| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. ан̃н̃аваад̣̇агасигкаабад̣̇ам̣
2. Aññavādakasikkhāpadaṃ
94. д̣̇уд̇ияз анаажааранд̇и ажарид̇аб̣б̣ам̣ гааяаважийд̣̇вааравийд̇иггамам̣. саб̣б̣анаамасса анияамад̇т̇ад̇д̇аа ид̇ха важананд̇и ааха ‘‘ан̃н̃зна важанзна ан̃н̃ам̣ важана’’нд̇и. сод̇и бхигку, вад̣̇ад̇ийд̇и самб̣анд̇хо. год̇и го буг̇г̇ало. гинд̇и гим̣ аабад̇д̇им̣. гисминд̇и гисмим̣ вад̇т̇усмим̣. гинд̇и гим̣ гаммам̣. ганд̇и гам̣ буг̇г̇алам̣. гинд̇и гим̣ важанам̣.
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
зд̇т̇аад̇и ‘‘го аабанно’’д̇иаад̣̇ибаал̣ияам̣. ‘‘бхигкуухий’’д̇и бад̣̇ам̣ ‘‘вуд̇д̇о’’д̇и бад̣̇з гад̇д̇аа. асааруббанд̇и бхигкуунам̣ асааруббам̣. зсод̇и зсо ад̇т̇о, вибхавод̇и ад̇т̇о. зд̇анд̇и вад̇т̇у. бхан̣анд̇о ваа худ̇ваа ан̃н̃знан̃н̃ам̣ бадижарад̇ийд̇и самб̣анд̇хо. зд̇т̇аад̇и бадижчаннаасанз. сод̇анд̇и сод̇ад̣̇ваарам̣. жагкунд̇и жагкуд̣̇ваарам̣.
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
98. ан̃н̃анд̇и бужчид̇ад̇т̇ад̇о ан̃н̃ам̣ абужчид̇амад̇т̇ам̣. бхааваббад̇хаанояам̣ гад̇д̇унид̣̇д̣̇зсод̇и ааха ‘‘ан̃н̃знан̃н̃ам̣ бадижаран̣ассзд̇ам̣ наама’’нд̇и. д̇ун̣хийбхаавассаад̇и абхаасанасса. аад̇яуубасаг̇г̇о луд̇д̇анид̣̇д̣̇идтод̇и ааха ‘‘ааробзд̇уу’’д̇и. звам̣ ‘‘аробид̇з’’д̇и зд̇т̇аби. д̇знааха ‘‘анааробид̇з’’д̇и.
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
101. д̇анд̇и ан̃н̃аваад̣̇агавихзсагаробанагаммам̣. ассаад̇и бхавзяяа, ход̇и ваа.
101.Tanti aññavādakavihesakaropanakammaṃ. Assāti bhaveyya, hoti vā.
102. гинд̇и гим̣ важанам̣. язнаад̇и язна б̣яаад̇хинаа гат̇зд̇ум̣ на саггод̇и, д̇аад̣̇исо б̣яаад̇хи мукз ход̇ийд̇и яож̇анаа. д̇аббажжаяаад̇и д̇ад̇о гат̇ид̇агааран̣аад̇и. д̣̇уд̇ияам̣.
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. ан̃н̃аваад̣̇агасигкаабад̣̇аван̣н̣анаа • 2. Aññavādakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. ан̃н̃аваад̣̇агасигкаабад̣̇аван̣н̣анаа • 2. Aññavādakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. ан̃н̃аваад̣̇агасигкаабад̣̇аван̣н̣анаа • 2. Aññavādakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. ан̃н̃аваад̣̇агасигкаабад̣̇аван̣н̣анаа • 2. Aññavādakasikkhāpadavaṇṇanā
