| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
13-18. அனுலோமபச்சனீயபட்டா²னவண்ணனா
13-18. Anulomapaccanīyapaṭṭhānavaṇṇanā
1. இதா³னி குஸலாதீ³ஸு த⁴ம்மேஸு பச்சயத⁴ம்மங் அப்படிக்கி²பித்வா பச்சயுப்பன்னஸ்ஸ குஸலாதி³பா⁴வபடிக்கே²பவஸேன த⁴ம்மானங் அனுலோமபச்சனீயதாய லத்³த⁴னாமங் அனுலோமபச்சனீயபட்டா²னங் த³ஸ்ஸேதுங் குஸலங் த⁴ம்மங் படிச்ச ந குஸலோ த⁴ம்மோ உப்பஜ்ஜதி ஹேதுபச்சயாதிஆதி³ ஆரத்³த⁴ங். தத்த² குஸலங் த⁴ம்மங் படிச்சாதி குஸலஸ்ஸ பச்சயபா⁴வங் அனுஜானாதி. ந குஸலோ த⁴ம்மோ உப்பஜ்ஜதீதி குஸலஸ்ஸேவ உப்பத்திங் வாரேதி. தஸ்மா ‘‘குஸலே க²ந்தே⁴ படிச்ச சித்தஸமுட்டா²னங் ரூப’’ந்திஆதி³னா நயேன விஸ்ஸஜ்ஜனங் த³ஸ்ஸிதங், தங் ஸப்³ப³ங் பாளிங் ஓலோகெத்வா ஸாது⁴கங் ஸல்லக்கே²தப்³ப³ங். யம்பி யேன ஸதி³ஸங், யஞ்ச யத்த² லப்³ப⁴தி, யோ ச யேஸங் விஸ்ஸஜ்ஜனானங் யேஸு பச்சயேஸு க³ணனபரிச்சே²தோ³, ஸோ ஸப்³போ³ பாளியங் த³ஸ்ஸிதோ, தஸ்மா பாளியேவ எத்த² அத்தோ². யதா² செத்த², ஏவங் து³கபட்டா²னாதீ³ஸுபீதி.
1. Idāni kusalādīsu dhammesu paccayadhammaṃ appaṭikkhipitvā paccayuppannassa kusalādibhāvapaṭikkhepavasena dhammānaṃ anulomapaccanīyatāya laddhanāmaṃ anulomapaccanīyapaṭṭhānaṃ dassetuṃ kusalaṃ dhammaṃ paṭicca na kusalo dhammo uppajjati hetupaccayātiādi āraddhaṃ. Tattha kusalaṃ dhammaṃ paṭiccāti kusalassa paccayabhāvaṃ anujānāti. Na kusalo dhammo uppajjatīti kusalasseva uppattiṃ vāreti. Tasmā ‘‘kusale khandhe paṭicca cittasamuṭṭhānaṃ rūpa’’ntiādinā nayena vissajjanaṃ dassitaṃ, taṃ sabbaṃ pāḷiṃ oloketvā sādhukaṃ sallakkhetabbaṃ. Yampi yena sadisaṃ, yañca yattha labbhati, yo ca yesaṃ vissajjanānaṃ yesu paccayesu gaṇanaparicchedo, so sabbo pāḷiyaṃ dassito, tasmā pāḷiyeva ettha attho. Yathā cettha, evaṃ dukapaṭṭhānādīsupīti.
எத்தாவதா –
Ettāvatā –
திகஞ்ச பட்டா²னவரங் து³குத்தமங்,
Tikañca paṭṭhānavaraṃ dukuttamaṃ,
து³கங் திகஞ்சேவ திகங் து³கஞ்ச;
Dukaṃ tikañceva tikaṃ dukañca;
திகங் திகஞ்சேவ து³கங் து³கஞ்ச,
Tikaṃ tikañceva dukaṃ dukañca,
ச² அனுலோமபச்சனீயம்ஹி நயா ஸுக³ம்பீ⁴ராதி. –
Cha anulomapaccanīyamhi nayā sugambhīrāti. –
அட்ட²கதா²யங் வுத்தகா³தா²ய தீ³பிதா த⁴ம்மானுலோமபச்சனீயபட்டா²னே ச² நயா நித்³தி³ட்டா² ஹொந்தி. பச்சயவஸேன பனெத்த² ஏகேகஸ்மிங் பட்டா²னே அனுலோமாத³யோ சத்தாரோ சத்தாரோ நயாதி ஏகேன பரியாயேன சதுவீஸதினயபடிமண்டி³தங் அனுலோமபச்சனீயபட்டா²னஞ்ஞேவ வேதி³தப்³ப³ங்.
Aṭṭhakathāyaṃ vuttagāthāya dīpitā dhammānulomapaccanīyapaṭṭhāne cha nayā niddiṭṭhā honti. Paccayavasena panettha ekekasmiṃ paṭṭhāne anulomādayo cattāro cattāro nayāti ekena pariyāyena catuvīsatinayapaṭimaṇḍitaṃ anulomapaccanīyapaṭṭhānaññeva veditabbaṃ.
அனுலோமபச்சனீயபட்டா²னவண்ணனா.
Anulomapaccanīyapaṭṭhānavaṇṇanā.
