkhuniyo nāma ussannabrahmacariyā, tathā bhikkhūpi. Tesaṃ aññamaññavisabhāgavatthubhāvato santhavavasena upasaṅkamane katipāheneva brahmacariyantarāyo siyāti āha ‘‘tāhi saddhiṃ khippameva vissāso hoti, tato sīlaṃ bhijjatī’’ti. Sesamettha uttānameva.
અઞ્ઞતિત્થિયપુબ્બવત્થુકથાવણ્ણના નિટ્ઠિતા.
Aññatitthiyapubbavatthukathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૨૫. અઞ્ઞતિત્થિયપુબ્બકથા • 25. Aññatitthiyapubbakathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અઞ્ઞતિત્થિયપુબ્બવત્થુકથા • Aññatitthiyapubbavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અઞ્ઞતિત્થિયપુબ્બવત્થુકથાવણ્ણના • Aññatitthiyapubbavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અઞ્ઞતિત્થિયપુબ્બવત્થુકથાવણ્ણના • Aññatitthiyapubbavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨૫. અઞ્ઞતિત્થિયપુબ્બવત્થુકથા • 25. Aññatitthiyapubbavatthukathā
