| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭-౧౦. అనుధమ్మసుత్తాదివణ్ణనా
7-10. Anudhammasuttādivaṇṇanā
౩౯-౪౨. సత్తమే ధమ్మానుధమ్మప్పటిపన్నస్సాతి నవన్నం లోకుత్తరధమ్మానం అనులోమధమ్మం పుబ్బభాగపటిపదం పటిపన్నస్స. అయమనుధమ్మోతి అయం అనులోమధమ్మో హోతి. నిబ్బిదాబహులోతి ఉక్కణ్ఠనబహులో హుత్వా. పరిజానాతీతి తీహి పరిఞ్ఞాహి పరిజానాతి. పరిముచ్చతీతి మగ్గక్ఖణే ఉప్పన్నాయ పహానపరిఞ్ఞాయ పరిముచ్చతి. ఏవం ఇమస్మిం సుత్తే మగ్గోవ కథితో హోతి, తథా ఇతో పరేసు తీసు. ఇధ పన అనుపస్సనా అనియమితా, తేసు నియమితా. తస్మా ఇధాపి సా తత్థ నియమితవసేనేవ నియమేతబ్బా. న హి సక్కా తీసు అఞ్ఞతరం అనుపస్సనం వినా నిబ్బిన్దితుం పరిజానితుం వాతి. సత్తమాదీని.
39-42. Sattame dhammānudhammappaṭipannassāti navannaṃ lokuttaradhammānaṃ anulomadhammaṃ pubbabhāgapaṭipadaṃ paṭipannassa. Ayamanudhammoti ayaṃ anulomadhammo hoti. Nibbidābahuloti ukkaṇṭhanabahulo hutvā. Parijānātīti tīhi pariññāhi parijānāti. Parimuccatīti maggakkhaṇe uppannāya pahānapariññāya parimuccati. Evaṃ imasmiṃ sutte maggova kathito hoti, tathā ito paresu tīsu. Idha pana anupassanā aniyamitā, tesu niyamitā. Tasmā idhāpi sā tattha niyamitavaseneva niyametabbā. Na hi sakkā tīsu aññataraṃ anupassanaṃ vinā nibbindituṃ parijānituṃ vāti. Sattamādīni.
నతుమ్హాకవగ్గో చతుత్థో.
Natumhākavaggo catuttho.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౭. అనుధమ్మసుత్తం • 7. Anudhammasuttaṃ
౮. దుతియఅనుధమ్మసుత్తం • 8. Dutiyaanudhammasuttaṃ
౯. తతియఅనుధమ్మసుత్తం • 9. Tatiyaanudhammasuttaṃ
౧౦. చతుత్థఅనుధమ్మసుత్తం • 10. Catutthaanudhammasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭-౧౦. అనుధమ్మసుత్తాదివణ్ణనా • 7-10. Anudhammasuttādivaṇṇanā
