| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૧૧૩. અન્તરાયે અનાપત્તિવસ્સચ્છેદકથા
113. Antarāye anāpattivassacchedakathā
૨૦૧. અવિદૂરેતિ આસન્ને. તત્થાતિ ગામે. સત્તાહવારેનાતિ સત્તાહે એકવારેન. અરુણો ઉટ્ઠાપેતબ્બોતિ વિહારે અરુણો ઉટ્ઠાપેતબ્બો. તત્રેવાતિ ગામેયેવ. મયન્તિ ભિક્ખૂ સન્ધાય વુત્તં. પુન મયન્તિ મનુસ્સે સન્ધાય વુત્તં. તેસંયેવાતિ વસ્સચ્છેદભિક્ખૂનં એવ. તન્તિ સલાકભત્તાદિં. વસ્સગ્ગેનાતિ વસ્સગણનાય.
201.Avidūreti āsanne. Tatthāti gāme. Sattāhavārenāti sattāhe ekavārena. Aruṇo uṭṭhāpetabboti vihāre aruṇo uṭṭhāpetabbo. Tatrevāti gāmeyeva. Mayanti bhikkhū sandhāya vuttaṃ. Puna mayanti manusse sandhāya vuttaṃ. Tesaṃyevāti vassacchedabhikkhūnaṃ eva. Tanti salākabhattādiṃ. Vassaggenāti vassagaṇanāya.
વસ્સાવાસિકન્તિ વસ્સાવાસાનં દાતબ્બં ચીવરં. તત્થાતિ તસ્મિં વિહારે. યેસં પાપિતન્તિ સમ્બન્ધો. વિહારેતિ વુટ્ઠિતગામવિહારે. ઉપનિક્ખિત્તકં ભણ્ડન્તિ સમ્બન્ધો. ઇધાતિ ભિક્ખુનો નિવાસટ્ઠાને. યં ચીવરાદિવેભઙ્ગિયભણ્ડં અત્થિ, તન્તિ યોજના. તત્થેવાતિ વુટ્ઠિતગામવિહારે એવ. ઇતોતિ ખેત્તવત્થુઆદિતો. કપ્પિયકારકાનં હત્થેતિ સમ્બન્ધો. તત્રુપ્પાદેપીતિ તસ્સ વિહારસ્સ દિન્નખેત્તવત્થુઆદિતો ઉપ્પાદે પચ્ચયેપિ. ‘‘તત્થેવ ગન્ત્વા અપલોકેત્વા ભાજેતબ્બ’’ન્તિ વચનસ્સ યુત્તિં દસ્સેન્તો આહ ‘‘સઙ્ઘિકઞ્હી’’તિઆદિ. અન્તોવિહારે વાતિ અન્તોસીમાય વા. ઉભયત્થાતિ અન્તોસીમબહિસીમ સઙ્ખાતેસુ દ્વીસુ ઠાનેસુ ઠિતં વેભઙ્ગિયભણ્ડન્તિ સમ્બન્ધો.
Vassāvāsikanti vassāvāsānaṃ dātabbaṃ cīvaraṃ. Tatthāti tasmiṃ vihāre. Yesaṃ pāpitanti sambandho. Vihāreti vuṭṭhitagāmavihāre. Upanikkhittakaṃ bhaṇḍanti sambandho. Idhāti bhikkhuno nivāsaṭṭhāne. Yaṃ cīvarādivebhaṅgiyabhaṇḍaṃ atthi, tanti yojanā. Tatthevāti vuṭṭhitagāmavihāre eva. Itoti khettavatthuādito. Kappiyakārakānaṃ hattheti sambandho. Tatruppādepīti tassa vihārassa dinnakhettavatthuādito uppāde paccayepi. ‘‘Tattheva gantvā apaloketvā bhājetabba’’nti vacanassa yuttiṃ dassento āha ‘‘saṅghikañhī’’tiādi. Antovihāre vāti antosīmāya vā. Ubhayatthāti antosīmabahisīma saṅkhātesu dvīsu ṭhānesu ṭhitaṃ vebhaṅgiyabhaṇḍanti sambandho.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૧૩. અન્તરાયે અનાપત્તિવસ્સચ્છેદવારો • 113. Antarāye anāpattivassacchedavāro
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અન્તરાયેઅનાપત્તિવસ્સચ્છેદકથા • Antarāyeanāpattivassacchedakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અન્તરાયે અનાપત્તિવસ્સચ્છેદકથાવણ્ણના • Antarāye anāpattivassacchedakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અન્તરાયેઅનાપત્તિવસ્સચ્છેદકથાવણ્ણના • Antarāyeanāpattivassacchedakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અન્તરાયેઅનાપત્તિવસ્સચ્છેદકથાવણ્ણના • Antarāyeanāpattivassacchedakathāvaṇṇanā
