| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. अनुलेपदायकत्थेरअपदानं
8. Anulepadāyakattheraapadānaṃ
३९.
39.
‘‘अत्थदस्सिस्स मुनिनो, अद्दसं सावकं अहं।
‘‘Atthadassissa munino, addasaṃ sāvakaṃ ahaṃ;
नवकम्मं करोन्तस्स, सीमाय उपगच्छहं॥
Navakammaṃ karontassa, sīmāya upagacchahaṃ.
४०.
40.
‘‘निट्ठिते नवकम्मे च, अनुलेपमदासहं।
‘‘Niṭṭhite navakamme ca, anulepamadāsahaṃ;
पसन्नचित्तो सुमनो, पुञ्ञक्खेत्ते अनुत्तरे॥
Pasannacitto sumano, puññakkhette anuttare.
४१.
41.
‘‘अट्ठारसे कप्पसते, यं कम्ममकरिं तदा।
‘‘Aṭṭhārase kappasate, yaṃ kammamakariṃ tadā;
दुग्गतिं नाभिजानामि, अनुलेपस्सिदं फलं॥
Duggatiṃ nābhijānāmi, anulepassidaṃ phalaṃ.
४२.
42.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अनुलेपदायको थेरो इमा गाथायो अभासित्थाति।
Itthaṃ sudaṃ āyasmā anulepadāyako thero imā gāthāyo abhāsitthāti.
अनुलेपदायकत्थेरस्सापदानं अट्ठमं।
Anulepadāyakattherassāpadānaṃ aṭṭhamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. पदुमकेसरियत्थेरअपदानादिवण्णना • 1-10. Padumakesariyattheraapadānādivaṇṇanā
