| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౭. అనుధమ్మసుత్తం
7. Anudhammasuttaṃ
౩౯. సావత్థినిదానం . ‘‘ధమ్మానుధమ్మప్పటిపన్నస్స, భిక్ఖవే, భిక్ఖునో అయమనుధమ్మో హోతి యం రూపే నిబ్బిదాబహులో 1 విహరేయ్య, వేదనాయ నిబ్బిదాబహులో విహరేయ్య, సఞ్ఞా నిబ్బిదాబహులో విహరేయ్య, సఙ్ఖారేసు నిబ్బిదాబహులో విహరేయ్య, విఞ్ఞాణే నిబ్బిదాబహులో విహరేయ్య. యో రూపే నిబ్బిదాబహులో విహరన్తో, వేదనాయ… సఞ్ఞాయ… సఙ్ఖారేసు నిబ్బిదాబహులో విహరన్తో, విఞ్ఞాణే నిబ్బిదాబహులో విహరన్తో రూపం పరిజానాతి, వేదనం… సఞ్ఞం… సఙ్ఖారే… విఞ్ఞాణం పరిజానాతి, సో రూపం పరిజానం, వేదనం… సఞ్ఞం… సఙ్ఖారే… విఞ్ఞాణం పరిజానం పరిముచ్చతి రూపమ్హా, పరిముచ్చతి వేదనా , పరిముచ్చతి సఞ్ఞాయ , పరిముచ్చతి సఙ్ఖారేహి, పరిముచ్చతి విఞ్ఞాణమ్హా, పరిముచ్చతి జాతియా జరామరణేన సోకేహి పరిదేవేహి దుక్ఖేహి దోమనస్సేహి ఉపాయాసేహి, పరిముచ్చతి దుక్ఖస్మాతి వదామీ’’తి. సత్తమం.
39. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe nibbidābahulo 2 vihareyya, vedanāya nibbidābahulo vihareyya, saññā nibbidābahulo vihareyya, saṅkhāresu nibbidābahulo vihareyya, viññāṇe nibbidābahulo vihareyya. Yo rūpe nibbidābahulo viharanto, vedanāya… saññāya… saṅkhāresu nibbidābahulo viharanto, viññāṇe nibbidābahulo viharanto rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanā , parimuccati saññāya , parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Sattamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౭-౧౦. అనుధమ్మసుత్తాదివణ్ణనా • 7-10. Anudhammasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭-౧౦. అనుధమ్మసుత్తాదివణ్ణనా • 7-10. Anudhammasuttādivaṇṇanā
