| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
9. рад̇анаваг̇г̇о
9. Ratanavaggo
1. анд̇збурасигкаабад̣̇а-ад̇т̇аяож̇анаа
1. Antepurasikkhāpada-atthayojanā
494. рааж̇аваг̇г̇асса батамз барид̇д̇агод̇и г̇ун̣зна куд̣̇д̣̇аго. баасаад̣̇аварасад̣̇д̣̇асса убарисад̣̇д̣̇зна самб̣анд̇хид̇аб̣б̣абхаавам̣ д̣̇ассзд̇ум̣ вуд̇д̇ам̣ ‘‘баасаад̣̇аварасса убари г̇ад̇о’’д̇и. иминаа баасаад̣̇аварасса убари убарибаасаад̣̇аварам̣, д̇ам̣ г̇ад̇о убаг̇ад̇од̇и убарибаасаад̣̇авараг̇ад̇од̇и важанад̇т̇ам̣ д̣̇ассзд̇и. аяяаананд̇и бхигкуунам̣. ‘‘гааран̣аа’’д̇и иминаа ‘‘ваахасаа’’д̇и бад̣̇ассад̇т̇ам̣ д̣̇ассзд̇и. д̇зхийд̇и аяязхи.
494. Rājavaggassa paṭhame parittakoti guṇena khuddako. Pāsādavarasaddassa uparisaddena sambandhitabbabhāvaṃ dassetuṃ vuttaṃ ‘‘pāsādavarassa upari gato’’ti. Iminā pāsādavarassa upari uparipāsādavaraṃ, taṃ gato upagatoti uparipāsādavaragatoti vacanatthaṃ dasseti. Ayyānanti bhikkhūnaṃ. ‘‘Kāraṇā’’ti iminā ‘‘vāhasā’’ti padassatthaṃ dasseti. Tehīti ayyehi.
497. анд̇аранд̇и кан̣ам̣, огаасам̣ ваа виварам̣ ваа. гхаад̇зд̇унд̇и ханид̇ум̣. ижчад̇ийд̇и иминаа бад̇т̇ад̇хаад̇уяаа яаажанад̇т̇ам̣ д̣̇ассзд̇и. ‘‘рааж̇анд̇збурам̣ хад̇т̇исаммад̣̇д̣̇а’’нд̇иаад̣̇ийсу важанад̇т̇о звам̣ взд̣̇ид̇аб̣б̣од̇и яож̇анаа. хад̇т̇исаммад̣̇д̣̇анд̇и хад̇т̇исамб̣аад̇хадтаанам̣. ассзхи саммад̣̇д̣̇о зд̇т̇аад̇и ассасаммад̣̇д̣̇о. рат̇зхи саммад̣̇д̣̇о зд̇т̇аад̇и рат̇асаммад̣̇д̣̇од̇и важанад̇т̇ам̣ ад̇ид̣̇исанд̇о ааха ‘‘зсзва наяо’’д̇и. ‘‘саммад̇д̇а’’нд̇и батамагкарзна баатасса самб̣аад̇хасса аваажагад̇д̇аа вуд̇д̇ам̣ ‘‘д̇ам̣ на г̇ахзд̇аб̣б̣а’’нд̇и. д̇ад̇т̇аад̇и баатз. ‘‘хад̇т̇ийнам̣ саммад̣̇д̣̇а’’нд̇и иминаа уд̇д̇арабад̣̇асса саммад̣̇д̣̇анам̣ саммад̣̇д̣̇анд̇и бхаавад̇т̇ам̣ д̣̇ассзд̇и, буримабад̣̇зна чадтийсамаасан̃жа. буримабаатз бана уд̇д̇арабад̣̇асса ад̇хигаран̣ад̇т̇ан̃жа буб̣б̣абад̣̇зна д̇ад̇ияаасамаасан̃жа д̣̇ассзд̇и. б̣аахирад̇т̇асамаасод̇иби вужжад̇и. бажчимабаатз ‘‘хад̇т̇исаммад̣̇д̣̇а’’нд̇иаад̣̇ибад̣̇асса лин̇г̇авибаллаасан̃жа ‘‘ад̇т̇ий’’д̇и баатасзсзна яож̇зд̇аб̣б̣ад̇ан̃жа д̣̇ассзд̇ум̣ вуд̇д̇ам̣ ‘‘хад̇т̇исаммад̣̇д̣̇о ад̇т̇ий’’д̇и. раж̇ид̇аб̣б̣аанийд̇и раж̇анийяаани, раж̇ид̇ум̣ арахаанийд̇и ад̇т̇о. иминаа самб̣анд̇хагаалз буримабаатз ран̃н̃о анд̇збурзд̇и вибхад̇д̇ивибаллаасо гаад̇аб̣б̣од̇и. бажчимабаатз бана мукяад̇ова яуж̇ж̇ад̇и. д̇зна вуд̇д̇ам̣ ‘‘д̇асмим̣ анд̇збурз’’д̇и.
497.Antaranti khaṇaṃ, okāsaṃ vā vivaraṃ vā. Ghātetunti hanituṃ. Icchatīti iminā patthadhātuyā yācanatthaṃ dasseti. ‘‘Rājantepuraṃ hatthisammadda’’ntiādīsu vacanattho evaṃ veditabboti yojanā. Hatthisammaddanti hatthisambādhaṭṭhānaṃ. Assehi sammaddo etthāti assasammaddo. Rathehi sammaddo etthāti rathasammaddoti vacanatthaṃ atidisanto āha ‘‘eseva nayo’’ti. ‘‘Sammatta’’nti paṭhamakkharena pāṭhassa sambādhassa avācakattā vuttaṃ ‘‘taṃ na gahetabba’’nti. Tatthāti pāṭhe. ‘‘Hatthīnaṃ sammadda’’nti iminā uttarapadassa sammaddanaṃ sammaddanti bhāvatthaṃ dasseti, purimapadena chaṭṭhīsamāsañca. Purimapāṭhe pana uttarapadassa adhikaraṇatthañca pubbapadena tatiyāsamāsañca dasseti. Bāhiratthasamāsotipi vuccati. Pacchimapāṭhe ‘‘hatthisammadda’’ntiādipadassa liṅgavipallāsañca ‘‘atthī’’ti pāṭhasesena yojetabbatañca dassetuṃ vuttaṃ ‘‘hatthisammaddo atthī’’ti. Rajitabbānīti rajanīyāni, rajituṃ arahānīti attho. Iminā sambandhakāle purimapāṭhe rañño antepureti vibhattivipallāso kātabboti. Pacchimapāṭhe pana mukhyatova yujjati. Tena vuttaṃ ‘‘tasmiṃ antepure’’ti.
498. авасид̇д̇ассаад̇и кад̇д̇ияаабхисзгзна абхисид̇д̇асса. ид̇од̇и саяанигхарад̇о. иминаа бан̃жамийб̣аахирасамаасам̣ д̣̇ассзд̇и. ран̃н̃о рад̇иж̇ананадтзна рад̇анам̣ вужжад̇и махзсий. махзсийд̇и жа саабхисзгаа д̣̇звий. нибуб̣б̣а г̇амуд̇хаад̇усса нибуб̣б̣агамуд̇хаад̇уяаа барияааяабхаавам̣ д̣̇ассзд̇ум̣ вуд̇д̇ам̣ ‘‘ниг̇г̇ад̇анд̇и нигканд̇а’’нд̇и. батамам̣.
498.Avasittassāti khattiyābhisekena abhisittassa. Itoti sayanigharato. Iminā pañcamībāhirasamāsaṃ dasseti. Rañño ratijananaṭṭhena ratanaṃ vuccati mahesī. Mahesīti ca sābhisekā devī. Nipubba gamudhātussa nipubbakamudhātuyā pariyāyabhāvaṃ dassetuṃ vuttaṃ ‘‘niggatanti nikkhanta’’nti. Paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. рад̇анаваг̇г̇о • 9. Ratanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
