| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
анд̇арабзяяаала гад̇ибужчааваараван̣н̣анаа
Antarapeyyāla katipucchāvāravaṇṇanā
271. ид̣̇аани вуд̇д̇од̇и самб̣анд̇хо. ‘‘ид̣̇ааний’’д̇и бад̣̇зна самб̣анд̇хад̇д̇аа вуд̇д̇од̇и зд̇т̇а д̇абажжаяо бажжуббаннагаалигод̇и д̣̇адтаб̣б̣о.
271. Idāni vuttoti sambandho. ‘‘Idānī’’ti padena sambandhattā vuttoti ettha tapaccayo paccuppannakālikoti daṭṭhabbo.
д̇ад̇т̇аад̇и маад̇игааяам̣, бужчаасу ваа. ааг̇ад̇аабад̇д̇ибужчаад̇и ааг̇ад̇аабад̇д̇ияаа бужчаа. хийд̇и висзсаж̇од̇аго, хи висзсам̣ вагкаамийд̇и ад̇т̇о. зд̇т̇аад̇и ‘‘гад̇и аабад̇д̇игканд̇хаа’’д̇и д̣̇уд̇ияабад̣̇з. ‘‘раасивасзнаа’’д̇и иминаа канд̇хасад̣̇д̣̇асса раасад̇т̇ам̣ д̣̇ассзд̇и. винийд̇авад̇т̇уунийд̇и зд̇т̇а винийд̇асад̣̇д̣̇о винаяабарияааяод̇и ааха ‘‘винаяабужчаа’’д̇и. нану винийд̇авинаяасад̣̇д̣̇аанам̣ сад̣̇д̣̇ад̇о наанад̇д̇аа ад̇т̇ад̇оби наанам̣, гасмаа бана ‘‘винаяабужчаа’’д̇и вуд̇д̇анд̇и ааха ‘‘винийд̇ам̣…бз… зга’’нд̇и. ид̣̇анд̇и бад̣̇ад̇д̇аяам̣. ад̇т̇ад̇о зганд̇и ад̇т̇ад̇оязва згам̣, на сад̣̇д̣̇ад̇о. винийд̇авад̇т̇уунийд̇и аабад̇д̇ивинаяагааран̣ад̇д̇аа винийд̇авад̇т̇ууни. язсууд̇и аг̇ааравзсу. сад̇ийд̇и санд̇зсу. зд̇т̇а жа язсу сад̇и аабад̇д̇ияо на хонд̇и, асад̇и хонд̇ийд̇и ваагяамби авуд̇д̇асид̣̇д̇хинаязна г̇ахзд̇аб̣б̣ам̣. язсууд̇и г̇ааравзсу. д̇зд̇и аг̇аараваг̇ааравз. яасмаа бана над̇т̇ийд̇и самб̣анд̇хо. вибад̇д̇ибхаавабужчаад̇и вибад̇д̇ибхаавасса бужчаа. бужчияад̇и имааяаад̇и бужчаа. виваад̣̇амуулаани ануваад̣̇амуулаанийд̇и имаа бужчааяо муулабужчаад̇и самб̣анд̇хо. бод̇т̇агзсу ‘‘имааний’’д̇и нигаарзна саха баато ад̇т̇и, со абаатоязва. муулабужчаад̇и бужчияанд̇и имаахийд̇и бужчаа, муулаанам̣ бужчаа муулабужчаа. ‘‘ад̇хигаран̣а’’нд̇иаад̣̇ийсу ‘‘вуд̇д̇ам̣’’ ид̇и самб̣анд̇хо. д̇зсам̣язваад̇и ад̇хигаран̣аанам̣язва. аяамзд̇т̇а маад̇игаа.
Tatthāti mātikāyaṃ, pucchāsu vā. Āgatāpattipucchāti āgatāpattiyā pucchā. Hīti visesajotako, hi visesaṃ vakkhāmīti attho. Etthāti ‘‘kati āpattikkhandhā’’ti dutiyapade. ‘‘Rāsivasenā’’ti iminā khandhasaddassa rāsatthaṃ dasseti. Vinītavatthūnīti ettha vinītasaddo vinayapariyāyoti āha ‘‘vinayapucchā’’ti. Nanu vinītavinayasaddānaṃ saddato nānattā atthatopi nānaṃ, kasmā pana ‘‘vinayapucchā’’ti vuttanti āha ‘‘vinītaṃ…pe… eka’’nti. Idanti padattayaṃ. Atthato ekanti atthatoyeva ekaṃ, na saddato. Vinītavatthūnīti āpattivinayakāraṇattā vinītavatthūni. Yesūti agāravesu. Satīti santesu. Ettha ca yesu sati āpattiyo na honti, asati hontīti vākyampi avuttasiddhinayena gahetabbaṃ. Yesūti gāravesu. Teti agāravagārave. Yasmā pana natthīti sambandho. Vipattibhāvapucchāti vipattibhāvassa pucchā. Pucchiyati imāyāti pucchā. Vivādamūlāni anuvādamūlānīti imā pucchāyo mūlapucchāti sambandho. Potthakesu ‘‘imānī’’ti nikārena saha pāṭho atthi, so apāṭhoyeva. Mūlapucchāti pucchiyanti imāhīti pucchā, mūlānaṃ pucchā mūlapucchā. ‘‘Adhikaraṇa’’ntiādīsu ‘‘vuttaṃ’’ iti sambandho. Tesaṃyevāti adhikaraṇānaṃyeva. Ayamettha mātikā.
нид̣̇д̣̇зсз маад̇игааяаад̇и баад̇имогкз. вибхан̇г̇зд̇и бад̣̇абхааж̇анияам̣, ааг̇ад̇авасзна вуд̇д̇аад̇и яож̇анаа. аяамзд̇т̇а нид̣̇д̣̇зсо.
Niddese mātikāyāti pātimokkhe. Vibhaṅgeti padabhājaniyaṃ, āgatavasena vuttāti yojanā. Ayamettha niddeso.
бадинид̣̇д̣̇зсз аарад̇ийд̇иаад̣̇ибад̣̇аанам̣ важанад̇т̇ам̣ д̣̇ассзнд̇о ааха ‘‘аарагаа’’д̇иаад̣̇и. д̇ад̇т̇а ‘‘аарагаа’’д̇и иминаа аарад̇ийд̇и зд̇т̇а ааубасаг̇г̇асса ад̇т̇ам̣ д̣̇ассзд̇и. зд̇зхийд̇и аабад̇д̇игканд̇хзхи, аарагаад̇и самб̣анд̇хо. ‘‘рамад̇ий’’д̇и иминаа д̇ибажжаяо гад̇вад̇т̇з ход̇ийд̇и д̣̇ассзд̇и. рад̇ийд̇и раманам̣. иминаа д̇ибажжаяо бхаавад̇т̇зби ход̇ийд̇и д̣̇ассзд̇и. винаад̇и зд̇зхи аабад̇д̇игканд̇хзхи винаа. иминаа вирад̇ийд̇и зд̇т̇а вид̇яуубасаг̇г̇асса ад̇т̇ам̣ д̣̇ассзд̇и. бажжзганд̇и бад̇и згам̣, бадисад̣̇д̣̇о вижчад̇т̇аж̇од̇аго, висум̣ висунд̇и ад̇т̇о. иминаа бадивирад̇ийд̇и зд̇т̇а бадид̇яуубасаг̇г̇асса ад̇т̇ам̣ д̣̇ассзд̇и. вирад̇и бадивирад̇ийд̇и зд̇т̇ааби д̇ибажжаяо бхаавад̇т̇зби взд̣̇ид̇аб̣б̣о . взранд̇и анад̇т̇агарад̇д̇аа вирамид̇аб̣б̣анд̇и вирам̣, д̇ад̣̇зва взрам̣, рааг̇аад̣̇иагусалад̇хаммаа. д̇з хи взрахзд̇уд̇д̇аа взранд̇и вужжанд̇и. зд̇ааяаад̇и вирад̇ияаа. иминаа агирияаад̇и зд̇т̇а ририяабажжаяо гаран̣ад̇т̇з ход̇ийд̇и д̣̇ассзд̇и. яам̣ аабад̇д̇игканд̇хагаран̣анд̇и яож̇анаа. д̇ассаад̇и аабад̇д̇игканд̇хагаран̣асса. бадибагкад̇од̇и вируд̣̇д̇хабхаавад̇о. иминаа агаран̣анд̇и зд̇т̇а агааро вируд̣̇д̇хад̇т̇од̇и д̣̇ассзд̇и. аабад̇д̇игканд̇хааж̇жхаабад̇д̇ияаад̇и аабад̇д̇игканд̇хаанам̣ ад̇иггамид̇ваа аабаж̇ж̇анасса. ‘‘взланад̇о’’д̇и иминаа взлад̇ийд̇и взлаа, взланам̣ ваа взлаад̇и важанад̇т̇з д̣̇ассзд̇и. нияяаананд̇и маг̇г̇ам̣. маг̇г̇о хи ниб̣б̣аанам̣ аарамман̣агаран̣авасзна яаад̇и г̇ажчад̇ийд̇и нияяаананд̇и вужжад̇и. ‘‘б̣анд̇хад̇ий’’д̇и иминаа сид̇хаад̇уяаа б̣анд̇ханад̇т̇ам̣ д̣̇ассзд̇и. ‘‘ниваарзд̇ий’’д̇и иминаа б̣анд̇хад̇хаад̇уяаа ад̇хиббааяад̇т̇ам̣. зд̇анд̇и ‘‘сзд̇уу’’д̇и наамам̣. д̇ам̣ сзд̇унд̇и аабад̇д̇игканд̇хасан̇каад̇ам̣ д̇ам̣ сзд̇ум̣. зд̇т̇а гзсужи бод̇т̇агзсу ‘‘со сзд̇уу’’д̇и жа ‘‘зд̇ааяа бан̃н̃ад̇д̇ияаа’’д̇и жа баато ад̇т̇и, со абаатоязва.
Paṭiniddese āratītiādipadānaṃ vacanatthaṃ dassento āha ‘‘ārakā’’tiādi. Tattha ‘‘ārakā’’ti iminā āratīti ettha āupasaggassa atthaṃ dasseti. Etehīti āpattikkhandhehi, ārakāti sambandho. ‘‘Ramatī’’ti iminā tipaccayo katvatthe hotīti dasseti. Ratīti ramanaṃ. Iminā tipaccayo bhāvatthepi hotīti dasseti. Vināti etehi āpattikkhandhehi vinā. Iminā viratīti ettha vityūpasaggassa atthaṃ dasseti. Paccekanti pati ekaṃ, paṭisaddo vicchatthajotako, visuṃ visunti attho. Iminā paṭiviratīti ettha paṭityūpasaggassa atthaṃ dasseti. Virati paṭiviratīti etthāpi tipaccayo bhāvatthepi veditabbo . Veranti anatthakarattā viramitabbanti viraṃ, tadeva veraṃ, rāgādiakusaladhammā. Te hi verahetuttā veranti vuccanti. Etāyāti viratiyā. Iminā akiriyāti ettha ririyapaccayo karaṇatthe hotīti dasseti. Yaṃ āpattikkhandhakaraṇanti yojanā. Tassāti āpattikkhandhakaraṇassa. Paṭipakkhatoti viruddhabhāvato. Iminā akaraṇanti ettha akāro viruddhatthoti dasseti. Āpattikkhandhaajjhāpattiyāti āpattikkhandhānaṃ atikkamitvā āpajjanassa. ‘‘Velanato’’ti iminā velatīti velā, velanaṃ vā velāti vacanatthe dasseti. Niyyānanti maggaṃ. Maggo hi nibbānaṃ ārammaṇakaraṇavasena yāti gacchatīti niyyānanti vuccati. ‘‘Bandhatī’’ti iminā sidhātuyā bandhanatthaṃ dasseti. ‘‘Nivāretī’’ti iminā bandhadhātuyā adhippāyatthaṃ. Etanti ‘‘setū’’ti nāmaṃ. Taṃ setunti āpattikkhandhasaṅkhātaṃ taṃ setuṃ. Ettha kesuci potthakesu ‘‘so setū’’ti ca ‘‘etāya paññattiyā’’ti ca pāṭho atthi, so apāṭhoyeva.
б̣уд̣̇д̇хз аг̇аараваад̣̇ийсу звам̣ винижчаяо взд̣̇ид̇аб̣б̣од̇и яож̇анаа. яод̇и яо гожи, на г̇ажчад̇ийд̇иаад̣̇ийсу самб̣анд̇хо. д̇харамаанзд̇и д̇идтамаанз, сам̣виж̇ж̇амаанзд̇и ад̇т̇о. убадтаананд̇и убадтаанадтаанам̣, убадтаанад̇т̇ам̣ ваа. зд̇ассаад̇и яасса гассажи г̇ахадтасса ваа баб̣б̣аж̇ид̇асса ваа. д̇хаммассавананд̇и д̇хаммассаванадтаанам̣, д̇хаммассаванад̇т̇ам̣ ваа. д̇хаммассаванаг̇г̇анд̇и д̇хаммассаванам̣ г̇ан̣ханд̇и зд̇т̇аад̇и д̇хаммассаванаг̇г̇о, д̇хаммасаванаман̣д̣або. ат̇а ваа д̇хаммассаванам̣ г̇ан̣хаад̇ийд̇и д̇хаммассаванаг̇г̇о, д̇хаммассаванадтаанз самааг̇амаж̇ано, д̇ам̣ д̇хаммассаванаг̇г̇ам̣. жид̇д̇ийгааранд̇и абажааяанаагаарам̣. вигкид̇д̇о ваа анаад̣̇аро ваа худ̇ваа нисийд̣̇ад̇ийд̇и яож̇анаа. гааяабааг̇аб̣б̣ияанд̇и бхусам̣ г̇арад̇и ан̃н̃з бийл̣зд̇и анзнаад̇и баг̇аб̣б̣о, ад̇имаано, одтаж̇о д̇ад̇ияагкаро. баг̇аб̣б̣асса бхааво бааг̇аб̣б̣ияам̣, гааязна бааг̇аб̣б̣ияам̣ гааяабааг̇аб̣б̣ияам̣ (важ̇ира. дий. бариваара 271; саарад̇т̇а. дий. бариваара 3.271; ви. ви. дий. бариваара 2.271 сам̣. ни. адта. 2.2.146; а. ни. адта. 3.6.82-84; су. ни. адта. 1.144), гааяаанаажаарам̣. д̇иссо сигкаад̇и ад̇хисийласигкаад̣̇игаа д̇иссо сигкаа. бамаж̇ж̇анам̣ бамаад̣̇о , сад̇ивиббаваасод̇и ааха ‘‘бамаад̣̇з жа сад̇ивиббаваасз’’д̇и. аамисабадисанд̇хааранд̇и аамисзна ад̇д̇ано, барзсан̃жа анд̇арасса бадисанд̣̇аханам̣ аамисабадисанд̇хааро, д̇ат̇аа д̇хаммабадисанд̇хааро.
Buddhe agāravādīsu evaṃ vinicchayo veditabboti yojanā. Yoti yo koci, na gacchatītiādīsu sambandho. Dharamāneti tiṭṭhamāne, saṃvijjamāneti attho. Upaṭṭhānanti upaṭṭhānaṭṭhānaṃ, upaṭṭhānatthaṃ vā. Etassāti yassa kassaci gahaṭṭhassa vā pabbajitassa vā. Dhammassavananti dhammassavanaṭṭhānaṃ, dhammassavanatthaṃ vā. Dhammassavanagganti dhammassavanaṃ gaṇhanti etthāti dhammassavanaggo, dhammasavanamaṇḍapo. Atha vā dhammassavanaṃ gaṇhātīti dhammassavanaggo, dhammassavanaṭṭhāne samāgamajano, taṃ dhammassavanaggaṃ. Cittīkāranti apacāyanākāraṃ. Vikkhitto vā anādaro vā hutvā nisīdatīti yojanā. Kāyapāgabbiyanti bhusaṃ garati aññe pīḷeti anenāti pagabbo, atimāno, oṭṭhajo tatiyakkharo. Pagabbassa bhāvo pāgabbiyaṃ, kāyena pāgabbiyaṃ kāyapāgabbiyaṃ (vajira. ṭī. parivāra 271; sārattha. ṭī. parivāra 3.271; vi. vi. ṭī. parivāra 2.271 saṃ. ni. aṭṭha. 2.2.146; a. ni. aṭṭha. 3.6.82-84; su. ni. aṭṭha. 1.144), kāyānācāraṃ. Tisso sikkhāti adhisīlasikkhādikā tisso sikkhā. Pamajjanaṃ pamādo, sativippavāsoti āha ‘‘pamāde ca sativippavāse’’ti. Āmisapaṭisandhāranti āmisena attano, paresañca antarassa paṭisandahanaṃ āmisapaṭisandhāro, tathā dhammapaṭisandhāro.
272. сад̇т̇ариби аг̇ааравод̇иаад̣̇ийнам̣ ад̇т̇од̇и самб̣анд̇хо. ‘‘анийжавуд̇д̇ий’’д̇иаад̣̇инаа аббад̇иссод̇и бад̣̇асса ад̇хиббааяад̇т̇ам̣ д̣̇ассзд̇и, сад̣̇д̣̇ад̇т̇о банзвам̣ взд̣̇ид̇аб̣б̣о, бадимукам̣ аад̣̇арзна сад̇т̇уважанам̣ асун̣анд̇о аббад̇иссо наамаад̇и. аж̇жхад̇д̇ам̣ ваад̇и зд̇т̇а нияагаж̇жхад̇д̇аад̣̇ийсу жад̇уусу нияагаж̇жхад̇д̇абхааван̃жа сад̇д̇амийвибхад̇д̇ияаа амаад̣̇зсабхааван̃жа д̣̇ассзнд̇о ааха ‘‘ад̇д̇ано санд̇аанз ваа’’д̇и. ‘‘ад̇д̇ано багкз ваа’’д̇и иминаа ад̇д̇ано жид̇д̇асанд̇аанзд̇и ад̇т̇ам̣ бадигкибад̇и. д̇ад̇ра д̇умхзд̇и зд̇т̇а д̇асад̣̇д̣̇асса висаяам̣ д̣̇ассзнд̇о ааха ‘‘д̇асмим̣ аж̇жхад̇д̇аб̣ахид̣̇д̇хаабхзд̣̇з’’д̇и. сабарасанд̇аанзд̇и ад̇д̇абарасанд̇аанз. бахаанааяаад̇и зд̇т̇а хаад̇хаад̇уяаа гаран̣ан̃жа ааяасад̣̇д̣̇асса д̇ад̣̇ад̇т̇абхааван̃жа д̣̇ассзнд̇о ааха ‘‘мзд̇д̇аабхааванаад̣̇ийхи наязхи бахаанад̇т̇а’’нд̇и. мзд̇д̇аабхааванаад̣̇ийхийд̇иаад̣̇исад̣̇д̣̇зна гарун̣аабхааванаад̣̇им̣ сан̇г̇ан̣хаад̇и. д̇анд̇и виваад̣̇амуулам̣. ‘‘аббавад̇д̇ибхаавааяаа’’д̇и иминаа анавассавааяаад̇и зд̇т̇а авабуб̣б̣а суд̇хаад̇уяаа бавад̇д̇анад̇т̇ам̣ д̣̇ассзд̇и.
272.Sattharipi agāravotiādīnaṃ atthoti sambandho. ‘‘Anīcavuttī’’tiādinā appatissoti padassa adhippāyatthaṃ dasseti, saddattho panevaṃ veditabbo, paṭimukhaṃ ādarena satthuvacanaṃ asuṇanto appatisso nāmāti. Ajjhattaṃ vāti ettha niyakajjhattādīsu catūsu niyakajjhattabhāvañca sattamīvibhattiyā amādesabhāvañca dassento āha ‘‘attano santāne vā’’ti. ‘‘Attano pakkhe vā’’ti iminā attano cittasantāneti atthaṃ paṭikkhipati. Tatra tumheti ettha tasaddassa visayaṃ dassento āha ‘‘tasmiṃ ajjhattabahiddhābhede’’ti. Saparasantāneti attaparasantāne. Pahānāyāti ettha hādhātuyā karaṇañca āyasaddassa tadatthabhāvañca dassento āha ‘‘mettābhāvanādīhi nayehi pahānattha’’nti. Mettābhāvanādīhītiādisaddena karuṇābhāvanādiṃ saṅgaṇhāti. Tanti vivādamūlaṃ. ‘‘Appavattibhāvāyā’’ti iminā anavassavāyāti ettha avapubba sudhātuyā pavattanatthaṃ dasseti.
санд̣̇идтибараамаасийд̇и зд̇т̇а сасса ад̇д̇ано ид̣̇ам̣ сам̣, сам̣ д̣̇идтим̣ барад̇о аамасад̇ийд̇и санд̣̇идтибараамаасийд̇и д̣̇ассзнд̇о ааха ‘‘сагамзва д̣̇идтим̣ бараамасад̇ий’’д̇и. ‘‘яа’’нд̇иаад̣̇инаа бараамасанаагаарам̣ д̣̇ассзд̇и. аад̇хаанаг̇г̇аахийд̇и зд̇т̇а аабхусо тияад̇з аад̇хаананд̇и важанад̇т̇зна аад̇хаанасад̣̇д̣̇о д̣̇ал̣хабарияааяод̇и ааха ‘‘д̣̇ал̣хаг̇г̇аахий’’д̇и. д̣̇ал̣хам̣ г̇ан̣хаад̇ийд̇и д̣̇ал̣хаг̇г̇аахий.
Sandiṭṭhiparāmāsīti ettha sassa attano idaṃ saṃ, saṃ diṭṭhiṃ parato āmasatīti sandiṭṭhiparāmāsīti dassento āha ‘‘sakameva diṭṭhiṃ parāmasatī’’ti. ‘‘Ya’’ntiādinā parāmasanākāraṃ dasseti. Ādhānaggāhīti ettha ābhuso ṭhiyate ādhānanti vacanatthena ādhānasaddo daḷhapariyāyoti āha ‘‘daḷhaggāhī’’ti. Daḷhaṃ gaṇhātīti daḷhaggāhī.
273. ануваад̣̇амууланид̣̇д̣̇зсо гин̃жааби самаанод̇и яож̇анаа. ат̇а код̇и д̇ат̇аа самааноби, аяамзд̇т̇а висзсод̇и самб̣анд̇хо. вивад̣̇анд̇аанам̣ буг̇г̇алаананд̇и яож̇анаа. д̇ат̇аа вивад̣̇анд̇аад̇и д̇знаагаарзна вивад̣̇анд̇аа, анувад̣̇анд̇ийд̇и самб̣анд̇хо. ‘‘асугам̣ наама вибад̇д̇им̣ аабанно’’д̇и вуд̇д̇амзвад̇т̇ам̣ аабад̇д̇ияаа саллагкзд̇ваа д̣̇ассзнд̇о ааха ‘‘баарааж̇игам̣ аабанносий’’д̇иаад̣̇и . зд̇т̇аад̇и ануваад̣̇амуулз. висзсод̇и виваад̣̇амуулад̇о висзсо. вивад̣̇анд̇аанам̣ год̇хуубанаахаад̣̇ийни виваад̣̇амуулаани, анувад̣̇анд̇аанам̣ ануваад̣̇амуулаанийд̇и вуд̇д̇ам̣ ход̇и.
273. Anuvādamūlaniddeso kiñcāpi samānoti yojanā. Atha khoti tathā samānopi, ayamettha visesoti sambandho. Vivadantānaṃ puggalānanti yojanā. Tathā vivadantāti tenākārena vivadantā, anuvadantīti sambandho. ‘‘Asukaṃ nāma vipattiṃ āpanno’’ti vuttamevatthaṃ āpattiyā sallakkhetvā dassento āha ‘‘pārājikaṃ āpannosī’’tiādi . Etthāti anuvādamūle. Visesoti vivādamūlato viseso. Vivadantānaṃ kodhūpanāhādīni vivādamūlāni, anuvadantānaṃ anuvādamūlānīti vuttaṃ hoti.
274. мзд̇д̇ам̣ гааяагаммам̣ наамаад̇и зд̇т̇а мзд̇д̇аа зд̇ассад̇т̇ийд̇и мзд̇д̇ам̣, гааяагаммам̣, мзд̇д̇ажид̇д̇асахаг̇ад̇ам̣ гааяагамманд̇и вуд̇д̇ам̣ ход̇и. д̇зна вуд̇д̇ам̣ ‘‘мзд̇д̇ажид̇д̇зна гад̇ам̣ гааяагамма’’нд̇и. саммукабараммукаанам̣ вид̇т̇аарам̣ д̣̇ассзнд̇о ааха ‘‘д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и д̇зсу саммукабараммукзсу. гааяагаммам̣ наамаад̇и мзд̇д̇ам̣ гааяагаммам̣ наама. т̇зраанам̣ д̣̇аанаид̇и самб̣анд̇хо. убхаязхибийд̇и навагад̇т̇зрзхиби. д̇зсууд̇и навагад̇т̇зрзсу. аваман̃н̃анд̇и авамаанам̣. ад̇д̇ано д̣̇уннигкид̇д̇аанам̣ бадисааманам̣ вияа бадисаамананд̇и яож̇анаа. ‘‘мзд̇д̇аагааяагаммасан̇каад̇о’’д̇и иминаа аяамби д̇хаммод̇и зд̇т̇а д̇хаммасаруубам̣ д̣̇ассзд̇и. бисад̣̇д̣̇о убари вагкамаанз д̇хаммз абзгкад̇и. ‘‘сарид̇аб̣б̣о’’д̇и иминаа анийяасад̣̇д̣̇о гаммаваажагод̇и д̣̇ассзд̇и. сад̇иж̇анагод̇и саб̣рахмажаарийнам̣ сад̇иж̇анаго. д̇асса бад̣̇асса ад̇хиббааяам̣ д̣̇ассзнд̇о ааха ‘‘яо на’’нд̇иаад̣̇и. д̇ад̇т̇а яод̇и буг̇г̇ало. нанд̇и мзд̇д̇ам̣ гааяагаммам̣. д̇ам̣ буг̇г̇алам̣ ануссаранд̇ийд̇и самб̣анд̇хо. язсанд̇и саб̣рахмажаарийнам̣. д̇зд̇и саб̣рахмажаарино. басаннажид̇д̇аа худ̇ваад̇и самб̣анд̇хо. ‘‘бияам̣ гарод̇ий’’д̇и иминаа бияагаран̣од̇и бад̣̇асса бияам̣ гарод̇ийд̇и бияагаран̣од̇и важанад̇т̇ам̣ д̣̇ассзд̇и. зсзва наяо г̇аругаран̣од̇и зд̇т̇ааби. ‘‘сан̇г̇ахзд̇аб̣б̣абхаавааяаа’’д̇и иминаа сан̇г̇ахааяаад̇и бад̣̇асса бхааваббад̇хаанагамманид̣̇д̣̇зсабхаавам̣ д̣̇ассзд̇и. сан̇г̇ахзд̇аб̣б̣од̇и сан̇г̇ахо, д̇ад̣̇ад̇т̇ааяа. д̇зхийд̇и саб̣рахмажаарийхи. ‘‘самаг̇г̇абхаавааяаа’’д̇и иминаа самаг̇г̇асса бхааво саамаг̇г̇ийд̇и важанад̇т̇ам̣ д̣̇ассзд̇и.
274.Mettaṃ kāyakammaṃ nāmāti ettha mettā etassatthīti mettaṃ, kāyakammaṃ, mettacittasahagataṃ kāyakammanti vuttaṃ hoti. Tena vuttaṃ ‘‘mettacittena kataṃ kāyakamma’’nti. Sammukhaparammukhānaṃ vitthāraṃ dassento āha ‘‘tatthā’’tiādi. Tattha tatthāti tesu sammukhaparammukhesu. Kāyakammaṃ nāmāti mettaṃ kāyakammaṃ nāma. Therānaṃ dānaiti sambandho. Ubhayehipīti navakattherehipi. Tesūti navakattheresu. Avamaññanti avamānaṃ. Attano dunnikkhittānaṃ paṭisāmanaṃ viya paṭisāmananti yojanā. ‘‘Mettākāyakammasaṅkhāto’’ti iminā ayampi dhammoti ettha dhammasarūpaṃ dasseti. Pisaddo upari vakkhamāne dhamme apekkhati. ‘‘Saritabbo’’ti iminā anīyasaddo kammavācakoti dasseti. Satijanakoti sabrahmacārīnaṃ satijanako. Tassa padassa adhippāyaṃ dassento āha ‘‘yo na’’ntiādi. Tattha yoti puggalo. Nanti mettaṃ kāyakammaṃ. Taṃ puggalaṃ anussarantīti sambandho. Yesanti sabrahmacārīnaṃ. Teti sabrahmacārino. Pasannacittā hutvāti sambandho. ‘‘Piyaṃ karotī’’ti iminā piyakaraṇoti padassa piyaṃ karotīti piyakaraṇoti vacanatthaṃ dasseti. Eseva nayo garukaraṇoti etthāpi. ‘‘Saṅgahetabbabhāvāyā’’ti iminā saṅgahāyāti padassa bhāvappadhānakammaniddesabhāvaṃ dasseti. Saṅgahetabboti saṅgaho, tadatthāya. Tehīti sabrahmacārīhi. ‘‘Samaggabhāvāyā’’ti iminā samaggassa bhāvo sāmaggīti vacanatthaṃ dasseti.
баг̇г̇аяха важананд̇и баг̇г̇ахзд̇ваа важанам̣. вихаарзд̇и аад̇хаарз бхуммам̣, т̇зрз асанд̇зд̇и яож̇анаа. д̇анд̇и т̇зрам̣ гад̣̇аа ааг̇амиссад̇и нукод̇и яож̇анаа. мамааяанаважананд̇и мамааяанаагаарзна бавад̇д̇ам̣ важанам̣. мзд̇д̇аасинзхасинид̣̇д̇хаанийд̇и мзд̇д̇аасан̇каад̇зна синзхзна синзхид̇аани. наяанаанийд̇и жагкууни. ‘‘аббааб̣аад̇хо’’д̇и иминаа арог̇од̇и бад̣̇ассзва ад̇т̇ам̣ д̣̇ассзд̇и. нижжааб̣аад̇хзна ваа арог̇о, ааг̇анд̇угааб̣аад̇хзна аббааб̣аад̇хо, аж̇жхад̇д̇ааб̣аад̇хзна ваа арог̇о, б̣ахид̣̇д̇хааб̣аад̇хзна аббааб̣аад̇хо, гааяааб̣аад̇хзна ваа арог̇о, жид̇д̇ааб̣аад̇хзна аббааб̣аад̇хо. саманнаахаран̣анд̇и бунаббунам̣ манасигаран̣ам̣.
Paggayha vacananti paggahetvā vacanaṃ. Vihāreti ādhāre bhummaṃ, there asanteti yojanā. Tanti theraṃ kadā āgamissati nukhoti yojanā. Mamāyanavacananti mamāyanākārena pavattaṃ vacanaṃ. Mettāsinehasiniddhānīti mettāsaṅkhātena sinehena sinehitāni. Nayanānīti cakkhūni. ‘‘Appābādho’’ti iminā arogoti padasseva atthaṃ dasseti. Niccābādhena vā arogo, āgantukābādhena appābādho, ajjhattābādhena vā arogo, bahiddhābādhena appābādho, kāyābādhena vā arogo, cittābādhena appābādho. Samannāharaṇanti punappunaṃ manasikaraṇaṃ.
на буг̇г̇алам̣ бадивибхаж̇ид̇ваа бхун̃ж̇ад̇ийд̇и яож̇анаа. д̇ад̣̇ад̇т̇ам̣ вид̇т̇аарзнд̇о ааха ‘‘яо хий’’д̇иаад̣̇и. д̇ад̇т̇а яод̇и буг̇г̇ало, бхун̃ж̇ад̇ийд̇и самб̣анд̇хо. ‘‘зд̇д̇агам̣…бз… бхун̃ж̇иссаамий’’д̇и иминаа аамисабадивибхад̇д̇абхог̇ибхаавам̣ д̣̇ассзд̇и. ‘‘зд̇д̇агам̣ ваа асугасса жа…бз… бхун̃ж̇иссаамий’’д̇и иминаа буг̇г̇алабадивибхад̇д̇абхог̇ибхаавам̣ д̣̇ассзд̇и. аяанд̇и буг̇г̇ало. аабхад̇анд̇и г̇аамаад̣̇ид̇о аанийд̇ам̣. ад̣̇аад̇умбийд̇и бисад̣̇д̣̇зна д̣̇аад̇умби ваддад̇ийд̇и д̣̇ассзд̇и. д̣̇аанан̃хи наама на гассажи ваарид̇ам̣. саб̣б̣зсанд̇и д̣̇уссийласийлаванд̇аанам̣. вуд̇д̇анд̇и адтагат̇ааяам̣ (д̣̇ий. ни. адта. 2.141; ма. ни. адта. 2.492; а. ни. адта. 3.6.11) вуд̇д̇ам̣. вижзяяаад̇и вижинид̇ваа. д̣̇аад̇умбийд̇и бисад̣̇д̣̇зна авижинид̇ваа сааман̃н̃ад̇о д̣̇аад̇умби ваддад̇ийд̇и самбин̣д̣зд̇и. нану звам̣ сад̇и буг̇г̇алавибхааг̇о гад̇о наама ход̇и, гасмаа вижзяяа д̣̇аад̇ум̣ ваддад̇ийд̇и ааха ‘‘на хий’’д̇иаад̣̇и. хийд̇и яасмаа. зд̇зд̇и г̇илаанаад̣̇аяо. ид̣̇ам̣ бад̣̇ам̣ вижинид̇ваад̇и бад̣̇з гаммам̣, ‘‘д̣̇знд̇знаа’’д̇и бад̣̇з самбад̣̇аанам̣. хийд̇и сажжам̣. ид̇и аяанд̇и ид̇и манасигад̇ваа аяам̣ сааран̣ийяад̇хаммабуураго.
Na puggalaṃ paṭivibhajitvā bhuñjatīti yojanā. Tadatthaṃ vitthārento āha ‘‘yo hī’’tiādi. Tattha yoti puggalo, bhuñjatīti sambandho. ‘‘Ettakaṃ…pe… bhuñjissāmī’’ti iminā āmisapaṭivibhattabhogibhāvaṃ dasseti. ‘‘Ettakaṃ vā asukassa ca…pe… bhuñjissāmī’’ti iminā puggalapaṭivibhattabhogibhāvaṃ dasseti. Ayanti puggalo. Ābhatanti gāmādito ānītaṃ. Adātumpīti pisaddena dātumpi vaṭṭatīti dasseti. Dānañhi nāma na kassaci vāritaṃ. Sabbesanti dussīlasīlavantānaṃ. Vuttanti aṭṭhakathāyaṃ (dī. ni. aṭṭha. 2.141; ma. ni. aṭṭha. 2.492; a. ni. aṭṭha. 3.6.11) vuttaṃ. Viceyyāti vicinitvā. Dātumpīti pisaddena avicinitvā sāmaññato dātumpi vaṭṭatīti sampiṇḍeti. Nanu evaṃ sati puggalavibhāgo kato nāma hoti, kasmā viceyya dātuṃ vaṭṭatīti āha ‘‘na hī’’tiādi. Hīti yasmā. Eteti gilānādayo. Idaṃ padaṃ vicinitvāti pade kammaṃ, ‘‘dentenā’’ti pade sampadānaṃ. Hīti saccaṃ. Iti ayanti iti manasikatvā ayaṃ sāraṇīyadhammapūrako.
акан̣д̣аанийд̇иаад̣̇ийсу батамам̣ д̇аава кан̣д̣ачид̣̇д̣̇асаб̣алагаммаасаани д̣̇ассзд̇ваа д̇зсам̣ бадибагкавасзна акан̣д̣аад̣̇ийни д̣̇ассзнд̇о ааха ‘‘яассаа’’д̇иаад̣̇и. д̇ад̇т̇а яассаад̇и бхигкусса, сигкаабад̣̇ам̣ бхиннанд̇и самб̣анд̇хо. сад̇д̇асу аабад̇д̇игканд̇хзсууд̇и аад̇хаарз бхуммам̣, сигкаабад̣̇анд̇и самб̣анд̇хо. аабад̇д̇ин̃хи бадижжа сигкаабад̣̇асса бан̃н̃ад̇д̇ад̇д̇аа аабад̇д̇и д̇асса висаяо ход̇и. аад̣̇имхи ваа анд̇з ваад̇и сигкаабад̣̇аанам̣ аад̣̇имхи ваа анд̇з ваа. ваасад̣̇д̣̇о анияамавигаббад̇т̇о. сигкаабад̣̇з бхиннз аабад̇д̇исамбхавад̇о вуд̇д̇ам̣ ‘‘сигкаабад̣̇ам̣ бхинна’’нд̇и. кан̣д̣ам̣ наамаад̇и чиннам̣ наама. взмаж̇жхзд̇и сигкаабад̣̇аанам̣ взмаж̇жхз. бхиннанд̇и сигкаабад̣̇ам̣ бхиннам̣. чид̣̇д̣̇ам̣ наамаад̇и виварам̣ наама. д̣̇вз д̇ийн̣и сигкаабад̣̇аанийд̇и самб̣анд̇хо. саб̣алам̣ наамаад̇и жид̇рам̣ наама. бхиннаанийд̇и сигкаабад̣̇аани бхиннаани. гаммаасам̣ наамаад̇и вижид̇рам̣ наама. зд̇т̇а жа згасмим̣ таанз згзна висабхааг̇аван̣н̣зна жид̇рам̣ саб̣алам̣ наама, наанаатаанз наанааван̣н̣зна вижид̇рам̣ гаммаасам̣ наамаад̇и аяамзд̇зсам̣ висзсо. кан̣д̣аад̣̇ийнам̣ вибаривад̇д̇анавасзна акан̣д̣аад̣̇ийни д̣̇ассзнд̇о ааха ‘‘яасса банаа’’д̇иаад̣̇и. абхиннаанисийлаанийд̇и абхиннаани сигкаабад̣̇асийлаани. д̇аани банаад̇и сийлаани бана. ‘‘зд̇ааний’’д̇и бад̣̇ам̣ бад̣̇аалан̇гаарамад̇д̇ам̣. бхуж̇иссабхаавагаран̣ад̇од̇и д̇ан̣хаад̣̇аасаб̣яад̇о можзд̇ваа бхуж̇иссагаран̣абхаавад̇о. иминаа ‘‘бхуж̇иссабхаавагаран̣ааний’’д̇и вад̇д̇аб̣б̣з уд̇д̇арабад̣̇алобавасзна звам̣ вуд̇д̇анд̇и д̣̇ассзд̇и. бхуж̇иссаанийд̇и вужжанд̇ийд̇и самб̣анд̇хо. вин̃н̃уухийд̇и б̣уд̣̇д̇хаад̣̇ийхи саббурисзхи. убажаарасамаад̇хим̣ аббанаасамаад̇хим̣ ваад̇и зд̇т̇а ваасад̣̇д̣̇о самужжаяад̇т̇о. убажаарасамаад̇хин̃жа аббанаасамаад̇хим̣ жаад̇и хи ад̇т̇о. ‘‘сам̣вад̇д̇аяанд̇ий’’д̇и иминаа самаад̇хисам̣вад̇д̇анигаанийд̇и зд̇т̇а анийяасад̣̇д̣̇о б̣ахулам̣ гад̇д̇уваажагод̇и д̣̇ассзд̇и. сийласааман̃н̃аг̇ад̇од̇и зд̇т̇а самаанасса бхааво сааман̃н̃ам̣, д̇ам̣ г̇ад̇од̇и сааман̃н̃аг̇ад̇о, сийлзна сааман̃н̃аг̇ад̇о сийласааман̃н̃аг̇ад̇о, худ̇ваа вихарад̇ийд̇и яож̇анаа. д̇зна вуд̇д̇ам̣ ‘‘самаанабхаавуубаг̇ад̇асийло вихарад̇ий’’д̇и.
Akhaṇḍānītiādīsu paṭhamaṃ tāva khaṇḍachiddasabalakammāsāni dassetvā tesaṃ paṭipakkhavasena akhaṇḍādīni dassento āha ‘‘yassā’’tiādi. Tattha yassāti bhikkhussa, sikkhāpadaṃ bhinnanti sambandho. Sattasu āpattikkhandhesūti ādhāre bhummaṃ, sikkhāpadanti sambandho. Āpattiñhi paṭicca sikkhāpadassa paññattattā āpatti tassa visayo hoti. Ādimhi vā ante vāti sikkhāpadānaṃ ādimhi vā ante vā. Vāsaddo aniyamavikappattho. Sikkhāpade bhinne āpattisambhavato vuttaṃ ‘‘sikkhāpadaṃ bhinna’’nti. Khaṇḍaṃ nāmāti chinnaṃ nāma. Vemajjheti sikkhāpadānaṃ vemajjhe. Bhinnanti sikkhāpadaṃ bhinnaṃ. Chiddaṃ nāmāti vivaraṃ nāma. Dve tīṇi sikkhāpadānīti sambandho. Sabalaṃ nāmāti citraṃ nāma. Bhinnānīti sikkhāpadāni bhinnāni. Kammāsaṃ nāmāti vicitraṃ nāma. Ettha ca ekasmiṃ ṭhāne ekena visabhāgavaṇṇena citraṃ sabalaṃ nāma, nānāṭhāne nānāvaṇṇena vicitraṃ kammāsaṃ nāmāti ayametesaṃ viseso. Khaṇḍādīnaṃ viparivattanavasena akhaṇḍādīni dassento āha ‘‘yassa panā’’tiādi. Abhinnānisīlānīti abhinnāni sikkhāpadasīlāni. Tāni panāti sīlāni pana. ‘‘Etānī’’ti padaṃ padālaṅkāramattaṃ. Bhujissabhāvakaraṇatoti taṇhādāsabyato mocetvā bhujissakaraṇabhāvato. Iminā ‘‘bhujissabhāvakaraṇānī’’ti vattabbe uttarapadalopavasena evaṃ vuttanti dasseti. Bhujissānīti vuccantīti sambandho. Viññūhīti buddhādīhi sappurisehi. Upacārasamādhiṃ appanāsamādhiṃ vāti ettha vāsaddo samuccayattho. Upacārasamādhiñca appanāsamādhiṃ cāti hi attho. ‘‘Saṃvattayantī’’ti iminā samādhisaṃvattanikānīti ettha anīyasaddo bahulaṃ kattuvācakoti dasseti. Sīlasāmaññagatoti ettha samānassa bhāvo sāmaññaṃ, taṃ gatoti sāmaññagato, sīlena sāmaññagato sīlasāmaññagato, hutvā viharatīti yojanā. Tena vuttaṃ ‘‘samānabhāvūpagatasīlo viharatī’’ti.
яааяам̣ д̣̇идтийд̇и зд̇т̇а ‘‘д̣̇идтий’’д̇и сааман̃н̃аг̇ад̇ассааби сад̣̇д̣̇асса ‘‘арияаа’’д̇и сад̣̇д̣̇анд̇арасаннид̇хаанзна висзсависаяад̇д̇аа саммаад̣̇идтийд̇и ааха ‘‘маг̇г̇асамбаяуд̇д̇аа саммаад̣̇идтий’’д̇и. ‘‘маг̇г̇асамбаяуд̇д̇аа’’д̇и иминаа логияасаммаад̣̇идтим̣ бадигкибад̇и. нид̣̇д̣̇осаад̇и висуд̣̇д̇хад̇д̇аа, уд̇д̇амад̇д̇аа ваа нид̣̇д̣̇осаа. иминаа арияасад̣̇д̣̇о нид̣̇д̣̇осад̇т̇аваажаго анибпаннабаадибад̣̇игод̇и д̣̇ассзд̇и. нияяаад̇ийд̇и ниб̣б̣аанам̣ яаад̇и. иминаа анийяасад̣̇д̣̇о б̣ахулам̣ гад̇д̇уваажагод̇и д̣̇ассзд̇и. яо д̇ат̇аагаарий ход̇и, д̇аггарассаад̇и яож̇анаа. д̇ат̇аагаарийд̇и д̇ааяа маг̇г̇асамбаяуд̇д̇ааяа саммаад̣̇идтияаа гаарий ход̇и. иминаа д̇ааяа саммаад̣̇идтияаа гарод̇ийд̇и д̇аггарод̇и важанад̇т̇ам̣ д̣̇ассзд̇и. д̣̇угкагкаяааяаад̇и зд̇т̇а кийяанам̣ каяо, д̣̇угкасса каяо д̣̇угкагкаяо, д̇ад̣̇ад̇т̇ааяаад̇и д̣̇ассзнд̇о ааха ‘‘саб̣б̣ад̣̇угкасса каяад̇т̇а’’нд̇и. сзсанд̇и вуд̇д̇аважанад̇о сзсам̣ важанам̣.
Yāyaṃdiṭṭhīti ettha ‘‘diṭṭhī’’ti sāmaññagatassāpi saddassa ‘‘ariyā’’ti saddantarasannidhānena visesavisayattā sammādiṭṭhīti āha ‘‘maggasampayuttā sammādiṭṭhī’’ti. ‘‘Maggasampayuttā’’ti iminā lokiyasammādiṭṭhiṃ paṭikkhipati. Niddosāti visuddhattā, uttamattā vā niddosā. Iminā ariyasaddo niddosatthavācako anipphannapāṭipadikoti dasseti. Niyyātīti nibbānaṃ yāti. Iminā anīyasaddo bahulaṃ kattuvācakoti dasseti. Yo tathākārī hoti, takkarassāti yojanā. Tathākārīti tāya maggasampayuttāya sammādiṭṭhiyā kārī hoti. Iminā tāya sammādiṭṭhiyā karotīti takkaroti vacanatthaṃ dasseti. Dukkhakkhayāyāti ettha khīyanaṃ khayo, dukkhassa khayo dukkhakkhayo, tadatthāyāti dassento āha ‘‘sabbadukkhassa khayattha’’nti. Sesanti vuttavacanato sesaṃ vacanaṃ.
ид̇и гад̇ибужчааваараван̣н̣анааяа яож̇анаа самад̇д̇аа.
Iti katipucchāvāravaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / гад̇ибужчаавааро • Katipucchāvāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гад̇ибужчааваараван̣н̣анаа • Katipucchāvāravaṇṇanā
