| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
6. அனுலேபதா³யகத்தே²ரஅபதா³னவண்ணனா
6. Anulepadāyakattheraapadānavaṇṇanā
அனோமத³ஸ்ஸீமுனினோதிஆதி³கங் ஆயஸ்மதோ அனுலேபதா³யகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ அனோமத³ஸ்ஸிஸ்ஸ ப⁴க³வதோ காலே குலகே³ஹே நிப்³ப³த்தோ மஹத்³த⁴னோ மஹாபோ⁴கோ³ தஸ்ஸ ப⁴க³வதோ போ³தி⁴ருக்க²ஸ்ஸ வேதி³காவலயங் காரெத்வா ஸுதா⁴கம்மஞ்ச காரெத்வா வாலுகஸந்த²ரணங் த³த்³த³ள்ஹமானங் ரஜதவிமானமிவ காரேஸி. ஸோ தேன புஞ்ஞேன ஸுக²ப்பத்தோ உப்பன்னுப்பன்னப⁴வே ரஜதவிமானரஜதகே³ஹரஜதபாஸாதே³ஸு ஸுக²மனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ விஞ்ஞுதங் பத்வா ஸத்த²ரி பஸன்னோ பப்³ப³ஜித்வா விபஸ்ஸனமனுயுத்தோ நசிரஸ்ஸேவ அரஹா அஹோஸி.
Anomadassīmuninotiādikaṃ āyasmato anulepadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle kulagehe nibbatto mahaddhano mahābhogo tassa bhagavato bodhirukkhassa vedikāvalayaṃ kāretvā sudhākammañca kāretvā vālukasantharaṇaṃ daddaḷhamānaṃ rajatavimānamiva kāresi. So tena puññena sukhappatto uppannuppannabhave rajatavimānarajatageharajatapāsādesu sukhamanubhavitvā imasmiṃ buddhuppāde kulagehe nibbatto viññutaṃ patvā satthari pasanno pabbajitvā vipassanamanuyutto nacirasseva arahā ahosi.
26. ஸோ அபரபா⁴கே³ ‘‘கிங் நு கோ² குஸலங் கத்வா மயா அயங் விஸேஸோ அதி⁴க³தோ’’தி புப்³பே³னிவாஸானுஸ்ஸதிஞாணேன படிபாடியா அனுஸ்ஸரித்வா புப்³பே³ கதகுஸலங் ஜானித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ அனோமத³ஸ்ஸீமுனினோதிஆதி³மாஹ. தத்த² அனோமங் அலாமகங் த³ஸ்ஸனங் த³ஸ்ஸனீயங் ஸரீரங் யஸ்ஸ ஸோ அனோமத³ஸ்ஸீ, த்³வத்திங்ஸமஹாபுரிஸலக்க²ணஅஸீதானுப்³யஞ்ஜனப்³யாமப்பபா⁴ஸமுஜ்ஜலவிராஜிதஸரீரத்தா ஸுந்த³ரத³ஸ்ஸனோதி அத்தோ². ஸுதா⁴ய பிண்ட³ங் த³த்வானாதி போ³தி⁴க⁴ரே வேதி³காவலயங் காரெத்வா ஸகலே போ³தி⁴க⁴ரே ஸுதா⁴லேபனங் கத்வாதி அத்தோ². பாணிகம்மங் அகாஸஹந்தி ஸாரகட்டே²ன ப²லகபாணியோ கத்வா தாஹி பாணீஹி மட்ட²கம்மங் அகாஸிந்தி அத்தோ². ஸேஸங் ஸுவிஞ்ஞெய்யமேவாதி.
26. So aparabhāge ‘‘kiṃ nu kho kusalaṃ katvā mayā ayaṃ viseso adhigato’’ti pubbenivāsānussatiñāṇena paṭipāṭiyā anussaritvā pubbe katakusalaṃ jānitvā somanassajāto pubbacaritāpadānaṃ pakāsento anomadassīmuninotiādimāha. Tattha anomaṃ alāmakaṃ dassanaṃ dassanīyaṃ sarīraṃ yassa so anomadassī, dvattiṃsamahāpurisalakkhaṇaasītānubyañjanabyāmappabhāsamujjalavirājitasarīrattā sundaradassanoti attho. Sudhāya piṇḍaṃ datvānāti bodhighare vedikāvalayaṃ kāretvā sakale bodhighare sudhālepanaṃ katvāti attho. Pāṇikammaṃ akāsahanti sārakaṭṭhena phalakapāṇiyo katvā tāhi pāṇīhi maṭṭhakammaṃ akāsinti attho. Sesaṃ suviññeyyamevāti.
அனுலேபதா³யகத்தே²ரஅபதா³னவண்ணனா ஸமத்தா.
Anulepadāyakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 6. அனுலேபதா³யகத்தே²ரஅபதா³னங் • 6. Anulepadāyakattheraapadānaṃ
