| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૨. અઞ્ઞવાદકસિક્ખાપદં
2. Aññavādakasikkhāpadaṃ
૯૪. દુતિયે અનાચારન્તિ અચરિતબ્બં કાયવચીદ્વારવીતિક્કમં. સબ્બનામસ્સ અનિયમત્થત્તા ઇધ વચનન્તિ આહ ‘‘અઞ્ઞેન વચનેન અઞ્ઞં વચન’’ન્તિ. સોતિ ભિક્ખુ, વદતીતિ સમ્બન્ધો. કોતિ કો પુગ્ગલો. કિન્તિ કિં આપત્તિં. કિસ્મિન્તિ કિસ્મિં વત્થુસ્મિં. કિન્તિ કિં કમ્મં. કન્તિ કં પુગ્ગલં. કિન્તિ કિં વચનં.
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
એત્થાતિ ‘‘કો આપન્નો’’તિઆદિપાળિયં. ‘‘ભિક્ખૂહી’’તિ પદં ‘‘વુત્તો’’તિ પદે કત્તા. અસારુપ્પન્તિ ભિક્ખૂનં અસારુપ્પં. એસોતિ એસો અત્થો, વિભવોતિ અત્થો. એતન્તિ વત્થુ. ભણન્તો વા હુત્વા અઞ્ઞેનઞ્ઞં પટિચરતીતિ સમ્બન્ધો. એત્થાતિ પટિચ્છન્નાસને. સોતન્તિ સોતદ્વારં. ચક્ખુન્તિ ચક્ખુદ્વારં.
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
૯૮. અઞ્ઞન્તિ પુચ્છિતત્થતો અઞ્ઞં અપુચ્છિતમત્થં. ભાવપ્પધાનોયં કત્તુનિદ્દેસોતિ આહ ‘‘અઞ્ઞેનઞ્ઞં પટિચરણસ્સેતં નામ’’ન્તિ. તુણ્હીભાવસ્સાતિ અભાસનસ્સ. આત્યૂપસગ્ગો લુત્તનિદ્દિટ્ઠોતિ આહ ‘‘આરોપેતૂ’’તિ. એવં ‘‘અરોપિતે’’તિ એત્થપિ. તેનાહ ‘‘અનારોપિતે’’તિ.
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
૧૦૧. તન્તિ અઞ્ઞવાદકવિહેસકરોપનકમ્મં. અસ્સાતિ ભવેય્ય, હોતિ વા.
101.Tanti aññavādakavihesakaropanakammaṃ. Assāti bhaveyya, hoti vā.
૧૦૨. કિન્તિ કિં વચનં. યેનાતિ યેન બ્યાધિના કથેતું ન સક્કોતિ, તાદિસો બ્યાધિ મુખે હોતીતિ યોજના. તપ્પચ્ચયાતિ તતો કથિતકારણાતિ. દુતિયં.
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. ભૂતગામવગ્ગો • 2. Bhūtagāmavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. અઞ્ઞવાદકસિક્ખાપદવણ્ણના • 2. Aññavādakasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૨. અઞ્ઞવાદકસિક્ખાપદવણ્ણના • 2. Aññavādakasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૨. અઞ્ઞવાદકસિક્ખાપદવણ્ણના • 2. Aññavādakasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૨. અઞ્ઞવાદકસિક્ખાપદવણ્ણના • 2. Aññavādakasikkhāpadavaṇṇanā
